biscuit_nic的個人專頁

母親節一早預訂左綠茶. 所以唔駛等位就能入場. 限時90分鐘.由於得四個人. 所以叫的餸菜唔算多. 叫左個人人讚好的'龍井烤雞'. 首先隻雞的份量係小型的. 四人就剛剛好.個皮都係脆的. 肉都嫩, 呢個真係必食之選.然後綠茶控, 點會唔叫'江南綠茶餅"呢. 個餅黎到新鮮熱辣. 一口咬落去重有煙出.個皮脆但就唔多覺有綠茶味. 可能係用中國式的綠茶. 裡面係有芋泥. 整體呢個都好好味.  而且價錢都好抵. 然後香港區有呢個限期菜. 東坡肉. 四舊東坡肉. 剛剛夠四份人. 重伴有小小的飯. 不過真係唔夠的. 所以我地有額外叫白飯($15).個東坡肉係有層次有肥有瘦. 食落去唔韌. 愛吃東坡肉的應該都喜歡呢種口感. 可惜雖然有醬料但仍然蓋不過一陣雪的肉味. "肉味"都幾燶. 呢個可能未必個個都會嚐得到. 所以呢個餸還是可以一試.跟住到砂鍋西施豆腐, 其實豆腐都無咩可以挑剔. 裡面除左豆腐外, 重有青豆. 蝦仁同埋好似有d肉碎. 味道就偏淡. 而且個d肉碎係咬唔入.  有少少韌. 加上呢個餸都唔平$98 就感覺唔多值. 最後叫左個菜心. 呢個菜心完全唔掂. 首先唔知係個日人太多, 廚房好忙定點. 無論係個菜心或者係d蒜頭都係硬到咬唔入. d菜好似炒兩下就上碟. 老人家真係望住佢都唔駛食.  我地完全放棄. btw, 是日都幾多人. 加上剛開門. 店員完全忙過不停,  但你無水或者見到都有其他枱要求幫忙拍照佢地都會一一幫忙. 係度送個加油比佢地. …查看更多

今日同事帶大家黎左616食火鍋. 呢度唔多人. 雖然話有限時, 但基本上都唔會點趕你走. 只有一個阿姐. 由門口侍應到拎餐, 到加湯. 到埋單都係one man band.幸好只有兩枱. 所以服務還算ok.講返食物先. 坐底二人餐 $156. 加野飲就每位加$5 . 即二人$166佢會有牛, 雞. 豬. 任選一款. 牛有兩款比你選擇. 鍋的湯底有清湯亦都有辣的選擇. 包括沙嗲等.跟住每人會有一籃菜. 裡面包左菜, 金菇, 一條芝士腸同埋兩粒貢丸.最後係飯. 烏冬, 公仔麵任選一份. 唔夠再散叫其他配料, lunch重有八折. 若多過兩個人. 另外再追加每份$58 + 5 (飲品)講下d牛先, (因為我地無叫到豬同雞肉), 叫左兩款牛. 但牛駝峰係比另一個安格斯牛好味. 而且亦都比較林.安格斯的牛羶味比較濃.  所以個人比較推"牛駝峰". 另外自選配料會有更多牛不同的部份. 佢有張紙話比你知要淥幾多秒.醬料係自助式係出面自己拎. 有個秘制牛肉汁. 試左都幾濃味. 其實除非食好重口味. 咪一般的醬油已經好足夠.飲品方面. 除左汽水外, 重可以叫茶. 或者酸梅汁等. 茶的份量都幾大枝.  桂花烏龍有淡淡的桂花味.  唔甜飲左都無咩負擔.整體呢度環境寬敞, 無咩人催你交枱.  食得自在. 食物都唔差. lunch可以再encore.最後七人叫左兩個二人餐, 其他係追加. 再加多三碟牛. 食左六百幾蚊, 每人都唔駛一百蚊. …查看更多

