nchunc12's Profile

食火鍋食得多，但未食過滷水湯底火鍋，仲要有手搖海鮮袋咁過癮😮.等緊海鮮袋嘅時候，就出去行咗轉睇吓自助吧枱有咩食，當日有多款熟食同炸物 ： 香芋地瓜圓、反沙芋頭、豬肉春卷、泰式魚餅、咖喱燴牛筋、黑椒炒牛肚、干鍋豬軟骨、辣酒煮東風螺、鹽焗雞、滷水鵝，炒蜆等等……完全冇諗過咁多嘢食😍 我自己最鍾意食辣酒煮東風螺，反沙芋頭同干鍋豬軟骨🤤.任飲既唔單止汽水同紙包飲品，連啤酒都係任飲，仲要有幾款，同唔同既手斟酒🤤不過我成晚飲得最多係罐裝奶茶🥰 .講返手搖海鮮袋先，有蒜蓉/麻辣/醬油漬三個味揀，我地揀左醬油漬，海鮮袋會跟個大盤一齊上，我見到真係嚇一跳🤣 海鮮好足，有龍蝦、鮑魚、扇貝、蜆、東風螺、墨魚仔，仲有啲粟米、蓮藕、金菇、萵筍配菜，我地得2個人真係食完都飽🤤醬油漬有小小微辣食落好惹味終於到火鍋環節，滷水湯底非常香濃鹹甜適中，仲帶點微辣.而火鍋配料都非常多選擇肉類 ： 🐂安格斯牛頸脊👍🏻，牛肩胛，牛板鍵👍🏻，🐖西班牙黑毛豬安格斯肥牛片同🐑羊肉👍🏻海鮮 ： 🦐鮮甜海蝦、新鮮海蜆👍🏻、🐟脆鯇魚片、爽脆鯇魚骨腩👍🏻其他配料 ： 沙茶牛肉片👍🏻、花雕醉👍🏻手打墨魚滑、蝦滑👍🏻、鵝腸、鴨血….真係非常多☺️甜品最後當然要食埋甜品🥰 自助區都有雪糕雪條可以揀，仲可以叫佢地特色嘅自家製涼粉🤤、黑糖薑汁芋圓⭐️ 餐廳為慶祝開店兩週年，即日起至4月30日，中午12時開始食可以食到5點先離開😱，仲要4人同行1人免費，真係非常瘋狂😱另外如果食宵夜，呢到都係一個好選擇，晚上9點後入座仲平啲抵食啲☺️…Read More

星期五放工緊係要搵個地方慢慢食飯放鬆心情迎接第二日嘅假期😆.中環寸金尺土，但原來好多商業大廈嘅樓上都唔少好嘢食，今次去呢間Jab Jab 真係名副其實食到Jab Jab聲🤤 已經決定黎緊會再去幫襯 👍🏻.金目鯛壽司新鮮食材，金目鯛爽口嫩滑，咬落口油香滲出🤤.燒牛舌由於另一半非常喜歡食牛舌，所以已經試過好多間嘅牛舌，燒得好壞都好易知🤣四大片牛舌，一望就知有厚度，表面燒得頗脆多汁，食落嫩口又有口感唔會靭，咬落去一啲都唔廢勁😋.鱈魚乾酥脆香口嘅鱈魚乾配上蛋黃醬，送酒一流🥰.煙肉荔枝外邊燒到微脆嘅煙肉再包住香甜冇核嘅荔枝，意想不到啲夾，食落口好清爽一啲都唔油膩🥓.海膽乳鴿卷🌮一早已經睇定食評，見好多人推介呢個海膽乳鴿卷，用鱈魚乾包裹住嫩滑乳鴿肉同沙律菜，面頭放上鮮甜海膽做點綴，配搭非常新穎又好食🤤.明太子雞皮墨魚滑香脆嘅雞皮包住爽彈嘅墨魚滑，仲配上明太子同紫蘇葉，口感超豐富😍 .雞心平時都怕內臟處理得唔好會腥，但佢地冇呢個問題，仲燒得好惹味🤤…Read More

一個星期例牌都要食返餐好，慰勞自己工作既辛酸，今次去荃灣既 ，餐廳環境舒服，仲有戶外位置可坐，睇住海景食嘢都得💕海膽三文魚子竹炭烏冬 🍝大大舊海膽同三文魚子，海膽非常鮮味，且入口即溶🤤 雖然醬汁好多，但我食落覺得一啲都唔膩，配上竹炭烏冬食落俾意粉軟淋又煙韌掛汁，十分有驚喜，真係每一啖都好滿足🥰慢煮和風醬油八爪魚 🐙呢道菜式比較特別，八爪魚經慢煮烹調，所以夠淋之餘仲保留煙韌口感，仲有好多唔同種類既海鮮同新鮮沙律伴碟，真係非常豐富😍 道菜食落仲好似加左梅蓉，酸酸甜甜更加令人開胃！美國安格斯眼牛排🥩牛排叫左7成熟食落岩岩好，本身牛扒夠靚又煎得焦香惹味，肉質亦保持鮮嫩多汁，同埋想讚一讚薯角，炸得夠香脆好好食👌🏻…Read More

