bistop's Profile

呢排熱到傻，成日想飲快樂肥仔水，但又唔想行太遠，所以就買咗幾次呢間最近公司嘅Sharetea.每次幫襯姨姨/姐姐都講得好清楚我地個選擇嘅利弊😆例如去冰杯嘢會唔滿，買杯嘢飲啫但係資訊講得清楚又好招呼。今日趕落去拎嘢飲嘅時候見到外籍遊客飲緊，姐姐都叫佢飲筒套可以掉佢地個筒度，其實真係小動作，但係依家已經少有啦。今日飲黑糖烏龍茶+仙草凍&小芋圓。話說呢度啲小芋圓我覺得係市面幾間主要茶飲店中最好食嘅。😆size易吸，煙韌，有芋味。…Read More

由沙田食到搬嚟將軍澳見佢開新鋪叫好開心。將軍澳店應該係開鋪以嚟食第四次😆難得今次終於食到拉絲炸蛋，本身以為係加料版狂人粢飯，但係一開出嚟完全係出乎意料，唔怪之得嗌幾次都無，因為製作都真係好麻煩，如果人多真係唔會幫你整。開出嚟好似兩粒巨蛋咁，原來係兩大粒粢飯拎去炸再包好。。。好抵食下，因為一定夠兩個女仔share, 不過如果怕油就要諗諗，其實食落口唔油膩，但係視覺上係會驚，因為一拎出嚟未開包裝佢已經滴緊油（真係滴），開出嚟就飯團底，個包裝盒都有好多油。。。（真係要諗諗，唔通佢"琼"完油都仲會繼續漏定咩解究）。另外其實十次有八次都係買 超煙un豆花，今次特別溶。。。啲豆花好似泥漿咁嘅口感，有啲嘔心🙈 希望做好啲QC啦🙏🏻…Read More

食完好想打食評，發現有咁多好評，唔通我叫錯嘢食？三個女仔，今晚order咗以下items:(限定）雪山海鮮飯迷你泡菜豆腐煲水牛雞翼明太子牛油果煙肉意粉士多啤梨麻薯waffle一人一杯嘢飲芒果奶蓋士多啤梨奶蓋士多啤梨烏龍咖啡埋單加埋一，八百幾落樓。嘢食除咗甜品基本上全伏。泡菜豆腐煲泡菜無幾多塊，溝咗好多大白菜，酸味唔夠，搞到白菜啲青味好出，而且完全唔夠熱，自己屋企亂整都好食過佢賣成$98.雞翼係煎雞翼，hea啲水牛汁上去，可能知道雞翼勁奀所以menu寫6隻俾咗7隻，但係最後兩隻好似中過輻射咁，所以都係無食晒。意粉叫做正常，唔記得幾錢，總之唔值。重中之重就係個雪山飯，要出到"煙霧彌漫"四個字，我知你想做個打卡效果，但係可唔可以唔好用神枱香用罩焗住再放出嚟俾人？一開個罩我爭啲爆粗，同屋企拜神啲香一樣味。一餐飯就俾陣味燻咗幾次，真係好難頂。個海鮮飯用急凍海鮮不意外，但係炒出嚟無味係咩玩法。嘢飲正常，呢個價錢應有嘅質素。甜品出色，成個combination好食。好可惜餐廳趕清潔，餐廳10點收，9點收錢埋數唔緊要，但係我地9點20分開始要聞住佢啲化學劑抹臺嘅味（其實可以抹其他枱先，唔知點解要抹我地隔離張枱先呢可），然後餸住啲味食甜品。走嘅時候9點35, 入面仲有兩枱客。食完要即刻戴返口罩。順帶一提，我就咁啱大緊肚，但係因為係後期所以都唔覺對氣味真係咁敏感，唔明點解啲人對個雪山飯啲煙好似反應不大。。。講真想聞香可以試下order.仲有個反差位係有位staff一開始信心滿滿咁介紹餐牌上佢話人人都叫嘅item, 好可惜我地其中一位朋友食素，所以我地除咗個打卡飯之外都叫唔到，又講到好街坊生意咁，然後咁嘅價錢出品係咁嘅質素。。。不如試下打返好啲基礎，做好啲服務先搞打卡gimmick嘢啦。…Read More

