Claudia1124's Profile

叫個外賣勁受氣囉，個收銀姐姐話我果盒外賣已經俾左錢可以入袋，有個男同事傳餐經過，我等左一陣見到有個女同事行過問佢可唔可以包左我果盒先，跟住個男同事行返過黎講左一抽唔知乜鬼野，有一位女同事想幫我入袋先都俾個男同事鬧，個男同事仲特登包哂其他外賣先包我果盒，包完仲 bear 住我，另一個女同事之後幫我入袋仲還擊話返個男同事，再遞袋外賣俾我，我同個女同事講唔好意思唔該哂，我走之前聽到個男人講粗口，希望唔係話個女同事啦，話我好喇，反正我唔會再幫襯！！！香港啲餐廳因為有好多好似呢位男同事嘅人，所以香港嘅飲食業先會咁慘呀，本應茶餐廳係香港嘅特色，點知俾啲老粗整衰哂。。。…Read More

住喺呢區幾年，終於有高質素嘅台式飲品店喇，小妹多數夜晚幫襯，不論幾夜，每次幫襯店內仍然保持十分乾淨，小妹至愛嘅波霸質素幾夜都保持到，唔會俾人放左好耐嘅感覺，開店以來飲品質素仍然保持到高質，店主推介而又係小妹情有獨鍾嘅波霸奶茶真係好值得推介，波霸多且煙韌，奶茶夠香滑同夠茶味，店內所用嘅水係電解水，感覺上健康啲，百飲不厭 😍😍 店主店員記性都好好，見到我好快已經記得我嘅喜好，不知不覺已經做左熟客仔 😃…Read More

我老公機緣巧合之下認識左店主，佢話佢喺紅磡開左間拉麵店，本身好愛拉麵嘅我當然去試一試啦，店主親自招呼我地，第一次我地坐近門口，店主介紹我地試下佢地喺日本買入嘅雞翼機整啲雞翼，起初不以為意，食落又真係唔同啲，唔會乾爭爭，啲雞翼又好肥美 😍😍，我老公就鐘意食南乳雞翼，而我就鐘意鹽椒雞翼，自此之後，雞翼就成為我地必點嘅小食。店主仲好好人，請我地食多兩個忌廉同綠茶泡芙 😍😍😍 拉麵又係無得頂，時間岩岩好，唔會煮得太淋…Read More