我老婆是吃貨的个人专页

✨ 味蕾震撼體驗 ✨今次試咗呢間隱藏喺銅鑼灣商廈嘅鐵板燒，真係有種發現寶藏嘅感覺！$500蚊有找嘅價錢，竟然可以食到酒店級數嘅鐵板燒，仲要係買一送一，抵到難以置信！🔥 師傅手藝超班最impressive係睇住師傅喺面前即席表演，火候控制精準到令人屏息。佢哋唔會刻意賣弄花巧，但每道菜嘅細節都處理得恰到好處，完全係真功夫！🍣 必試招牌菜▫️ 煙三文魚沙律 - 三文魚厚切到近乎犯規，油脂紋理靚到好似藝術品▫️ A4和牛卷蔥泥 - 和牛薄到透光，捲住師傅秘製蔥泥，入口個種層次感...wow▫️ 匈牙利鵝肝多士 - 外層脆到出聲，內裡滑溜得嚟帶微微酒香▫️ 三文魚籽炒飯 - 魚籽多到好似唔使錢，每啖都爆珠💡 獨家發現原來平日夜晚冇咁多人，可以靜靜地欣賞師傅手藝。建議坐吧枱，師傅會同你分享好多食材小知識！優惠：記得問清楚買一送一適用時段訂位：建議早3日預約，walk-in多數要等🌟 總結呢個價位食到咁嘅質素，仲要喺銅鑼灣，真係冇得輸！已經mark低要帶屋企人再encore～…查看更多

因為『黑白大廚』同『拜托冰箱』兩套飲食綜藝節目，不知不覺間對韓國嘅飲食文化產生左興趣。所以呢晚就特登搵左呢間韓大叔大排檔感受一下韓國菜嘅風味。我哋兩個人食，叫左個『晚市二人餐』。個餐都算幾抵食，有海鮮拼盤，炸雞，再加兩個自選嘅主菜，仲有野飲同甜品。真係好啱兩個人吹水食野一整晚。講吓食物質素，我覺得絕對係中上以上水準。個人最喜歡嘅係個『海鮮拼盤』，有醬油蟹，醬油鮑魚同埋醬油三文魚，鮮味十足。至於主菜，我哋首先揀左『明洞燒汁牛肉粉絲』，個粉絲炒得幾香口惹味，要泥送酒就最適合不過。另外我哋仲揀左『泡菜牛肉豆腐湯』，如果食滯咗少少，飲啖豆腐湯就最啱，可以中和返啲油膩感。總括而言，整晚嘅體驗都唔錯，餐廳環境幾有韓國大排檔風味，食物質素亦都係中上水準，如果想同三五知己食飯飲杯吹水，我覺得呢間餐廳真係唔錯嘅選擇。…查看更多

日本係香港人top3旅遊熱點，所以日本餐廳係香港都真係開左唔少。但要搵性格比高，食材新鮮，師傅又要有heart嘅日本餐廳，有時就真係要碰吓運氣。上網睇到呢間『炑』，lunch set 有7折優惠，就同個朋友去試吓。我哋早一日book左12:30，驚會無位。入到去，侍應姐姐幫我哋安排好座位，簡單講解左個餐牌後，我哋決定點$688個lunch set。『鰻魚苗』之前真係未試過鰻魚苗，食落口感有啲似麵條，但又煙煙韌韌，加埋特別調製嘅汁一齊食，酸酸甜甜，好開胃。『茶碗蒸』呢個唔似普通的茶碗蒸，非常足料，面頭仲有一隻燒蠔，非常美味。『刺身兩點』首先有北海道赤貝，口感爽脆，有陣柚子香，配少少檸檬汁一齊食，味道極之清新。然後有地金目鯛，面頭用火槍燒過，食入口充滿油香。『免治雞肉棒』雞肉棒啖啖肉，精華係個加左生雞蛋嘅醬油，點埋個醬汁一齊食，非常可口。『銀鱈魚西京燒』銀鱈魚本身啲肉就係好嫩滑，師傅控制魚嘅生熟程度恰道好處。加伴沙律醬一齊食，可以中和翻銀鱈魚嘅油膩感。『花竹蝦天婦羅』新鮮炸起嘅花竹蝦天婦羅，外脆內軟，配埋咖喱鹽一齊食，味道層次豐富。特別欣賞師傅冇浪費個蝦頭，將蝦頭燒到脆卜卜，非常好味。『天婦羅大陽蛋御飯』簡單泥講，呢個係生熟蛋王迷你飯，生蛋黃用醬油漬過，飯面加咗炒過嘅蒜，加埋天婦羅脆脆，撈埋一齊食，口感豐富，令人回味無窮。睇落好似唔係好多野食，但食落其實都非常飽。另外值得一提嘅係，有望過吓其他人對呢間餐廳嘅食評，好多人都不約而同咁講話感受到師傅嘅用心。親身來食過之後，完全體驗到師傅對每一道菜嘅執着，每一道菜都嘗試帶少少驚喜比客人。而且侍應都招呼好週到，每一道菜都好講解得好仔細。…查看更多