公司搬左去將軍澳. 我地已經急不及待咁睇下附近有咩好食. 由於附近都係商場多, 所以食黎食去都係個d連鎖店. 直到搵到呢個商場. 裡面都有唔少食店, 好多都重係小店黎.今日食呢間係Red Chicken. 佢原來都有三間分店. 主力係食炸雞. 見到其他枱都係食炸雞. 重食到津津有味. 超吸引.但Lunch要一人食碟炸雞又好鬼熱氣. 所以叫左三個lunch set.海鮮拉麵$68, 可以選小辣. 無辣. 或者正常. 今次選左無辣. 海鮮好豐富. d蝦超大隻. 重有青口. 不過有隻重未開口. 食唔到. 由於係無辣. 所以同事話有d淡味. 若果食到小辣的, 可以食小辣. 咁會無咁淡. 但唔好睇少碗拉麵. 相片好細但黎到其實係超大碗. 五花腩拉麵 $63 呢碗要左小辣. 同事話大約等於某店的十小辣. 五花腩都好林. 食落啖啖肉. 不過佢話若果要返normal 的話應該都幾辣. 韓式炒牛肉蓋飯. 睇相好細鍋. 點知黎到. 嚇左一跳. 上面除左有牛肉外, 重有飯, 大量紫菜( 唔食的話呢個係可以走紫菜). 旁邊重有沙律菜加埋隻蛋. 份量驚人. 女士們大可以要小飯, 雖然佢個apps無得選. 咪食完真係超飽. 味道個牛好入味. 重有好多汁係度.  好夠熱. 每個午餐都包一罐飲品. 全部黎自韓國. 個甜米露平日比較少見. 飲落甜甜地. 重有d 類似浸林左的米粒係底.  除此之外, 佢地重有自家制的醃蘿蔔. 酸酸甜甜. 呢個重可以refill.最抵係重唔駛加一. 真係超飽足..…查看更多

是日路過IFC. 望到Bacha Coffee的門面直接被吸左入去.朋友本身都係咖啡愛好者. 一入到去就被一系列的咖啡所吸引. 佢地將每款咖啡放一個sample出黎比你聞.  可以比你直接選取自己所愛. 原來重可以mix 不同味道黎賣. 真係超貼心.除左咖啡外, 門口一系列的蛋糕同 croissant亦都十分吸引, 完全係眼花瞭亂. 經店員的介紹後. 同朋友一齊選左Lychees, Raspberry and Rose of Kelaa MfGouna croissant,croissant本身唔算大件. $23覺得有點貴, 但一咬落去就覺得其實都係值的. 因為滿滿的Raspberry醬係個croissant裡面. Raspberry的味道好濃. 好香. 除此之外. 重有買到Marbled 100% Arabica coffee cake,呢個蛋糕同樣係好好食. 配埋杯咖啡一齊就更加係絕配. 睇見朋友不段話好食. 攪到我都心思思第日買件試下.講返杯咖啡先. 首先若果你真係唔知邊款咖啡適合自己. 佢地係有駐場的咖啡大師.佢會問你鐘意咩口味的, 好似鐘唔鐘意酸味之類. 再為你挑選一款適合你口味的咖啡.選好後就去比錢, 等兩三分鐘. 咖啡就完成. 佢的packing真係超打卡able.除左杯咖啡外, 重有一盒cream同埋一枝糖棒, 呢枝棒棒單賣都唔平. 以$50一杯咖啡真係覺得好值得.打開左. 咖啡雖然就只有半杯. 但係個cream係超級滑. 睇落似雪糕但一放左入去杯咖啡裡面. 嚐一口就可以感受到佢有幾綿. 至於枝咖啡糖, 可以跟據個人的喜好而用幾多, 餘下的重可以當糖食... 同連鎖式的咖啡店相比. 呢$50真係超值…查看更多

