chenglam1031的個人專頁

係西環遠離煩囂既一個轉彎處真係一轉入去就覺得置身左法國巴黎下午去既時候仲有陽光打入黎落地玻璃又係寵物友善餐廳 真係好吸引🤩食物種類雖然唔算多但味道好出色 芝士亦係用靚芝士咖啡坦白講味道一般 所以性價比不高但整間店package不錯 值得一黎👏🏻…查看更多

經同事介紹黎呢一間餐廳 傾計一流🈴️🍴Ulyssa位於工廈入面 一出𨋢就見到 非常方便入到去每人會派發一粒酒精海綿消毒 值得一讚最估佢唔到竟然有消毒酒精買-裝修以白色為主 每張枱仲有一盆抗菌植物（雖然我覺得應該都係裝飾多）桌椅餐具都用左大量木同磨砂物料 好舒服:)-我地嗌左：泰式口水雞、紅酒牛肋條意大利飯、蘇梅醬豬肉眼扒、紐西蘭肉眼扒雞既份量好多 一直到碗底都全部係雞 同事話啲雞好滑好出色-意大利飯黎講唔算膩 飯略為硬左少少 企牛肋條不錯-豬扒上係燒過既芥末醬 拼埋一齊味道好夾 唔食牛但想食扒既朋友必選 最重要係薯蓉好好味-七成我覺得有點太熟太硬 牛肉味一般 但薯條反而好正 下次可以單點薯條小食試吓-飲品跟餐半價啊！同埋記得係openrice訂位啊 有85折架！…查看更多

一直都好想黎試下呢間食店既早餐 因為好多人推介但每次入到長洲都係下晝 今次放假特登早啲入嚟-見到個個都食粥 就係豬潤粥 魚腩粥 艇仔粥之中三揀一1️⃣2️⃣3️⃣最後被朋友說服 嗌左艇仔粥講真啦 一直以來我都冇特別好中意呢隻粥因為食親又覺得味道一般 成日好似同碎牛粥差唔多 只係多左魷魚同花生🥜今次呢一碗真係非同小可材料如下：- 魚片- 魚腩- 魷魚- 碎牛- 魚肚- 花生*有魚腩真係好誇張另外仲食左油炸鬼個油炸鬼真係新鮮炸出嚟完全做到外脆內軟 一個人可以食晒成條都冇難度杏仁豆漿同混醬腸粉相對之下就唔算特別粥同油炸鬼真係必食！！！💯…查看更多

TGIF! 終於可以放咗工之後去開心吓🎉我哋呢班火鍋撚最後都係揀咗食火鍋話說係因為其中一個朋友太想飲花雕俾佢由冇位book到有位 先食到呢一間充滿中國氣息嘅火鍋🍲沿着樓梯上去 就有好多兵馬俑店舖嘅裝修 亦都好古色古邊爐香我哋叫咗個豆腐湯底 好好嘅個湯底係會越嚟越濃郁 但飲落去唔會鹹或者油膩 即刻個罪惡感細左好多🦵🏼肥牛300幾蚊 但牛味唔算重 切得又唔算厚 性價比一般般反而黑豚肉仲出色 好值得一試👍🏻鴨血同埋蜂巢豆腐吸湯底後 真係好好味最要推薦嘅就係午餐肉菜餔水餃🥟 以為唔夾 點知菜餔可以啱啱好中和左午餐肉嘅膩口 兩者相得益彰 超正龍蝦汁牛丸可能太過fushion 搞到似食西餐多過打邊爐珊瑚蚌拼貴妃蚌爽口鮮甜 但每樣得四片略嫌太少黃沙豬膶亦都冇特別出色 不過不失啦最要讚嘅係花雕 每人一粒話梅 再自選一隻杯味道易入口之餘 個酒瓶仲要咁靚 保持住花雕嘅冰凍 如果兩個人把酒談天 再加多輪明月 真係好有情調嘅一件事食到最後會送冰沙俾我哋一人一杯個杯係古代嗰啲鼎 真係好靚整體來講 佢嘅環境真係好唔錯 噱頭亦都十足雖然部分食物性價比唔算高 但都值得一試:)…查看更多