係銅鑼灣食晏真係有唔少選擇，想要平民啲嘅有茶餐廳。但如果想食好少少嘅日本餐廳，可以考慮吓位於渣甸街嘅樓上鋪『螢雪』。撘𨋢上到去，典型樓上鋪格局，四四方方，中間係師傅嘅工作枱，客人就圍住師傅坐，方便欣賞師傅準備食物，亦方便師傅為客人上菜。12點walk in 入去，就即刻有位入座。但建議穩陣起見，去餐廳前訂左枱先會好少少。望一望餐牌，點左『11貫+手卷』既lunch set，然後就安坐等師傅上菜。以下簡單列出呢個set有啲咩食：前菜：豆腐沙律，煙鴨胸壽司：墨魚，寒鯛，響螺，間八魚，炭燒帆立貝，鰤魚，海膽，松葉蟹，三文魚子，炭燒BB呑拿魚，牡丹蝦漬手卷：拖羅蓉手卷櫻花蝦蒸蛋，麵豉湯總的來說，我對呢個lunch set相當滿意。食材都好新鮮。其中令我印象比較深刻嘅係響螺，炭燒帆立貝，同埋獅魚壽司。響螺螺肉鮮甜，爽口又脆。炭燒過嘅帆立貝，食落有陣炭燒嘅香味，口感一流。而鰤魚肉質鮮甜、脂膏豐腴。…查看更多

今日中午12點前到餐廳，未有人排隊，入到去望到起碼有4-5個位（雖然未執枱），心諗夠我兩個人坐啦，但收銀位姐姐叫我哋出翻去等。我心諗：『fine，明白你鋪面細，我出去等你執埋枱先』等左5分鐘左右，完全無人執過枱，我再問另一位員工，依然叫我等。我再等多10分鐘，只見呢段時間，佢哋只係不停出餐同接外賣電話，我哋就on_ _企係門口等左十幾分鐘。最後真係嬲嬲地，唔等直接走左。其實之前有食過一兩次佢個滑蛋叉燒，老實講只有average水準。但今日之後，直係no next time…查看更多

想食餐好味西餐，真係要花啲心機搵間好啲嘅餐廳，有時比得貴又無質素，但有時有質素又可能地理位置唔夠方便。呢間Green orange已經唔係第一次泥，首先佢近地鐵站，都算交通方便。而且最緊要係食物質素都保持到。所以我又同老婆過泥撐下枱腳。今晚叫左接近full set嘅菜色，包括：軟殼蟹沙律烤虎蝦海鮮湯帶子蘆筍米蘭意大利飯紐西蘭肉眼扒再加埋甜品：紐約芝士蛋糕啤梨蘋果金寶沙律個軟殼蟹做得好好味，夾埋沙律一齊食，完全唔覺熱氣。海鮮湯蝦味濃郁，隻烤虎蝦都鮮味十足。個意大利飯啲帶子大大隻，煎香左再放入口真係無得輸，帶子控真係要試。食到肉眼扒其實都有啲飽飽地，但係見佢煎得咁靚，都係硬著頭皮食埋佢，都果然無令我失望。最後，食埋甜品，成件事完滿晒，大滿足😊…查看更多

『廚師發辦』呢幾年一直都好受香港人追捧，香港都真係越開越多。但Omakase係香港一般都係比較高消費，要搵到性價比高嘅有時都要碰吓運氣。而呢間Sushi N，算係我食過咁多Omakase入面top3 高CP值嘅餐廳。今次係我第二次食，呢個$698嘅set依然無令我失望，真係物有所值。呢個餐包括：（按上菜順序）沙律，茶碗蒸，岩手縣生蠔，安鱇魚肝，間八魚刺身，漬物，鰈魚西京燒壽司：春子鯛昆布漬，帆立貝，左口魚裙邊鰈魚，清酒蒸鮑魚，海膽，拖羅，螢光魷魚，和牛海膽卷麵豉湯，甜品以上所見，1個$698嘅set，可以話應有盡有。食材新鮮，款式亦算多。如果你咁啱諗緊食邊間omakase，不妨試一試Sushi N。…查看更多

