zoezoefu's Profile

昨晚星期日媽咪唔想煮，見未試過茶記嘅晚飯小菜，媽咪又想食，於是七點便去攞位。落到去見到已經full左，好多人，要等位，以為等十分鐘左右，誰知一等等左廿分鐘，不過媽咪又好想食唯有等下啦。坐底後見到附近好多枱叫雞煲同羊腩煲，好似好正咁，但媽咪唔食得辣，我又唔食羊，唯有食其他啦。有位呀姐推介話是日有新鮮海鮮，蟶子廿五蚊隻，又介紹豉汁蒸白鱔，估唔到茶餐廳竟然有新鮮海鮮食，因為我同媽咪都好鍾意食海鮮，於是叫左蒜蓉蒸蟶子,豉汁蒸白鱔,再加個炒菜心。等左10分鐘左右就到了，白鱔好爽囗，冇泥味，個汁調較得好好，蟶子都非常新鮮，都算大隻，味道同之前去流浮山食一樣！至於炒菜心就冇乜特別，但幾有鑊氣。今晚同媽咪食得好飽，埋單都係二百蚊左右，d海鮮真係好抵食,白鱔都係$88，蟶子四隻先$100，估唔到喺茶記竟然有又新鮮又抵食嘅海鮮！會再來！…Read More

嗰一日响西貢市中心考慮緊去邊度食晚飯最終決定試吓呢間都幾多好評嘅餐廳餐廳位置唔算難搵唔使等位就入到去食啦員工都好友善 因為嗰日都飽飽地(西貢實在太多嘢食啦)所以我哋兩個人只係order左兩個主菜呢個青口真係好好味啲汁酸酸辣辣咁好醒胃食到停唔到口相反個白汁雜菌意大利飯我覺得比較遜色少少其實個味道係ok嘅但係啲飯粒比較硬身同大粒好似唔夠熟咁…Read More

之前都聽聞過呢間麵包舖個菠蘿包好正嗰日咁啱經過西貢都特登來朝聖下間麵包舖唔難搵門口見到一條好長嘅人龍就知係呢間啦我都唔係等左好耐嘅今次我買咗一個牛油菠蘿包同埋一個葡撻嚟試吓果然名不虛傳啊個牛油菠蘿包好鬆脆入面熱辣辣襯埋舊牛油，簡直係絕配呀個葡撻都好好味呀甜度適中外脆內熱兩樣都係must have items…Read More

去西貢市中心經過白沙灣見到呢間好靚嘅餐廳好悠閑好有歐陸風情就忍唔住同男朋友去試吓首先講吓間餐廳嘅環境先餐廳分兩層我哋係上層度食我哋坐窗口位望正白沙灣即使開住窗因為室內有冷氣所以一啲都唔熱員工都好友善同有效率我哋兩口子叫左四道菜呢個蟹餅真係好好食好濃郁嘅蟹肉味再加埋面頭有啲三文魚子好新鮮一啲都唔漏個沙律都不過不失啦食材好新鮮個白汁青口好好食青口好新鮮好大隻啲汁用嚟點麵包一流回味無窮一開頭以為雞胸一定好硬好乾但係呢塊雞胸一啲都唔硬好似雞髀咁嫩滑估唔到雞胸都可以整得咁好食我下次一定會再去食過…Read More

見屋企附近新開左間茶餐廳放假就入咗去試吓間茶餐廳裝修得吾錯吾似一般舊式茶餐廳等左一陣就有位了啲staff落單都快手同有禮貌食物好多選擇我嗌左個豬扒公仔麵味道吾錯喎份量適中，豬扒好大件杯奶茶都好得！茶奶比例剛剛好價錢好抵食，下次會再去試埋晚市先…Read More

想試中村藤吉好耐，但又怕好多人排隊好好彩今次下晝去到吾洗排環境好大，好乾淨Staff都好有效率之前去京都試過印象好好今次我地兩個人去食叫左三樣野最最最好食的綠茶mochi有兩隻sauce點份量多d就更好…Read More

我地三個人去食和民，環境吾錯，都算衛生員工都好快手落單都好有效率我地嗌左四個菜最好食係牛油焗帶子分量多d就更好個壽司拼盤麻麻地魚生味道一般尚算新鮮下次有機會都會再去ge…Read More