YellowMango's Profile

阿妹介紹左幾次都未有機會試到，今日甘岩係尖沙咀撞到一個朋友，一於一行3人食川菜。侍應話我地得1.5小時進食，都明白嘅，星期五比較爆場。好，分享返我地今次食咩先我好中意呢個黃金皮蛋，個汁一流，一定要配埋d 蔥同辣椒一齊食口水雞個汁都好香辣，雞肉稍微鞋左少許，仍可接受，如果滑d 更完美，雞皮係爽脆的，整體份量較少。乾煸四季豆好乾身，好好食，連我老公平時唔食蔬菜都狂食。酸菜魚都好正，魚肉夠厚夠滑，入面有萵筍同埋薯粉，份量好多，好似食極都食唔完。酸菜魚有藤椒，所以好香我哋食到7788，阿姐已經問我哋食完未，出面原來好多人等緊位，我地要識做！拿拿聲埋單走人，跟住去K11 行下新開的ikea…Read More

難得有間正常日式餐廳開係屋邨，一路聽唔同朋友都讚ok, 一於今晚唔煮飯，幫襯下。可能開係老人屋邨，比起隔離的薩x亞，相對晚上唔係太旺場，Lunch 聽聞都多人幫襯。今次我食三色魚生飯，三文魚厚切次餘仲好大件，蝦同海膽都好新鮮，不過，飯就硬左d 同乾左d, 希望可以改善下，有機會臨收工，放耐左掛。老公唔太肚餓，佢叫左細嘅壽司拼盤，數過好似8件，岩曬。佢都話質素ok, 下次可以幫襯希望多d 人幫襯，可以收支平衡，唔好咁快撤離。…Read More

今日得我同老公食晚飯，我地都中意食辣野，兩個人又食唔到太多野，醒起上次食過嘅辣媽唔錯，有晚餐選擇，一於搭西鐵去朗屏，行過去都係5分鐘左右。今次我叫左口水雞配薯粉，中辣，d 薯粉索曬d 汁，好鬼辣，食完個胃仲暖粒粒🤭老公就食口水雞飯，中辣哇，好耐無食過好味的口水雞，平時唔係個汁唔掂，就係d 雞太鞋。呢度算係好滿意，雞算嫩，個汁又唔錯，明顯有花生醬味，拍得上係深圳食的味道D 份量仲要幾多，好抵食。另外加左$30夫妻肺片，個汁又唔同口水雞個汁咖，最大分別有多左陳醋味，配埋芫荽青瓜絲，超讚好多野都想食，下次要班齊人過來食先仲有，杯百香果勁好飲，夠酸夠甜又夠香，仲有幾片蘋果襯托，睇到都開心不過有人嫌酸唔識欣賞。佢都係飲返唔督的檸檬茶吧啦食完野，我仲過左對面齋舖買左春卷同鹹水角返歸做宵夜，之前有同事買返公司請我食，好脆好好食😋念念不忘之後再去埋豪記掃貨，完美…Read More

近期經常見到youtuber 推介呢間川菜，當然都明白係廣告來嘅，甘岩約朋友食飯，諗唔到食咩，一於試下呢間川菜係咪甘好食。估唔到即日訂台又有位喎。我地book 7:00，好誇張，係樓下等lift 上去要排長龍。更估唔到嘅係，上到樓都一樣要等，得一個男員工優閑地安排入座，d 人訂左枱都塞曬係門口呆等，仲要有台都安排唔切入座。前菜係蘿蔔同紫菜花生，2樣都特別嘅醉雞：酒味太強，整體味道唔夠多元化，不過雞係嫩滑嘅，皮爽肉嫩，係個汁差d蒜泥白肉：味道一般，有別於平時，難度欠缺左紅油？肉的質地過軟，似鬆肉過度，好似棉花咁乾煸肥腸：有朋友覺得唔夠乾身，有朋友中意夠肥同唔太乾，味道ok, 唔好比辣椒呃左，係唔辣嘅炸饅頭：幾好食，隻船影相打卡一流臘肉菜粒炒飯：雖然炒飯賣相一般，不過食落都幾乾身唔錯酸菜魚：影相個賣相呃得下人，食落就一般般，魚肉都夠滑又冇腥味，薯粉好似熟咗的淮山，成盤野冇咩特別出眾的香味同味道。虎皮尖椒：都幾辣同幾野味值得一試虎皮尖椒炒肉絲：哇呢個菜一上台嚇死人，完全係煮過龍，尖椒都變黃晒，芡汁過多辣子豆腐：豆腐都炸得乾身嘅，送酒一流我地食完時，更加多人等位，直頭入曬舖頭唔同角落等，可能有其他優惠例如九點後九折之類，全場人手不足。未食過的朋友可以試吓，不過唔好抱太大期望，個人認為唔算太正宗的川菜囉，整體唔係難食嘅，但冇咩特別囉，落樓個肚仲好空虛，要去食糖水慰籍心靈。值得一讚係食完唔口渴嘅…Read More

