lamchunki's Profile

香港店都開幕了1個月。初初睇其他youtuber都話同日本店唔同，以為1個月後會有所調整，點知有中伏嘅感覺。本身都冇特別抱有期待去。當日9點左右到達店外排隊，前面已經有2個人排緊😂 由於現時已開放網上預訂位置，但一直都book唔到，唯有去排隊。接待店員都好友善，示意我地可以企入啲，唔洗比雨淋濕。當日我係排隊第二對人客入座，因為前面有客人想等埋朋友入。點完餐，上哂最基本嘅湯+飯就等上漢堡。一直都冇店員上漢堡，甚至較後入座嘅客人都已經有漢堡，我同朋友都未有，十分無奈。之後分配漢堡嘅速度都極度都問題。我食野比較慢，朋友食野較快。但店員分配漢堡嘅速度好似係隨心，中意比就比，唔會視乎客人食野嘅進度。朋友碗內仲有半份漢堡未食，店員已經放一塊新嘅漢堡係隔網上。我係食野慢姐，但食完漢堡十五分鐘，都未有漢堡上比我，服務唔細心。香港店嘅漢堡只有一個可取之處，係多肉汁。但完全係冇肉味，肉質偏林，食落感覺啲肉有好多粉係入面。啲飯第一碗都正正常常，之後添嘅飯勁濕，痴埋一舊，未食都已經睇得出係過多水份。柚子蘿蔔泥個柚子汁同日本店嘅完全兩回事嚟🥲 香港店嘅柚子汁太酸，味道太濃。另外加購一個泡菜小食同2杯酒精飲品，檸檬燒酎及梅酒。泡菜未醃夠，冇乜味；兩杯聲稱酒精飲品飲落唔覺得有酒精。朋友話檸檬燒酎好似檸檬水，好似唔記得落酒精落去。我杯梅酒，梅味好微弱，酒精成份似有若無咁，偏甜。只能說，冇比較冇傷害🫠 之前食日本福岡店，店員好仔細照顧到客人，可以做到食完漢堡即刻上另一舊漢堡，客人唔洗等。米飯都係好軟糯，帶有米香。日本店漢堡的確冇香港店咁多肉汁，可能日本店漢堡嘅脂肪比例冇咁高，所以肉味都會重好多。*香港店舖政策係每一小時20名網上預約位置，加8名現場排隊人士入內用餐。每位到場取籌人士最多可以拎2個人嘅用餐quotas。排隊人士可以拎不同時段嘅用餐時間，但每段時間都係得8個用餐quotas。…Read More

係文華東方酒店Staycation期間，係Cafe Causette內享用咗一次晚餐🥰 整體用餐感非常良好，環境舒適，食物質素良好👍🏻 職員服務好好，好有禮貌，係五星級酒店嘅服務水準🤩首先講下重點嘅主菜😋 全部都好好食，睇番相都流哂口水🤤安格斯肉眼配法式香草牛油伴薯條🥩 肉眼牛扒我地叫咗5成熟，廚師煎得岩岩好，吾會過熟或過生。安格斯肉眼外面煎得焦香，內部軟身吾韌，有肉汁，冇食到有筋位。牛扒配撘法式香草牛油汁🧈一齊食，吾會搶咗牛味，令肉更香更滑。薯條🍟熱辣辣，外脆內軟，吾會過鹹👍🏻燴牛面頰伴雜菜及芥末薯蓉非常好食😍 牛面頰軟腍得嚟又香濃牛肉味，個人認為比安格更為出色！芥末薯蓉芥末味適中，吾會話好辣，薯蓉好滑且creamy，食到停吾到🙈西班牙黑毛豬配巴馬火腿燴洋薏米，酒店選用薄身嘅黑毛豬，吾會韌亦吾諧，冇豬臊味😯 洋薏米第一次食，口感軟糯，幾特別。泰式瑪莎曼咖哩牛腱配香米一上枱就已經聞到好香嘅咖哩味，咖哩質地濃稠，而且啖啖都充滿奶香味，配搭香米一齊食，絕配👍🏻 牛腱煮到好腍、好入味🤤大蒜湯🧄不但香濃蒜味，而且好滑好cream👍🏻 燒鴨沙律酸酸甜甜，好開胃。文華嘅龍蝦湯不嬲都好出名，今次有幸飲到，真係名不虛傳👍🏻 湯質地即使吾係稠身，但已經好濃、好鮮嘅龍蝦味，好正❤️ 深得我心！蝦肉南瓜湯好香南瓜味，又香奶味🥰 但個人都係中意龍蝦湯多啲👍🏻朱古力蛋糕超級好食😍 蛋糕係一層薄脆一層朱古力，好有層次，仲好濃嘅朱古力味，吾係好甜😋 餐廳餐後仲送咗2粒松露朱古力，都好好食，係香滑嘅朱古力🍫…Read More

