jcs2015's Profile

之前淨係幫襯過美孚嗰間，今次第一次幫襯馬鞍山分店。印象啲嘢食係好食， 所以就試下呢間分店。 食物質素----一如記憶， 係有水準嘅好食。推介梳乎利：非常鬆軟，食唔晒凍左外賣拎返屋企食都仲ok冬陰功意粉：香又入味，唔辣（我唔係好食得辣）薯條：條條都乾身又脆服務質素---驚喜作為普通市民去呢啲連鎖餐廳，對佢地既服務質素係完全唔會有期望。 啲嘢唔嚟錯就已經係我嘅所有要求（非常卑微）。點知，店入面特別有兩個侍應嘅服務， 係令我覺得好到有啲毛管戙， 忍唔住埋單既時候讚佢地同要喺度寫食評。對客說話有禮，又詳細推介食物，最驚係我地坐到打烊，侍應仲話佢收左d野先，但我地可以‘’慢慢坐‘’。 今時今日嘅香港， 喺商場餐廳打烊時聽到呢句說話我真係覺得自己撞邪！無可能架～～～最搞鬼係埋單同佢地講佢哋服務好好嘅時候， 侍應仲好有信心咁話openrice都係咁寫（幫襯前完全冇睇過）。笑死。返嚟睇返openrice， 竟然發現啲劣評大部分都係因為佢哋嘅服務質素差， 非常驚訝 。覺得自己好似去咗平行時空！點都好，好食嘅餐廳唔止佢哋 ，希望佢哋員工繼續咁有passion ，繼續做一間為數不多食物好服務又好嘅餐廳！加油！！！！…Read More

好耐無去過呢間馬鞍山不多的非連鎖餐廳，覺得佢d野食幾好味，又多選擇，餐飲又可配珍奶。但今次比個灰髮哥哥落單，態度真係不能有要求。無語氣無感情無尾音。開口叫兩個c餐，一句‘分開講！’，即刻要降低自己既要求而避免影響心情。老闆如果覺得咁既服務態度ok,咁我衷心祝間餐廳好運。。。至於食物，我覺得還算一貫水平。 食麻醬冷麵， 反而覺得麻醬太過豐富， 勁多汁好濃味， 可以清淡返少少就更加好。 不過呢個都應該係個人口味問題。 最緊要都係服務態度要搞搞！…Read More

先不計那些負面新聞，對我嚟講佢係一間唔值得要排隊但係ok好食既曲奇餅店。由於海外親友特別拜託，所以想著就算要排也就努力一次😆點知去到完全無人...而且亦無限購（係咪我太out🤣)店員還有時間跟我閒聊，話近排no.2特別多人買，與很多年前在尖沙咀店排長龍兼被店員呼喝既高壓狀態揀直係天淵之別！！！到底發生過什麼事。。。。。對間唔中想食下佢既本地人黎講或者都係喜訊，因為佢再唔係屬於比外國遊客排隊買既限定商品😆😆😆…Read More

一直覺得佢標榜用幾十種香料調製既辣汁真係堅好味，只此一家，成日推介朋友去試，個個試過都話正。但一排無去後，琴日幫襯，發現個汁水Lau lau咁，好失望呀！！！因為咁稀，d醬根本上掛唔到係d食物上，味道差好遠。唔知係咪新年後開舖整唔切所以要狂加水咁樣可以做多幾轉？好希望店主見到呢個post用返真材實料整呢個獨家醬汁，變返以前杰tat tat咁，唔好令好味既醬汁失傳兼令多年忠實fans失望。。。🥺🥺🥺…Read More

難得又再有韓國餐廳落戶馬鞍山，梗係去試下。估唔到成個體驗衰到一個點 食物煮唔熟，落單超過半粒鐘唔黎，侍應又hea！總之錯得既都錯晒！希望睇到呢個食評既街坊可以三思！馬鞍山其實仲有好多其他野食架！！！！0523左右落單，等左個“雞扒芝士辛辣麵” 四個字，第一次催，侍應聽完走左去無回頭，心諗等多陣d野黎就算。好，到10分鐘再追另一個侍應，麻煩佢返黎話我知追成點，見佢叫完intercom即刻走去同第二個客吹水，叫返佢返黎都只係死狗咁話㕑房做緊，好，等多個幾字,下午茶都過埋，再叫一個侍應追，心諗我係屋企都煮完食埋啦！！！今次真係同佢講唔黎就cut單，即刻攞走我張單去追，好醒，等我想埋單走都唔得！最後等多兩個字先連麵帶單出現。等左超過十個字既辛辣麵！！！我究竟係度做乜！！！！一食, 頂！！！d麵未煮熟，麵芯硬到生架！！！！仲要食食下侍應又送黎多碟！！痴線！！！嬲到好大聲咁叫侍應同㕑房講佢d野生架！又係扮無事咁走左去。。。本來好輕鬆既下午茶最後食到成肚氣！！！呢間餐廳一定blacklist之餘仲一定要推介大家唔。好。去。！！！！…Read More