成日行過都見到人排隊，母親節终於有機會試到啦，原來真係唔錯，難怪咁多人排隊啦好中意枱面的花紋，唔同顏色感覺令人開心，無咁悶洋蔥圈：好脆，唔油，炸到好靚，可以勁食牛脷：夠淋夠入味，無乜筋，下面係薯蓉，仲有西蘭花同蘆筍伴碟，均衡飲食👍Pizza: 熱辣辣，一定要襯熱食，好味，4個人share 剛剛好蠔意粉：配搭好特別，食落好清新，意粉有咬口軟殼蟹意大利飯：好味喎😋芝士薯條：好脆，配埋芝士甜品都好食嘅，唔知咩事，催左好多次先上，唔通太多人叫，做唔切…Read More

朋友話呢間十三少川菜好吃，特登帶我哋嚟啟德分店品嚐，方便我哋搭屯馬線返屋企，間舖十分方便，完全係正啟德站出口。當晚安排左窗邊卡位比我地，枱同櫈都夠曬空間，坐的舒服，裝修簡約，環境優美，餐具乾淨。乾煸肥腸夠曬乾身，幾個朋友都好欣賞，我就覺得有少少怪味，唔係唔新鮮，似草青味，應該係香料發出來。酸辣土豆絲好爽口，麻香開胃，仲有蒜味，每條粗幼一樣，好想知道係人手刀切定機器切鮑魚稍為咸左少少，都幾大隻，夠爽口彈牙乾煸四季豆份量好多，好爽脆，好惹味話梅骨全晚最鍾意呢個餸，除咗有話梅仲有楊梅，味道好夾，酸酸甜甜，好開胃酸菜魚侍應姐姐建議我地趁熱飲咗湯先，魚片夠晒滑，美中不足有幾片比較腥湯底唔錯，入邊有薯粉，少少茶樹菇，炸蒜有畫龍點精之效我地仲叫左紅糖糍粑，好好食唔記得影相好煙韌，個汁好好味呀耐唔耐食好味嘅辣野真係令人開心，最重要係唔好太口渴，呢間可以再來，下次要試中辣先得…Read More

男朋友知道我鍾意食呢間越南野個豬扒飯，基本上佢每個禮拜日都會陪我嚟呢度，食飽先至去街市買餸🤗點解我咁鍾意呢？因為個蔥油好好味呀😋豬扒又夠淋，兩樣一齊好夾呀👍豬扒大部份嘅時間都好好味嘅，除非醃肉師傅放假啦，咁個味道就明顯唔同平時啦，真係呃唔到人🤭仲有呀，呢度杯奶茶都好好飲㗎有時我都會叫綠豆冰嘅。今次男朋友食咗早餐未餓，所以呢佢就叫咗個下午茶餐嚟食，份量真係好少，春卷勁迷你囉佢有兩款春卷，問過平時特別cool 果位侍應，佢答完係聽唔出有咩分別咖🤪大部分姐姐都好有heart 嘅，可能呢間舖歷史比較悠久，唔好期待好乾淨。我男友最唔滿意係咸檸七個七喜唔係罐裝，佢次次都中伏🤭 男友都幾中意d 炒粉麵，我就覺得個碟太細，師傅又裝得辛苦，侍應又拎得辛苦，客人都食得辛苦🤣講咁多，下星期都係繼續來🤪…Read More