每次經過都大排長龍，外觀裝修得好靚，比依間餐廳吸引住，想去食好耐😗 終於有機會約埋三五知己去食🤩 我地下午時段去，排咗一陣就有位，而且被安排坐係出面嘅位置，岩哂影相打卡👍🏻 餐廳係寵物友善餐廳🐶🐱 可以攜帶寵物坐係餐廳室外位置😇我地叫咗4款主食+2款甜品🤤 食物外觀非常精美，但食物質素正常，吾係話特別出色🫢咸香黑椒豬手蒜香意大利麵🍝不過不失，豬手份量多，蒜香味吾算好突出🤔 意大利粉麵質正常，吾會太硬或太軟All day breakfast非常普通，賣相一般，炒蛋炒得過老🫢香蔥烤鴨芝士薄餅上枱時已經吾熱，且吾係好食到有芝士味🤔但依個配搭幾特別，如果係新鮮熱辣辣送上比客人會更加。香煎慢煮安格斯牛板腱略微韌，一般水平😐法式焦糖卡士達梳乎厘班戟味道還好，冇乜蛋香，但香焦糖味，核乎厘質地尚算鬆軟，吾係富有空氣感戈種😯焙茶軟心巴斯克烤微焦芝士蛋糕比較出色，不但外表精美，味道都吾錯🤤 焙茶味香濃，做到軟心效果，蛋糕質地細滑👍🏻總結，如果係想打卡、影靚相，依間餐廳可以滿足到大家，但對食物就吾好有太大期望🫣…Read More

日本過江龍店，平時大排長龍，下午茶時段排咗2-3張枱就入得，就一於試試佢🙈「冰與火」係餐廳必食推介😯 有得揀正常或迷你size，我地叫咗個正常size嘅冰與火。其實冰與火係牛奶雪糕配餐廳自家製嘅丹麥麵包🤓 附加糖醬，客人可以按照個人喜好加入一齊食。餐廳標榜佢地自家製嘅丹麥麵包由64層酥皮製成🍞 個人覺得依個麵包甜點，都真係幾普通吓😂 就真係只係雪糕加麵包加糖醬🫤 餐廳送到上枱嘅時候，麵包吾香牛油味，而且吾係話特別脆、特別熱，感受吾到餐廳所謂冰與火嘅「火」😀 因為雪糕放係麵包頂部，所以中間嘅麵包吸咗溶化嘅雪糕而變腍咗🫠 牛奶雪糕吾算話好香奶味。依個雪糕麵包可以打吓卡，呃吓like嘅，但食落就真係好一般。另外仲叫咗一杯雪糕抹茶🍵 抹茶味吾太香濃，雪糕都係冰與火上升嘅雪糕，冇乜牛奶香。Order依杯野飲會附送上一小包豆菓子，係花生粒🥜 幾好食🫢 餐廳收銀有得額外比錢買。…Read More