想食個full啲嘅早餐用openrice app訂餐仲有-$5優惠不過就算唔減都覺得價錢ok點咗個肉丁米粉+炒蛋+牛油厚多士喺地鐵上嚟嘅時候落單行到過去啱啱好個忌廉雞湯好襯粉麵估唔到連落埋肉丁+米粉個味都好夾肉丁唔孤寒米粉好滑，好啱我胃口炒蛋有蛋味份量啱啱好呢個年頭三四十蚊食到呢個quality其實都有難度咖所以都上嚟寫返幾隻字撐下要嫌係杯華田淡少少睇下下次會唔會轉佢個奶油豬/牛角包試試個外賣+$1有分隔湯同麵好make sense嗰種啦…Read More

下午茶時間口痕行過叫咗燒賣拼腸粉姐姐幾好禮貌咖不過啲嘢食真係不了腸粉蒸到入口即溶燒賣有膠感無魚味廿蚊有三條長腸粉+10粒燒賣係ok但係咁嘅quality真係食唔晒...就咁。…Read More

星期六下午一點幾去等，有一小條人龍，原本驚要等好耐，好在佢上層多位，都好快有得坐。因為本身都好期待，所以放棄二人餐散嗌。以下為兩個人嘅order:-烏冬 (蘿蔔，百頁豆腐，通心菜）-王子麵（杏飽菇，豬腸，甜不辣，豬耳）-shake shake海苔鹽酥雞-台味奶茶兩杯-芋圓（唔記得咩名，係多啲料，$38嗰款）自己同朋友對鹽酥雞同芋圓要求都高。所以有啲灰。雞嚟講，唔知點解佢無咗蘋果嗰款，但係淨係講件雞，同台式都好有距離。由醃法到脆漿到最後調味，唔係特別好味之餘其實豪大大都台式過佢。芋圓嚟講，1. 細碗，2. 芋圓唔好味（太彈，明顯因為佢個粉同芋頭/地瓜個比例唔好，食唔係好到芋頭/地瓜味），3. 嚴重冰底。Well, 收得$38仲要冰粒做底，有要求嘅都係俾多少少過隔離x芋仙吧。芋圓多冰（？）第一次見其實同火鍋肥牛墊底塊嘢有咩分別講返主菜滷味其實個滷汁係正，而我已經係揀佢張餐紙有手指公嗰啲items(通心菜/蘿蔔/百頁豆腐唔記得係唔係），係因為鐘意食烏冬先揀烏冬，點知我最滿意就係個烏冬，因為掛到汁但係唔會太咸。通心菜一個字 - 硬 (可能我唔識食啦）蘿蔔舊舊都有渣你夠膽擺手指公上去（？百頁豆腐就點都無死不過普通嘢朋友嗰碗，所有料都係普通嘢，不過不失咁，但係個王子麵勁咸，食到最尾佢都免得傷腎放棄，真係鐘意重口味先好叫。奶茶好正路，就係Earl grey +奶，明明畫紙寫熱飲半糖，張單打咗做凍無糖，及時話俾職員聽後嚟到變成熱無糖。結語：服務態度好，試完一次就算，唔會翻啅。完～完～…Read More

