Round-The-Clock Coffee Shop

坐左三四個鐘車, 終於到左澳門.  check in 放好行李先去醫肚.
一直都以為係酒店裡面的餐廳一定係好貴, 點知今日去呢間超出我想像.
位於新葡京內的日夜咖啡室. 原來午飯時間都好多係上班族黎lunch.
打開餐牌, 有中式有西式, 重有沙律等. 選擇好多.
就咁睇餐牌重以為有些中餐只係餸, 原來餸都會附上白飯. 
變左四個人食就變左叫多左.

蟹肉籠仔飯

我個人好推介呢個蟹肉籠仔飯(正確的名已經唔係好記徥). 但呢個籠仔飯跟本係兩三人份量. 份量十分. 用料都十足, 最驚喜係真係蟹肉. 重要有唔少. 
味道咸甜適中. 好岩胃口. 

肉絲津白

荷葉蒸蟲草花伴瑤柱肉絲娃娃菜 $90

諗住叫個菜食. 估唔到呢個係有附送一碗白飯. 見到真係嚇親. 娃娃菜煮到夠林. 而肉絲亦都係送飯小偷.  

豆腐鯪魚球煲

呢個鯪魚頭煲都係有附送白飯. 豆腐好入味. 鯪魚球亦都好爽口. 加上湯底都好清甜. 重有裡面的菜係都吸晒d湯的甜味. 比上面的"荷葉蒸蟲草花伴瑤柱肉絲娃娃菜"重好味. 

意粉

羅馬白汁蘑菇火腿意大利粉 $110

因為唔知份量咁大, 呢個意粉基本上黎到都唔駛點食. 相比起上面的中式菜式, 呢個意粉就被比下去.