dogyeung7's Profile

天氣少少轉涼 係時候去十下十下啦!餐廳環境唔錯, 平時啲雞煲餐廳比較迫, 但呢度位置都分得夠開, 唔會好嘈, 而且呢度唔限時, 我地傾計傾足幾個鐘都無問題!我地叫左一個藥膳雞煲 因為我地只係3個人, 所以只係叫左半隻, 雖然只係半隻, 但係份量非常十足!! 夠晒我地3個人食!😛最初以為藥膳味道會淡, 但係食落味道係好濃好香!令到我地完全食到停唔到!😍因為個煲太好味既緣故, 我地點左好多好吸味既野食, 有豆卜生菜金菇菜!個湯唔會太油所以D野食吸晒精華之後味道岩岩好, 超級好味!!!另外肉類方面叫左牛柳粒,豬頸肉同埋魚, 份量夠晒我地3個人食!我自己最鐘意牛柳粒,好香牛味,同埋睇落去四四方方好難熟,我碌耐左少少但都完全唔韌,非常值得一讚!第二推介會係豬頸肉, 唔韌以及份量足夠, 性價比高!總括黎講,呢度環境唔錯,好岩想靜靜地傾下計但又想打邊勞既人!食物方面性價比高,份量大份!非常抵食!…Read More

生日食個放題放縱下!呢間放題最吸引之處係有得任食生蠔, 對我呢個生蠔控黎講簡直係一流!未講野食之前有幾樣野一定要讚下先!首先係呢度嘅坐位係超級舒適, 我地得兩個人但都有大大張枱同位另外不得不讚嘅係呢度嘅服務, 服務照貼心! 店員會幫我地放好啲野食, 好有禮貌, 見我地想影相仲會主動幫我地影!仲有呢度點菜係用Wechat scan qr code,唔會漏單之餘上菜好快, 仲可以環保啲唔洗用咁多紙:) 至於野食方面, 今日係衝住生蠔而來, 呢度有個蠔吧, 只要將個生蠔牌放去蠔吧, 就會有人即時開蠔拎去個位架喇:) 任食黎講生蠔都算唔錯, 夠大隻同夠肥! 另外, 刺身選擇非常多, 有啲平時放題食唔到嘅刺身都有! 令我有驚喜嘅係呢度嘅壽司! 好多壽司都好特別同出面食唔到, 個人覺得最好味嘅壽司係黃金花之戀人同埋火灸黑松露凡立貝壽司, 呢兩款我地都要再點 另外串燒都令我覺得驚喜, 個人覺得燒牛舌係最好味, 其次燒菠蘿都唔錯 最後, 雪糕雪條都唔錯! 自己推介紫米雪條! 唔太甜好味道:)…Read More

一直都未試過築地 聽朋友講呢間築地日本野好好味 襯今日同朋友出街就上來試試餐廳環境唔錯 環境夠靜同朋友慢食傾計一流！刺身方面我地點左一個二人分量的櫻盛合，刺身分量夠晒兩個人食，種類都有8-9樣，我最鍾意佢有一板海膽！！😛海膽，三文魚，醋鯖魚的質素都唔錯！兩個人食非常值得叫一個櫻盛合，種類多每樣質素都唔錯！👍🏼壽司方面性價比高！好食又抵食，火炙壽司真係點完再點！火炙芝士三文魚腩壽司係必點！👍🏼見到原來9點後入座壽司有半價/8折，真係性價比超高！下次會同朋友9點後再黎食過😛…Read More

今日父親節，同屋企人食放題慶祝，好彩有預早BOOK位，去度個時都好多人喺門口排隊等位！刺身：三文魚同油甘魚係推介。三文魚新鮮同夠厚，油甘魚唔會腥。壽司：火灸壽司係推介，火灸蒜香牛油三文魚牛油味入晒落啲三文魚度，加埋火灸，所以食落去好香，一啖食落口真係大滿足！天婦羅：天婦羅款式多，特別啲嘅有海鰻天婦羅，但始終最愛都係天婦羅蝦，皮唔厚，蝦夠大隻！炸物：我較中意呢度啲熱食，每樣份量唔會太大，夠適中可以試到好多，榴槤炸彈係我必點，最初驚漏只係點左一件，但食落口都唔錯，香口，滿足到我呢個愛榴槤之人。熱食：羊鞍都係推介之選，愛羊之人都係必食，羊味夠濃，唔會勒唔會蘇，都夠大件，我食左一舊都夠喉：）甜品：推介嘅有movenpick雪糕同朱古力噴泉！今晚同屋企人食得好滿足同滿意:)…Read More