經過觀塘東廣場，見到有一間別樹一格嘅西餐廳🍴裝修簡潔，走文青風路線。環境舒適，有種令人恬靜淡然嘅感覺🌿 我係晚餐時段去食飯，人流吾多，坐得較為舒服。我地叫點咗一份明太子甜蝦扁意粉+黑松露雜菌賓尼迪蛋酸種麵包。明太子甜蝦扁意粉🍝汁醬好多，幾乎每條意粉都沾有明太子醬；而且餐廳選用扁意粉，能夠充分掛汁係意粉上。個人口味偏淡，略微覺得意粉有啲鹹，意粉質地偏軟腍。甜蝦一般，食得出吾係新鮮嘅🫢黑松露雜菌賓尼迪蛋酸種麵包一份有兩件，有沙律菜🥗伴碟，酸酸甜甜，幾開胃。黑松露味道香濃，雜菌份量多，但偏油。雞蛋🥚餐廳標明係選用蘭王蛋，切開係金黃色流心嘅。個人認為荷蘭醬麻麻地，吾太香，奶味吾重。酸種麵包🥖係偏硬身，比較普通。飲品方面，特飲巨峰提子檸檬梳打味道吾錯，賣相滿分👍🏻 但略厭檸檬味淡，梳打氣泡少。整體嚟講，味道質素中規中矩，環境舒服，適合想要寧靜享受時光嘅朋友仔。…Read More

朋友推介去咗食依間阿根廷🇦🇷扒房😋 餐廳氣氛好好，雖然環境昏暗，但好有情調🥰 我地4個人分別叫咗3份牛扒+1份雞扒+小食波羅伏洛芝士配麵包🧀 新鮮焗好嘅芝士配搭埋香脆嘅麵包，令人停吾到口🤤阿根廷餡餅🥧 外層焗到脆身，內層有牛肉、雞肉碎，配搭埋菠菜同芝士，幾特別，可以一試👍🏻餐包係新鮮焗嘅，好鬆軟，配搭埋餐廳自家製嘅香草牛油，好好食😝 但職員好奇怪，上哂我地叫嘅前菜、飲品先上餐包，吾知係焗吾切定點😂烤雞半隻配阿根廷青醬、檸檬🍋 好有驚喜😍 雞肉好嫩滑多汁，同青醬+檸檬一齊食好野味😋 非常出色，意料之外我地叫咗1份牛柳+2份肉眼扒。牛柳我揀咗5成熟，廚師煮得岩岩好，肉質粉嫩，肉汁能夠保持到係肉內；肉眼扒朋友們選擇咗7成熟，相對比較乾身，而且兩塊牛扒都有筋位，較為失色🫤整體而言，個人認為餐廳氣氛、環境都好好，係適合去約會及慶祝嘅地方💕 食物方面，不過不失，以扒房嚟講，吾係最好食最驚艷到我嘅🫣…Read More

身為米線愛好者，當然要試盡吾同嘅米線啦😝 今次去食人氣米線鋪頭 - 老板娘雲南米線。店舖營業日子不穩定，建議上佢地社交平台睇睇當日有冇營業先出發過去。我地17:00左右店舖剛開門時間到達，已經大排長龍，要排大約1.5小時先成功入座🫤我地叫咗佢嘅麻辣湯米線、麻酸辣湯米線同給幾款小食炸物，全部都係即叫即整，非常新鮮🤤 論湯底，個人認為比較普通🫢 麻辣湯有麻香，吾係死辣；麻酸辣湯酸味吾太出。米線軟硬適中，普通正常米線。相反，佢地嘅炸物相對較為出色👍🏻 我地叫咗店舖嘅招牌酥炸雞球、野菌腐皮卷、蒜香椒鹽雞翼同埋反斗蝦膠豆卜。炸物不但即叫即炸熱辣辣外，仲好脆且不油膩。招牌酥炸雞球外層包住薄嘅粉漿，內層雞肉粉嫩多汁，果然係招牌菜☺️ 另外，反斗蝦膠豆卜同樣出色。豆卜炸到酥脆，但吾會硬；內餡釀咗蝦膠，有彈牙口感，好少地方食到👍🏻 非常推薦大家去食此店嘅炸物，好好食🥰…Read More

