nozomi500's Profile

作為火鍋放題控，今次真係試到唔捨得走～唔單止無限時任坐，仲誇張到有超過200款美食，除左基本火鍋配料、由刺身、即撈海鮮到串燒、甜品、飲品樣樣齊，仲要一人一個湯底唔使爭，真心超抵！我哋揀咗C餐，一坐低就衝去即撈海鮮區，大頭蝦生猛到彈水花，仲有海蝦、蜆仔游緊水，即撈即煮鮮到爆燈！自助海鮮吧更加係估佢唔到咁多款，生蠔肥嘟嘟、鮑魚彈牙、花蟹爆膏、瀨尿蝦仲有膏㗎！蟶子同青口都係任攞，海鮮迷保證尖叫～澳洲M8和牛都係任食之列，雪花分佈靚到好似大理石紋理咁，油花均勻細密，牛肩胛肉味濃郁得嚟帶淡淡甜香，輕輕一淥幾秒就食得，入口即化唔黐牙；牛小排切得厚薄適中，脂肪比例完美，咬落去牛油香爆棚，淥完個湯底都充滿濃郁牛香！黃瓜條部位比較罕有，肉質超級軟嫩，仲帶少少嚼勁。刺身叫左三文魚，三文魚厚切油潤。另外仲有珍寶赤蝦、北寄貝、帶子等串燒都叫左幾款，鮑魚炆得軟淋入味，另外仲試左台灣腸、雞心、翠肉瓜等甜品花多眼亂，樣樣都想食，可惜個胃已經塞唔落，最後試左法式焦糖燉蛋，表面脆糖咔嚓響，另外仲有宇治抹茶芭菲、楊枝甘露、軟雪糕、朱古力心太軟、芒果布甸等等！飲品仲有自家製菊花茶同檸檬茶，唔係求其開粉沖，真材實料！…Read More

今日喺東涌東薈城血拼完，發現咗隱藏版日式美食寶藏，就係黎自日本東京魚市場級別既過江龍海鮮丼霸主つじ半，終於唔使飛日本都可以食到！🔥 炙燒鰻魚丼鰻魚肉質豐腴到入口即化，秘製醬汁甜香滲透每粒飯粒，玉子燒綿密鬆軟！特上海鮮丼鋪到滿瀉既三倍增量海膽，濃郁甘甜，一勺舀起竟有爆漿三倍既增量鮭魚子！紅鱈蟹肉絲絲鮮甜，仲有金槍魚赤身，搭配脆嫩象拔蚌、彈牙魷魚和鯡魚子鹹香交響，最驚喜係藏係底既金槍魚蓉，每一口都吃出驚喜層次！另有✨隱藏食法必試✨ 吃剩三分之一可以召喚店員加入乳白鯛魚高湯，瞬間變身暖胃茶漬飯！高湯溫柔引出海膽的深邃鮮甜，鮭魚子在熱湯中半融爆發海洋精華，螺肉魷魚吸飽湯汁後口感更顯Q彈～…Read More

今晚係donki掃完貨，就上左美麗華廣場搵食，見到呢間西餐廳，放左好多畫作，原來餐廳前身係畫廊，依家巧妙地將藝術同餐飲結合，令食客係品嚐美食既同時，都可以欣賞到六位合作畫家的輪流展覽。今日咁岩係新主題「夢遊獨角獸」上牆，夢幻的油彩同餐廳的暖黃燈光相映成趣，加上駐場歌手的輕柔爵士樂，氛圍非常好！牛肝菌忌廉湯一上桌便散發濃郁菌香，質地綿密滑順。四季薄餅既薄脆的餅底烤得恰到好處，邊緣微焦帶炭香，辣肉腸的微辣的辛香刺激食慾，油脂在高溫烘烤後滲出淡淡煙燻香氣、Parma Ham鹹香柔軟，輕輕一咬便化開、蕃茄酸甜多汁，平衡了肉類的厚重感，增添清爽層次。煙三文魚帶子天使麵驚喜十足——三文魚的煙燻味不過重，帶子煎得外脆內嫩，天使麵吸附了檸檬奶油醬汁，清爽中帶奶香。紐約芝士餅質地厚實卻不膩，餅底牛油香突出。…Read More