同3個姊妹聚餐帶位位女士叫我地一坐落4人座無10秒就叫我地出返出啲一張無軟坐嘅枱話想拆我地嗰張變成2+2俾佢入人態度已經好一般唔該都無聲仲話"俾我入多兩pair人啦"算啦我地就合作啲將個hi咗軟坐一下嘅patpat移去第二張枱之後嘢食陸續嚟我地見無位就將個burger成碟放上之前食完隻碟上面同一個waitress係要收底嗰隻碟然後整淋咗我地個burger都算到我地食晒嘢慢慢飲緊嘢嘅時候同一個waitress又砰拎bang攔咁收我地枱面啲嘢，效率之快。。。仲一手隊落我地有支飲剩1/4嘅apple cider度淋到我地其中一位朋友腦細，又唔係唔俾你收，急啲咩呢？外面都無人等緊啦我都唔記得佢有無say sorry但係肯定嘅係佢急急腳收完佢要收嘅嘢掉低幾張紙巾/濕紙巾仲講咗句"好彩唔係成支啫"如果唔係我地傾得咁開心佢淋到個朋友特別和善我同另一朋友一定鬧爆咗佢都叫做賣緊成舊水一個burger丫老實講service連M記啲遮遮都不如不過香港地就係咁你一開聲嘈佢總有人覺得你無理取鬧嘢食ok咖需然個人覺得cwb做得好啲但係tst無下次…Read More

咁啱唔想食飯，見到單點例牌嘅"鮮雞"$60, 加個菜$18, 都ok, 個門口阿姐又聲大大狂sell, 諗住試試。去counter落單，叫3樣嘢，位小姐反應其慢咬字不清，要一個手撕雞飯，一個淨雞，加個菜，淨係聽得清佢"無晒醉雞"呢個訊息已經聽到我眉頭夾死烏蠅。門口阿姐狂sell 醉雞然後原來無晒醉雞，焗轉沙薑，算啦，希望好味。下面呢碟，就係價值$60 六件，有一件係頸，一件係翼尖，雞皮極厚，醬汁騎呢嘅所謂鮮雞。旁邊係$18 用甜品兜裝嘅雞湯蛙蛙菜。一見到，我呆咗。個阿姐問我咩事。我話呢個叫例牌呀？佢就話啲鮮雞來貨幾貴幾貴同外面啲冰鮮唔同云云。又話咩佢地都無乜得賺淨係想做個名blah blah blah.我都費L事再講，當我時運低，我個人好間單，一食到唔好食嘅嘢就唔開心，唯有成程黑住面食咗三舊雞，$60 六件唔好食嘅淨雞，真係中環都買唔到，背脊骨落晒。中途阿姐仲好好心咁同新坐落嚟隔離兩位女士講又係啲雞幾鮮成本幾貴仲話"哎吔隔離個女仔就係覺得例牌好少呀但係呢鮮雞好貴㗎嘛係好唔同㗎嘛啦啦啦。。。"成場喺度嘈。我嘅不滿升溫，令件雞難食多兩度。如果有半粒星我係唔會俾一粒呢間嘢。東廣場咁多選擇，應該好快自然淘汰。臨走見我呢個嫌細份嘅人食剩咁多仲問長問短問洗唔洗俾返啲手撕雞我食問我係唔係唔鐘意食翼呀你唔鐘意可以講丫我地隨機㗎blah blah blah 係咪唔鐘意佢凍呀個汁唔鐘意呀。。。煩到痴咗。事實係嘢唔好食，貴，你好煩。食一次都嫌多，奉勸大家迴避。…Read More

Bagel lover如我食完一次之後對佢念念不忘，終於再encore!星期六12點前入到去，鬆鬆動動，同朋友各叫一個set bagel 跟咖啡同沙律，上次試過夾steak, 今次試個western breakfast❤️跟poppy seed bagel餡料如漢堡（patty/煎蛋/煙肉/菜）配厚厚又烘過嘅poppy seed bagel, 大滿足！（一路食一路跌餡XD)加$18就有得跟沙律同咖啡幫襯兩次沙律都係超新鮮，咖啡都係水準之上，鍾意bagel嘅唔好走寶！Staff(老闆娘？好nice, 原本想飲忌廉湯但咁啱嗰日得菜湯，佢話下星期嚟佢會整😆😆😆fyi, 上次我食嘅philly cheesesteak 都好正，朋友因為唔食牛，上次叫咗smoked salmon + 菠蘿嗰款，同埋今次叫great canadian breakfast 都推介🤤…Read More

