一開始當然要食個刺身先啦！三文魚，甜蝦，帶子當然係必食啦，但我覺得最好味嘅係象拔蚌，平時放題好少見，今次見到有當然要叫啲啦，食落去爽口新鮮，真係極度推介！
燒物：我至愛係鹽燒牛舌同燒羊鞍，牛舌厚薄適中，羊鞍就羊味濃厚，好好味，我地食完忍唔住要即刻返點
炸物：天婦羅熱辣辣真係無得輸。再食埋榴槤炸彈，榴槤味極濃，愛吃榴槤嘅我真係食完超滿足！
壽司：我鍾意御前千喜塔同青蘋果香芒醬松葉蟹肉花之戀，呢兩款都夠特別，值得一試！
一品料理：平時自己好少叫一品料理，今日想食少少熱野，活鮑魚炒鮮筍真係特別推介，爽爽地嘅鮮筍配埋鮑魚塊，好好味又好有獲氣。
食完之後仲有haagen daz雪糕，滿足嘅一餐
