丁丁小廚師's Profile

5人點了c餐任食，黑毛和牛有4款，但其中2款un到食唔到，已經好失望其他普通啲嘅牛最好食係蔥花牛脷薄燒，encore咗好多碟跟住海鮮類都好食嘅最驚喜係佢啲飯好好食不過如果係為「和牛」而嚟，個價錢就未能反映質素佢最好食係個寶盒嗰塊和牛，但得一次上菜速度好慢，我地點咗嘢後要成20分鐘先出嚟隔離枱早過我地走，見佢連原本第一輪指定嘅牛都食剩好多，因為我哋食嘅時候有好多牛肉都好un$598/位再加一，呢個價錢我唔expect係咁嘅質素，可以有更好選擇…Read More

叫咗個「搏大霧」，類似煙薰魚生，好有視覺效果，魚生食入口有股煙薰味，再滲出少少酸味，個人覺得食完好開胃。之後叫咗個黑肉酥，非常脆同埋好好味。黑松露羊架的黑松露未算突出，但剛好同羊味攞到個平衡位。之後食埋個海膽帶子飯就已經飽到郁唔到😂呢碟反而顯得普通。Cocktail 叫咗杯有酒精的功夫茶，茶味唔太突出但有啲偏酸。個menu 一眼睇哂（唔記得咗影相），選擇唔太多但樣樣都幾好食，比較適合多啲人一齊嚟開心share同埋飲住酒吹水…Read More

叫咗個有芝士嘅石頭飯，點知食落口唔熱嘅，只可以話暖囉。跟住先夠膽掂吓個石頭鍋，點知真係唔熱嘅。呢方面有啲失望跟住叫咗個雪濃湯，好彩呢個熱嘅，如果2個都唔熱真係要投訴。另外叫咗個牛小排餃子，不過不失，都係鐘意有粉絲喺入面嗰種，起碼口感好啲。總結唔算好特出，我唔會去第二次…Read More

叫咗個豬扒飯$138，加$28有個涼菜同飲品但原來個涼菜同個定食一樣都係薯蓉，唔係為杯飲品真係唔會叫個豬扒乾爭爭，無味，即係無味嘅炸物，好似食油入口咁。唔建議點呢個餐。諗住加啲味送飯，點知連7味粉都無，tabasco又無，仲係日式西餐廳嚟咩？食過一次就算，無謂浪費時間排隊入嚟食…Read More

見Alva 口碑好，好有期望咁去試一試，點知失望而回。生蠔唔算肥美，中規中矩咁囉，開蠔位長期有龍煎鴨肝嗰位廚師隔咗成個鐘先開始煎，條龍又係長期都咁多人。之前煎咗一轉和牛跟住就吉咗好耐先煎鴨肝。之後中間又要等好耐先再煎一轉，件肝仲要一開三，每舊都好細粒，每人限攞一件，排到無癮。總之煎肝嗰位廚師態度都係麻麻，一副「話之你食唔食到」咁嘅面口，後尾換咗另一個師傅煎鴨肝先至好啲。唔知係咪有人投訴所以換廚師龍蝦係多膏嘅，但size時大時細，唔多standard 服務真係麻麻，啲waiter掛住傾計，明明喺隔離都要叫到第四次先有反應。片皮鴨同乳豬啲皮都係唔多脆。啲位排得好密，攪到攞嘢食嗰條巷都有啲迫迫地嘅感覺，去佢個廁所仲闊落過攞嘢食條巷。我以為因為多客所以啲位要排咁密，點知又好多張吉枱。唔知係no show定係佢要隔枱坐。但我哋坐嗰度又無隔枱坐總之成個體驗麻麻，應該唔會再去。book唔到無損失…Read More

試咗佢3個set lunch, 有少少泰式原素，不過偏西式比較多頭盤揀咗2款流心牛角包同埋龍蝦湯，個湯就普普通通啦流心牛角包有冬蔭流心同龍蝦流心，可能佢嚟咗個冬蔭比較重口味，個牛角包又索哂啲湯汁，所以之後先上龍蝦流心就變咗比冬蔭蓋咗啲味，我哋覺得冬蔭流心好食啲主菜叫咗個黑松露什菜risotto, 慢煮豬頸肉同埋蟹肉龍蝦汁risotto, 都比較西式唔太突出總括嚟講不過不失，值得一試但又無令我想再試嘅意慾。…Read More

尋晚去咗The Place食dinner buffet, 見無乜人點讚過呢間嘅dinner buffet，都抱住伏嘅心態去。可能就係預佢伏，所以食完反而有驚喜😂生蠔瘦咗啲，不過新鮮嘅鴨肝係即煎，塊包都係自己夾嘅，驚好快飽所以只要一塊包墊底🤣片皮鴨好食，但個包太厚。我都係prefer用薄嗰啲皮😅龍蝦係即焗嘅，啱晒我。我唔係好鐘意食凍冰冰嘅龍蝦。👍德國豬手嘅皮keep住脆卜卜，好味。羊架略嫌切得太厚，食哂會好快飽😂但整得好味嘅海南雞飯有驚喜，隻雞好嫩滑，正到有啲想食多幾舊🤣榴槤pancake真係好creamy, 好正。好衰架！點解佢啲易飽肚嘅嘢整得特別好食架？🤣…Read More

