Camille666's Profile

在疫情的情況下，人流一落千丈，今次到訪午市(平日)，全程只有三張枱。由之前$68一碟牛肉，變成任食牛肉。對食客來說，當然抵食，但亦很難過，見老闆努力掙扎求存，心情真是矛盾。食物方面，牛肉比以前好吃。熱盤有四款，本人非常欣賞炒菇，應該是牛肝菌，非常美味。雞翅膀也很好吃。另有炸物：薯格、Nuggets和咖哩角，新鮮炸出來即吃，很脆不太油。飲品選擇依然多。其他也不過不失。如今的情況，當然不能與最繁榮的景況相比。包容你我都能做到，橕小店，頂得一刻得一刻。…Read More

最唔抵的一次團購經驗。數月前以HKD139團購HKD398的紙上燒任食，另原加一。計落都抵，以低過半價去試新野。點之無幾耐在雜志上見到做減價，減到似HKD199另加一收費。比較上來只平得個四拾幾蚊，覺得自己蠢左！打電話去訂，又話Book到5月中，只得反週日21:30的場次，都冇辦法啦！唯有照book。果日約09:00去到，水靜河飛，都唔覺之前果場，有爆場跡象。環境黑黑暗暗，都幾舒服。食物就......如果以原價去食，我會"dum"囉。咁既價錢還有更多好的選擇。紙上燒，燒出來的食物無乜特別。蝦很大，但唔新鮮，燒完出來霉既~什麼M9牛，無牛味:(其它所謂日本某地區的豬、雞，都是一般普通。剌身勁唔新鮮，我第一次會覺得最好食是魷魚囉。刀功又唔得，三文魚切一件出來，都可以散開。燒物炸物，就可以讚一下，可能因為大廚預計到，那些類型較多人叫，很快就燒好出來，而且非常好食，但基本的雞軟骨同牛肉都無晒。但十點多後，燒物等...好耐，以為漏單添，要追先到。炸物由熱既變成室溫，唔好食。好似趕收工雪糕糯米茲，就咁放在桌上，沒有任行冷凍裝置保存。服務員很細心，見我找來找去之後沒有取走，便問我D雪糕糯米茲係咪軟晒，我未回答，就取走桌上軟軟的，換上冰凍硬身的出來。最後，專攻所謂的北海道綠茶雪糕，味道一般，顏色勁假。二個字"搵笨" 食大x樂好過。…Read More

團購咗正宗上海生煎皇，包一客生煎包 + 一個酥餅。買咗2張。但水準唔太穩定。可能跟這店子有緣，兩次去到都唔使等。一客生煎包有4粒，比正常的細一點。酥餅裡是肉鬆生菜。老實講：第一次食，皮厚了點，煮唔透，咬落有點硬同粉，肉汁好多，新鮮熱辣，底脆脆的，o.k丫。 酥餅加生菜，不太配合，可能大廚覺得香港人出街少食菜，所以給大家一點心意吧。肉鬆咸咸甜甜味道都唔錯。第二次食，皮薄了，肉汁漏出來，差點燙到咀，比上次好味。 酥餅同樣即做，味道同樣，都唔錯！用心、有進步的店子，下次會試下其它款式。加油 Oscar~…Read More

等一次，食綠茶味，勁普通，酸又唔酸，茶味又唔夠，配料又少。可能新開，最搞笑，個收銀行開左，另一員工(90後)在清理配料旁的污積，我同佢講我想買雪糕，佢望一望收銀位冇人，叫我等陣，我以為佢會放下手上工作，洗個手去叫其它人出來收錢或由他招呼我先。點之我見佢繼續埋頭苦幹，又唔找其它人幫手，我都好尊重佢等了1分鐘。我再問佢，我要等幾耐，佢又望一望個收銀位，又望一望入面，先自己走去收銀的位置，幫我收錢，再叫另一員工幫我弄雪糕。我還以為他不願做我生意添。等二次，食原味，酸酸的好開胃，今次配料份量多左，好開心！好好味！:)今次第三次幫襯，選了焦糖味，本人酷愛焦糖的，別以為焦糖會很甜，食落甜度適中，l love it。有進步的店子。唔知下次會唔會又有驚喜呢！…Read More

媽咪早前在這附近上堂，話成日見到呢間鋪，由朝到晚都咁多人排隊，唔知係味咁好食，於是今天帶她來試一下。本人N年前幫襯過後，因為次次要等好耐，就沒有再來了。我們要了一個午餐，叫左一碗九州拉麵, 再加HKD18 有一個細鰻魚飯同一杯熱咖啡，另加一個牛肉麵辛辣湯底。拉麵幾彈牙, 豬骨湯底較清甜,唔多油， 叉燒好"林"。都唔錯！細鰻魚飯，魚質嫩滑，飯粒分明，醬甜而不濃，好味！熱咖啡(是媽咪飲的) 她說有點驚喜，這杯香濃有咖啡味，幾好味。不像一般餐廳的那樣不濟。她很少會讚餐廳的咖啡，所以，應該不錯啊！牛肉麵辛辣湯底，牛肉嫩口，拉麵彈牙，湯底就普通一點，除了辛辣味欠了一點甜味。令人無法留下深刻印象。本人較喜歡豬骨湯底，媽媽則愛辛辣。員工有禮及非常細心，由於每個坐位已SET好餐具及一杯熱茶，她看到我腹大便便，便主動提議給我換上一杯熱開水，需然只是一杯熱水，可見她們對工作的熱誠與細心。多謝！…Read More

