福薯's Profile

本身係即興飯聚，約好同朋友聯和墟食飯食完再去食甜品傾吓偈，晏就記起朋友就嚟生日，諗緊要唔要買生日蛋糕，又醒起會去食甜品於是響Openrice望吓甜品店之前d食評，見到佢會響窩夫碟畫公仔，膽粗粗WhatsApp去問可唔可以寫隻生日碟，負責人勁好話可以提早俾個名佢準備，於是我就照計劃食完烤魚晚餐就去食甜品。我哋3個人啱啱食完飯其實唔係好餓，不過女仕食甜品係有第二個胃，而且有任務，於是我哋叫咗一個芒果丸丸同開心果窩夫，窩夫再加多兩球雪糕，因為我住個甜品碟出嚟澎湃啲😆，最後可能個碟唔夠位，雪糕去咗第二隻碟，不過都令到我哋嘩嘩聲，實在畫得太靚，好有心機，仲有幫我哋插埋蠟燭🎂，播埋生日歌🎼，成個VIP服務咁，朋友梗係好驚喜我幾時安排，其實都係多謝店家，令到今晚生日飯超級無敵完滿，甜品都係好好食，窩夫脆得嚟入面係鬆軟，開心果醬都幾香開心果味，唔會得個甜字帶有咸香加埋雪糕同奶凍好夾。…Read More

從前食米線都唔洗諗，一定係另一間，可惜真心覺得越來越差，米線粗鞋，魚片頭又差咗，對於我嚟講，佢已經唔係我心目中想食米線第一時間諗起嘅鋪頭，反而米線陣係俾到驚喜我，蕃茄湯底有幾塊大大地嘅蕃茄肉，米線係我心目中滑溜溜的那種，腩肉可以薄d，淋d,入味d會更好，總結都係滿足嘅一餐讚一下員工安排入坐，我見好多個都係一個人食，未坐滿佢都唔會迫人地都唔識嘅人對坐，咁我都好識做，舒舒服服食半個鐘就走了…Read More

作為一個荔枝角工作十年嘅打工仔，見證哩個鋪位易手數次，之前做日本野店內陰沉沉，連食咩都睇唔清楚，今次真正重新裝修，店面光潔，仲有我最鍾意嘅冬陰公，同事介紹喇沙好食，蝦湯椰香兼備，但我比較鍾意冬陰公嘅酸辣椰香，湯比得多唔孤寒，配料正常，魚餅有d驚喜，混合豆角芫荽，無鯹味，$56嘅價錢以打工仔食個舒適嘅午餐嚟講，絕對合理，普遍食物偏濃味，唔食得太辣叫定杯凍檸茶解吓辣，哩到可能唔夠你去九龍城好食但止癮絕對可以。…Read More

自從搬入聯和墟，每一兩星期都會食一次拉面，但就第一次幫佢寫食評，其實我7年前已經食過幾次，個陣有老闆娘響到趕客，負皮不絕，事隔幾年，老闆個女都會幫手煮面，但老闆娘不見了，員工有禮貌左，當然都係落單就要俾錢.但就無聽到唔俾加單之類，但一般熟客都唔會加單。講番碗拉面，我食黎食去都係醬油湯，湯底係豬骨煲，但係清湯個隻，加埋醬油，係我食咁多次都唔覺得厭，亦唔會好油，好咸或者好溜既感覺。拉面面質粗身，彈牙爽口，小女子大碗都照清，我既首選小食係炸雞，外層炸得乾身又脆，入面有肉汁。…Read More

慶祝公司拎到Google Badge, 決定食餐好嘅，諗起D2嘅little break, 食過唔好食嘅廳2之後，好想食番little break 嘅出品，上次食都好耐之前，估唔到再去又喜見進步! 小店出品絕不馬夫!前黎既係番茄濃湯，面層有綿密泡沫，酸勁十足，十分開胃，配合香脆既香草面包條，增加食欲!木板加鐵板上嘅All day breakfast, 有賣相又實用，鐵板可以保持食物温度，吐司甜美脆身，薯餅熱度十足且不油膩。黑松露炒蛋分量十足，香氣迫人，炒蛋滑溜多汁，煙三文魚俾得大氣，魚肉唔會過咸，中間係波菜葉配甜陳醋，未必人人接受到，但我覺得幾特別，唔係成日食到，半隻大菇肉汁豐富，希望食到全隻更好，焗番茄有爆汁效果，賣相亦很好。煙肉較瘦，偏咸，腸仔用汁算豐富，加杯英國早餐茶，整體十分滿意，多謝同我并肩作戰嘅戰友，今餐唔客氣喇!…Read More