期待以久終於黎到地獄廚神開的店, 踏進門口, 已感覺到高貴得黎又帶點chill. Bar枱就係大門不遠位置. 旁邊係一張長型的矮枱同沙發. 富有英倫風味.今次三個人叫左兩個主菜加一個lunch set (3 courses Mop 328).先黎一個welcome bread, 一個可以分到四份. 唔夠可以添加. 麵包軟熟但一定要落佢地特制的牛油, 因為係有蒜蓉味. 落左牛油個包即時味道提昇. 伯克夏豬肉醬Berkshire Pork Pate 呢個係lunch set的前菜. 上菜時, 店員有介紹兩款醬料. 烤過的奶油面包放底, 上面放上豬肉醬, 最後就點佢附上的兩個醬, 雖然其中一個醬係"梨蔥酸辣醬" 但一d都感覺唔到辣味. 另一個醬係块根芹蛋黃醬, 試過就咁食豬肉醬. 味道係唔差的, 但配埋奶油面包同兩個醬. 真係超好味. 個兩個醬料簡直係為豬肉醬錦上天花. 呢個前菜好推介.威靈頓牛排 Beef Wellington $598我地係早兩星期訂位. 然後問店家需唔需要訂威靈頓牛排, 佢地話係需要, 所以就留左一份. 一上菜, 店員同樣有介紹呢個菜的每一層係用左咩的用料, 牛排係用左澳洲的M5和牛. 另外外層的脆皮, 中間重有一層黑松露蘑菇泥, 加一個紅酒汁.牛的熟成度我地由店家發辨, 黎到時牛的顏色鮮嫩, 食落口唔駛咬好耐已經溶係口. 而黑松露的味道都好濃, 不過加埋個紅酒汁就令到味道更豐富.倫敦漢堡 The London Burger $258漢堡包的份量同樣係唔細, 裡面的牛柳目測至少有1.5cm厚. 可以選擇要幾成熟, 我地同樣由店家發辨. 黎到時配有薯條, 漢堡裡面有芝士, 洋蔥同埋蕃茄. 店家會好主動幫你切開個burger, 若果好似我地咁, 全部菜一切上, 可能佢地唔想令到個burger切開會涼左, 有另外比手套我地之後切開食. 十分貼心.嫩烤雞胸肉 Roasted Chicken Breast呢個係lunch set的主菜. 配有烤蘑菇, 羽衣甘藍及百里香汁, 相對於兩個主菜. 呢個就失色左少少, 雞有少少嚡. 但絕對係可以接受的程度.太妃糖布丁 Sticky Toffee Pudding 最後lunch set的甜品, 係太妃糖布丁, 我地無睇個英文, 一食就taste到係拖肥糖. 配有Creme fraiche, 同雲呢拿雪糕. 一聽到toffee可能大家會覺得好甜, 但又唔係喎. 味道係剛剛好, 有拖肥味之餘又唔會好甜. 至於布丁的texture似係蛋糕咁. 好軟熟. 呢個都係好推介. 餐茶我地叫左凍咖啡, 而另外再加一個伯爵茶. 估唔到係用壺上, 飲完重可以添加熱水. 及附上牛油餅乾一塊. 茶都係好香濃. 差點要問店家這是那牌子的伯爵茶.(笑)最後要讚係店員的服務態度真係好好. 以咁的價錢有咁的美食, 環境及服務真係無滿份都超過九十分以上.  …查看更多

平日走到官也街就算閒日都人山人海, 度度排長龍. 今日走過官也街, 居然見到晃記無人排, 所以即刻走入去買左三樣野.1. 杏仁餅 2. 雞仔餅 3. 肉切酥.杏仁餅比較薄. 裡面有少許杏仁. 咬落都算鬆軟但就感覺好以料唔多.至於雞仔餅, 由於童年回憶都忘得一乾二淨. 所以抱住試新野的感覺. 咬落去好煙韌, 韌到好似要扯開咁款. 而且可能我唔慣隻味, 覺得有少少'豬屎味", 其實雞仔餅係咪應該係咁的味?之前聽人講話佢地好出名係肉切酥, 所以抱住好期待的心情去食. 咬落的確係幾脆. 南乳未唔算好出. 無之前食過另一間咁咸個味咁濃. 呢個係淡淡的南乳味. 三個之中個人比較鐘意肉切酥. 好坦白要排長龍買, 個人未必會排, 但唔駛排係可以一試無防. 我每樣要左一包, 佢會比個盒你, 盒係唔駛錢, 膠袋就要加一蚊. …查看更多