之前都經過 Lua 幾次，見到佢嘅裝修好靚，一直心思思想去試下💕餐廳Happy hour 時段酒精飲品做緊買一送一，同埋七點左右就會開始有現場歌手演唱，可以一路聽住歌一路chill☺️ 但我唔飲酒，所以叫左杯凍法式布蕾烏龍茶，表面嘅布蕾綿滑有陣陣焦糖味，茶味非常濃，面頭仲有好多玫瑰花瓣同埋開心果仁碎，口感好豐富特別💕三色椒金菇焗鮮蠔上枱既時候會用錫紙包住，店員會點火燒，等酒味可以流入焗蠔，打開錫紙就會聞到陣陣香味傳出～ 4隻蠔都算肥美飽滿，加埋本身酸酸甜甜嘅秘製醬汁，仲好惹味，而金菇索晒蠔味同醬汁，仲好好食添～西北炆羊肉通菜鍋配法包羊肉鍋上枱時，店員會拎個爐俾我地一路熱住一路食，keep住熱辣辣🤤 個鍋既湯汁非常濃味，我真係幾鍾意，而且羊肉炆得夠腍，同夠晒入味真係好正，天氣凍食真係一流，而且通菜又係索晒湯汁精華，最後我係清晒啲通菜😆 個鍋仲會配法包/ 檬粉，而我就揀左法包，因為好鍾意果種脆包再蘸湯既食法～ 最後連湯都飲左一半…Read More

近排食牛上癮，所以搵咗間嘅好多人推介既申子居酒屋試下☺️.申子海膽和牛燒選用鹿兒島A4和牛， 睇相就見到肉質上承油花分布均勻💕 店員會係上枱時即時烹製，非常有視覺享受😊我地就叫左七成熟，中間仲會夾攪拌的米飯和蘭王蛋黃，最後會係面加上海膽同魚子醬本來已經香口的和牛燒，加上海膽嘅緣故口感會更加豐富同多層次🤤 入口滑溜creamy～.極上蟹膏蟹肉燉飯蟹肉蟹膏新鮮分量十足，上枱後要即時攪拌，爭取用米飯的水份融合蟹肉蟹膏，攪拌後每一啖都鮮味十足🤤 而且飯粒飽滿，真係好有滿足感.極上鹽燒牛舌心外皮燒得乾脆，食落彈牙爽口，可配上海鹽或柚子胡椒更惹味🥰.手作免治雞肉棒非常有彈牙咬口，仲可以食到有軟骨，有多重口感，加上蛋液更滑同鮮味 🤤.原來經OpenRice訂位，仲會送上一客和牛壽司，經過火炙半熟狀態，非常香口嫩滑～～去之前記得book定位💕…Read More

叫左個2人前鹿兒島A5和牛壽喜燒 🥩 套餐內包 ： A5 鹿兒島黑毛和牛西冷/ 肉眼季節野菜盛盒讚岐烏冬日本蘭王雞蛋 自家製受喜燒汁.店員會即刻製作棉花糖然後放入鍋內起爐，再注入自家製壽喜燒汁， 然後放入大蔥，待熱後再放上大大片的和牛 💕 和牛油脂分布均勻，油脂同牛香都非常突出，入口即溶 🤤 再沾上蛋汁，增加嫩滑感🥰.最後再放入非常豐富的野菜盛盒 🥗 所有材料，有冬菇、蟹柳、獅子狗、腐皮、娃娃菜，當然仲有唔少得嘅烏冬🤤 索盡湯汁精華，完全唔使再加調味，咁樣食乃係冬天一大快事👍🏻.最後追加左幾串串燒🍢：芝士番薯 - 半溶芝加上甜番薯好食，雞腎 - 夠軟淋同燒得夠火候、大蔥豚肉卷同大蔥雞肉串 - 豚肉卷既口感比雞肉串突出，但兩串肉質都不錯～.額外再叫咗兩杯飲品： 巨峰提子乳酸梳打 、 蜜桃乳酸梳打 🍹巨峰提子比較一點甜可能更適合小朋友喝～本人偏好蜜桃，味道自然不會偏甜😊…Read More