已經吾係第一次嚟食麗晶嘅下午茶🥰 新開業初期吃過一次，Scone & Madeleine真係咁多間酒店下午茶入面數一數二出識。Madeleine係暖嘅，口感外脆內軟。Scone都係一樣新鮮，但略微欠缺蛋香。今次食依個scone，酒店配搭咗Clotted Cream, 無花果果醬及檸檬薑味果醬，同scone一齊食，非常配搭👍🏻今次另一特色嘅係薑汁撞奶，無錯，係薑汁撞奶。一開始聽職員介紹，我都有啲驚訝😥 因為依個薑汁撞奶係新嘅，之前食afternoon tea set都冇。另外嘅驚訝點係第一次聽有酒店下午茶會加薑汁撞奶做最開始嘅一道食物。職員先放低預先準備好嘅薑汁，然後即場將奶撞入薑汁内，然後用裝有魚子醬柚子蝦肉嘅小碟冚住焗一陣，令薑汁撞奶凝固。同行5人，包括我自己在內，有3個人嘅薑汁撞奶吾能夠成功凝固🫣 最後要職員換新嘅比我地先成功。麗晶酒店嘅薑汁撞奶係我暫時食過最好嘅薑汁撞奶😋 薑味同奶香濃，連平時吾好薑嘅我都覺得好食。反而冚係上面嘅小食就有啲失望。聽職員介紹話係有蝦、柚子，味道酸酸甜甜。但我食落去，咩味道都冇。入面嘅魚子醬及魚子冇咸鮮香味，柚子味都食吾出，確實有代改善。四款鹹點面包都好好食，吾會令人覺得「又係包啊?!」依種感覺。最好食嘅係鵝肝醬包，肝醬味好出，咬一啖整個口腔已經充斥焦刁鵝肝醬嘅鹹香。食完鹹點，職員會奉送一人一杯檸檬雪芭，清理口味嘅味道，然後先食甜點。檸檬雪芭充滿住檸檬香，加埋面頭嘅少量檸檬皮一齊食，好出色。我自己略厭覺得有少少甜，只係個人口味偏淡。甜品方面，我個人覺得比起初期剛開業，係有改善到，有進步咗。今次嘅甜品係好食嘅，冇之前咁死甜。個人認為最好食嘅係梨朱古力榛子甜點，上層係用梨整成嘅啫喱，下層係朱古力榛子蛋糕，好夾。總結，成個下午茶係好完滿、滿足。整體食物質素非常高，職員服務態度非常良好，環境舒適，人流吾多，只係背景音樂有啲大聲😂 大致上嘅體驗都十分好👍🏻 係一個好好享受下午茶嘅地方。…Read More

眾所週知，依間麵包店非常出名，特別係佢地嘅牛角包🥐 未行到店舖，已經聞到陣陣嘅麵包香，相當吸引🤤 Gontran Cherrier嘅牛角包的確好好食，又酥脆又香。另外，佢嘅Chocolate Brownie都好正😝 外脆內軟，混合咗nuts一齊，令整個Brownie冇咁單調，又有咬口，好出色👍🏻但最心得我心嘅，都係抹茶味scone🥰 Gontran Cherrier嘅scone有3款口味，分別係原味💛、朱古力🤎及抹茶味💚 原味scone💛味道偏淡，需要撘配clotted cream及jam，而且比較乾身；朱古力味🤎味道奇怪，冇乜朱古力香味，偏甜且乾，不推介食。相反，抹茶味scone💚香抹茶味，外脆內軟，內餡較濕潤，但都係比較甜，吾中意甜嘅朋友仔要留意🤍另外，見到好多人買圓形嘅招牌法式焦糖奶油酥，自己都跟著買個試試佢😝 招牌法式焦糖奶油酥外面以大量焦糖包裹住，特別係底部，份量多到會痴牙😂 味道方面的確係幾好食，外面非常酥脆，係會食到周圍都係戈種🙈難怪咁多人買，成為招牌產品之一👍🏻 但一個人食哂一整個，就比較膩，建議同朋友開心share🫶🏻…Read More

