坐底後見到附近好多枱叫雞煲同羊腩煲，好似好正咁
，但媽咪唔食得辣，我又唔食羊，唯有食其他啦。
有位呀姐推介話是日有新鮮海鮮
，蟶子廿五蚊隻，又介紹豉汁蒸白鱔，估唔到茶餐廳竟然有新鮮海鮮食
，因為我同媽咪都好鍾意食海鮮，於是叫左蒜蓉蒸蟶子,豉汁蒸白鱔,再加個炒菜心。
等左10分鐘左右就到了，白鱔好爽囗，冇泥味，個汁調較得好好，蟶子都非常新鮮，都算大隻，味道同之前去流浮山食一樣！
至於炒菜心就冇乜特別，但幾有鑊氣。
今晚同媽咪食得好飽，埋單都係二百蚊左右，d海鮮真係好抵食,白鱔都係$88，蟶子四隻先$100，估唔到喺茶記竟然有又新鮮又抵食嘅海鮮！會再來！
