care_joanne's Profile

一入到去。。見到個價錢牌再對比下個野食list, 淨係覺得食物名好浮誇，但係咪值咁既價錢？我地都食慣海鮮，不過叫做有個特別少少既蟹，又講到咩都新鮮外國入口，咁我地都試試佢。我地叫左兩個貴餐都千幾蚊，再叫左一個中級餐同兩個叫做最平既餐，但都七舊水。。。圖片只供參考都預左。。都唔係咁離譜囉全部小兒麻痺咁。街市三十蚊一盤花甲，佢比得一隻，d蝦全部霉架囉，計返成七十蚊隻，其他更加係離譜，龍躉片？又碎又細，象拔蚌刺身？大蜆似d咁貴一個餐，菜都唔想比多幾條你，不過連南瓜片都無咪，d娃娃菜又黃又全部渣，唯一叫做好食d就係蟹同丸，但真係唔值咁既價錢。。個個都係飲野飲飽，都唔係食飽。。真係無可能相信會有好評，而我地都係咁比佢呃左。。。咁既價錢我去三聖食到好多好野兼飽肚…Read More

新開諗住試下，之次已經聽朋友講試過咖哩同飯都唔好食，不過都係自己試左最實際。。咁岩放假經過，就叫左兩個下午茶黎試下，諗住叫d代表性食物實無死，見到menu價錢都合理不過。。。。香辣肉碎炒泰式金邊粉 - 勁油都算喇，唯一食到既味係(火農) 味，更唔好話辣啦，點解可以整到完全無味呢！扎肉雞絲湯河 - 呢個勁，連最基本既湯粉都可以難食到咁，嚮屋企煮個一丁好食過佢十倍，最緊要既湯底，一d味都無，雞絲可以又鞋又乾又無味，唯一正常咪d粉囉…Read More

今次食墨魚丸雲吞米多青，實在強差人意。。盡管見到佢既牛腩可以保持到水準，但都唔可以唔維持其他既品質。。。湯底同水無分別。。只係奶色既水。如果唔係靠佢個勁辣椒油（真係保持到水準）。。自己調配味道加d醋同魚露落個湯度，成碗粉真係咩味都無。。唯獨個菜好食。但又試問菜可以煮得幾難食呢。。想要多青，但佢既多青都係無分別。墨魚丸好粉。。雲吞普通。。凍檸檬茶一點味都無。。。重要勁濁。。當年既有名。。而家可變無名。。…Read More

唔明點解可以咁差。。。以為佢多分店又岩岩開有d heart....但無。。。以後唔再去。。。詳情請睇d相有附上經驗。另外食完之後勁口渴兼脷變(鞋)....應該係醬料問題。。…Read More

今晚約左6位朋友仔聚聚舊,因為之前已經黎試過一次,覺得ok,所以今次介紹呢班朋友再黎過(上次無打邊邊,今次要試埋)今日係星期二,所以我地3位女士7折,超抵呀~一坐低,我d朋友話上去睇過食評好差喎,問我點解揀呢間,我話我不嬲都唔信食評,只信我試過既感覺,所以咪揀呢度囉~雖然今次坐得逼左d,但都無損我班朋友既食慾,大家一齊大開食界~呵呵~首先梗係食左一輪刺身先啦~黎得又快,又無好似其他食店咁你叫8塊佢比得4塊,呢度真係你叫幾多佢比幾多架,同埋都夠新鮮同夠凍~之後食左好多好多燒物,天婦羅,做頭盤~基本上係無漏過單既~樣樣都好快黎,唔似其他食店咁,你叫10樣黎得5樣....開始打邊邊喇~估唔到都好ok喎~擺到一枱都係呀!!!!不過不消一會又比我地清晒喇~樣樣野都好好,係個爐同個煲比較大,攪到張枱逼逼地.但咁既價錢黎講.就真係好抵喇~…Read More

呢晚約左兩個朋友仔食飯,其中一人介紹我去呢間,話佢食開幾好~咁我地未試過咪去試下囉~我地叫左....1)芥末八爪魚 - 好味呀~係冷盤小食~D芥末味好勁~好開胃~2)牛油焗金菇 - 有一般水準,不過咸多少少好D~3)日式煎餃子 - 皮薄餡多,不過唔熱......但都OK4)壽司-油甘魚,吞拿魚,劍魚,花之戀,帶子,燒生牛.............樣樣都幾好,個花之戀勁大舊,生牛好好味呀~(有部分做梗特價都好抵)服務都好好,加茶加得好密,ORDER黎得好快,地方唔逼,…Read More