已經好耐冇係尖東食飯既我，今日去朋友介紹話睇夜景好靚既西餐廳～入到去經理好快就安排左位置俾我地，坐靠近窗邊可以睇住維港景色慢慢食🌃 餐廳中間仲有個舞台，定期都會有啲live band show 欣賞～約對象又或者同班朋友嚟聚會都絕對唔失禮 🙆🏻‍♀️-以下講講食物先💁🏻‍♀️Tuna Tarter上層係牛油果配下層吞拿魚碎，呢個配搭絕對出挑不到任何毛病🤤 醬汁酸酸甜甜好開胃，完全唔覺得膩-USA Prime Cedar River Striploin上枱個色水粉嫩吸引，完全冇overcook剛好的5成熟🥰 外層香可口肉汁豐富，配炒雜菜相當惹味🤤-Pan Seared Lamb Chops呢個價位黎講，份量算多而且大件😳肉質油分布得剛好，羊羶味偏淡（利申：我本人喜歡濃一點～）如果想食羊但唔鍾意羶味可以試下～…Read More

叫左個小份重慶麻辣烤魚 $288，揀左少辣鱸魚，見到個份量真係嚇咗一跳，心諗小份都咁大，2個人食真係超級飽🤤本身條魚係炸到脆身再落重慶麻辣煮，食落去皮質香脆魚肉滑嫩，而且大得黎多肉少骨，真係好爽，不過要注意，小辣都幾辣，唔食得辣嘅朋友真係要叫定飲品😆加左配料手切鮮封門柳 $88萵筍片 $24價錢唔貴不特止質素高同份量多，真心抵食呢兩樣真係必叫 !仲叫左招牌鹹蛋黃雞肉餃 $38 ， 不過略嫌鹹蛋黃味唔夠突出，不過整體都唔錯～另外叫左免治雞肉軟骨串 $28鹽燒牛舌芯 $28焦糖燒菠蘿 $20免治雞肉軟骨串肉質幼嫩有咬口，配埋生蛋加醬汁，鮮味提高🤤 鹽燒牛舌芯都唔錯，夠淋唔韌，普通加鹽已經好食，焦糖燒菠蘿係食完烤魚之後食，真係一流，多汁解油膩🤤…Read More

見都一段時間都冇食過韓國菜，今日就去發掘下啲韓式餐廳上網一搵就見到好多人推介呢間OPPA Coffee Bar Restaurant ，咁我就去試試佢😊-海鮮蛋漿熔岩炒飯🧀 $198侍應哥哥一放低個鐵板炒飯，會先即刻倒入蛋漿芝士，然之後係你面前表演火燒芝士，先唔評論味道，淨係睇呢個表演都幾有睇頭🤣然後佢會幫你攪勻啲芝士同炒飯，每一啖畢起都有拉絲嘅效果～仲有啲海鮮粒粒，每一啖食起都好惹味😋蜜糖牛油炸雞 （半份）$198單睇外表都唔錯，而且一上枱就聞到好大浸蒜蓉牛油香味☺️ 不過可惜食落味道比較淡，但炸得非常鬆脆，肉質juicy 都加分不少☺️魚榚湯 $180香港最出名嘅魚高湯點可以唔叫黎試下～呢兜有兩大串唔同類型嘅魚糕，碗入邊仲有其他配料，例如年糕同蘿蔔等等，如果飲咗酒，飲返一碗真係唔錯😆…Read More

-因為由細到大都住將軍澳，所以依家就算冇住嗰邊都鍾意返嗰頭食嘢～呢間新開既餐廳 @22branch_oysterbar 唔試真係唔知咁高質🤤首先叫左半打 Daily Fresh Oyster - 西班牙🦪 $268/ Half doz由於佢每日既生蠔都會唔一樣，可以係落order 前詢問或自行去蠔吧睇下有邊種鮮選生蠔，因為佢除左daily fresh外，仲會有多幾種款式俾大家揀～首先叫左半打 daily fresh oysters - 西班牙🦪 $268/ Half doz由於佢每日既daily 生蠔都會唔一樣，可以係落order 前詢問或自行去蠔吧睇下有邊種鮮選生蠔，因為佢除左daily fresh外，仲會有多幾種款式俾大家揀～今日呢隻西班牙🦪 每次最後手掌咁大，肉質肥厚飽滿，睇相都望得出，口感爽口Creamy🤤 海水味比較柔和，味道細膩有層次👍🏻另外叫左香煎北海道帶子海膽忌廉意大利飯 $228一上到台已經聞到好大浸香濃嘅海膽味散發出來😍 佢濃稠既程度單憑相片都可以睇得出，口感creamy 而且一啲都唔腥，意大利飯口感啱啱好🥰招牌手工薄餅🍕薄邊脆皮配上滿滿既辣肉腸、辣肉醬、芝士、橄欖、蕃茄，非常惹味，再鋪滿火箭菜，仲健康😆另外服務態度都值得一讚，又喺門口接待嗰一刻，都感受到員工好有善同埋做野手腳好快下次如果有朋友聚會會再黎😊…Read More