由於需要去旺角辦啲事，咁就順便喺附近食埋晚飯啦，阿妹話帶我去食蛋，我心諗咩食蛋呀？聽到我頭都大埋😂原來係成間舖頭嘅菜式都由蛋整成，仲要係我最愛的日本蛋，好新奇好有趣呀🤭喺出邊等位時睇餐牌已經覺得食物好吸引，咩都想試，等咗一陣終於到我哋入座，我哋喺出邊已經叫好嘢食，坐低冇耐食物就上枱，阿妹同佢朋友仔都簡咗滑蛋豬扒飯，豬扒好香，好夠脆，蛋好滑我就叫咗三文魚牛油果飯，中間係由蛋白打起嘅蛋白泡泡，個蛋黃係生咖可以配合側邊嘅醬油來食👍另外果個蛋串每串都唔同味道，值得一試…Read More

另一半星期五最鍾意去蒲金魚街，通常等佢行完我哋就會去食呢間山東餃子館，我哋覺得d 野食幾特別，第二度好少見到羊肉餃同埋茴香餃係我哋嘅至愛, 酸辣湯都比較野味，夠酸夠辣好開胃，我哋每次必食，另外冬瓜茶都好飲咖。啲餃子10隻以上，可以揀雙拼，又可以加$5轉做煎餃，煎餃雖然好香口但係我覺得食食下好油囉😂如果俾我揀我都係會揀返水煮囉🤭今次第一次叫蔥油餅，唔係想像中的味道，太粉啦同平時食開嘅唔同。整體間舖頭嘅環境就有啲污糟同埋潮濕，餐具同台面的調味料唔夠乾淨，我地通常唔會掂🤣總之環境有待改善，廁所我就未去過不予置評，明白到小店生存有啲困難，好難做到好乾淨，不過事在人為，店主如有機會見到我的評價，可以好好改善一下❤️ 美味嘅食物配合乾淨嘅環境令客人食得舒服又開心🥳…Read More

我哋住響附近，所以耐唔耐就特登去工廠區度食米線。唔好以為工廠區冇咩好嘢食啊，呢度係坐落響工廠區嘅改建酒店嘅地下，新裝修，好乾淨👍鄰近屯門西鐵站，行過來都係5分鐘左右。仲記得第一次食呢間米線果陣，真係有驚為天人嘅感覺，因為好少食到好味嘅米線，成日食雲貴軒好悶，南記屯門又無分店😂今晚突然好想食米線，於是就特登過嚟啦。屋企人叫咗新出嘅銀針粉配清湯，另外有盒辣菜甫跟，自己加嘅，碗銀針粉出乎意料地好味囉，入邊有好多生菜，仲有冬菇，另外加咗豬頸肉同埋鴨胸兩個餸，下次可以encore.我就食豬頸肉配螺旋藻同埋花枝丸，呢度嘅水準叫做保持到，最欣賞佢今晚個湯夠熱。湯底夠熱真係爭好遠㗎…Read More

同朋友心血來潮想食放題，本來想食極尚嘅，因為之前食過覺得質素差咗，諗住試吓同集團其他分店啦，就揀咗都係尖沙咀嘅殿大喜屋，諗住佢係高級過極上啦，食物品質應該好啲啦，點知嚟到仲失望壽司🍣唔凍，唔算新鮮，片到超薄，飯又乾身刺身都係唔凍，無咩鮮味醉鮑魚：過甜，無酒味牛脷串：太乾同太薄甜品我未食過，不過欣賞佢有迷你豆腐花，應該無乜人會食🤭正常食物如下：西蘭花炒花之片全場最好味係炸榴槤，同雪糕人均消費好似$320左右，真係唔太值呢個價🤔由於希望愈大，失望愈大，所以無心機影相，請見諒！…Read More