9月29日同亞婆亞媽和男朋友去伊利沙伯探完亞公,跟住搭VAN仔去佐敦搵野食.我地落車時亞媽話想去食金山,不過實在係太多人等梗,咁岩我又好想食泰國野喎~咪走左去對面間泰菜館,亞媽開頭望入去話好少客,都唔知好唔好食,但我一向都唔會理環境有幾多客,覺得咩都要試下嘛,所以我就叫左佢地入去喇~入到去個環境都好整齊,周圍都有電視睇(最岩我地D電視迷),枱與枱之間有好多空間,就算坐爆都唔會覺得好逼.每枱客人坐低都會有一兜泰式蝦片送,我地都覺得好好食(唔係因為肚餓,係真的好味喎),我地點左既食物如下:1)串燒(雞同豬各3串)因是日初一所以唔食牛肉,下次再去食--燒得岩岩好,D肉唔會太實,加埋個醬好好味,不過比起其他野食,佢就普通左D!>>>$48(半打)2)生蝦--其實之前成日都食生蝦,不過都無試過覺得特別好食,但今次D蝦既肉實彈牙,又大隻又好新鮮,連我亞婆都話正,食完又食(佢不嬲都唔好生野架)>>>$72/10隻(物超所值)3)炒泰苗--鍾意食淋菜既人唔岩食,除左我男友,我地3個都覺得好鮮嫩又爽口>>>$484)焗蜆(連已烘多士)--嘩~呢個真係好好食,外型又特別,嚮呢度真係好難以筆墨形容,個汁好正,不過少左D,食既時候係要將D蜆放落塊多士上面一齊食架!D多士又烘到岩岩好>>>$785)菠蘿炒飯--以前D人成日都會話個菠蘿用完又用,但呢度我覺得無咁做囉,因為我盛飯既時候用匙篤過個菠蘿謗,真係有菠蘿汁出架,D飯又沾有菠蘿汁既味道,個炒飯入面D料都好多,我地每人盛到一碗大既,都係好味架!!不過對我黎講甜左D~~材料包括八爪魚,青口,提子乾,蝦等等....>>>$786)泰式拼盤--有蝦餅,魚餅,春捲,炸南瓜條,荷葉雞,雞翼等...睇落去好似好熱氣咁,但其實一D都唔油膩,全部都整得剛剛好,隨碟有兩種醬跟埋,一個甜D一個酸辣D,兩個都幾好食,不過我地大多選擇返點生蝦附有既醬汁.>>>$887)蒜茸焗蠔--呢個係送既,可能因為新張關係所以送比我地食,不過一D都唔求其,又香又多汁,薯蒜份量適中,一D都唔膩,我地睇個偵錢都係四五十蚊,有4隻,都唔係好貴.總括樣樣野都好有水準,一定會再黎,有加一服務費,全程四百幾蚊.(以上價錢是大概,因為我無記性唔記得左,不過最多差幾蚊,唔會差好遠)不過都有一樣唔好既,就係未試過有人主動加水,每次都要叫囉!!個水杯又細左D囉!我地飲好多水架,所以都唔好意思成日叫人加水~~…Read More

我地上網睇到7:30P.M.前$139蚊一個,所以就諗住去試下,我打左電話去BOOK位,但係個職員完全無提過幾錢一位囉!我地5個人去到,先知道原來加晒價,就連優惠時間都改左7點前,有無攪錯呀!雖則話我地可以唔入去,但一心黎到唔食又唔知轉去邊食好,唉!我地真係覺得貴架!$169蚊再加一喎,成$180蚊一個人,食BUFFET都係差唔多!最終都係入左去食,我地叫左好多刺身,熟食,不過無打邊爐,因為食唔晒費事嘥~我地叫左以下食物:各類刺身---這裡刺身款比一般放題多,質素又好,好新鮮,夠凍!和牛粒---根本就係牛柳條,酸酸甜甜,肉好滑不過好大碟酒釀醉雞翼---將兩隻雞翼分四份,我覺得咁既份量先岩,不過無味既路邊田螺---呢個幾好食清酒煮蜆---D蜆無味既,不過個汁可以當湯飲兼送飯食雞軟骨---好好食,不過點埋秋刀魚0個碗汁重正秋刀魚---好硬好難夾,味道一般三文魚腩---以為係燒,原來係炸既,有點失望,因為無人鍾意食,唯有我食晒佢,不過雖然炸,不過D肉好滑我朋友食左鰻魚手卷話普通啦!!炒什菜---好多油PIZZA仔---好多沙律醬,無人想食肉燥飯---好咸,有兩棵西蘭花未熟咁擺嚮上面咖哩炒飯---好好味,不過飽飽地,食慾減弱,所以食左一啖湯拉麵---得我個朋友一個人食,因為我地食唔落,佢重話好鍾意食,所以話好味雪糕每人一客---OK呀汽水任飲---真係汽水,因為我試過嚮第二間0個D汽水同糖水無分別各樣都OK!不過真係一到兩個鐘就叫你起身,趕住比枱人地,其實都食得好急,服務態度良好,不過無人加茶,攪到喝死咁滯!…Read More