今次係我第二次同朋友黎食師傅唔同咗 但一樣十分專業師傅推薦左清酒 梵 俾我哋纖細香甜 聽聞係送俾皇室的清酒我揀咗一隻粉紅色嘅杯 感覺上好似會特別精緻😂小食亦擺到好似藝術品一樣 未食已經好享受Omakase enjoy time!自家製魚子蒸蛋：魚子果然只有鮮味 而無腥味👍🏻白烏賊：口感彈牙 但我就覺得就韌左少少 唔算特別炸牙帶魚魚子：送酒小食 估唔到同清酒係咁夾 我中意到要食埋朋友嗰份伊助目/ 鱸魚愛女魚：唔知佢係咪男仔嚟㗎呢帆立貝：好鮮甜 滿足感🆙池魚：肉質差少少就好明顯 呢度絕對係信心保證拖羅蛇腹：永遠嘅最愛 入口即溶高橋海膽：啲海膽好似唔駛錢咁 完全係食咗杯海膽雪糕巨無霸 望住師傅整既心情好療癒 個感覺好逼爆右口魚片：我以為只有左口魚 師傅話原來真係存在右口魚😂白身魚湯：呢個湯味道濃郁 但唔算特別驚喜皇冠密瓜：噴上咗啲威士忌 其實完全唔會有酒味 但就可以令到佢甜味更加出仲有昆布漬鱆紅魚 珍鵰等等 其實中間有好多掛住食都唔記得咗Mark低叫咩名🤦🏾‍♀️🤦🏾‍♀️🤦🏾‍♀️雖然鮨文有返一定價位 但始終係omakase 都要呢個價錢而佢嘅質素 係絕對對得住佢嘅收費㗎因為除咗食 師傅係會一直介紹每道食物既故事服務質素 賣相 加上味道 全部都係一個接一個嘅享受所以冇食一排 你就會好掛住好掛住想再食…查看更多

好耐冇去尖沙咀isquare睇戲放工後時間緊迫 就決定係商場入面食埋晚餐🥣-見到呢間金牌小龍好似新開門口望入去環境不差 而且價錢超抵❗️就決定食你啦-今次兩個人嗌左：萵筍絲🥒 白菜水餃🥟 炸雞卷🍖酸辣湯麵🍜 肉絲蛋炒飯🍲萵筍絲朋友覺得好好食 爽口得來酸酸地十分開胃但因為我一直以為係清炒 所以當發現係涼拌嘅時候覺得好失望😞-水餃皮做得幾出色 似係自家發酵 所以有口感得黎不會太厚 好有東北餃子味道-炸雞卷我就真係比較一般🤦🏾‍♀️因爲個人覺得太重口味太油膩 但我朋友又覺得好香口好有層次wor💁🏾‍♂️ 所以呢一味我會覺得見人見智-酸辣湯麵我冇試到因為唔食得辣 我朋友話味道好正宗 好正-炒飯反而係我最鍾意嘅一道 因為佢炒得好清爽好乾身 每粒飯都係粒粒分明 味道適中-佢仲會每一張枱提供一壺普洱茶 有加分👍🏻但啲服務態度就真係不予置評😅不過整體來說 呢間食店都性價比都🉑…查看更多

幫朋友慶生 6人即日打電話book位 好彩都有位一入門口已經同普通嘅雞煲好唔同感覺乾淨企理好多 仲有大玻璃俾你望住個夜景即刻好似高檔左 就算兩個人呢浪漫一下都係一個好選擇-雞煲方面我哋要咗個隨變雞煲同干鍋雞煲因為同行嘅人有唔食得辣嘅 我哋就嗌咗小辣變相隨變雞煲個味道好似普通左少少 但雞味道相當濃郁 回味回甘:)干鍋雞煲就真係要讚！成個煲超入味 洋蔥好甜 食完齒頰會留香跟住就會送我哋另外一個煲用嚟打邊爐我哋就嗌咗酸菜湯底其實全部配料都好好食 肥牛油脂分布好不錯 香口得來唔會過分油膩 最重要一啲都唔un-四寶丸同驚午餐肉都係必食推介響鈴同肥腸就不過不失啦：響鈴其實味道五差 但卻並唔出色 雖然都熱辣辣 但都食得出唔係即炸肥腸雖然好厚切 但比較好難咬得郁-最後串燒既質素係幫成間食店畫龍點睛嘅地方一個有雞煲又有邊爐食嘅地方 啲串燒竟然係咁好味㗎一定要食嘅就係佢嘅一夜情係雞翼入邊包住左芝士腸 咬住滑溜溜嘅雞肉入邊有芝士吱出嚟嘅感覺 真係好似一夜情咁 令人食過返尋味仲有啲職員態度真係好好 會係咁為你推介食物仲有好細心解答你嘅一切問題好少食雞煲可以遇到一啲咁好嘅服務…查看更多

如去開銅鑼灣又想食甜品🍮都會行遠多少少 黎到位於天后既甜姨姨-我地今次叫左：芝麻豆腐西米露 揀左豆腐雪糕椰香芋茸珍珠露（熱）-芝麻豆腐西米露好香芝麻味不算太甜 搭配豆腐雪糕 香味更加濃郁西米露為整體口感點綴椰香芋茸珍珠露落足本啲芋茸多到一個點！將佢㩒碎撈落啲椰奶度 真係絕配…查看更多