想食buffet,但星期五食又特別貴，朋友介紹去旺角食放題，抱住平平地心態一試，188加一，如果唔好食都唔入肉。我食晚市頭輪，可能好多人都未收工，所以頭個半個鐘都未坐滿，但食物就黎得好多，款式都算多，魚生有帶子，好新鮮，帶甜味，三文魚係厚切，都好新鮮，仲有甜蝦都幾大隻，送既阿根庭蝦刺身好大隻，肉身結實甜美，好滿足，壽司卷物有驚喜，賣相好，增加食欲，味道亦好，唔會因為放題就粗製濫造，各有特色，大小適中，唔怕食太多飯食唔落其他美食！ …Read More

公司午飯，一心諗住試新野，近近地揀左廳2， 之前睇過食評好壞參半，但都想親身試下，點知去到真係火都黎。有3位同事想叫牛扒，竟然無貨，得番一份，大佬，lunch set 去到一點就無貨，唔係呀。。而唯一食到last一份既老闆comment係唔好食，落單唔問幾成熟，過老，肉又乾又硬。我叫左個常餐，份量真係唔係好夠，咩都得好少，味道好一般，條腸熱都唔熱，無邊樣係特別好食，最深印象係個碗跟餐米線，真係得一啖，見到男同事食完唔飽個樣真係慘，仲要唔好食。。。荔枝角食有質素號西餐太多好選擇，哩到我就唔會再俾機會佢。…Read More

第一次食一蘭係響福岡既總店，福岡總店有幾層樓高，同時設有屋台，唔洗面壁仲可以食到煎餃子，大口喝生啤。樓上也有一般的面壁位置，兩邊都有試過，亦有買外帶版番香港自己煮。難以忘懷既美味，香港都有得食，之前人太多唔敢去，而家熱潮已過，隊都唔洗點排，十分鐘就有得入去食。香港只有面壁位，環境跟日本一樣，面的賣相也一樣，雖然面質爽口，豬骨湯底濃厚，但總覺有點不同，假設大部分原料由日本進口，相信不同的是煮面的水，亦會影響面質同湯底。雖然香港的唔及福岡的美味，但令我尋回福岡美好的回憶。…Read More

素食店屬社企營運，因為睇過報紙報導先發現此寶地，午餐經常都係大魚大肉，其實偶然都想食健康d,清d,lee度既lunch係唔錯既選擇。38蚊可以揀三個餸，飯或粥，仲有每日唔同既素湯，今日係蕃茄薯仔素湯，湯非常足料而且夠熱，好多蕃茄，仲搵到腰果碎，相信係假肉味既來源。其實我不太佛心。。。飲這個素湯覺得跟有肉的竟然不覺太大差別。今日既餸揀左素叉燒，素炸大腸，雜菌炒根片。素叉燒很像真，看似肥肉，還有焦香感，相信是豆品。素炸大腸，炸得乾身，形態十足，配上波蘿甜酸汁，以假亂真。雜菌炒根片，用料新鮮，炒得火候剛好，不會過火，保持爽脆!全場自助形式，食完要自己清理，唔好留低要下手幫你執，咁就樣衰喇!…Read More

因為公司送出禮券關係，當然唔好浪費食左佢啦，雖然張券本身都換到一球雪糕，但加多12蚊有多球咁吸引，梗係照加啦！綠茶不嬲都係我最愛，綠茶味濃香奶滑，好似上隱一樣，回味無窮。碎朱古力係忽然今日想食，朱古力雪糕內藏大量黑朱古力碎，又香又濃，朱古力碎唔會太厚，入口即有半溶感覺，鐘意食朱古力雪糕一定愛屎佢！…Read More