之前同媽媽慶祝生日就全家嚟食放題， 我哋都係第一次嚟呢間食。 其實我哋都唔多食放題 ，不過今次食完覺得都唔錯， 就等我推介下啦！食放題一嚟到就叫一大盤刺身是常識吧！(佢又真係超大盤！仲要有埋乾冰，好有舞台效果😂絕對岩相機食先！) 刺身都幾新鮮特別係甜蝦、油甘魚、鮑魚片同劍魚都好正， 所以刺身就叫咗2 rounds 😍😍(2 rounds都好夠)。除咗刺身，佢啲卷物都幾好味又特別。個鰻魚卷入面有芝士㗎！ 啱曬啲芝士控！ 兩者原來都幾夾，好好味~ 仲有個芒果軟殼蟹卷食落幾清新唔會好膩。 (啲卷卷既賣相都唔錯♡)另外仲有好多其他小食，例如芝士焗扇貝、 泰式生蝦、汁煮青口、烤羊架、牛柳粒、天婦羅等等。我幾欣賞個烤羊架，因為佢嘅羊味出得黎又唔騷，啲香料都幾夾唔會遮左啲羊味。而個焗扇貝雖然味道唔錯，但太多醬太滯會令戰鬥力大大減低，食一隻就好夠。 而碟泰式生蝦都幾新鮮啲蝦幾爽口彈牙， 醬汁都幾惹味 (好似係一啲生蒜加泰式辣醬之類) 。 美中不足既係醬汁有少少唔夠，得面頭嗰層有汁。食完咁多嘢，梗係要得閒食下蔬菜/沙律/生果黎消滯啦~ 佢嘅烤菠蘿同燒翠玉瓜都好juicy。 絕對可以中和一下膩嘅感覺然後繼續戰鬥😂 (個烤菠蘿真係又甜又多汁超值得推介♡♡) 不過， 就覺得沙律種類太少得一款heahea地嘅蛋黃醬青瓜絲沙律，滿足唔到鍾意食沙律嘅朋友。不過，除左用依啲消滯， 依度仲有一樣祕密武器，就係... 道地解茶&解綠茶！(飲左2~3支😂) 當然，仲有好多款唔同嘅飲品啦連清酒啤酒都有呀~最後，一個完美結束緊係由甜品畫上句號。依度有好多款甜品，而係佢咁多甜品中我個人最like既就係佢個牛乳奶凍♡♡♡ 巧巧痴der~ 幾香奶味又滑又唔會膩(仲好細心咁用乳牛pattern既花紙decorate個杯，好qq) 其實一去到見到個雪櫃有韓國蜜瓜雪條香蕉雪條同細個成日食既牛奶樂朱古力雪條已經心心眼♡♡♡ 預左一定要是旦食一條♡♡♡ 最後都係揀左牛奶樂...(因為依加好似較難買到😢)總括而言，整體上都唔錯，服務都幾好幾快唔會拖你單，食物種類都算多，而且環境都算坐得舒服，光線幾充足又幾企理，係同朋友家人飯聚既好選擇👍👍…Read More

行完旺角，想食啲特色野唔想食連鎖店，見到呢間村爺爺個名幾特別又見到其他客人有大大隻龍蝦頭喺碗飯度咁特別，當然要一試啦！叫左個呢度嘅招牌菜：極上海鮮龍蝦湯泡飯！一黎到有大大隻龍蝦頭，緊係要相機先食啦:) 再飲一飲啖湯，好濃好鮮！同埋當啲飯配埋啲湯一齊食，好入味好好味好有驚喜！份量仲要大大份同埋好多配料，吸引！而家旺角成日都係連鎖店，今日食到咁特色既餐廳同埋店主好好人會介紹我地有咩推介，今餐飯真係大滿足:)…Read More

