marcochumh's Profile

本身諗住食隔離元氣，但見呢間新野乾乾淨淨，裝修幾靚又唔係等好耐，決定試下新野，點知就中左伏。求其嗌左啲typical既三文魚壽司、吞拿魚壽司、甜蝦壽司，仲有碟話係期間限定既壽司，黎到個賣相已經唔掂，又乾又唔肥美，但應該有魚生既紋路，食落口樣樣都係below average, 舊垃圾期間限定似食緊擦膠咁又無咩鮮味，茶碗蒸蛋既質地同壽司郎、元氣亦有唔同，無咁好食。簡單黎講，間舖頭得個樣，真係愈食愈嬲，無樣好食，唔會再幫襯。不過呢個算係開張無耐果陣既情況，唔知依家會唔會有改善，但都唔㑹再去。…Read More

因為啲嘢食唔好食，所以相都懶得影。兩個人嗌咗一個船麵一個泰式炒肉碎配飯，船麵配料都算多賣相唔錯但味道同正宗船面差好多，配料同粉絲夾埋完全冇泰國嘅風味。而泰式炒肉碎配飯唔香唔辣，啲肉碎好似冇炒過咁。佢聲稱會跟一隻流心蛋，餐牌張相亦都話會有隻煎蛋，但係嚟到係一隻切開咗兩邊幾乎全熟，而且冇調過味嘅烚蛋，完全圖文不符，真係好失望。另外我哋仲嗌咗杯泰式凍奶茶，又係唔好飲，唔會再嚟，亦希望大家唔好嚟試伏，唔知啲正評點嚟。…Read More

呢間位於尖沙咀的墨西哥餐廳提供了墨西哥菜幾乎所有嘅菜式選擇，嗰日就嗌咗洋蔥圈、burritos 等既菜式，味道非常正宗，食落去有墨西哥的風味。另外雞尾酒亦非常好飲，期待下次再嚟食。…Read More

Chef stage 絕對係將軍澳區，其中一間最好食嘅西餐廳，呢間餐廳提供好多唔同嘅菜式，包括意粉、漢堡、意大利飯、豬鞍扒、牛扒等，應有盡有。而我今次就同家人一齊識佢嘅午餐，叫咗一個明太子意粉同埋豬鞍扒。兩道菜都好好食，調味啱啱好分量亦足夠唔會覺得太少。佢嘅加$28嘅套餐有牛角包同埋湯都係水準之上。而呢間餐廳嘅內部裝修以及職員嘅態度都令人滿意，係一個非常唔錯嘅用餐體驗。好期待下一次再試吓其他菜式特別係聽講佢嘅豬手同埋牛扒都係幾好食嘅。…Read More

自問都中意食拉麵，亦試過香港唔少既拉麵店。見到坑口呢間近期開既舖頭，雖然聽其他人講過係唔好食，但都要自己試過先知，所以就去左食。首先講衞生既問題，啲碟一抹成pat紅油，一黎已經嚇親。食物方面，嗌左個雞扒拉麵同埋煎餃子，餃子炸得好犀利，唔係傳統果隻日式煎餃，個人就麻麻地。雞扒拉麵係地獄級難食，雞扒未熟都夠膽上菜，個湯底好淡，幾乎係水加辣油溝出黎既野，唔知飲緊啲咩，屋企求其煮個福麵都好肯定好食過佢（最後取消左個拉麵，果斷離場）。呢間舖可以用失敗兩隻字形容，仲好意思玩台日fusion，快啲執左佢。…Read More

見到呢間日式西餐評分唔錯就去試下，但食物質素就不似預期。我地揀左揀咗三文魚扒定食同埋漢堡扒定食，定食仲包括烏冬同關東煮，飲品方面嗌左杯玫瑰朱古力。三文魚扒份量都大，魚肉質地都合格，不過啲醬汁嘅味道真係唔夠突出，好普通。漢堡扒比較乾，亦無乜牛肉味。烏冬同關東煮亦無咩驚喜。玫瑰朱古力賣相幾靚，但飲落亦唔覺有咩特別，只係一杯加左舊棉花糖同玫瑰花乾既熱朱。總括而言，呢間餐廳嘅食物味道普通，同openrice既評分不成正比，但侍應既服務態度都ok既，不過咁貴又無咩特別就唔會再黎啦😂…Read More

特登黎食甜品，好食！Pancake好鬆軟，口感非常好，要點上一些楓糖漿或蜜糖，更是美味。在Pancake中添加一些水果，如藍莓或草莓，可以讓它們更加豐富，更加美味。接下來是芝士溶岩，這是一道非常經典的美食，芝士溶岩非常崈美，溶度非常高，而且味道非常濃郁。總的來說，這家餐廳的Pancake和芝士溶岩都非常值得一試，我強烈推薦給所有喜愛美食的人。…Read More

地點有啲遠，但食物既味道都好好，值得行遠啲黎食！蘑菇湯：蘑菇湯基本上無得挑剔，煮得好完美，夠熱，味道亦非常濃郁。龍蝦汁意粉：呢個意粉係有啲驚喜。本身以為配搭普通餐廳都常見會無咩特別，但味道卻比其他餐廳都出色。龍蝦汁味道香濃，蝦都好新鮮。肉眼扒：肉眼扒好食，medium rare無煮多，肉好鮮嫩，配菜都份量多而且好味。總括黎講，所有食物都好食，無後悔黎到，期待下次再試下其他菜式，300幾蚊一個人都物有所值。…Read More

未寫過食評，但終於忍唔住要寫下，因為難食得有啲誇張。嗌左個二人餐，有兩個湯、一份沙律、一個意粉、一份檸檬煎白魚、兩杯野飲同埋兩舊細甜品。埋單$404，好似好多野食但基本上無一樣野係達到average既水平。洋葱湯蘑菇湯非常普通，薩利亞既湯仲好飲。沙律啲菜同三文魚食落唔新鮮但至少叫做擺得落口。南瓜忌廉汁雞肉意粉淡而無味，雞無雞味亦唔嫩滑。白魚太咸，調味亦普通。奶茶同水果茶只可以用解渴黎形容佢既味道。甜品tiramisu 蛋糕食左一啖已經唔想食。總括黎講，呢餐dinner係一場災難。題外話，見到呢間評分都ok但原來好評果啲已經係2020年既事。究竟呢一兩年呢間野發生咩事，水平跌得咁誇張？…Read More