我住在附近幫襯呢間已有數年,我不論早,午,晚餐都在這裡食過,樣樣都好有水準,冬天的羊腩煲更是好到加零一,價錢又唔貴,材料十足,午市有個餐我同亞媽都好鍾意食架,就係豬扒火鴨絲米粉,豬扒夠入味,湯底又夠濃.買外賣燒味飯至抵,廿二蚊一大盒,不過堂食會貴D.…Read More

5月9日我地一行四人再加個BB去食飯,我地點了以下食物:1)生牛肉湯檬餐連小食蝦餅---我食開既牛肉粉係用牛骨整湯既,但佢呢度就係味精湯,牛肉得一口囉好少,蝦餅幾好不過冷冰冰.2)香茅雞翼飯餐連越式鳳爪--只不過係普通既煎雞翼飯重有少少燶燶地,碟飯乾掙掙.鳳爪一D味都無,賣相勁差.3)咖哩牛腩湯河餐連扎肉卷--個河粉好食好濃,個扎肉卷要點個酸汁先好食.4)咖哩什扒飯(*最離譜既一樣野*)---個飯有腸仔豬扒牛扒薯仔,我問個待應佢先比把刀我,碟飯除左腸仔正常其他扒都勁難食,咖哩最緊要有汁,但D汁得約兩匙,根本就少得可憐,我問個待應拎碗汁,佢入左去問,點知出返黎同我講無,我問佢如果無咁點整到呢個飯,佢話入面話無晒,佢地根本就唔想加比我地,身為一間餐廳咁既服務點得架?!我就唔信佢地每碟飯都要新整一碟汁囉,亦唔信佢地7點幾就賣晒,真係好激氣囉,平時我會搵佢地經理架!不過我亞媽話唔好攪咁多野,驚佢地加料落D汁度,唉~你唔出聲反映,就會有下一個受害者.到我地野食到齊,全場根本就唔會再有人理我地,亦都唔會有人同我地加水,佢地全部淨係招乎D新入黎既,有無攪錯?!有D待應重會有趕你走既行動/動作,我諗有唔少人遇過喇!…Read More

5月6號我地一行十三人去德興預祝母親節食飯,我之前都聽聞話呢度係全megabox最唔好食,但我舅父話要黎呢間,所以全部就黎試下,我地叫左個唔知咩餐好似人地去飲宴0個d呢~加埋一埋單二千幾蚊架一開頭例牌燒味拼盤--好細碟,每人都係食得一舊仔,當然係咸既2)炸海鮮卷(有沙拉醬點)--炸野同沙拉醬我都唔好,不過諗住試下就咬左一啖,唔駛點醬都成口係,因為個卷入面乜都無,只係得沙拉醬,我因為無期望所以無失望.3)西芹炒蝦,蚌,鮮魷--西芹無刨衣,好多渣,個芡應該落左好多生粉同鹽,好咸4)雞絲翅--搵極都唔見疑似翅既物體,只見豬皮,雞絲變左瘦肉條,真係覺得勁攪笑,呢d咪叫貨不對辦囉!5)一大條蒸魚--好鞋6)炸子雞--係我最期待既,基本上好難整得唔好食,望個樣好靚,但係睇野唔好睇表面,一咬落去就知佢係雪雞,因為陣雪味都重嚮度,唉~個廚師係咪以為落多d鹽就可以除雪味呀?我特登留肚食佢架!睇黎要去到食炒飯喇!7)炒飯+伊麵--好咸呀!!!可否清啖少少呀!又勁多油喎!跟住到甜品,亞姨話係杏仁露,正!點知佢擺低左紅豆沙,話無晒杏仁露喎!有無攪錯呀!個糖水真係勁糖囉!個個食左一啖就放棄左!最終都有樣正常好味既野食,就係壽包喇!真係好味,雖然我唔食蛋黃既,不過佢地個個都話個黃係十二分之一大,即係將一個黃切開十二份每個放一粒囉!哈!我就將我0個粒捐左出黎喇!生果有菠蘿同西瓜,我梗係等佢地試左味先啦!佢地咬左啖菠蘿,酸到咪埋晒眼,咁我就知道食西瓜穩陣d,果然無錯,yeah!所有野食都味道極端,令人噴飯!真係唔會再去~…Read More

