初出茅廬, 先發覺呢度lunch冇50幾蚊,
根本唔駛落樓。
正要捱貴飯之下, 往往港式麵食, 就真係比較抵。
當時經媽媽介紹, 一食就愛上了這裡的牛什麵。
5年後再黎, 一試, 味道依然。
今次, 我叫了牛膀, 牛腸拼魚蛋河 + 芥蘭。
一口湯底, 好鮮甜, 亦唔覺有味精,
飲完湯都唔會口乾。
牛腸, 有牛大腸同粉腸, 洗得好乾淨,
冇騷味, 大腸啖啖牛脂美味,
粉腸。。(容許我萌一點)點解可以咁粉嫩ga
(≧3≦)
牛膀, 恰到好處, 夠腍,
魚蛋, 稍嫌口感有點'鞋', 但卻彈力十足, 鮮度一般xd
麵底河粉, 係用幼條, 類似越式的河粉,
好'索'湯汁, 正!!!
師父煮麵功力好, 河粉硬度適中, 亦唔會黏埋一舊。
強烈建議就算唔食得辣的朋友,
都落2,3滴辣椒油。。。
放心, 絕對唔會好辣口,
一落, 香味層次即刻昇華, 惹味!!!
這家辣椒油, 確真可畫龍點睛。
油菜, 正常, 翠綠色澤,
蠔油, 比一般死鹹的蠔油好得多, 鮮味屬中等。
總評分: 80/100(多年味道不變, 雖然升左價, 但值)
回頭率: 80%