同友人喺銅鑼灣行街後想食少少野又唔想食太飽，見到登龍街有麵館，見到麵館皇入面勁多人，當然都唔走寶，一入到店舖已經聞到好香嘅藥膳味。黎到當然要試下呢度出名嘅藥膳罐雞湯刀削麵啦，我地另外叫左一份口水雞牛腩藥膳刀削麵：果然名不虛傳，湯味好濃好香，刀削麵唔會硬度適中，唔會太硬或者太軟，當食一啖刀削麵配上一啖湯，好好味好特別，牛腩唔會軔夠林，值得一試！口水雞：份量好夠兩個人食，雞肉唔鞋好滑，再點埋啲汁真係一流，食到唔想停，好快就清晒成碟…Read More

星期六晚喺尖沙咀行到餓餓地，又好耐無食放題，見到有職員派宣傳單張，所以就決定一試。放題頭盤緊係刺身啦，啲三文魚真係好厚切，對於鍾意食三文魚嘅我真係一大滿足，另外，馬刀貝食落去嘅質地都好正，值得一試。另外比較特別嘅係呢度有蟹腳食，點完再點是必須吧相撲手嘅串物好好食，極推介鹽燒牛舌，安格斯一口牛粒，一上枱襯熱食一流！！相撲手嘅燒物都名不虛傳，極推介芝士焗蠔，焗羊鞍，仲有其他放題店食唔到嘅燒茄子！食物之外，呢度嘅職員服務同埋態度好好，野食上得快，唔會甩單，食物款式多，值得一試:)…Read More

平時搭叮叮經過已經見到大大的招牌，今次終於來了食了。和友人點了個A餐($298)。落單後會先放米及南瓜落去鍋入面，待一陣海鮮的汁再落到粥入面！這裡的服務很貼心，會有服務員專人為我們蒸海鮮，我們只要安坐在坐位就可以啦特別推介以下海鮮：聖子，這裡的聖子絕不馬虎，大大隻，再配上蒜蓉粉絲。聖子好鮮甜，粉絲好入味！元貝，大大粒，大到要切片蒸呢！石蠔，大隻到手掌咁大真係第1次食:)食完海鮮之後的南瓜粥都是一大精髓，唔同海鮮的汁都落入粥入面，好鮮甜好特別！…Read More

尖沙咀出名多好野食，行下行下經過見到個名咁特別，所以試這間！星期六關係，晚餐時段要等大概10分鐘先有位，但為食心頭好，等下都值得一入到餐廳，已經有陣臭臭的香味，已經吸引到我和友人想立即試試呢度嘅臭臭鍋！呢度有八個choice，友人選了臭臭鍋，我就選了沙爹牛肉鍋。我們仲點了炸雞跟羊肉呢度啲醬料好特別，有豆板醬，蒜容及沙茶醬，溝埋一齊好好味味道好特別！由於一個鍋加一個飯都只係$108，本身無預計會大份，點知，一上枱就發現好足料，一點都不馬虎！湯底好濃，配料全部都好入味！仲會有粉絲喺底，粉絲索晒湯底嘅味道，真係好好味，而且味道好特別，係出面嘅火鍋完全食唔到！實在太值得一試！另外，不得不讚呢度嘅侍應，佢地好有禮貌好有笑容！今餐食得好開心同好滿足…Read More

行到餓餓地，沿路邊行邊覓食，經過尚品餐室，已經有好香好香既味道，所以決定一試。一睇餐牌已經係花多眼亂！我同友人兩個人都諗左陣先可以決定到叫什麼，我們點了碗潮汕肉碎雞粥，腐乳炒通菜同埋風沙椒鹽九肚魚。潮汕肉碎雞粥：碗粥好正宗，好有潮洲粥嘅感覺，同埋用料十足，而家好難食到咁正宗咁足料嘅粥！好好味，我同友人好輕鬆就將成碗粥食晒腐乳炒通菜：份量同賣相絕對唔惹少，啲汁好多好好味，炒得好入味，食每啖通菜都有腐乳嘅香味，我同友人真係食到完全停唔到。風沙椒鹽九肚魚：唔係好多地方食得到，見到呢度有得食當然要叫啦！風沙椒鹽九肚魚絕對沒有失望，一定一定要點，一咬落去係皮薄完全唔會覺得太厚粉，九肚魚非常滑，非常值得推介。而且呢度份量十足，大大的一碟九肚魚，但實在太好味喇，我同友人全部食晒。尚品餐室確是驚喜之作，佢小菜之外仲有雞煲同火鍋，下次會同多啲朋友黎試下個雞煲…Read More

