RUEA LEK

因為啲嘢食唔好食，所以相都懶得影。兩個人嗌咗一個船麵一個泰式炒肉碎配飯，船麵配料都算多賣相唔錯但味道同正宗船面差好多，配料同粉絲夾埋完全冇泰國嘅風味。而泰式炒肉碎配飯唔香唔辣，啲肉碎好似冇炒過咁。佢聲稱會跟一隻流心蛋，餐牌張相亦都話會有隻煎蛋，但係嚟到係一隻切開咗兩邊幾乎全熟，而且冇調過味嘅烚蛋，完全圖文不符，真係好失望。另外我哋仲嗌咗杯泰式凍奶茶，又係唔好飲，唔會再嚟，亦希望大家唔好嚟試伏，唔知啲正評點嚟。