今日係黎試新cafe, 開左一段時間. 初開業時人唔多唔黎試, 家下已經到左lunch要等位先黎試.等左無耐. 入座, 雖然三人座真係有少少迫. 但枱面還是夠闊可以放三份餐.Menu好多選擇. 但點完餐後發現選擇原來唔多. 因為唔食辣. 所以辣的飛起. 是日無包. 所以全部漢堡無得選. 想食鰻魚都無. 最後要左個黑松露雞肉忌廉野菌炒意粉. 唔好睇佢好似份量好細. 原來都好夠飽, 黑松露味好出, 重帶點點黑椒味. 不過唔算好辣. 可以接受. 菇同雞肉份量都好足夠. 意粉煮得剛剛好. 咖哩豚肉蛋包飯咖哩帶點點辣. 店員好細心, 當我地點呢個時有講豚肉係吉列豬扒. 黎到後個豬扒都幾厚切. 而且好味道. 蛋包飯的飯都唔係白飯. 好似有穀物係裡面. 好健康. 份量就超級夠. 男士應該夠飽, 女士應該會覺得好大份.All Day English Breakfast份量都係好足夠. 全部都夠熱新鮮. 煙肉份量有點多帶咸. 其他的味道無問題.除左主食外, 原來lunch都係包飲品. 最抵飲係伯爵茶. 因為係成壺上, 一壺沖到兩大杯. 重點係味道唔差. 茶味好香. 呢個好推介.最後若like & share店家的社交網. 重可以得到雪糕一杯, 雪糕係甜甜的云呢拿味. …查看更多

自助餐天花板呢個名實在令到平日唔多食自助餐的我都被吸引到想去開下眼界.整個場地果然是很大.  食品都由門口排到尾. 一入門口先見到少量"冷凍海鮮". 包括小龍蝦, 蝦. 青口等. 然後就有魚生bar. 不過每份的份量也太少, 排完一份只有三舊三文魚. 附近就到台灣食品, 有臭豆腐, 麵線等. 不過坐係附近. 就一直聞到臭豆腐的味道. (我朋友之前就係附近). 旁邊有類似車仔麵即叫即整的檔口. 佢的菜淥得幾唔錯. 再前就到達點心的位置, 可惜感覺有點像即食點心. 然後就到燒味部. 燒味有叉燒, 燒肉及油雞. 雞係幾滑的. 但叉燒跟燒肉就好一般. 湯有中湯或者西湯, 但呢個係全場幾推介. 再走己經到熟食, 但熟食部份選擇唔多, 而且由於本人唔多食辣. 辣食都幾多, 係個魚柳幾滑. 飯佢只有炒飯. 沒有白飯. 但白粥就有. 再走就到即切燒羊. 我朋友早兩星期去. 係燒牛, 佢勁推我食話好食, 點知我去到時變左燒羊. 雖然我無食到. 但親戚話好食而且無羊騷味. 最後就到生果部份. 生果食左幾款. 西瓜居然係完全無味, 反而蜜瓜, 火龍果都好食. 然後中間部份有麵包, 家人都說麵包款式唔多. 反而甜品就好多. 尤其係十二點先出場的梳乎厘pancake. 早拎還好. 但到一點後已經開始排長龍. 睇見個阿姨係即場整. 所以每次只有十零個出品. 其實唔加其他topping都已經有甜品.飲品有茶, 檸水, 奶茶及三款果汁. 不過一般的茶都係自己拎茶包再沖. 佢係一早沖好晒. 所以十分之濃. 要再自己溝水中和返. 呢樣真係幾唔掂.由於主食我的興趣都唔大. 所以試左好多甜品. 梳乎厘係值得排隊, 重可以加好多topping 好似cream, 雪糕等. 葡撻仔係唔食都唔會有咩損失. 芝麻糊好甜, 綠豆沙係ok. 其他的甜品都唔係每款好食. 有個好似綠茶的甜品就好一般. 重有d雞蛋仔整好左好耐, 都無咩人拎黎食, 所以都係放棄左...紅豆糕好一般. 反而個朱古力甜品幾好味. 木槺布甸都係一般般焦糖雪糕好甜. 負責雪糕的員工好有心機. 整體, 食品種類係可以. 但唔係傳說中的天花板. 食物亦唔算係好高質. 加上個場好大. 人多時真係嘈過酒樓. 以三百幾四百蚊的價錢. 其實重有其他選擇. 唔駛一定黎呢度.  …查看更多

