QueVivaLaVida's Profile

近排做野太辛苦，想出尖沙咀食好西。好彩食完個brunch唔夠飽，試埋呢間之前mark低既食店。平日飲茶要收茶錢又收加一，好唔抵，但呢度可以慳返。雖然坐滿左三張枱，我地要坐bar枱。但由於冇咩人流，都算舒服。我地淨係想試最出名既雪山叉燒包（$8/個）同松露蝦餃（$32/3粒）。雪山叉燒包既叉燒唔肥，唔會太多醬汁，包夠鬆軟。雖然唔係新鮮出爐，只係加返地，但性價比好高。松露蝦餃既蝦夠彈牙，皮夠薄，可惜松露味唔出，不過呢個價錢黎講，已經收貨。…Read More

次次去食生日飯都收切餅費，分分鐘切餅費仲貴過個蛋糕。今次醒目，決定去食個飯後甜品。今次比我係銅鑼灣搵到間創新甜品，好多時香港既創新菜式就係掛個名就貴double。而呢間係Fashion Walk既新鋪，原來三月先岩岩新開張。我地十點幾先去到，幾驚好似某d鋪頭，一早就last order。鋪頭環境對我黎講唔算靚，簡單舒適，座位唔算多，但幾有空間感。由於我地去個陣冇咩人，所以5個人坐左張十幾人台。如果一班朋友去吹水，都幾舒服餐牌有甜品名，有簡介每款甜品，但冇圖參考。所以我地都係睇OpenRice既相，揀左5樣甜品share1: 玫瑰桑莓雪葩最普通既雪葩，但意外地呢個玫瑰桑莓味好出，酸酸地超開胃，係頭盤既好選擇2: 花椒配焦糖煙肉心諗又係一球倒轉左既雪糕，加塊煙肉。但一上甜品個陣，問左個店員個塊係咪真係煙肉，原來係真煙肉。塊煙肉燒到有點燶同乾，焦糖味唔出，煙肉都係鹹。但最最最吸引既係個花椒味既雪糕，超驚喜。入口真係有麻麻地既感覺好由其係喉嚨位3: 雪葩菠蘿包呢個好似係呢間店既鎮店之寶，擺得好靚，分開食就係好普通既puff、菠蘿味雪糕、菠蘿味吉士同菠蘿肉。但加埋食就十分夾同出色。差d連粒花都食埋4: 抹茶蛋糕由於本人係個抹茶控，所以點都要一試抹茶味既甜品。抹茶蛋糕既抹茶味夠出，蛋糕質感比較濕潤，加埋焦糖香蕉同豉油拖肥，有多重味道。但我冇認真食佢個豉油拖肥，所以唔知有冇豉油味。不得不提係佢個抹茶雪糕。同某雪糕店V.T.或者C.C.有得揮。就係個種幸福既味道，又濃又creamy5: 番薯糖水呢個又係靚到唔打卡唔得既甜品。上面係蕃薯雪糕，中間係薑味蛋白餅，再加底層朱古力蛋糕，周圍有蕃薯同哈密瓜粒粒，另外有個真蕃薯糖水比你倒落個甜品度。由於蛋糕質地較硬，唔會浸冧。每個element都唔錯，但mix埋食就冇火花，冇加分。香港好少真創新甜品，以呢個價錢呢個地段呢個環境食到咁好味而又靚既甜品，真係驚喜，性價比好高，推薦比所有鍾意試新野既朋友，下次會繼續試埋其他甜品…Read More

今晚嘗試委內瑞拉朋友大薦新開既秘魯菜。香港甚少秘魯菜，所以搵埋朋友，6人試盡大部分菜式鋪頭非常顯眼，有幾幅秘魯人烤雞既壁畫。店內環境簡約舒適，由於店鋪比較細，只有幾檯，反而唔會太嘈，非常適合聚會傾計🍻首推前菜必食之選-海鱸魚他他薯蓉。多種唔同既食材出奇地夾味而且口感豐富，醬汁酸酸辣辣，十分開胃。辣味惹味可口，食唔到辣既朋友都非常欣賞呢個菜色第二推介係煙燻豬肉三文治。三文治薄身香脆，老闆話麵包係自家製。醬汁濃郁，豬肉冧滑，再加上少許生菜同幼幼既洋蔥絲，令三文治惹味而不膩。鍾意食panini既朋友一定鍾意小食推介係秘魯辣椒蜜糖雞翼🐣有趣既係秘魯既辣椒都唔係辣到食唔到、要狂飲水，反而係令到菜式更惹味。雞翼香嫩多汁，甜甜辣辣既味道，真係可以一人食一碟另外仲試左秘魯既街頭小食-香腸薯條。雖然看似普通，但薯條外脆內軟都唔係間間做得咁出色，加上松露醬，真係忍唔住食多兩條。係一班朋友一齊食先會叫～黎到點可以唔試招牌烤雞！秘魯烤雞比較冧，鍾意食冧身雞肉既朋友可以一試。我反而比較欣賞配菜Garlic rice。個人唔偏好蒜味既菜式，但呢個Garlic rice有淡淡既蒜味，而食唔到有蒜粒，飯亦粒粒分別，飯面有少許炸蒜增添口感。食咁多肉加個Mixed salad就岩，加左個酸酸甜甜既醋，食完好fresh除左上面既推介，我地仲食左秘魯生漬魚、芝士春卷同油條。生漬魚比較酸，同埋多水，入面有粟米同硬硬地既松子，唔係好夾。芝士春卷比較厚皮，芝士味唔夠香，加左牛油果醬，但加唔到分。最後甜品係秘魯油條，有少少似西班牙油條，外面沾上砂糖，另外點上朱古力醬，不過秘魯油條入面加左拖肥醬，係幾好味，糖度適中，但就好肥仔，最好同朋友happy share!💁🏻所以我會建議兩個人（細食既）叫海鱸魚他他薯蓉、煙燻豬肉三文治、秘魯辣椒蜜糖雞翼/（大食既）叫多1/4隻招牌烤雞加蒜飯🐥🍚中環黎講，性價比唔錯，值得一試…Read More