yolkandme's Profile

見個個話似鮑師傅小貝就專登去買嚟試下點知裏面一啲醬都冇，乾爭爭咁，超失望果層蛋糕都係好乾只有外面啲肉鬆幾好食不過真係一啲都唔似鮑師傅小貝😒買咗四件$39，但食咗半舊就唔想食啦…Read More

雖然外面係鬧市，但入到餐廳感覺唔同晒，好靜好舒服，而且性價比高、係勁抵食，雖然係工廈少少偏僻，但如果開喺其他地方又點會係呢啲價錢😜脆辣炸雞日式定食 $⁵⁸有四件炸雞、蒟蒻、芋絲、獅子、玉子燒、沙律，份量好多好抵食，炸雞外皮好夠脆、亦醃得好夠味。紐西蘭西冷 $¹²⁵5成熟，口感有少少韌、肉質比較紮實有嚼頭，牛味重，配上燒蒜牛油味道更香。配菜有沙律同薯條。另外每個餐+$8就有梳打水，試晒兩杯，覺得士多啤梨梳打甜甜地好飲啲，薄荷檸檬梳打就好重薄荷味。法式班戟海鹽焦糖、香蕉班戟 $⁴⁸榛子朱古力、香蕉、士多啤梨班戟 $⁵⁸法式班戟比起一般食既厚班戟煙韌，似平時食芒果班戟果種皮，我更鍾意哩種煙韌口感。兩隻味我比較鍾意海鹽焦糖味，好特別，唔甜而且咸咸地，但配埋香蕉甜味又啱啱好！另外+$15就有雪糕，但食唔晒無叫到🙈要注意平日3點後先有班戟，星期六就全日供應。…Read More

紅磡哩間牛極開佐無耐，次次經過見到都想試，因為見個價錢唔貴，哩頭又無哩類石燒牛，今日終於嚟食😋入到去首先要係自助售票機點餐，再係自助區拎餐具、前菜等。白飯、湯和沙律都係任食。點佐個200g牛柳，點完餐好快就上菜，影下相唔小心燒到全熟🙈但肉質仲係好軟腍！只有少少筋位。幾重牛味，落少少鹽+黑椒就好好味😋好岩送飯，食佐兩碗🙈200g份量岩岩好夠食，幾啱細食嘅人食，大食嘅話仲可以揀300g/400g，而且價錢都好平民價，抵食！…Read More

🥞ꜰᴀʀᴍᴇʀ’ꜱ ᴅᴇʟɪɢʜᴛ $⁹⁶ʙᴏɴᴢᴀ嘅窩夫以天然法國酵母繁複製作，有別於市面上加入泡打粉嘅窩夫，質地比較扎實，亦比較健康。口感比較似麵包、偏乾，雖然哩個set係咸食，不過有會跟埋楓糖漿，不過如果哩種窩夫係配甜食應該會夾啲。炒蛋多到二人份量咁🤣，按自己需要落鹽或黑椒。煙肉偏咸、炸得夠脆。🍝ꜱᴘᴀɢʜᴇᴛᴛɪ ᴡɪᴛʜ ᴍᴇᴀᴛʙᴀʟʟꜱ $¹⁵⁰肉丸唔會太實，好juicy。意粉醬汁好足料充滿牛肉碎，茄味濃。🦑ᴄᴀʟᴀᴍᴀʀɪ $⁸⁸魷魚好厚肉，炸粉好薄、唔會太脆，似英式炸魚柳果種炸法，好特別，加少量檸檬汁同蛋黃醬味道好夾。 …Read More

聽到銅鑼灣有間勁抵食嘅烤魚！即刻過尼試下！平日6點後食都只係$128/位免加一，假日都係$148，哩啲價錢仲有邊到會搵到😱可以揀烤魚/雞煲/藥膳雞煲/豬肚雞煲，仲包飲品同火鍋配料😱真心超抵食！限時90分鐘，但我食佐60分鐘已經食完好飽🤣我揀佐酸菜烤魚，魚炸過再放酸菜煮，魚皮少少脆，啖啖肉、都算滑，份量好足。食完魚再加湯落火鍋配料，食佐好多魷魚同丸類，落生菜/娃娃菜就太酸了。火鍋配料有各類肉、丸、腸、蔬菜、菇類、粉麵、蝦等等熟食好似每日唔同，都係任添，今次係雞翼尖同青瓜😋另叫既小食都唔貴，大概$45-$60，見好多枱都有叫，賣相吸引，但太飽食唔落了🙈。如果想再食好啲，可以點新鮮桂花魚，按時價，下次再嚟試下😁最重要係座位闊落服務又好，抵讚！好彩早嚟，走果時已經坐滿人lu…Read More

叫佐中間價錢嘅SRF極黑牛吃到飽整體唔錯幾抵食，不過除佐牛肩胛肉同牛肋條其他牛部位都有啲韌，比較鍾意佢啲熟食。值得推介係豬腸、滷水鴨舌好入味，花枝、章魚卷、鹽酥雞都好食。桂花烏龍茶好飲。服務好好同好快手，每次食完轉頭就有人收碟。…Read More

次次經過都勁多人排隊😵加上隔離係串燒舖，排隊果陣真係超熱🥵沙律淨芒果班戟好多人推介，確實唔錯，雖然拎到番屋企已經凍晒。班戟厚實，芒果超多，加埋沙律醬酸酸甜甜。 不過如果唔係得閒同咁啱經過，我唔會特別過嚟買😛因為實在等得太耐🙈…Read More