好少係QRE lunch, 因為感覺這裡的lunch都比較貴. 今日黎左呢間居然係$100樓下.香煎雞扒拼牛仔腸飯(秘製醬汁) $72個秘製醬汁係甜豉油. 不過本身的雞扒同埋牛仔腸已經好夠味. 所以都唔駛特別加醬汁. 就連配菜都已經調教好味道. 咸淡適中, 同埋煮到好夠林但又唔會林到爛. 重有少少咬口. 個配菜好味.  秘製西班牙黑毛豬腩肉叉燒飯拼溏心蛋 $90個醬都同上面個秘製醬汁一樣. 係甜甜地的豉油. 本身個黑毛豬肉叉燒雖然有少少厚切. 但一d都唔韌, 好夠lam. 味道同樣都好入味. 加埋成隻溏心蛋. 好夠飽.泰式豬頸肉拼泡菜拉麵 $72個泡菜居然係另上. 唔食得辣的朋友變相都可以叫. 只要唔落泡菜就可以. 同事話個豬頸肉都唔韌, 好味. 呢度叫完餐都需要少少時間等候. 但黎到的食品都唔差.  飲品方便, 冷熱都唔駛加錢. 個蜂蜜綠茶落足料. 甜得黎都重飲到個綠茶味金拮檸檬就不過不失. 夠味. 有點似汽水的感覺個珍珠奶茶就淡味左少少. 整體都係合格.雖然有人話佢似茶餐廳. 不過呢度環境唔差. 枱同枱之間都有少少距離. 無咩壓迫感. 比茶餐廳黎講舒服好多. 再加上價錢係可接受程度. 絕對有下次.…查看更多

跟未搬進利東街一樣. 午飯時間呢間都必定排長龍. 不過現在是叫號比排隊好一點. 等左差不多半個鐘. 因為前面五個號都消失所以先可以快點入座. 如果唔係估計等候時間可能接近45~60分鐘. 今次大家都叫D跟之前唔同的食品. 佢叫麵或者飯都會包一杯冬瓜茶或者烏龍茶. 其他特飲就要加$18蕃茄湯牛肉手工粗麵 $80睇個樣同普通紅燒牛肉麵的湯底差不多, 幸好蕃茄湯係唔辣同埋有少少蕃茄.麵今次唔要幼麵要左手工粗麵, 點知黎到係成餅麵痴埋一齊. 完全唔可以一條條咁食.而係一餅餅咁咬入口. 就算點FING都係FING唔開. 至於個牛. 有三四塊. 其中一塊唔知咩事. 韌到點都咬唔開. 完全要投降. 另外的入口好林. 個一舊"異品"唔知係邊度走出黎. 　本身個麵配有油炸鬼, 呢個好脆好味. 同埋醃製過的蘿蔔, 蘿蔔好入味. 帶有一丁點辣. 整體係好爽口. 紅燒半筋半肉湯飯 $82呢個就咁望以為係麵, 唔係店員話呢個係飯都唔知. 飯的份量都幾多. 飯一粒粒好圓潤同平日食的有少少唔同。 由於湯都係紅燒牛肉麵的湯底, 所以帶點辣. 除左牛之外重有半隻蛋. 小食就有醃製蘿蔔. 椒鹽豬排金腿雞湯麵 $74同事要左幼麵, 黎到時個麵都係痴埋一齊. 但就比手工粗麵好少少. 個豬扒就好似台灣個隻鹽酥雞的味道. 算係唔錯. 不過呢個麵都只有一個小食. 飲品方面. 烏龍茶係無糖. 飲得出係有茶味. 至於冬瓜茶就比較甜. 另一個同事因為唔飲得茶類所以加左$18要左杯香芋拿鐵. 佢話好香香芋味. 唔係好甜, 口感好滑. 呢個幾推介.　…查看更多