鐘意黎宜家食野，其實都係對自助餐既情意結之一，行到埋去食物枱，想食咩就攞咩，仲要一d都唔貴，拎到成枱野都唔洗百五蚊，實在十分開心滿足。。。當然食物質素亦唔差，招牌瑞典肉丸配意粉，汁係精髓，肉丸反而係配角，意粉分量不少，有點淋身，但十多蚊就有一個主菜，真係邊到都好難搵到。。。凍蝦亦係最愛之一，雖然已經無左砌得靚靚既蝦杯，不過食味係無變既，蝦肉鮮甜，隻隻都有好多蝦籽，加少少檸檬汁更加鮮味。薯條係粗身款式，外面脆裏面仲食到薯蓉質感，自己去醬料吧加茄汁，芥末，黑椒碎，又係另一種食法，作為小食唔錯既選擇。粟米只要3蚊，當食點蔬菜好了。雞翼炸得香脆飽滿，一睇就知新鮮…Read More

日式燒肉係我最愛既美食之一，但價錢都幾貴，不嬲揀尖沙咀食，今次試新野，揀左銅鑼灣既大阪燒肉，午餐時間到訪，當然都係食set lunch, 揀左一款當日special既和牛肩肉，一款牛胸腹肉，油花豐富，醬汁咸甜開胃，配上紫菜飯更是美味，前菜的沙律菜亦十分新鮮爽脆。漬物及牛舌十分下飯，面豉湯亦足滿牛味，夠熱好飲。唯一食得唔多安樂既原因係坐正廚房出菜出面，成日望到d員工，好似成日有人望住我地食野咁，連相都唔多想影。。。…Read More

打工仔食無定時，收工太妟唔想煮，忽然想起朋友介紹的海港燒味飯，講真，係幾低既，28蚊雙併大酒樓飯盒，邊到搵，滿心歡喜買左個叉雞飯番屋企食，叉燒有筋又偏瘦，雞還好，係我自選雞胸的，要求唔高，唔好仲有血就ok, 不過佢應該都係過熟。最慘係白飯竟然生米，最尾食唔到一半掉左，d叉燒都食唔晒。。。…Read More

每月都有一餐慰勞宴，交俾我訂位當然揀自己最愛, 荔枝角類似既工廈餐廳食唔少，enjoy chef係我最有印象，感覺最有誠意的一間西餐。今次第二次黎開餐，雖然我最愛既奶油無貨轉左第二款，麵包仲係好熱好脆。沙律揀左巴馬火腿沙律，沙律菜新鮮，配上黑醋，巴馬火腿甘香不死咸，不足係密瓜份量不夠。今日餐湯係忌廉粟米湯，湯面有輕輕打起既鮮奶油，粟米湯屬濃湯質感，不算太多粟米。主菜揀左法式燴橙鴨脾，鴨脾燴得軟淋，肉輕易離骨，肉汁豐富，不乾柴，鴨脾面貼著一片脆焦糖，伴肉同吃更美味。橙汁也十分有特式，香而不酸。伴菜也不是簡單的水煮菜，有紫薯泥，燒粟米，燒番茄，蒜蓉西蘭花。最後選了凍檸茶清清味蕾，十分滿足的一餐。埋單時告知老闆我們的同事生日，即時送上蛋糕，十分有誠意！…Read More

好少專登入樂富，今次黎又係為左交表，交表之餘當然要搵下有咩好食，搵到哩間M18,鋪頭細細，人好多，都等左陣先有位，叫左一個all day breakfast ,豬肉腸同多士俾較出色，豬肉腸肉汁豐富，咬落去有爆汁效果。面包應算是他們的強項之一，多士脆而鬆厚，有奶香，其他配件還可，但欠了茄汁焗豆，有點失望。黑松露雜菌意粉，薄薄的忌廉配上炒雜菌，松露醬，香而不油不膩。套餐配的雜菜湯不是太足料，但起碼夠熱，幾蚊就飲到，cp值不錯。咖啡係親民個種即磨，香而不苦。因人太多，食完都唔好意思座咁耐，想relax漫漫嘆就未必得了，離開前買了他們的牛奶吐司，他們還有蛋糕賣，但竟然是美心，相信是同集團吧！…Read More