見open rice食評唔錯，所以就黎試下。一入去餐廳雖然地方細細但裝修幾精緻。不過嗰種昏暗嘅燈光係令人昏昏欲睡既感覺，唔算特別舒服。應該白天去係好啲。至於食物，兩個人叫咗1. 傳統意大利式嘅carbonara2. 軟殼蟹吉列豬扒漢堡包3. 明太子蛋黃薯條4. 玫瑰抹茶latte5. 玫瑰咖啡食完呢餐飯之後我同朋友都覺得口渴，應該係味精作用。嗰兩杯嘢飲係ok好飲嘅，不過嘢食又未好到要再幫襯，加上油尖旺依家有咁多樓上cafe，想試新嘢可以試下第二間先。。。…Read More

上open rice睇下火炭工業區有乜好食，發現呢間一個評價都無，就懷住隨時中伏既心態去試。畢竟附近都無主打馬拉菜既餐廳~不嬲都好鐘意食椰漿飯，但唔多地方有得食之餘，有都通常係好鬼淡，一見到呢度有梗係即試！呢度既椰漿飯咸香剛好，係工業區有呢個水平真係算唔錯了！至於個沙嗲雞就都係冰鮮乾乾地咁，都係果句，工業區可以食下馬拉菜，算係咁了。總括黎講都係一間可以再光臨試下其他菜式既餐廳，或者下次要試下喇沙😆…Read More

好失望。服務唔得，嘢食普通，最少唔會再黎食下午茶。下午茶兩點半先開始，兩點前去攞飛都要等到兩點九先入座。平日都好多人。侍應話要三點前叫炸嘢同腸粉，話廚房收，如果唔係之後都冇。咁我兩點九入座，咪即刻落單囉，落單嘅時候侍應都冇話唔得，點知大半個鐘後侍應就走黎話腸粉無。於是順便問埋另一樣炸嘢點解咁耐都未到, 點知侍應先好理所當然咁話三點後炸嘢冇，嬲到震！！！！客觀講，除左沙茶鴛鴦肚係好食之外其他嘢都好普通，可以唔駛再黎。…Read More

黑毛和牛好似好吸引，加上係推薦菜色，難免有期望。賣相係ok,仲要好似半生熟紅紅地咁，點知一啖咬落去，韌到呀媽都唔認得！心諗可能咁啱果舊係咁，點知同友人各自果碗都係每一舊都韌到吞。唔。到。 完全中伏！！！侍應執枱時忍唔住話佢知d和牛好韌，但佢無乜特別反應。只希望佢有同㕑師/老闆反映，會真心改善下，唔好再有客人中伏！祝大家good luck!!!!P.S.見係新餐聽，食評唔錯，有六折又有得book位就試下，點知主打都可以水準咁差，無下次啦！！！…Read More

本身是薄荷控,非常喜愛試各餐廳/飲品店的薄荷特飲.但總有中伏的時候.呢杯又中了!完全既咳藥水味syrup,好彩有D爆珠甜甜地送入口,如果唔係...真係難飲到一個點.....P.S.店員說原本呢杯野有青檸,但因為無晒,而佢又話無都唔係大問題,我就繼續買.唔知有青檸同無青檸有幾大分別...所以都未必作準既...如果本身好鐘意咳藥水味,都可一試>O<…Read More

見到雜誌推介呢度有綠茶pizza,便在周日夜晚來試試。七時左右到達也有位，侍應說基本限時九十分鐘，但無人可繼續坐。可能係新餐廳，成晚都唔算好爆。裝修：感覺似快餐店，但尚算舒適。店内有一大投射牆不繼勁播K pop MV,鐘意K pop 的朋友就要揀個靚位啦食物：叫了特别推介的“海陸綠茶pizza”，即係超级至尊，一如所料，幾乎吃不到綠茶味，因為D料好濃咮，但其實辣辣地幾好味。唔在意佢有冇綠茶味的話，係一個幾好食的pizza!另餅底係唔厚唔薄，少少脆但又有D麵包的口感。另叫了炸雞，甜辣同芝士都好味!不過份量勁多，食唔晒...服務：外賣盒用红絲帶绑住個膠盒好似份禮物咁(其實應該喺慳膠袋),幾有心思同好靚!…Read More