澳洲M5和牛食到飽有103款食物，想食咩都有～ 首先會送上一客嚴選牛舌芯🐂望落去色澤均勻，肉味濃之餘仲好滑有咬口，呢個係值得加錢再encore 🤤✅澳洲M5和牛肩胛✅安格斯牛小排✅澳洲和牛板腱以上三款都係可以無限追加，而且次次出嘅質素都一樣👍🏻個人最鍾意食牛板腱同牛肩胛，牛味最濃同嫩滑有咬口，油脂望落都分布得好好～其他牛肉可以試下以下款式，雖然同M5和牛點都爭啲，但其實都唔差，同埋可以試多啲款✅美國SRF極黑牛✅SRF 極黑一口牛✅秘製牛肋條✅鹽蒜麻油和牛柳✅嚴選牛仔骨仲有多款海鮮可以任叫🥰🦐🦑帆立貝、虎蝦、屏東燒魚腹、青口，質素全部都唔錯，尤其帆立貝同燒魚腹真係好出色，我都有再追加另外要講既燒魚乾，都係必食！好香烤魚味，配埋酒就Perfect🤤咁當然肉類唔係剩係得牛肉，仲有唔同既雞同豬肉揀，個人推介九層塔三杯雞、厚切洛落克豚肉眼、西班牙豬五花、辣雞心同黑椒雞腿肉～仲有好多台灣小食叫，鹽酥雞、炸苦瓜、梅山酥炸薯、鴨舌、安平蠔卷，咩都有得食🤤 唔夠仲可以出去整櫻花蝦拌飯/ 叫個拌麵都得！同埋佢都仲有好多款嘢飲，汽水基本上個款都齊，甚至佢有幾款冷泡茶俾你揀，唔夠嘅話仲可以叫啲特色嘢飲，例如火龍果冰茶，百香果綠茶最後佢會再送上每人一客雪糕/甜品作完美嘅落幕🥰…Read More

中秋放假緊係去chill下啦去左尖沙咀諾士佛台既 Gulu Gulu 酒吧環境氣氛都好舒服，埸內仲多個打卡位俾我影下相🥰仲有桌球、Beer Pong，岩晒大班fd 去飲下野玩下game傾下計👯仲可以黎到慢慢揀嘢食，好多款式唔怕餓親，最緊要一路食一路飲🍻我就叫左個串燒組合 🍢 $178-燒刺身帶子肉質都實淨嫩滑，唔會散修修，仲有陣陣炭燒香味～-羊肋串冇羊羶味，燒得岩岩好，外表乾身水裏濕潤，有鎖住肉汁～-日本黑豚腩肉肥瘦分布啱啱好，有咬口得來仲有油香，中間有大蔥吊下味，增加口感～-雞中翼鹽燒雞中翼，皮脆肉嫩，唔需要過多嘅調味，可以專注食個肉質，都一樣正～-牛舌心燒得啱啱好，唔會柴兼好容易咬，牛味都頗濃～呢個set 加$40 仲可以升級Cocktail 💕我就叫左杯 Lost in Kyoto $98Ki No Bi Gin 季之美做底， 再加上Suntory Green tea liqueur 三得利綠茶利口酒，糖漿再配上厚厚嘅cream，真係好似飲緊抹茶但又多咗酒味咁，唔覺唔覺會飲晒成杯😚仲叫左杯 Snow Ball $78好味易入口，酒精濃度也低，輕輕飲下😆另外叫左餐湯同主菜🍝杜洛克豬梅肉蒜香橄欖油意粉 $90一上枱，就見到碟意粉勁多粒肉😆 好有誠意意粉既蒜香味好重，我勁鍾意❤️ 底部仲有好多粒粒洋蔥超入味好食，意粉質地中規中矩，但勝在橄欖油同蒜香味好出好惹味，豬梅肉都淋身唔會硬，整體係有7-8分～蟹肉龍蝦湯 $78本身睇落個樣都幾吸引，一𢳂起就見到好多蟹肉，飲蘑菇湯都算幾濃，又有淡淡蟹香味，唔錯👌🏻…Read More

