Lupbhiro's Profile

今日用keeta外賣，見到清湯腩，心諗試一試。港幣83大元，先不論味道 份量小到🥶🥶得3舊牛，3舊蘿白，11*5.5cm的容量，隔左料，湯半碗都唔夠。我個人就接受唔到呢個cp值。連細食的OL小姐都唔夠飽～～味道中規。有牛味，亦夠淋。堂食份量不詳，但起碼不建議外送！如果你想係寒冷的天氣中，有個熱湯腩做午餐，sorry，只得常溫，無保暖措施，熱都談不上。題外話，凍飲仲送錯變左熱飲，真心成日都emo了。🤯😨…Read More

記得4, 5年前, 曾經係尖沙咀上班。初出茅廬, 先發覺呢度lunch冇50幾蚊, 根本唔駛落樓。正要捱貴飯之下, 往往港式麵食, 就真係比較抵。當時經媽媽介紹, 一食就愛上了這裡的牛什麵。5年後再黎, 一試, 味道依然。今次, 我叫了牛膀, 牛腸拼魚蛋河 + 芥蘭。一口湯底, 好鮮甜, 亦唔覺有味精,飲完湯都唔會口乾。牛腸, 有牛大腸同粉腸, 洗得好乾淨,冇騷味, 大腸啖啖牛脂美味, 粉腸。。(容許我萌一點)點解可以咁粉嫩ga(≧3≦)牛膀, 恰到好處, 夠腍, 魚蛋, 稍嫌口感有點'鞋', 但卻彈力十足, 鮮度一般xd麵底河粉, 係用幼條, 類似越式的河粉,好'索'湯汁, 正!!! 師父煮麵功力好, 河粉硬度適中, 亦唔會黏埋一舊。強烈建議就算唔食得辣的朋友,都落2,3滴辣椒油。。。放心, 絕對唔會好辣口, 一落, 香味層次即刻昇華, 惹味!!!這家辣椒油, 確真可畫龍點睛。油菜, 正常, 翠綠色澤, 蠔油, 比一般死鹹的蠔油好得多, 鮮味屬中等。總評分: 80/100(多年味道不變, 雖然升左價, 但值)回頭率: 80%…Read More

本身朋友一早買左團購, 誠邀之下, 就去一試。HKD36.00 - 4餸1麵(團購價)主要湯底有豬骨清湯同麻辣湯底。麵類亦有好多(第一次見麵檔有粉絲麵底供應O(∩_∩)O)店員都好有禮貌, 環境窄小小, 亦尚可接受。坐低後, 我就點左牛丸, 魚皮餃, 魚片頭, 豬腸, 冰豆腐 + 粉絲 (麻辣湯底)佢可以選好多餸(正價 HKD40.00 - 十餸一麵), 但每款餸都係2件起3件止。味道方面, 好普通, 冇特別, 白烚為主。。(連豬腸都係冇滷過的==)勉強中規中矩, 但驚喜欠奉lo。湯底 0_0 清湯同麻辣一樣味, 分別只在於麻辣=清湯加麻辣油(辣油可要求另上)。麻辣油好香, 但麻度就唔多夠, 辣度正常。正當食完麵, 心淡要離場之際, 突然見到餐牌上,除左麵食之外, 原來仲有小量小菜叫。所以我就點左一碟金沙黃金蝦。(⊙_⊙) wah~好味(HKD48.00 - 約6隻)咸蛋黃一D都唔手軟。中蝦, 外表望落好乾, 但蝦肉出奇地鮮甜多汁,肉質亦夠爽, 配上咸蛋黃, 真係一絕。廚師仲剪走埋蝦角同蝦腳, 食落好方便。美中足之處, 就係冇挑走蝦腸。(我就冇所謂的(≧∇≦)。照食)個人感覺, 小菜比起麵食更有吸引力。總評分: 55/100 (2/3的分數來自黃金蝦)回頭率: 40% (回頭都主要係想試其他小菜 (例如:油鹽水花甲, 雞煲, 麻辣魚煲等), 麵食就88)…Read More