波羅伏洛芝士配麵包🧀 新鮮焗好嘅芝士配搭埋香脆嘅麵包，令人停吾到口🤤
阿根廷餡餅🥧 外層焗到脆身，內層有牛肉、雞肉碎，配搭埋菠菜同芝士，幾特別，可以一試👍🏻
餐包係新鮮焗嘅，好鬆軟，配搭埋餐廳自家製嘅香草牛油，好好食😝 但職員好奇怪，上哂我地叫嘅前菜、飲品先上餐包，吾知係焗吾切定點😂
烤雞半隻配阿根廷青醬、檸檬🍋 好有驚喜😍 雞肉好嫩滑多汁，同青醬+檸檬一齊食好野味😋 非常出色，意料之外
我地叫咗1份牛柳+2份肉眼扒。牛柳我揀咗5成熟，廚師煮得岩岩好，肉質粉嫩，肉汁能夠保持到係肉內；肉眼扒朋友們選擇咗7成熟，相對比較乾身，而且兩塊牛扒都有筋位，較為失色🫤
整體而言，個人認為餐廳氣氛、環境都好好，係適合去約會及慶祝嘅地方💕 食物方面，不過不失，以扒房嚟講，吾係最好食最驚艷到我嘅🫣