今晚同朋友去左沙田秦石邨覓食，意外發現呢間隱藏係屋邨既街坊酒樓，一入去就就聞到撲鼻的鑊氣，就好似返返去舊式大牌檔既黃金年代！金銀蒜粉絲蒸元貝一上枱就聞到濃郁蒜香撲鼻，元貝size驚人地厚身，蒸得剛好保持溏心質感，咬落鮮甜爆汁。最正係佢哋嘅「金銀蒜」炸蒜脆口帶焦香，生蒜辛辣提鮮！粉絲鋪底吸盡元貝精華，仲要唔會蒸到過腍，依然保持彈性，索晒啲海鮮汁同蒜油，每一啖都係罪惡又滿足嘅滋味。特別欣賞師傅蒸製時間掌握精準，元貝完全唔老，仲保留住海水嘅鮮味。連平時唔太好蒜味嘅朋友都忍唔住連粉絲清碟啫啫鮑魚雞煲鮑魚厚肉彈牙，咬落鮮甜冇腥味，仲要每粒都掛滿濃稠醬汁。雞件外皮焦脆帶蜜糖色，肉質嫩滑，醬油底混咗啲薑蔥同秘製醬，鹹甜中帶酒香！椒鹽鱔球外層炸得金黃酥脆，咬開卻是肥美鱔肉的嫩滑，椒鹽鹹香中帶微辣，佐酒一流。…Read More

最近韓劇成日出現既場面，就係食炸雞，所以今晚黎到Goobne ，呢間同平時d炸雞店有d分別，佢係以健康烤雞而聞名，黎呢度一定要食烤雞，餐廳選用高質量既雞肉，通過烤制而非油炸既方式，令雞肉保持左肉質既鮮嫩同健康既口感。今次揀左甜辣口味，甜辣烤雞既調味均衡，既有韓式辣醬既刺激，又帶有一絲甜味，令人食唔停口，非常惹味。除了甜辣烤雞，韓式雞蛋卷也是不可錯過的美食。這道菜品以鮮美的雞蛋作為主要材料，加入午餐肉、青瓜、蟹柳、胡蘿蔔等配料，經過精心烹製後，呈現出金黃鬆軟的外觀。韓式雞蛋卷口感柔嫩滑順，每一口都能感受到雞蛋的鮮美與蔬菜的清新。…Read More

今晚約左朋友係尖沙咀食生日飯，係the one呢間pizza，2人餐非常抵食，2人餐包左2個頭盤，1個PIZZA同1個主菜。北海道帶子鮮蝦披薩北海道帶子鮮蝦披薩的餅底薄脆，搭配了新鮮的海鮮，帶子和鮮蝦的口感完美融合。帶子鮮嫩多汁，鮮蝦則彈牙爽口，加上香濃的芝士，令每一口都充滿鮮味。披薩上還點綴了一些香草，增添了層次感和香氣。和牛面頰手工意大利寬條麵和牛面頰肉質細膩，經慢火燉煮至軟嫩，醬汁濃郁而富有層次感。手工製作的寬條麵彈性十足，完美吸附醬汁，口感圓潤而不膩。另外加左兩個甜品，雲尼拿焦糖燉蛋，海鹽特濃朱古力慕絲燉蛋綿滑細膩，香氣四溢，淡淡的雲尼拿香味令人陶醉。每一口都帶來絲滑的口感，搭配焦糖的甜味，恰到好處，不會過於膩口。海鹽特濃朱古力慕絲質地輕盈，入口即化，濃郁的黑朱古力唔會好甜。將海鹽加入可提升層次感，巧妙地平衡了甜味與鹹味。…Read More

今晚係尖沙咀睇完戲就去左食日式半放題，性價比極高，可以任食日本A4和牛、北海道米豚、廣島牡蠣蠔壽喜燒，同埋任食壽司。限時90分鐘，而且冇限時段，星期一至日任何時段都可以，另加$68就可以任飲啤酒/無酒精飲品。前菜有和風沙律時令刺身五款刺身有三文魚、帶子、希靈魚、八爪魚、油甘魚等，非常新鮮。自選5款即做串燒/料理/天婦羅每人可選5款，兩個人就可以選10款，我地揀左盬燒和牛粒、鹽燒雞翼、甲羅燒、鹽燒三文魚頭、燒牡蠣、味噌田樂茄子燒、海白虎蝦天婦羅，海膽大葉天婦羅。全部都係即叫即生燒，非常新鮮。壽司都有好多選擇，全部都係師父即握壽司，有三文魚、油甘魚、火炙左口魚邊、香蔥吞拿魚蓉、海膽魷魚等等，全部都好鮮甜。任食日本A4和牛、北海道米豚、廣島牡蠣蠔壽喜燒估唔到連壽喜燒都係任食，A4和牛切到好薄，用黎壽喜燒就啱啱好, 牛味香濃，入口即溶，北海道米豚幾乎沒有豬肉的異味，肉質蓬鬆、柔軟、味道清淡，而廣島牡蠣蠔就有濃郁海水味。任食野菜盤、溫泉蛋紫菜飯、溫泉蛋稻庭烏冬因為太飽既關係，我地只係叫左溫泉蛋稻庭烏冬同埋野菜盤，兩款都好夾壽喜燒。雪糕可選芝麻或綠茶味雪糕揀左綠茶味，綠茶味香濃，幼滑。…Read More