我又係有coupon，咁岩我男友亞哥生日．所以我地就去一試喇！雖然係平日，但我都係覺得book位好d,一打去係講韓文既，好彩佢識英文，咁我地就book左５人．我地７點半去到，個場唔係好多人，不過環境舒適好坐，我地點左以下食物：豬肉泡菜煎餅--幾好味,不過我個人覺得略咸,佢地就覺得ok,自製牛肉麵鍋--有一大個鍋盛水放在枱中間的爐處,一水滾就有人來放湯料,牛肉,最後放麵煮,佢會幫你分好晒,服務幾好,個湯好濃好好味,d牛肉老得滯好似牛肉乾,d麵都好食,不過二百幾蚊黎講份量太少.海鮮石頭鍋飯--有一大隻蝦嚮面,其他全部都係細細粒蜆,好快痴晒底,好難起,味道都幾好,當我地正想睇下重有咩食好叫,個待應就已經擺低生果,無問過我地囉,呢野就唔係咁好lu~後尾叫多個炸醬麵,想睇下係咪真係好似茶煲亞四食到咁好味,不過黎到佢地都覺得可以接受,唔係好好味,佢地話可能食飽左,所以先咁認為,而我就覺得凍左個味好食d,又易入口d,唔係好差,總括:其實價錢幾貴,全部野食都起碼一百蚊一個,個牛肉鍋二百幾,唔係好抵,加埋coupon都要五百蚊埋單,最唔好就係開頭都好好招呼,到你既野黎齊左,就茶都唔幫你加,攪到扣晒分,希望可以改善啦!…Read More

0個日同男朋友經過門口,見到我地鍾意食既酒煮雞,所以就入左去試下,我地開頭商議叫個二人餐,好彩無叫,因為我地見到隔離枱0個個二人餐全部都係炸咁滯,而且又少,我地散叫左三樣野如下:醇酒煎雞-->酒味香濃,不過好少,個鍋得一隻手掌咁大,味道岩晒我地口味,價錢略貴魯肉飯-->都係味濃,不過魯肉既份量同後面枱碗細魯肉飯既份量一樣,即是不論你叫大/小既肉都係咁多,係飯多左比你所以叫大SIZE,但你要比多些錢.牛肉牛筋擔擔麵-->好咸好溜,不過牛筋好好食好淋,牛肉有D (UN)***最值得一提就係服務態度,D侍應亞姐黑口黑面,態度勁差,叫佢拎杯水慘過乜,我地將個杯擺出D比佢地睇到都唔加水,我地又唔係無幫襯,有乜理由唔比人地飲茶/水先??隔離枱見我地叫到茶都呆左!點知黎到杯茶有漬架,我叫另外個亞姐換左佢,佢一D唔好意思既態度都無,重勁差咁黑口黑面,唉~野食好味都係假,攪到我地好似貼錢買難受咁~我諗我地唔會再去囉!!一路都有好多客想入黎,個老闆見到就係咁有意趕人走,我地都唔好意思坐多陣,埋單共$116,唔貴丫~…Read More

經OPENRICE而知道有呢間餐廳,即晚就同男朋友去試,我地去到物華街4號,居然係間藥材舖,原來佢鬼鬼馬馬嚮街面,千祈唔好比佢舖面嚇親,唔係你想像中咁差,入到去好細好迫,不過食物方面搭夠,我地點既食物如下:巴東牛肉飯-->濃味好食不過好少份量,飯就勁多乜乜雞飯,因為唔記得左點讀,我見佢個名咁特別,所以問個店員係咩黎,佢話係酸辣既,咁就岩晒我口味,但出左黎既效果不如理想,因為得個甜字,亦都係餸少飯多.真多冰-->只有我男友飲,佢話幾好飲,不過佢話冰好多,飲得既好少,所以兩啖就無晒羊肉串燒半打-->我男朋友最鍾意食羊肉,佢話外面燶D就更加正,我個人就覺得已經可以,哈哈~無佢咁挑剔~~個餐廳貼左紙嚮MENU度,話成本上漲所以每款食物都加左價,由一蚊到兩蚊,其實加得唔算多,不過如果你好多人去,每款都加就變左加好多,我地總共埋單$128,都可算OK!!…Read More