之前去咗幾間燒肉，都名多於實，見有2個kol都推介呢間，於是去試吓一嚟到就會先上頭輪食物，肉類有哂label, 我哋試完就可以target之後再order邊啲。食足3個鐘，全程無冷場亦無漏單。雪糕雖然無咗大司或movenpick, 但個海鹽雪糕又幾好食。同行的都食咗3杯🤣之後叫的燒肉都同第一盤質素相同，唔會走樣。全程都係安格斯，有肉味得嚟又有雪花但又無和牛咁肥膩。我覺得對得住個價錢。埋單$298+10%，食得好滿足。會再幫襯👍…Read More

上網訂咗快閃優惠，連加一$15xx/位買嗰陣個menu同去到嗰陣個menu有啲唔同咗，但無損我哋嘅滿意度，因為樣樣都好好食。佢上菜前都會問你有無食物敏感先嘅，所以會就住你嘅需要而改一嚟到就有3款開胃小食，樣樣都好精緻。之後上個魚子用紅酒浸過，食得出的心機。龍蝦爽身又甜，個fennel sauce好好味，直頭要用麵包點埋啲汁。珍珠粉彈牙有咬口，似risotto 但有彈性好多。個汁連埋蝦膏煮，香氣噗鼻。和牛medium rare, 外脆內嫩。甜品比想像中多，食完好滿足。…Read More

一家四口叫咗例牌海南雞、石鍋咸蛋松露雞油飯、喇沙脆皮牛腩、海鮮裸條。分量都好足吓，食完係飽肚嘅個海南雞好滑，不過雞味唔夠濃。唔知係咪香港貨源問題😂石鍋飯滿足咗我幾個願望😝我鐘意食飯蕉、又鐘意雞油飯、又覺得有咸蛋加黑松露特別，所以對個飯我好滿意。海鮮裸條微辣香口，個個都鐘意食喇沙脆皮牛腩係好食嘅，不過食多過2舊就開始漏雖然喺星加玻有食過原本嗰間，嚟到香港我覺得佢有fine tune過，應該都係為咗合香港人口味掛美中不足係限時食一小時就比較趕囉…Read More

本來約咗幾個fd去另一間餐廳食，但嗰度難泊車，咁啱經過呢間附近有位泊，於是提議轉場嚟呢間。嚟到環境好舒服，食物亦多嘢揀，於是叫咗幾個餐share樣樣食物都好好味，以呢個價錢同環境嚟講，真係抵食個餐包湯包飲品，又無限時，我覺得真係一個gathering 嘅好選擇個人最喜歡條魚，外脆內嫩。個焗豬扒飯用上黑松露亦好惹味，豬扒分量亦多。牛扒略為薄咗少少，但生熟度控制得好好，味道唔錯。如果厚身多少少就完美最後因為太耐無聚，坐咗4個鐘都無催我哋走，我決定多啲幫襯佢…Read More

見佢買一送一，又話有得任點M5和牛西冷，又有蠔、帶子、刺身咁，於是book咗和牛無乜雪花，燒咗2轉都係好un牛胸腹比較有油脂無咁un另外壺仔入面嗰種唔知咩牛，我覺得似牛腩放題形式但出啲肉勁慢，每叫一次都差不多15-20分鐘先嚟。我哋可以燒到中間有空檔，枱面同爐面乜都無嘅。話就話2個鐘任食，但1.5個鐘就截單。佢仲要15-20分鐘先出啲肉比你，心水清都計到你可以食到幾多轉。埋單2位連加一$502，呢個價正常。但無意慾有下次。…Read More

$128/位任食，其實真係算平。因為之前嗰2個星期去飲茶，除返都要$120-150/位。所以任食嚟講呢個價算係平。當然咁平就少咗啲選擇啦⋯⋯而且都變咗好多點心都係飽肚嘢。蝦餃鵪鶉蛋燒賣流心包之類啦⋯⋯突出就唔算架啦，普普通通囉。當去咗集團式酒樓嗰啲水準。賣相都係普普通通，所以影咗幾張就算奉勸一句：蒸嘢出得特別耐，入去記住點啲蒸嘢先飲品全部要額外比錢，我見有燈膽豆漿諗住試，點知嚟到係普通杯，我覺得要另外比錢你都仲要名不副實呢吓真係失望。…Read More

喺粉嶺舊法院活化出來的cafe, 好近粉嶺火車站，行幾分鐘就到，ok方便環境唔錯，嘢食睇落幾有特色咁因為唔係好肚餓，志在休息吓，所以叫咗個洋蔥圈$58，加個黑松露薯條+$38。個餐唔包嘢飲。另外叫咗個龍眼Latte $42, 不過無龍眼味。反而面頭有啲桂花。其實係咪桂花latte?埋單$161，計極條數都唔明點計出嚟，睇單先知唔係收加一，而係加12%。份量係足嘅，食唔哂，不過唔知係因為唔肚餓定係佢啲portion大份。…Read More

假日幫襯點心放題，$128/位連茶位無加一。平時飲茶除返每位都咁上下價錢，所以嚟試吓睇menu其實唔多選擇，大部分都係易飽肚嘅嘢蒸腸粉一款都無，糖水又無，甜品只係得糕點類花膠米線嘅花膠唔夠淋，咬落有啲硬口水雞唔錯。最好食係乳鴿，叫咗3轉。金沙熊貓包有流心，唔錯蝦餃ok, 燒賣就好普通椒鹽茶樹菇啲粉好厚，麻麻大富豪炒飯係瑤柱旦白炒飯進化版，加咗蟹籽同菜粒順德奶奶卷炸得有點「益」味，唔係幾好食我地食咗45分鐘，待應就話last order....態度唔係幾好跟住last order嘅食物都未嚟，就叫我地埋單先我知你想做多轉，但都唔駛咁嘅service掛整體唔算好又唔算差，唔會想嚟多次嗰種。…Read More