中環真係周圍行都可以搵到間唔錯嘅食店今次其實本身諗住係搵第二間嘢食嘅點知行行吓離遠見到有間食店好多人排隊可能係lunch Time關係 都真係幾誇張下 仲要打蛇餅添 好彩喺門口已經可以睇定嘢食不過佢入人都入得好快 我諗我同朋友都係等左15分鐘唔使就有得入座啦-我哋帶咗必食生牛肉河粉另外有雞翼，炒通菜同埋鹹檸七個湯底濃味到完全食得出係煲咗好耐而成生牛肉肉質好嫰滑 雖然薄但完全唔會碎雞翼又係 香脆得黎唔覺得油連我朋友勁唔中意食炸野都大讚隻雞翼不過炒通菜就咸左少少好味係好味既 但真係好重口味😅-仲有你知啦 平時啲越南河粉啲河粉真係少得可憐我呢啲大食妹黎家嘛點食得飽架今次正啊拿 係無限免費加底啊！！！真係好開心！…查看更多

朋友聚會 - 北京樓其實之前一直都想食 但一直都冇特登去安排每次想食片皮鴨 總係揀咗一啲就近嘅食店今次朋友因為有信用卡折扣嘅關係終於可以一試啦！-我哋呢晚食左：前菜口水雞-朋友話啲雞肉唔太夠滑-雞絲粉皮：麻醬味好香口 但又唔會太咸 啲青瓜絲都好多 可以中和返唔會太膩:)-螺片燉湯：唔記得咗實際個名係乜嘢 但入邊係有啲金華火腿 味道清淡得來又十分濃郁 如果六人以上 都飲得過:)-外脆內軟的銀絲卷-皮薄餡靚的小籠包-實螃蟹：唔算話太過出色 有啲蛋白甚至炒得太大舊 有啲硬添😕-上湯娃娃菜配金華火腿：上面嗰層茨汁我唔中意 太過滑潺潺立痴痴😖😖😖-期待已久嘅片皮鴨：一隻價錢都偏貴 但份量給我比起我平時食嘅要少 個餅竟然仲要係凍嘅 要叫佢幫我地叮返熱 明明見隔離枱有個爐坐熱佢 店員話係要坐細枱先有 仲話個爐其實係裝飾冇乜太大作用 塊餅仲要有啲太厚添 值唔值得食真係見仁見智啦-食到尾段佢竟然有個師傅拉拉麵嘅表演估唔到有驚喜呀吓😂😂😂…查看更多

又到一年一度公司阿姐請食飯當然要黎老地方-新陶園海鮮酒家啦！-我地一共15人嗌左以下菜式，飽到暈之餘，仲有得外賣走添-椒鹽瀨尿蝦：我嘅最愛🧡啲瀨尿蝦好大隻 大隻到係食咗兩隻已經飽晒！又夠晒新鮮彈牙！-上湯伊面龍蝦：個伊面底真係好正 入晒啲湯底味 龍蝦熟度剛剛好 好易就起到出嚟-豉油皇大蝦：鍾意重口味嘅人必食！我最鍾意成隻咬 因為可以chu埋啲皮 唔好睇佢咁脆 但一啲都唔會戒到嘴 特別係啲蝦膏位 真係不得了-豉椒炒聖子：呢個有少少辣啦 炒得有少少過左 只能夠話不過不失 比起其他就遜色啦😕-奄仔蟹：哇哇哇見唔見到張相都影到啲膏 又係必食嘅一味餸-辣酒花螺：如果因為鍾意食辣而食呢一味 我覺得可以真係唔使點啦 因為我完全唔食得辣 都竟然食到😓除咗唔辣之外 佢亦冇乜嘢其他味道 真係可以唔食-鹽焗花螺：呢個比起辣酒花螺好食太多啦 成個螺都入晒味-粉絲蒸扇貝：蒸得太老 雖然啲粉絲好好食 但個主角真係...-魚兩食 （起肉炒芹菜；炆炸骨腩）：炆炸骨腩投票為眾多位同事嘅最愛但我就鍾意清炒多啲 因為啲肉質好靚 用黎炸有啲浪費😅-薑蔥蒸鮑魚：呢個我冇食到 但同事覺得一般-姜蔥蠔：哇呢個好真係硬到一個點 完全咬唔到 算係最唔好食嘅一樣…查看更多