同朋友經過附近，又唔係非常肚餓，想食碗面做晚餐，見呢間餐廳外觀唔錯，入面裝修又好，所以就決定一試。我同朋友比較早食晚餐既關係，餐廳入面唔算太多人，唔洗等位就可以入得呢度點餐同喺日本叫拉面差唔多，都係比一張點餐紙等我地自己圈，我點嘅係白熊拉面+蔥+木耳+1.5mm中幼面，普通硬度，再追加紫菜。一上枱，飲啖湯先試一試，個湯好濃好好味！飲到停唔到呢度啲拉面唔會太硬或太軟，我覺得個硬度控制得好好，自己本身鍾意食木耳關係，當佢配埋啲拉面一齊食嘅時候特別夾！當拉面配埋木耳再配埋湯一齊食真係好好食好入味。另外，自己感覺塊豚肉比出面食嗰啲大塊，抵呢間餐廳仲有其他小食，下次再黎既時候可以再點個餃子試下…Read More

行街前醫飽肚，到了時代廣場後街的大廈吃午餐，後街有好多野食，見到有一棟大廈有好多唔同餐廳，決定黎呢間一試。我同朋友因為較晏到達嘅關係，餐廳入面唔算太多人，唔洗等位就可以入座:) 餐廳環境唔錯，靜靜地最適合我。呢度嘅午餐款式好多，台式牛肉麵同泰式青咖哩牛腩飯都好吸引，但我唔係好肚餓，所以最後決定食台式牛肉麵一上枱啲湯好濃好香，啲麵吸左啲湯嘅味特別好味！呢度啲麵係正宗嗰啲台式麵，夠彈牙唔太林，我幾鍾意個質感。至於牛肉就份量足，整得夠林又唔會太老，唔錯唔錯因為今次同朋友都唔係太肚餓關係我地冇叫到啲小食，下次再黎嘅時候可以叫啲小食，見到隔離枱食啲賣相都唔錯！…Read More

好耐無飲茶喇！今朝專登約埋朋友去飲茶一望到餐廳入面覺得超新穎，原來呢度有得飲茶之外仲有得飲咖啡！我地點左好多點心，我地叫嘅每款點心都好正好好味蒜香蒸排骨：排骨加埋啲蒜香蒸到入晒味！又唔會硬，夠晒林，值得一讚！手工布拉腸粉：腸粉好滑嘟嘟又好大碟，再加埋啲甜醬麻醬，我地兩個人竟然將成碟腸粉食晒鮑螺雞燒賣：聽到呢個咁多料嘅燒賣緊係要叫返個試下先啦，一上台就見到大大塊鮑螺，抵食！我仲點左一杯hazelnut latte，飲中茶之外仲可以飲咖啡，雖然呢度係飲中茶，但呢杯咖啡一啲都唔遜色，味道濃得黎咖啡味都非常夠！總括而言呢間餐廳食物有驚喜，環境都唔錯，值得再食…Read More

平時食放題都係旺角居多，今日行經觀塘，見到APM隔離有放題食，心血來潮又想食啦，所以就決定今晚食放題開心下:)一開始當然要食個刺身先啦！三文魚，甜蝦，帶子當然係必食啦，但我覺得最好味嘅係象拔蚌，平時放題好少見，今次見到有當然要叫啲啦，食落去爽口新鮮，真係極度推介！燒物：我至愛係鹽燒牛舌同燒羊鞍，牛舌厚薄適中，羊鞍就羊味濃厚，好好味，我地食完忍唔住要即刻返點炸物：天婦羅熱辣辣真係無得輸。再食埋榴槤炸彈，榴槤味極濃，愛吃榴槤嘅我真係食完超滿足！壽司：我鍾意御前千喜塔同青蘋果香芒醬松葉蟹肉花之戀，呢兩款都夠特別，值得一試！一品料理：平時自己好少叫一品料理，今日想食少少熱野，活鮑魚炒鮮筍真係特別推介，爽爽地嘅鮮筍配埋鮑魚塊，好好味又好有獲氣。食完之後仲有haagen daz雪糕，滿足嘅一餐…Read More