次次經過都好多人，今日見少佐人排隊就試下。叫佐燒牛肉丼配唐揚炸雞、餃子，牛肉質素幾好，脂肪唔多。日本米配埋咸咸甜甜嘅醬好夠味，覺得唔夠隔離仲有醬比你落，不過唔建議落太多，朋友落勁多搞到好咸。因為佢唔似某間牛肉飯落埋牛肉汁搞到變湯飯咁先有味🤣炸雞好脆好食，餃子就好一般見網上好多差評😳尤其係服務方面，可能新開果陣服務員未夠純熟又忙到踢晒腳，但我食果陣唔多人，上菜好快👍🏻所以真係要揀岩時間食🤣宜加無咩人排隊應該之後質素會好番。…Read More

次次經過都好多人，今日見少佐人排隊就試下。叫佐燒牛肉丼配唐揚炸雞、餃子，牛肉質素幾好，脂肪唔多。日本米配埋咸咸甜甜嘅醬好夠味，覺得唔夠隔離仲有醬比你落，不過唔建議落太多，朋友落勁多搞到好咸。因為佢唔似某間牛肉飯落埋牛肉汁搞到變湯飯咁先有味🤣炸雞好脆好食，餃子就好一般見網上好多差評😳尤其係服務方面，可能新開果陣服務員未夠純熟又忙到踢晒腳，但我食果陣唔多人，上菜好快👍🏻所以真係要揀岩時間食🤣宜加少佐人食應該之後質素都會好番…Read More

宜加好多去開嘅茶樓都無以前咁好食，所以都好耐無去茶樓，突然好想食港式點心。經過哩間點心舖見有幾個人排緊隊，又好似幾受歡迎咁喎。舖面睇落都幾懷舊幾有風味，乾淨企理，有啲點心仲好特別。今次點佐七色燒賣、蟹籽燒賣、皮薄蝦餃、香煎蘿蔔糕、鮮蝦脆春卷、四寶滑雞扎、芒果布甸。🌈七色燒賣包括粟米、芫荽、菠菜、芥辣、麻辣、黑松露、蟹籽，其實點佐哩個唔洗再另外叫蟹籽燒賣😂本身唔鍾意食芫荽，但哩個芫荽唔多，都接受到。比較特別係麻辣味同黑松露味，幾鍾意食，如果七款燒賣可以自選就好🤣🐔雞扎無芋頭非常好，因為我好唔鍾意食芋頭🤣🦐食點心必叫嘅蝦餃都幾足料。🍤鮮蝦脆春卷本身擔心拎到番去會唔脆，點知半個鐘都仲脆，不過餡料就好少。🥕蘿蔔糕就普普通通。🥭芒果布甸係我鍾意食嘅奶味偏重嘅布甸❤️覺得價錢相宜，食物質素都算唔錯，有啲點心賣晒要即蒸，所以等得稍為耐少少，但會再幫襯👍🏻…Read More

見咁多人食，次次想食都排勁耐隊就放棄。今次外賣買返去食都要等9個字🥲等得越耐期待就越大，所以食落覺得一般就有啲失望。不過鰻魚、帶子、三文魚都大舊，係抵食，所以都會再嚟食嘅…Read More

「壹點甜粵點專門店」雖然簡陋吵雜，但食物有茶樓水準。🦐水晶蝦餃皇 $²⁷皮薄彈牙，餡靚多汁，推薦。🦐原隻海蝦腸 $²³皮厚，彈牙黏口，每條腸粉兩隻蝦，算大隻。🖕🏾醬皇蒸鳳爪 $²¹醬汁不算稠，味道不夠濃。🦐蟹籽鮮蝦燒賣 $²⁶豬肉偏多，有點膩，不是我的喜好。…Read More

「小松鼠」店面裝修唔似西式餐廳，但食物有質素👍🏻🍔手打安格斯牛肉漢堡 $⁷⁸牛肉好厚又juicy，但煙肉好咸，覺得唔要煙肉都得，太多肉同芝士感覺好膩，不過有沙律菜平衡番。$78有埋薯條飲品沙律，抵食！…Read More

「ᴀᴍɪᴄᴏ 𝟷𝟾𝟿𝟶」第二次食了，友人生日慶祝又嚟咗ᴀᴍɪᴄᴏ，訂座時註明會送蛋糕🍰仲畫佐龍貓好有心思☺️。覺得哩間抵食又好食，仲可以用上次送嘅$50券，然後埋單又比張$50券(1個月內使用)，即是叫我每個月嚟食一次嗎🤣？🥩美國安格斯肉眼 $¹⁸⁸同上次一樣order五成熟肉眼，但今次稍為過熟，而牛味依然濃郁。🍕千島海鮮薄餅 $¹²⁸薄餅好多青口，因為本身唔鍾意食青口，覺得有少少腥🤢，腥味蓋過千島醬味，食佐半塊就無食。sorry浪費佐😞。🥠鵝肝多士$⁶⁸鵝肝好大舊，但味道一般。🍹Oreo曲奇奶昔沙冰$⁴³冰冰涼涼好正，Oreo味濃，但芒果乳酪奶昔沙冰更正。…Read More

以前食過好多次，每次都係叫麻辣/酸辣湯底、豬腸、轉上海麵、走芽菜，因為芽菜真係會比好多，個人覺得影響口感。有時湯底會唔夠味，不過通常都好濃夠味。環境衛生係一般，好多時滿座要係出面自己開枱，無冷氣捱風扇食辣野滴晒汗。服務員都係大剌剌，無服務可言，又唔係高級餐廳，不過都未到好差。以前住屯門每次諗唔到食咩都好自然行咗過去食。而家住紅磡果邊果間真係麻麻，無再食過了。難得返入屯門就再食佐一次，維持水準。…Read More