牛氣沖天是一家以清湯腩為主打的餐廳，風格現代化、簡潔、環境舒適。清湯牛三寶河粉 (牛腩、牛筋、金錢肚)牛氣沖天的清湯牛三寶河粉絕對是令人難忘的美味佳餚。厚實的河粉伴著濃郁的牛肉清湯，再搭配上嫩滑的牛腩、QQ的牛筋和入口即化的金錢肚，每一口都充滿濃郁的牛肉風味，讓人回味無窮。咖哩牛腩飯另一道必嚐的菜品是咖哩牛腩飯。濃郁的咖哩湯汁綿密香辣，搭配著軟嫩的牛腩和香氣四溢的飯，讓人的胃口完全被征服。這道菜無疑是用來滿足咖哩控的胃口絕佳之選。蠔油生菜蠔油生菜清爽爽脆，蠔油的鹹甜味完美地提升了生菜的鮮美口感。…Read More

係香港一直遇唔到好食既拉麵，直至我係灣仔試過呢間小店，味道同係日本食既一樣，小店座位唔多，大約只有10個，如果要食，一定要早D黎。至極雞白湯拉麵至極雞白湯既湯底係經過長時間以慢火烹調而成，呈米白色，味道清甜濃郁滑溜，口感豐富，雞肉都係經過慢煮而成，肉質非常嫩滑多汁，配料有溫泉蛋，洋蔥，蔥，炸蓮藕等，而麵底可揀直身麵或捲曲麵，麵度更可選擇不同硬度，捲曲麵口感柔軟而且有彈性，配雞白湯非常夾。辛辣雞白湯拉麵辛辣雞白湯是由自家製美味辣醬而成，湯底辣得黎清甜，辛辣程度可以根據個人口味調整，可選大中小辣。餃子餃子外皮香脆，餡料多汁。…Read More

餐廳位於工廈裡面，門面低調，但老闆非常親切，好客，而食物方面我地就揀左$680既廚師發辦，岩哂我d懶人，唔洗自己諗食咩。雞泡魚乾配沙律醬燒到脆卜卜，熱辣辣，口感煙韌，配埋沙律醬，非常香口。枝豆枝豆用鹽醃過，鹹鹹地。壽司八爪魚海膽壽司，八爪魚柔軟中帶嚼勁，而海膽口感柔軟，兩樣配搭好夾。吞拿魚面頰壽司，吞拿魚面頰唔容易係一般日本料理餐廳可以食到。面頰肉比較有彈性，係整條魚最貴同埋最有口感肉之一。吞拿魚壽司油甘魚壽司燒物：帆立貝，雞皮串，玉子，芝士年糕芝士年糕口感煙韌，有香濃芝士味，外脆內軟，雞皮燒到酥脆，非常可口，玉子燒味道鬆軟，香甜，配埋煙肉更惹味，帆立貝炙燒後散發出特有既甘甜滋味。刺身有三文魚、帆立貝、油甘魚、響螺、赤貝、甜蝦、魷魚、大拖羅同埋劍魚腩，刺身都好新鮮，劍魚腩肉質細膩，口感嫩滑厚實，大拖羅油脂甘香，入口即溶，響螺味道脆嫩、鮮甜，赤貝肉質爽厚。蔬菜烏冬最後食埋烏冬就非常圓滿。雪糕既味道都好特別，有牛奶、芝麻同開心果味。…Read More

酸菜魚係現時非常受歡迎既菜式，基本上好多餐廳也做，不過呢間餐廳既酸菜魚味道好岩我，夠酸亦夠辣，份量亦好足夠，CP值非常高。一人餐非常抵食，先選一款主菜、然後再選湯底、再選兩款配菜、最後可選麵或飯，套餐也可以優惠價配飲品。湯底：老壇酸菜湯 (唔辣)；主菜；鱸魚片；配菜：薯仔，生菜；麵食；手打薯粉老壇酸菜湯底帶酸辣濃烈的口味，鱸魚肉質鮮嫩多汁，與酸菜的酸味相互融合，帶來豐富的層次感。湯底：老壇酸菜湯；主菜；鱸魚片；配菜：萵筍，豆卜；麵食；手打薯粉呢款湯底有少量的辣椒，帶來濃郁的風味，而萵筍和豆卜吸滿將湯汁，非常惹味。…Read More