是日在氹仔有事做. 攪掂已經係下午茶時間.  入左星皓商場的呢間50 /50 小廚房.店鋪唔算好大. 好彩係閒日. 所以都有位坐. 但坐落一陣好快就已經坐滿人. 睇左一輪menu, 最後五個人都要埋同款食品.牛油果煙三文魚牛角窩夫. $78個窩夫係用牛角包做成. 牛油果份量好大, 接近半個果. 上面重有火箭菜. (不過拍攝時我已經食左. )煙三文魚亦都好新鮮. 整個擺盤都好有心思.  而且呢個窩夫食落滿滿優質的蛋白質同脂肪. 另一個係法式巴馬火腿牛角窩夫 $68同樣都配有火箭菜. 火腿份量都好足夠.  呢度的食品都係即叫即整, 所以需要耐心等候一下.柚子茶. 甜甜的茶味裡面重有柚子食.好驚喜估唔到店家咁有心. 連一杯熱朱古力都有拉花.店鋪雖然小. 但無量係食品的質素, 擺盤及飲品都好用心. 值得推介. …查看更多

坐左三四個鐘車, 終於到左澳門.  check in 放好行李先去醫肚.一直都以為係酒店裡面的餐廳一定係好貴, 點知今日去呢間超出我想像.位於新葡京內的日夜咖啡室. 原來午飯時間都好多係上班族黎lunch.打開餐牌, 有中式有西式, 重有沙律等. 選擇好多.就咁睇餐牌重以為有些中餐只係餸, 原來餸都會附上白飯. 變左四個人食就變左叫多左.我個人好推介呢個蟹肉籠仔飯(正確的名已經唔係好記徥). 但呢個籠仔飯跟本係兩三人份量. 份量十分. 用料都十足, 最驚喜係真係蟹肉. 重要有唔少. 味道咸甜適中. 好岩胃口. 荷葉蒸蟲草花伴瑤柱肉絲娃娃菜 $90諗住叫個菜食. 估唔到呢個係有附送一碗白飯. 見到真係嚇親. 娃娃菜煮到夠林. 而肉絲亦都係送飯小偷.  呢個鯪魚頭煲都係有附送白飯. 豆腐好入味. 鯪魚球亦都好爽口. 加上湯底都好清甜. 重有裡面的菜係都吸晒d湯的甜味. 比上面的"荷葉蒸蟲草花伴瑤柱肉絲娃娃菜"重好味. 羅馬白汁蘑菇火腿意大利粉 $110因為唔知份量咁大, 呢個意粉基本上黎到都唔駛點食. 相比起上面的中式菜式, 呢個意粉就被比下去. …查看更多

黎到澳門, 太多必食list. 係我住的酒店附近已經有幾家. 第一日到埗食完午飯後就開始去尋找美味的下午茶.第一站先去買雞蛋仔, 但要等半個鐘. 等候時發現第二站Le Pic原來都好近. 所以即刻走埋黎,  不過一入到門口. 望下個西餅架. 居然見唔到有蝸牛牛角包. (下午三點後先有架) 幸好問店員. 原來係有架. 不過就唔係我想像中, 即比錢即可以拎走. 原來係比左錢都需要等十零分鐘.佢會問你要咩醬. 我選左開心菓醬. 坐係店鋪裡面. 見到其他客人點的午餐都好吸引. 日後有機會真係要黎試埋其他食品.等左十多分鐘. 終於弄好. 見到店員好細心放牛角包入盒裡面. 拿邊重會貼上貼紙. 絕不馬虎.拿回幾分鐘路程的酒店. 呢個蝸牛牛角包唔係熱食. 切開黎食十分之脆. 不但面層見到有開心菓醬. 原來成個牛角包裡面都充滿開心菓醬.終於明白做咩要等咁耐. 加上冰冰凍凍好有食甜品的感覺. 完全唔覺得heavy. 個開心菓醬唔太甜. 味道淡淡. 一d都唔"漏". …查看更多

