2
今次第二次黎開餐，雖然我最愛既奶油無貨轉左第二款，麵包仲係好熱好脆。
沙律揀左巴馬火腿沙律，沙律菜新鮮，配上黑醋，巴馬火腿甘香不死咸，不足係密瓜份量不夠。
今日餐湯係忌廉粟米湯，湯面有輕輕打起既鮮奶油，粟米湯屬濃湯質感，不算太多粟米。
1
主菜揀左法式燴橙鴨脾，鴨脾燴得軟淋，肉輕易離骨，肉汁豐富，不乾柴，鴨脾面貼著一片脆焦糖，伴肉同吃更美味。橙汁也十分有特式，香而不酸。 伴菜也不是簡單的水煮菜，有紫薯泥，燒粟米，燒番茄，蒜蓉西蘭花。
最後選了凍檸茶清清味蕾，十分滿足的一餐。埋單時告知老闆我們的同事生日，即時送上蛋糕，十分有誠意！