同個同事講起上環呢度咁多cafe, 作為coffee lover佢話要見一間試一間。我就幾大都唔搏，呢度又唔似得澳洲求其買杯house blend都唔會死得人。大佬俾40蚊買杯咖啡，唔好飲真係會灰成個下晝㗎嘛。佢試到呢間就包膠返話個flat white得，我即刻滿心歡喜，因為自己鐘意飲多奶嘅咖啡，加上未飲過邊間flat white係真係做得似樣嘅。上次去咗太子/深水埗交界間cafe飲杯flat white, 佢個menu畫到好言之有物話flat white個奶泡要去到幾多云云，但係一叫出嚟嗰下都係fail咗。。。講返正題，星期三lunch時間走到過去，鋪面乾淨簡單唔花巧，一眼見晒兩塊黑版仔嘅menu+兩位台員，心郁郁之下見佢有塊好temp嘅牌寫住"Signature Latte"即刻就扑搥。八掛如我就問下店員哥哥signature同普通有咩分別，佢就答話基本上啡同奶個料係一樣嘅，但係個奶泡做出嚟會綿啲密啲滑啲！叫咗杯中size盛惠40蚊。極速俾到我，仲要半透明嘅杯蓋底下有拉花！個杯蓋好特別有粒黑色plug仔俾你掹出嚟放熱飲管，都頗鐘意個杯嘅design. sip一啖啡，香滑順喉，温度剛好。奶啡平衡得好好，咖啡底個調個人好鐘意，帶酸但係唔會有澀嘅感覺，濃但係唔會令人覺得"火農". 多一間好嘅咖啡店雖然只係做take away, 但係好過成日淨係可以幫襯*巴克/太平洋丫。希望keep到個味啦！下次試下佢啲唔同味嘅latte先！…Read More

朋友原本想訂銅鑼灣Outback但係full晒所以訂灣仔呢間。1920到達, 朋友未到慢慢坐, 坐坐下朋友話想轉位都安排到~有少少on居嘅係, 落單嘅時候有個姐姐行過嚟, 我up咗4個dish左右, 佢走咗去叫個哥仔過嚟, 我地幾個即時笑晒; 當然我有d懷恨在心啦大佬記唔晒d order你講一聲"唔好意思"先行開好基本掛, 好彩之後個take order嘅哥哥仔幾helpful。一開始睇Openrice d comment有少少嚇親, 好彩turn out都唔差, 我地嗌咗以下嘅嘢(sorry太餓無影相)- 炸洋蔥花- 日式煎吞拿魚:)- 小辣雞翼拼baby ribs(有少少芝士煙肉薯條跟碟)- 16oz 燒牛肉(唔知點解叫"prime rib"? 叫咗medium):)- Caesar salad with shrimp- 兩杯紅酒兩杯白酒(happy hour 4-8pm, selected wine買一送一)差d想叫多個pasta加埋alice spring chicken... 好彩聽個4眼哥哥講, 因為4個女仔真係食唔晒。個salad... 無記錯$120左右, 真係唔洗叫, 未食過一個caesar salad source咁鬼咸, d shrimp無乜味。炸洋蔥花, 如果一大班人一齊去或然者你好鐘意食香口嘢真係正, 餸啤酒應該好爽, 我地4個女仔食唔晒。日式煎吞拿魚幾特別都幾開胃好食, 佢一上嗰個樣真係唔認得係吞拿魚... 反而似生牛肉; 細細件可以一啖一件, 跟碟有兩種source, 兩種都好特別, 推介~!拼盤有4隻雞翼幾件ribs, 想食多幾款就要叫呢個~! (原本好想main course嗌baby ribs...!)睇完comment見d人意見差咁遠所以嗌少少食住先, ribs唔算好多肉不過幾林, 幾惹味。燒牛肉非常美味~ 叫medium剛剛好, 中心粉紅色, 夠林夠肉味個汁都好好味, main course包括兩種主食, 我地叫咗兩份baked potatoes, 好好食~! 不過飽到震~!我地幾個七點幾坐到十一點, 傾計一流, 埋單位位200蚊都幾抵。…Read More