母親節超多人，我地已經好醒咁6點攞飛，可惜都要等到8點幾先可以入座，證明好多孝心仔女同媽媽慶祝母親節我第一次食呢間泰國野，d 裝修幾靚，配搭幾好。等位時聞到陣陣香味，心中已經plan 定要order 咩食物一坐低見到d 餐具好靚同好乾淨，即刻加分不少。由於我地無叫野飲，叫左侍應比水我地，一飲好明顯係過濾水味雖然好多地方都係咁，但個人比較欣賞有d 舖頭加了檸檬片的水。整體食物質素唔錯，不過返屋企途中已經開始有d口渴，都預左泰國野味濃，耐唔耐食下出面嘅美食，個人都開心d…Read More

做完瑜珈緊係要係附近搵野食啦，上次食飽飽行過呢間米線就打算下次試呢間，好在今日記得去試者。呢碗我叫嘅，本來叫豬手+大腸，可惜無曬豬手，唯有改食腩肉，不過佢d 腩肉麻麻，唔係淋滑果d 質地。但佢個湯底係一流，好香，唔多味精，忍唔住飲左幾啖湯。我叫左小辣，台面仲有黃色的辣椒醬，都幾辣，咸咸地好野味，我都加左一匙羹咖。我妹叫左豬軟骨唔辣，豬軟骨夠曬淋，無尿味，合格另外要讚下佢個手工麵，好彈牙，似烏冬質感，個人覺得比米線吸引。朋友仔叫左牛柏葉同炸醬，d 牛柏葉都夠淋，粗幼剛剛好，唔會啃死人3碗之中我覺得自己果碗係最吸引嘅呢個皮蛋就唔符合商品說明條例啦，明明圖片係黃皮蛋，上台變左黑皮蛋，雖然我無乜所謂，落單時同客人講清楚會比較好。另外有一個落單阿姐d態度麻麻，講野又要客人比佢講先，又話自己未寫完，其實同客人講句等等已經ok, 希望改善下d 服務態度🙏最後要讚下杯凍檸茶，冷熱都係加6蚊，唔好以為咁平實唔好飲啦，絕對有驚喜，d 茶無反，唔會苦，如果多一片檸檬更完美❤️下次我都會繼續幫襯嘅希望阿姐唔好怪我話佢態度唔夠好，下次加料過我嘆啦…Read More

今日收工同朋友係公司附近食埋野先返屋企，朋友特別鐘情呢間拉麵，話好味過x 蘭喎，我就認為d 餸係多d, 我都會簡呢間全場得兩款麵，我地每次都係一人一款，朋友中意櫻花蝦，呢款係蔥同粟米。我每次都係食木耳配蔥，仲有兩大塊日本叉燒咖，大家記得叫套餐，平少少之餘仲多隻溫泉蛋。我地兩個都超中意個龍蝦沙律，百吃不厭，紫菜卷住來食簡直一流😋😋😋。餃子都好食嘅，不過相對沙律來講就失色左dd 啦😊仲有，我欣賞可以自己無限加辣芽菜，蒜泥，芝麻........仲有每張台都有temple 紙巾，呢樣真係要加分仲有一壺凍冰冰的茶自行添飲…Read More

今日約左BF 係Moko UA 睇戲，原本諗住食前幾日阿妹帶我食的牛扒，點知遲左出門口食唔到，唯有改食附近的通達。腸粉係絕對小時候的味道，💯分🈵分❌好多地方的腸粉係滑身的，d 醬料又加水稀到嚇死人而好食的腸粉係黏黏的, 再配合好味的甜醬同花生🥜醬，不得了食腸粉絕對唔少得咖喱魚蛋同埋燒賣，呢度啲魚旦燒賣都好好食架唔係出邊好粉嗰啲貨色生菜魚肉翅基本上係每次必叫，辣菜甫要加3蚊，唔好比佢d 紅色呃咗, 其實唔係好辣咋，不過今次就咸咗少少囉，下次我都係主力食腸粉算，好開心發現小時候的味道仲有韭菜餃都係必食，少少地10蚊3隻夠曬，太好味唔記得影相…Read More