尖沙咀有好多間嘅韓式餐廳，今次我就嚟到呢間好多人推薦既‘韓屋’ 🇰🇷😊佢標榜冇味精冇添加劑，岩晒養生同食得清淡既人士👍🏻雪濃湯 $138用牛骨同精肉長時間熬製至奶白色，雖然佢冇落味精吊味，但本長時間熬製而得既濃湯都十分清甜可口，仲一啲都唔油膩，雖然味道唔會一下子衝擊味蕾，但令人不自覺地一口接一口，牛肉質地柔嫩，仲有少少黏囗😆另外加咗個蕎麥麵，雖然掛湯效果一般，但麵質都有彈性，養生又好食～煎醬牛小排餃子 $75外皮明顯薄身，煎得香脆之餘仲有肉汁，餡料肉用左牛小排，相對會比較濃味啲，食得好滿足😊炒豬肉拌飯 $98因為唔想食芝士咁濟，所以就揀返原口味，但都唔可以睇小🤣 因為上枱就聞到好香麻油味🥰 非常足料，米飯方面係用左紅米，相對較健康，同埋飯質唔硬，岩岩好👍🏻仲有大量紫菜同配菜真好健康，豬肉塊塊多大大嚿，仲本身已經醃同炒好，再加上辣醬真係好味道😚…Read More

元朗新開左間烤魚雞煲，依家新開張仲有85折 💓餐廳都幾闊落，裝修仲幾有特色添，可以打下卡咁😆叫左半隻麻辣雞煲 $168好足料睇落個份量好似唔止得半隻咁，因為同行友人唔食得辣，所以小試牛刀叫左小辣，但原來偏辣少少，不過我覺得好惹味😋 啲雞都幾滑，如果可以再多啲汁就正手切鴛鴦牛 $138份量又係好多好大碟，牛肉片都幾有咬口，同味道都算濃，而牛肉粒油脂分布都算均勻，就算唔小心煮熟過頭，都唔會硬，性價比幾高桂花蚌 $138份量都好多仲好新鮮，質地滑身爽脆，平時最怕食呢啲海鮮，會唔夠新鮮同淋patpat，佢地就冇呢個問題👍🏻 幾有驚喜即炸響鈴 $68上枱既時候係岩岩炸起仲熱辣辣😍 浸落湯到幾秒，吸晒啲湯汁之餘仲有脆脆口感，好正～雜菜盤 $58食打邊爐都可以健康🤣 呢個價錢係餐廳食，有唔同新鮮既菜，仲洗好切好晒，真係冇乜嘢投訴👍🏻另外，佢地仲可以book 埋房唱k，如果一大班朋友聚會，唔想淨係食飯咁悶，都可以選擇下呢一個服務😆…Read More

呢間餐廳之前已經食過一次，今次再幫襯，入門口已經有個靚靚餐廳名燈牌，店舖雖然唔算大，但裝修都企理精緻☺️叫左「兩個人的幸福」二人餐 $288跟左餐湯同沙律🥗羅宋湯入面超多蔬菜，好足料唔會偏咸，整體味道偏酸，好開胃🤤沙律菜上面加左啲海帶同蟹籽，增添左口感仲好清爽，真係唔錯～-明太子軟殼蟹忌廉意粉🍝呢個比想像中驚喜，首先大大隻軟殼蟹放係面頭，咬落個口感似食日本天婦羅咁，好夠鬆脆，亦帶有鮮味，唔會炸得唔夠而令油味大於鮮味同淋pat pat 🤤而個忌廉汁好creamy 好香口，意粉軟硬程度剛好，掛汁一流👍🏻-美國IBP牛膈肌150g配三文魚用石燒方式上，牛膈肌上枱時係5成熟態，你可以因應自己喜好燒至唔同熟成度，肉質鮮嫩實淨有咬口，牛味亦都濃烈🤤 本人鍾意牛味濃，所以覺得唔錯三文魚外皮夠干脆，但唔會過熟，魚油香都重，有肉汁咬落夠嫩，呢個價錢做到咁，都唔簡單👍🏻-芝士焗蠔真係大大塊芝士係面頭，中間仲有夾住芝士碎，海鹽黑椒，焗出黎好Juice香滑，本身隻蠔雖略細，但都夠鮮甜☺️-芋圓番薯圓爆珠綿綿冰🍧我覺得好驚喜係西餐食綿綿冰甜品仲要咁足料，好開心佢甜品唔係cake，因為通常會食唔落🤣綿綿冰做得好軟滑，食落唔會覺得好濟有負擔，再配上我至愛既芋圓番薯圓，真係好滿足🥰🥰…Read More