Little Box Dining (Closed)

雖然外面係鬧市，但入到餐廳感覺唔同晒，好靜好舒服，而且性價比高、係勁抵食，雖然係工廈少少偏僻，但如果開喺其他地方又點會係呢啲價錢😜脆辣炸雞日式定食 $⁵⁸有四件炸雞、蒟蒻、芋絲、獅子、玉子燒、沙律，份量好多好抵食，炸雞外皮好夠脆、亦醃得好夠味。紐西蘭西冷 $¹²⁵5成熟，口感有少少韌、肉質比較紮實有嚼頭，牛味重，配上燒蒜牛油味道更香。配菜有沙律同薯條。另外每個餐+$8就有梳打水，試晒兩杯，覺得士多啤梨梳打甜甜地好飲啲，薄荷檸檬梳打就好重薄荷味。法式班戟海鹽焦糖、香蕉班戟 $⁴⁸榛子朱古力、香蕉、士多啤梨班戟 $⁵⁸法式班戟比起一般食既厚班戟煙韌，似平時食芒果班戟果種皮，我更鍾意哩種煙韌口感。兩隻味我比較鍾意海鹽焦糖味，好特別，唔甜而且咸咸地，但配埋香蕉甜味又啱啱好！另外+$15就有雪糕，但食唔晒無叫到🙈要注意平日3點後先有班戟，星期六就全日供應。