香港越開越多台式餐廳，而世貿中心呢間臺北棧真係值得試一試。首先佢裝修精美，環境舒適，有幾張枱對住維港景，同三五知己打卡high tea就啱晒。講番食物，我覺得佢保留到台式食品的特色之餘，亦都適當地發揮到創意。以下係我哋叫咗嘅幾款食物同簡評：三色鹽酥雞鹽酥雞炸到外脆內嫩，三種醬料帶出三種味覺嘅刺激招牌牛肉麵湯底夠濃夠野味，牛展肉質夠晒稔唔痴牙招牌魯肉飯味道合格有餘，中上水準Oreo奶奶麻糬餐廳嘅招牌甜品之一，麻糬『煙煙韌韌』，好玩之餘，配埋oreo碎泥食，真係幾好味…查看更多

兩年前同老婆泥食過一次，一直念念不忘。今次終於有機會再泥，唔理咁多叫左個『二人樣』。呢個2人餐絕對是一場美味的饗宴！從鐵板上發出的香氣一直令人垂涎欲滴。餐廳的菜色新鮮多樣，由原隻南非鮑魚，到新鮮龍蝦，到嫩嫩的和牛，每一口都充滿了獨特的風味。服務周到，環境舒適，絕對是與摯愛共度美好時光的理想場所。『燒南非鮑魚』首先鮑魚差唔多手掌咁大，燒完之後一啲唔『un』唔痴牙。而且平時通常唔食鮑魚肝，估唔到原來加少少調味料，燒一燒，係咁好味。『澳洲龍蝦』師傅用蝦膏加海膽嘅汁泥燒呢隻龍蝦，火喉又控制得好好，唔會太熟。一食落去，果種鮮味真係湧出泥咁。『澳洲牛柳+ 和牛厚燒』兩款牛我哋都要5成熟。牛柳肉稔唔韌，牛味十足。而和牛就油味甘香，非常可口。『清酒煮蜆』食到呢到已經8,9成飽，呢個時候食埋清酒煮蜆就舒服晒。『海膽炒飯』融合了海膽的鮮與炒飯的香氣，絕對是海膽愛好者的最愛。…查看更多

日本野真係食唔少，但食壽喜燒嘅專門店就真係第一次。呢晚同老婆『橕枱腳』，一於就食好少少😋餐廳係銅鑼灣中心地帶，地理位置非常方便。上到餐廳，四四方方嘅格局，開放式廚房，中意欣賞廚師準備食物嘅就啱晒。我哋叫咗兩個set，分別係『Supreme和牛set』同埋『Deluxe和牛set』兩個set都有前菜，刺身，蒸物，熱食，主要分別就在於Supreme set嘅刺身會多一款，而且仲有和牛刺身，同埋壽喜燒會serve A5和牛。我嘅重點推介有幾樣：海膽和牛他他/和牛刺身本身我係非常中意食牛他他，而且佢仲要係用和牛，真係好食到我想encore。壽喜燒無論係和牛定西冷，只要一放入口，可以話係好食到唔洗講野，牛味濃郁。釜飯呢個飯係deluxe set嘅。首先佢係黑松露炒飯，面頭再加三文魚子。而最特別嘅係可以無限添飯同埋三文魚子，所以中意食嘅記得留一留肚。整體來講非常之享受。餐廳環境唔錯，食物擺盤精緻得泥又高質素。廚師又會細心介紹，又會同你傾下偈，令你好放鬆咁細味每一道菜式。如果你未食過高檔少少嘅壽喜燒餐廳，就真係值得泥試一次。…查看更多