記得媽咪曾經說過很多年都沒有吃過刨冰，所以便帶她來走一轉。上次來的時候太早，無緣品嘗。今次吃過午飯後才慢慢行到來，沒有令她失望。替媽媽點了一個石榴冰(HKD35)，她一直以為是刨冰，員工把冰端來時，看到那麼高的冰後，覺得得新奇，又擔心吃不完，所以，便陪她一起吃，雪花冰放到桌上，石榴氣味飄逸，吃了一口後，她便否定這是刨冰，說：比刨冰好吃，不會凍得讓人頭痛，入口即溶，啖啖石榴味，清新怡人，不太甜，非常好味。還不知不覺一個人處理了整碟冰，更大表滿足。之後，總覺得人家的冰，比自己剛吃掉的還要大。活像一個小孩子，很久沒有見她這麼開心的表情。配料方面有哈蜜瓜，魔豆及爆珠。魔豆很細小似西米，無乜特別味道，至於乳酸爆珠在口中爆開帶點酸酸的感覺很特別。百香果醬酸中帶甜，只需一點點便能帶出石榴味，要是太多，便搶了石榴味。本人則叫了一碗熱芝麻糊(HKD18)，老闆非常細心，見我陪媽媽一起吃冰，便走過來摸一下碗芝麻糊，看看有沒有變暖，他說熱芝麻糊變暖後，會慢慢變得"杰"身，就唔好食。最好是吃完冰，才order。於是，便讓媽媽自己一個吃掉整碟冰，我就處理這碗甜品。起初對這甜品信心不大，始終不是專門做糊的中式甜品店。吃下第一口，已即刻改觀，芝麻味好香，好滑，不太甜，好厚身。 毫不遜色於xx八記。員工有禮、老闆細心。媽媽已話下次想試榴蓮冰，看來不會很久，又會再來了！是次用了團購coupon，吃得更開心。…Read More

本人一直非常喜愛北海道/日本鮮奶。但較出名和好評的店鋪都在港島區，突登去食又唔化算。見到這裡有燕窩北海道燉奶，便蠢蠢欲試。當日店鋪人唔多，只有6-7台人，我坐下即點了這甜品，通常不用5分鐘，就應該端到桌上。等了5分鐘，見早到過我來人，才上了一點甜品，所以便多等一會，再第了5分鐘，看來不對勁，便向店員(1)查詢一下，並清楚說明我叫了燕窩北海道燉奶還未到，店員(1)問廚房有沒有漏單，店員(2)話冇，廚房隨即送出一道甜品，店員(1)看都沒有看到甜品，便立刻端到我桌上，我一睇，燉奶唔會是黃色吧！店員(1) 便怪責任廚房弄錯了燉蛋，即時換了燕窩北海道燉奶給我。吃完後，到收銀結賬時，收銀員問我還有沒有叫其它食物，完全沒有記錄似的，要自行報告。我真不知道她們是怎樣管理一家店鋪。如果整間鋪坐滿人，都不知會亂成怎樣？再講「燕窩北海道燉奶」對我來說是巧立名目，燕窩是有的，燉奶郤非用北海道鮮奶做的。只要曾經飲過日本or 北海道鮮奶的人，一定對其奶味濃陏，脂肪滑(漏)，酥香味道，印象深刻，一試難忘。當我充滿盼望地吃了等一口，即時失望，只是平平無奇的燉奶，價錢卻收HKD34，真是不值，我寧願去XX牛奶公司食，都只不過是HK18(沒有燕窩) 。（大X樂）的北海道牛奶炒蛋，都會讓人吃出濃濃的鮮奶香味。因為MENU上沒有注明是用北海道牛奶做的，無法追究。希望唔好誤導消費者。幸好，在團購網用半價購入禮券，來試這甜品，否則，真是"DUM"，以後，都是食糊好了！…Read More

近期興起乳酪雪糕潮，間間都不同評價，都不知怎樣決定選擇那一家。透過團購，以較便宜的價錢試食，真好！這是我這2個月來，食過的第3家店。分別要了2杯大杯裝乳酪 (原價$37 X 2)，再送四款自選 Toppings。第1杯 - 原味MIX 芒果味，Toppings- 麥糠、Oreo、朱古力碎米、芒果 家母話整杯雪糕味道很突出，但是偏甜，其它配料都好好味。好多人都推介麥糠，可能較甜的關系，食唔出有什麼特別。第2杯 - 原味，Toppings- 麥糠、Oreo、藍莓、草莓 (錯加了芒果) 第一啖已感驚喜，酸酸甜甜，乳酪味道很突出，較早前試過的2間好味，可能是甜味夠帶出濃濃的乳酪味，生果都算新鮮，其它都O.K。 替我們制作乳酪雪糕的小姐，有禮貌及誠實地告訴我，她錯加了芒果於中間部份，問我介唔介意，雖然我唔食芒果，不過都算了。態度誠 懇，又怎麼想要難為她換上另一杯。整體來說，這是一間較合口味的店鋪。 …Read More

透過開飯團購，試了這家人氣No.1的照燒牛肉鮮堡套餐一份。照燒牛肉鮮堡套餐： 照燒牛肉鮮堡一個 - 需然唔係好大，牛肉薄但肉汁豐富，生菜新鮮，麵包熱騰騰，很好味，單食一個唔夠飽。 + 和風薯格(大)一客 - 非常香口又唔油，得難食到這樣出色的薯格，而且size 絕不欺場，食完就夠飽了。 + 汽水 (特大)一杯 - 汽水唔可以加錢轉其它飲品，欠缺單性。扣分！ 因為唔飲得汽水，所以order時叫她們不用給我汽水。然而她們卻主動提出給我一杯熱水，被她們親切的態度影響，加分！ 午飯時間都唔太多人，又多梳化位，傾計一流。…Read More