經過大角咀，聽聞過依間嘅越南法包好出名，就入去買咗一份大嘅試試😗 雖然係下午茶時間到訪，但已經有人排隊購買，果然風頭一時無兩。店舖提供麵包頭尾、生果供客人取用，非常貼心💕一份大越南法包🥖份量十足，即叫即整，非常新鮮。法包內饀十足且飽滿，麵包好脆，肝醬塗滿麵包，但扎肉略微有啲薄。整體味道中規中矩，性價比算高，係一間值得大家支持嘅小店💛…Read More

終於有時間過去食，雖然有啲遠，但值得為咗佢過去食😊 鋪頭雖然細細，但已經提供大量不同口味嘅Crepe，有甜又有鹹。今次買咗個焦糖吉士味Crepe，即叫即整。Crepe上面嘅焦糖好脆，內餡有好多吉士同cream，外層Crepe皮好薄，係一個好食嘅Crepe。然後可以以優惠價減$10加購飲品。我加咗一支菠蘿冰茶(走甜)，普通正常，有菠蘿味，但冇茶香。…Read More

未食飯經過見到，就買咗一底雞蛋仔嚟食。揀咗一款平時少見嘅味道-泰式紅茶雞蛋仔。下晝5點左右，都有幾個人等緊。泰式紅茶雞蛋仔香濃泰茶味，隱約見到茶葉。因為我自己吾太食甜，多口問店主雞蛋仔可吾可以吾要糖，店家話可以幫我做，真係好好👍🏻出到嚟雞蛋仔熱辣辣，即叫即整，仲充滿泰茶香，又吾甜🥰 下次經過都會想試吓其他雞蛋仔口味。另外，鋪頭有少量款式嘅糖水、飲品售賣，仲有燒賣 $10/5粒。…Read More

暫時係香港最出色嘅越南餐廳，食到上哂癮🙈 由深水埗小鋪，到依家油麻地樓上鋪，食物質素依然保持到👍🏻 環境舒適咗好多，依家又有普通水同斑斕水提供，整體用餐感受提升吾少！招牌蟹膏蕃茄湯檬粉真心好好食🤤 次次去都一定叫！食材非常多，蟹膏蛋餅、豆卜、豬紅吸收哂啲湯汁，好正😋蔬菜燉牛腩配包都好野味，但星期六日先供應。牛腩煮到好林好入味，麵包鬆軟，配搭牛腩汁一齊食，美味可口😍牛油果沙冰都係必叫之一，非常濃稠，飽感十足！另一必叫嘅係斑斕綠豆糕！但數量有限，吾係次次都有… …Read More

第一次在香港吃到正宗越南菜，而且分量十足及真材實料。店鋪位置近地鐵站，十分方便。店舖裝修雅致，隱若帶有越南風味，且設有四人卡位，非常舒適。食物價錢十分實惠，質素高，是越南菜店鋪首選！最難忘的是這店舖內的牛油果沙冰及他們自家秘製甜醬。身為牛油果控的我第一次飲到非常濃郁的牛油果沙冰，而且質感幼滑如同奶昔般，另人難以抗拒。在詢問下發現，店舖的甜醬原來是自家製作，每天新鮮製造，在其他越南店鋪吃不到的。自家秘製甜醬撘配米紙蝦卷，簡直是天衣無縫。…Read More