呢日放工約咗frd去銅鑼灣食飯，朋友search左呢間Hungry Monkey，可以飲酒食鐵板燒，好似幾chill咁，就即管去試吓。首先鋪面裝修幾靚，雖然唔係好大，但感覺幾cozy，飲酒吹水啱feel。野食方面，我叫左以下呢啲：蒜味蕃茄明太子奄列北寄貝唐揚河蝦港島燒香蔥牛肉薄燒燒粟米羊架唐揚鳳尾鵝肝炒飯朱古力炸彈每款食物都幾有水準。如果問我有咩推介，我會推：蒜味蕃茄，甜甜酸酸，非常開胃；香蔥牛肉薄燒，可能我本身好鍾意食蔥，所以我真係幾推呢個；羊架，肉質嫩，味道好，必試；唐揚鳳尾，即係雞屁股，用流送酒一流。如果大家同frd去開銅鑼灣搵食，不妨可以試吓呢間。…查看更多

食西班牙菜嘅次數唔多，但記憶中食過嘅西班牙餐廳都幾唔錯，而呢間Rojo就係其中一間，所以今晚專登同老婆帶外父外母泥食多次。Rojo地理位置都唔差，附近有停車場，離天后站都近。今晚我哋叫咗：油甘魚他他煮青口西班牙蒜茸蝦燒乳豬西班牙海鮮飯西班牙油條 ChurrosOverall泥講，每一樣菜式都比到小驚喜你。油甘魚他他非常開胃；青口夠新鮮，我哋仲特登叫多份麵包，點佢個汁泥食；蒜茸蝦非常香口，個汁又係好食到要啜手指；燒乳豬肉質非常之稔，但皮就keep到係脆；海鮮飯鋪滿海鮮係面，新鮮之餘，個飯都相當好味；然後甜品churros真係要必試，佢似港式油炸鬼，配搭雪糕同朱古力醬泥食，係好食到停唔到口。…查看更多

已經係唔知第幾次番泥食天婦羅，每隔一排就會想番泥食佢一次。呢晚過泥，睇吓餐牌，二話不說就點左『牡蠣車海老天丼』，而老婆就點左『迷你天丼&稻庭烏冬』。由於佢係即叫即炸，所以都等在若干時間。而係等緊既期間，店員就遞左一盤烏冬配料比我老婆揀，好似打邊爐揀醬料咁😂先講吓個『牡蠣車海老天丼』。顧名思義，佢當然有牡蠣同車海老，炸皮唔薄唔厚，外脆肉嫩，水準以上。除咗主菜，佢隔離啲配菜都唔可以睇少，包括有小柱魷魚天婦羅餅，莢豌豆，海苔，樣樣都各有特色，配埋隻溫泉蛋撈埋啖飯泥食，呢個就係點解我得閒就會番泥再食嘅原因。『迷你天丼&稻庭烏冬』呢個餐比較女士食，雖然天婦羅只係得菇菌、海老、南瓜、海苔、爽碗豆、溫泉蛋，但味道都係唔差，仲可以食埋烏冬，一次過滿足你兩個願望。…查看更多

呢日入到泥大坑行下，見到有唔少cafe同餐廳，但我突然好想食越南河，見浣紗街就有呢間『火車頭越南餐室』，就入去試吓。坐低之後就先叫左『生熟牛肉湯河』，另外仲叫埋『香茅牛肉撈檬』、『牛油雞中翼』同埋『沙嗲雞肉串』。先講吓個『生熟牛河』。湯底味道濃郁，牛肉浸熟少少再食，食落都夠牛味，肉質都夠稔。一次過將湯、粉、牛放入口，真係好味🤤個撈檬都唔錯，香茅牛肉幾香口，撈埋啲青瓜絲，蘿蔔絲同汁泥食，酸酸甜甜好開胃。至於啲小食，雞翼炸到外脆內軟，加埋炸蒜趁熱食好味。個雞肉串正常發揮，雞肉唔柴，沙嗲味道都唔錯！…查看更多

係香港想食『家鄉菜』（日本菜），選擇真係好多，但要搵到性格比高既，就真係廖廖可數。近排就搵到呢間上環既『鮨燐』，dinner menu 11款壽司+1款手卷都係$488（另收加一）。印象中做到呢個價位既日本餐廳，真係唔多，所以即管試一試佢。我係平日夜晚去，全店得我哋一枱客。落左單，上左沙律，師傅就開始準備食材。呢晚師傅為我哋做嘅壽司有：北海道墨魚剝皮魚鯛魚帆立貝右口魚（鮫鰈）張虹魚銀雪魚赤貝呑拿魚腩馬糞海膽竹韱魚呑拿魚手卷全部壽司手卷都係水準以上，而且師傅都好親切，好用心咁介紹每一款壽司。成晚既整體體驗都好舒暢，有機會一定會再泥。…查看更多