Dennistc112's Profile

叫左個凱撒沙律，居然落日式芝麻醬再加一推冇味的所謂煙肉，不如索性叫芝麻醬沙律，簡直劣食！個蜆肉意粉更差，只係用水煮煮D意粉淋D蒜油加D冇味煙肉加雪藏蜆落去就算😡😡吾會再幫親！…Read More

似係一間簡單食肆的Cafe，叫咗巴東牛腩飯，與傳統的巴東牛肉飯完全不同，牛肉變咗用牛腩，太淋，與傳統一絲絲的牛肉質感不同，而且出面完全冇鬆脆嘅口感，醬汁太甜，完全一啲辣味都沒有，黃姜飯就過得去啦，這間餐廳似係呃啲妹妹仔未食過正宗印尼嘢食的，而且出菜速度太很快，感覺似係加熱，完全一啲鑊氣都沒有，菜式少了印尼特色的香料味道，真心失望。與舊鋪好完全係兩碼子嘅事， 不知道大廚是不是走了，還是老細只是掛名的。…Read More

夜晚九點，排咗10分鐘，品嚐名氣的海南雞飯。服務員客客氣氣，服務還不錯。因為晚上九點，咖喱飯及喇沙都賣光了，叫了海南雞飯，沙嗲雞串，豆奶涼粉飲品，出菜很快。1）海南雞飯是有名氣的，第一次光顧，賣相很精美，但飯及雞肉的份量好像很少，沒有雜誌報道的咁豐富，只有半碗飯都不夠。初嘗海南雞肉，肉質比較鞋口，不像泰國食的咁滑口，而且份量按價錢真係少咗啲，雞肉沒有雞肉味，沒有味道，只能靠醬汁調味，有少少失望，個湯就幾鮮味，個飯就值得一讚有雞油香味，但真係好少攞得半碗飯都唔夠。2）沙嗲雞串，好細串，但個沙嗲汁好好味。3）豆奶涼粉，都幾好飲。總結，看餐牌上的價錢，都算中價，但性價比真係唔高，真係食名氣，如果冇咁多人等位，可以一試，但冇下次·…Read More

近日看youtube 看, 先知日本過江龍迴轉壽司·‘壽司郎’來香港開一間分店，其實我第一次聽這名字，完全未光顧過，只知人氣好高。看youtuber 告知可在他們的App 遙距拿票，我一試，是星期日，在12:00他們開店時間，在App 拿票，得知不能，我想是人太多故障，之後第二次開App, 無意中俾我成功拿到票，是793號！！星期日是假期，就看看如何，遙距等位好好，不用排隊。我約當日下午1點拿票，由1號票開始，我是793號，他們的App 有顯示號碼，約100個號碼一小時，即是我約晚上7點到我。在晚上6點多，號碼已經叫到6百多號，算一算應該7點有得食。6點多，我第一次去到餐廳門口，店員好友善，拿票的人記得要到餐廳報到，之後就等，等了不到20分鐘到我們了。二人是卡位，坐位很闊落，很整潔，餐具，濕紙巾，紙巾，醬油有普通的及柚子味醬油，不錯。芥末是細細包的，在運輸帶自取。點餐可在Pad 點餐或在運輸自取，運輸帶的食品很多種類，而且滿滿的，很新鮮的樣子。另外pad 點餐自取段，不用按鈕按鍵，很方便。好講主菜，力推*極上大吞拿魚腩$12 件，好好味，好新鮮，少少油甘香，入口即溶。*赤蝦$12 2件，好味，超彈牙，而且比起’元Air ‘大隻好多， 力推。*赤貝，好彈牙。*燒三文魚好味過普通三文魚，因為大條些，口感十足。*吞拿魚，沒甚麼特別*油甘魚，不錯*海鮮沙律，赤貝很新鮮。*甜品，忘記名字，黃色長條的，雪糕質感，表面有燒焦的焦糖味，好好味，似芝士蛋糕，而且甜度剛好。最後二人食了17碟，約$360,每人$180 性價很高。另外要稱讚員工，他們的員工很有禮貌，因為餐廳太多人等位，但他們服務專業，沒有不耐煩，而且入坐時會介紹很餐，有問題會樂意解答，因為新開，有時下單的壽司會出錯，他們都有禮貌給我們更換，很好👍👍食物很好，我更樂意看到員工的有禮服務，而且人手很足，雖然60分鐘用餐時間，但沒有給人很迫促的感覺，很好的體驗。油甘魚，赤蝦，極尚吞拿魚腩…Read More

回到讀書時期的粉嶺，華明街市翻身了，有空調，而且好乾淨，見到了一間平民美食店，感覺好多選擇，而且樣樣都是即炸即整好新鮮，所以一試。叫了北區少見的碗仔翅，好足料，碗仔翅的口感啱啱好，不會水汪汪的，而且好足料。我誠意推介即炸魷魚鬚，一包已經有多條，而且好粗身，因為即炸，食落去不會好乾身，唔似出面食嗰啲炸完擺咗好耐，好有口感，好香脆，而且因為唔乾身，魷魚裏面好濕潤，而且有調味，好好味。另外仲叫咗腸粉加咖喱魚蛋，咖喱魚蛋個汁出乎以外咁好味，細落去之後有啲有回味的辛辣，而且好大粒好好味。真是超好味的平民小食店，他們提供了多種不同的平民美食，實有一款啱你們，而且開到凌晨一點，經過就一定會幫襯。…Read More

星期六午餐，去了這間餐廳，之前去了幾次，今次自己去食，選了他們的推介，吉列豬扒丼，賣相很好，個碗好大，配菜同主菜裝飾得幾靚，而且吉列豬扒好大份，好厚身，口感十足，而且食落去唔油膩，味道不錯，配菜方面不多，但都幾好味，飯不是太多，但食完都夠飽，因為吉列豬扒幾大份，飯是珍珠米，細細間鋪頭，睇得出幾用心煮嘢食。…Read More

星期六中午，獨自午餐，找了一間日式餐廳，環境不錯地方闊落。點了鰻魚飯，未食已經聞到鰻魚香味，鰻魚好足料，燒得不錯，而且是整條的，燒汁好好味，飯的份量不多，但米的質量不錯，粒粒珍珠米，簡單的一餐，大滿足！推介，好味而且性價比不錯👍…Read More

不愉快的經歷，第一次寫食評。好少經過尖東，本來想試中菜，但突然改變主意，食印尼菜，上網查看有間出名的食沙嗲的餐廳就一試。入坐時，好多空位，但侍應唔醒目，係要安排食客坐在一起，兩個食客都要夾在一起的座位，好彩最後同佢講話坐側邊四人枱，闊落啲，因為八點，間餐廳都好多吉位，正常應該安排食客坐得舒服啲。叫左4樣食物：-椰汁珍多冰，有椰汁，但唔足料，第一次見珍多冰咁少料。-巴東牛肉，味道不錯，但牛肉太淋身，口感一般，而且微暖，出菜唔使2分鐘，似預先整定之後叮熱。-炒貴叼，味道不錯但太油膩，食完個胃唔舒服。-串燒沙嗲，雞同牛，好細串，無肉味，食落唔係一片牛肉，似攪碎的牛肉。-蝦麵， 味道還好。.....食到半路， 個胃頂唔順，可能啲嘢唔新鮮。最後食完嘔，同瀉，我覺得係食物唔多新鮮。。。…Read More