一年一度的品穀抺茶祭又來啦, 之前錯過晒, 今年不能再錯過, 因為下年已經唔係灣仔上班了.一點開賣. 未夠一點到達. 排隊隊伍已經排到對面個公園.  見到員工好努力維持秩序, 還拎埋抺茶比排前面的朋友享用. 但我地排得後的只有排隊.排左個零鐘, 終於輪到自己. 因為產品主張即日食. 所以只買左兩款.和心抹茶特濃芝士蛋糕 $40呢一款芝士蛋糕係今年新推出, 成set 除左芝士蛋糕外, 重付上熊本大阿蘇特濃牛乳奶蓋及特濃和心抺茶醬. 對於芝士及抺茶控呢個蛋糕絕對不能錯過. 芝士蛋糕咬落好有實感. 入口除左有芝士味外重有抺茶味. 整體帶點甜易入口. 若果嫌抺茶味唔夠濃可以點付上的抺茶醬. 令到整個蛋糕的抺茶味更加濃郁. 若想口感更濃厚順滑可以點上特濃牛乳奶蓋. 再加埋個餅底. 呢個蛋糕絕對唔係一陣風. 呢個價錢絕對係值得一試.和心抺茶芝士白玉撻 $30 (兩件$56)呢個同樣用上和心抺茶但同上面的芝士蛋糕相比. 呢個味道更加濃郁. 尤撻皮開始到撻上的抺茶都能感受到抺茶的甘苦味. 喜歡甘甘苦苦抺茶味的呢個撻都係不錯之選. 白玉本身係無咩味. 若整個撻都是滿滿的抺茶可能會顯得好苦澀. 加了一層白玉就可以balance 返佢的苦味. 令到個撻無咁苦同埋口感更豐富. …查看更多

路過六國見到呢度的lunch 半自助餐有買三送一. 剛好我地又有八個人. 可以慳返兩位. 所以一早book 定十一月尾黎試下.呢度的主食都有幾多選擇. 除左主菜外, 自助沙律吧款式唔算好多. 但都夠飽.湯有中湯同埋西湯選擇, 是日中湯係西洋菜湯, 都幾多西洋菜. 而西湯係西蘭花湯. 兩款湯都試過. 都好好味. 而且重keep到個溫度好夠熱. 生果就有橙, 火龍果同波蘿.而沙律就有紅菜頭. 鷹咀豆, 蕃茄仔及沙律菜等. 當然重有三款不同的ham. 就連麵包都有三四款可供選擇.  主菜同事們多食西冷. 可以自選要幾多成熟. 眼見無論四成五成什至七成熟個面都係熟的, 但裡面就有不同的分別. 身邊同事選擇七成熟. 都唔太韌. 旁邊重有其他的配菜, 好似焗薯同一隻唔多辣的辣椒.另一位同事見難得有鴕鳥扒食, 就叫左黎試下. 睇落去賣相好似黑黑實實. 問左同事話食落去一d都唔韌, 都幾易入口同幾好味. 配菜就同西冷的一樣.煎三文魚柳配香茅忌廉汁本人食三文魚. 好想講個魚好滑, 本身都已經好夠味. 所以旁邊的忌廉汁或者檸檬都無需要點或者落.三文魚的配菜同上面兩款有少少唔同, 佢係用薯蓉而唔係焗薯. 薯蓉有少少黑松露味. 好creamy. 味道不錯.最後連埋餐茶. 都食得好夠飽.…查看更多