約左朋友聚一聚, 搵左間串燒居酒屋, 呢度串燒好食, 仲有多款日本酒及啤酒, 傾下食下, 好享受!鮮甜蕃茄大大個超甜蕃茄, 配上蒜泥及沙律醋, 甜甜酸酸, 開胃醒神.刺身盛分別有三文魚, 甜蝦同埋帆立貝, 顏色光澤, 味道新鮮, 三文魚肥美鮮甜, 超厚切, 甜蝦同帆立貝厚肉彈牙!豬肝串肉質綿綿, 絕無異味, 配秘製醬汁.豬肚串外皮微微煙韌有咬口, 內裡爽口, 口感十足.秋葵豬肉卷秋葵脆口, 外層薄豬肉包卷, 雙重口感.雞翼串功力十足, 燒到皮脆肉嫩, 香噴噴, 加少少鹽已經足夠提鮮.三文魚頭外皮燒到脆卜卜, 肉質嫩滑, 絕無魚腥味, 啖啖肉, 配青檸醋汁, 鮮味可口.…Read More

朋友升職, 去間高級D既餐廳慶祝一下. 中環高級餐廳都唔少, 今次搵到呢間 A Lux, 門面高貴獨特, 裡面裝飾典雅時尚, 氣氛舒適寫意.叫左4 Course Dinner, 擺盤精緻, 食慾大增.餐包墨西哥脆片脆卜卜, 今次叫左沙律, 下次會點湯品, 配搭更佳.牛角酥表皮鬆脆可口, 內裡綿綿, 完全掌握到牛角酥既精髓. 可配橄欖油或黑醋, 更添味道!煙三文魚多士外表非常精緻, 唔捨得食, 多士超脆口, 加上煙三文魚, 再配埋酸忌廉, 味道相當溶合.Duck Confit Salad鴨肉嫩滑, 肉味香濃, 配埋底層脆餅, 開胃醒神GnocchiGnocchi即是玉棋, 係一種義大利傳統食物, 通常由馬鈴薯, 太白粉及麵粉製成, 有時加入麵包糠, 製成指頭大小顆粒狀. 大廚加入核桃, 再用4種芝士混合既醬汁, 食落微微煙韌, 有口感, 本身味道不濃, 但係配埋芝士醬後變成一道美食!Main Course - USDA RibeyeUSDA質量保證, 牛味濃, 肉質嫩, 尤其是肉眼部位, 憑師傅既功力, medium熟度, 粉紅色肉質加本身既肉汁, 一流!綠茶豆腐Tiramisu + Petit Four第一次品嚐綠茶豆腐Tiramisu, 綠茶既香味配上滑滑既Tiramisu, 放入口慢慢滲出豆腐既味道, 精品!…Read More

朋友話想食韓國嘢, 搵到呢間餐廳, 門口裝飾充滿韓國感覺, 店內裝修陳設亦同樣韓feel, 去韓國旅行前可以先感受一下韓國風味!醬油鮑魚鮑魚煮得好入味, 完全吸收晒秘製汁既味道, 但仲保留住本身鮮味, 冧中帶爽口彈牙, 仲要超大隻, 啖啖肉! 芝士炸雞 (全份)顏色吸引, 雞皮超級鬆脆, 雞肉嫩滑, 好似慢煮雞肉咁, 肉汁充滿整件雞, 加埋香噴噴芝士, 多多都食得落泡菜煎餅韓式煎餅特色係餅邊脆, 餅底軟綿綿, 口感滑滑彈彈, 加上魚露, 辣辣甜甜鹹鹹, 味覺衝擊明洞燒汁牛肉粉絲牛肉經煎香, 有鐵板燒既味道, 粉絲吸收左湯汁既味道, 兩樣配合一齊食, 絕配!泡菜海鮮豆腐湯泡菜湯濃味, 微辣, 超嫩滑豆腐配爽口魷魚, 如果加白飯變湯飯可能仲正!荔枝梳打顏色通透清新, 邊飲邊滲出荔枝香味, 好飲又解…Read More

今日去左屯門探朋友，朋友就帶左我去佢屋企附近既法式小店，小店就係角落，唔太起眼，但我地去到已經坐滿人，原來呢間店係主打法式手工菜，店內雖小，但食物質素非常高。粟米湯粟米湯非常鮮甜濃厚，口感幼滑。西班牙辣肉腸炒馬尼拉蜆西班牙辣肉腸好爽脆，而馬尼拉蜆肉厚又甜美，醬汁酸酸甜甜，店員仲推薦另一個食法，就係將醬汁配埋餐包一齊食，口感都好夾。法式鴿子千層批鴿子批是比較創新既手工菜式，這道菜源自法國，類似威靈頓牛既做法，由一款甜品演變成鹹點，用酥皮包裹住乳鴿肉，焗至外皮酥脆，千層批個皮酥香柔潤不膩，鴿肉味道非常突出，很特別。朱古力梳乎厘朱古力梳乎厘非常蓬鬆，味道唔會太甜，口感軟熟。紅酒、白酒兩道菜都非常適合配餐酒，呢兩款酒由店員推薦，非常夾。…Read More