係香港其實一次醬油蟹都冇食過今晚去開佐敦 突然又想食韓國野就上openrice睇下有咩推薦‘入選’令我決定左就係佢啦！-鋪面細但客人好多只係星期一 估唔到份面都爆晒人門口仲要已經有兩pair人等緊以為都要等一段時間啦點知個店員叫我地入去坐係一張八人橫枱既中間入到去明明一個位都冇🤨🤨🤨呢個時候利害啦！佢地開始趕人！🤯竟然指住個客話佢地走架啦 你地可以坐呢度而成個進餐過程亦見到佢一望到人放低餐具食完就會叫人埋單😯：‘好冇味啊？埋單呢邊丫’‘飲完茶未啊？呢邊比錢丫’哇搞到我都食得好趕 係咁比佢望住周身都唔舒服聽到都有其他客人對佢地趕客唔太滿意可能因為味道真係唔錯既關係 都唔愁冇客啦😅但我覺得坐得勁逼勁唔舒服都尚可接受趕客呢樣野真係令到我未必會再黎啦🤦🏾‍♀️-最值得食既係醬油蟹 真係好好味！甚至仲好味過之前我係韓國地道食店食既添👍🏻啲醬膏加落啲紫菜飯度真係成隻蟹都好新鮮 chu出嚟好似啫喱咁價錢都好抵食 只係三百零蚊就有兩隻但可惜唔可以單隻嗌 兩個人食兩隻蟹所以可以帶醬油蝦 我見到隔離枱有食都好正💁🏽‍♀️我哋另外仲有叫海鮮煎餅 但只係食到一半就食唔晒味道都唔差嘅 但我覺得又係可食可唔食🤓-總括而言 呢間食店就味道而言都真係值得入選但服務同環境就😰😰😰😰😰😰😰…查看更多

黎澳門有3樣野必食🍽1. 豬扒包2. 水蟹粥3. 魚翅🥰-呢間達榮魚翅係我細細個第一次黎澳門就食既中間都總會三心兩意試下其他食店但最後都係回歸番佢既懷抱💁🏽‍♀️冇計啦 鬼叫佢性價比真係高咩🤠雖然咁多年來 我每次黎佢都加左價但相比起都係叫平同抵食架啦！😂-招牌魚翅湯面同魚翅湯飯講真丫 呢個價錢都預左唔會比啲咩靚翅你架啦但就有好大一塊！口感都唔算差！抵食我會推介湯面多啲啲 但其實兩者分別唔算大-我地仲叫左炸魚翅球 同豬扒包炸魚翅球就真係可食可唔食既因為實情真係冇咩味🤦🏾‍♀️但豬扒包真係有驚喜！❇️個皮夠香脆 豬扒竟然都唔乾好juicy入味得黎又唔會太咸真係好出色-好彩今次我哋嚟得夠早咋唔知係咪因為復活節假嘅關係出面keep住有人等位啊一直都座無虛席！…查看更多

想打邊爐又驚肥點算好打瘦邊啦！咩叫瘦邊？顧名思義係唔肥既邊爐😂😂😂-好多瘦邊既牛都係口感比較韌同難咬但呢間既肥牛同豚肉都真心唔錯有脂肪分佈 達到令肉質香口既程度又不致於太肥 太流任食既價錢 呢度既肉類叫好唔錯👍🏻但店員偷偷話我地知千奇唔好嗌最平果隻set會硬到咬唔到👊🏽-湯底一定一定要揀蕃茄湯底 超甜！🥰今次黎仲有期間限定 蜆肉湯底但我就覺得唔及蕃茄味好味啦🤔-至於菜類同丸類 選擇亦幾豐富有我最愛既竽頭！春卷都好食！如果好肚餓未食得住既話 仲可以食住沙律先添🉑-到甜品啦 基本上每次都有泡芙但蛋糕就會轉 有時有咖啡蛋糕有時有芝士蛋糕🍰我個friend有中意食雪糕🍦 佢食左杯牛奶味佢話好似雪糕車果啲咁滑同咁重奶味💯我就覺得有樣嘢仲吸引❣️就係加落雪糕既糯米滋啊❣️以前食果啲磅重既乳酪 最愛就係加勁多呢隻糯米滋但因為重 次次都搞到好貴😂😂😂而家免費任裝wor 仲唔食番夠本…查看更多

雲貴香係我中學時期好鍾意食的一家米線以前每次呢都會嗌大腸腩肉小窩米線🍜-今次驚肥決定轉下花款叫左碗清湯紅薯粉加豬扒朋友就要左麻辣小窩紅薯粉加竹笙同埋水餃🥟-2碗湯底都ok 但係啲配菜就🤦🏾‍♀️🤦🏾‍♀️🤦🏾‍♀️豬扒睇落好香好正 但咬落去好硬水餃大大粒粒 但個皮成幾層厚-最惡劣係個環境 雖然應該係個別店鋪但實在係太污糟啦 我完全接受唔同室內係有咁多蚊滋 係咁飛來飛去！另外 成間鋪頭回音好勁 嘈到完全聽唔到對面個朋友講咩晏晝好多人食 但好似剩係得一個樓面落單又等得耐 嘢食又等得耐:(…查看更多