Eli93's Profile

買海鮮加工，平時幫襯開興記，今次試吓南記，但實在太失望，烹調中規中矩，但上菜次序混亂開始就已經拆了長腳蟹拿蟹蓋出來問點整，中間每個餸菜上都要相隔5至10分鐘，但今日只是普通星期日都沒有坐滿，全部菜終於上完就是等一個蟹蓋炒飯但追了10次，很懷疑是否取了其他枱食完的蟹蓋再煮給我們，完全沒有之前看到蟹蓋的蛋白蛋黃只有薑味🤮今次叫的食物比之前在興記少，但發覺加工費貴了查一下單才發現，隻阿拉斯加長腳蟹在海鮮檔買了 $2060 （$380x 5.5 斤） 海鮮檔秤的長腳蟹是5.5斤他們收費收了5.8斤，其他的海鮮也是與我們在海鮮檔買的重量不同，之前問他們有沒有無糖飲品例如烏龍茶，他們說沒有我在外面買（之前興記也是在外面購買沒有費用） 我們也有幫襯汽水啤酒，原來最後我們在外面買的茶每支額外再收費$5 ，完全沒有說就已經收費，以後也不會再幫襯，當我們是遊客傻子😡…Read More

啲食物炸出嚟唔係金黃色係帶黑色，而且個炸皮仲好厚，價錢轉左蕎麥麵但好難食，加$38轉虎蝦嚟嘅蝦同冇轉過set係一樣大細，佢叫我睇條蝦尾有分別😂, 最後服務員解釋是因為今日師傅轉左，唔知點解隻蝦會同師傅有關係😳, 最後佢補返兩隻普通嘅俾我，然後取消返$38，叫咗兩份星鰻，完全冇味道，加上炸粉皮太厚，連個天婦羅豉油都係冇味道，平時好少寫食評，但這種質素實在影響外出食飯及港人留港消費意欲，希望餐廳加以改善，這間店的管理明顯好差，服務員都為在吧枱傾偈，入嚟都係只我哋自己搵位坐，枱凳東歪西倒都冇人整理😑, 相比之前東涌分店實在天淵之別…Read More

裝修夠時尚有特色地方寬敞，仲有大落地玻璃露台，入到去已經被環境吸引值得加分。點咗個招牌五式鍋一次過試晒五個不同湯底，蕃茄湯底有半隻龍蝦，中間個木瓜海鮮好清甜可以當湯飲😋，本人特別鐘意響鈴漢堡、黑松露雲吞、手切牛頸脊肥瘦適中，掛架小牛排比其他餐廳切厚口感更正，整體食物有驚喜。最重要坐到12點都唔趕你走，今時今日每間餐廳都10:00 閂門真係好掃興。原來餐廳有好多間大房最多可坐廿幾人仲有卡拉ok，佢哋張枱喺特制適合一大班人齊打邊爐，下次可以一家人試下。…Read More

第一次食藍鰭吞拿魚解體宴😋，之前埸埸爆🈵️一位難求🫣，日本水產恐慌終於有位試😆第一次體驗自助Sake機- 包括三粒米、獺祭 36款第一次食住飯有日本文化教授同你講爛gag 講日本文化日本🇯🇵飲食禮儀教日文第一次知道藍鰭吞拿魚支鰭係完全隱藏㗎第一次食到吞拿魚嘅面珠同腦天第一次食吞拿魚食到唔想食（曬命）第一次聽朋友現埸參與彈琴唱歌，仲有大提琴老師變身結他手同教授電子結他伴奏，現場氣氛超high 爭住獻唱🎤…Read More

真係難得出手寫食評，好店實在需要支持，$268 的半自助火煱，以下為二人份量，龍蝦x2 , 任食部份QR落單唔記得影相，真心超值又好食，環境又大又舒服，服務都非常好，誠意推介😂😋…Read More

一直情迷樂法火龍果雲朶，因為我是一個冰人冇冰不歡，昨天經過行到有新推出的西瓜系列，正好配合這幾天超熱的天氣，西瓜採用低轉慢榨汁，完全不用加糖甜到入心冰涼暢快，我揀了西瓜奶蓋歐蕾，奶蓋沒有芝士反而更加清淡可口與西瓜配合那種反差又互相融合，實在一試難忘，早幾日試過M記的芒芒芝芝，一試返吐完全中伏，確實是如果飲過樂法，很難再會喜歡其他不是用新鮮水果做的特飲，夏日優惠價 M$23 L$28 這個價錢可以買到一杯如此真材實料的特飲確實超值，唔鍾意奶蓋可以楝西瓜汁M$20 L$25*另外他們換上了全新的價錢，比以前更加優惠，最貴的飲品也不超過$39，性價比更高真係冇藉口唔飲🤣…Read More

抔火龍果店員話用半個新鮮紅火龍果打成沙冰，再加入一杯Yogurt，我唔鍾意飲太甜店員建議我用3分糖，之前試過喺出邊飲如果叫少甜就變成冰水冇晒味道，但呢杯依然飲到好香濃的火龍果味道，應該係真材實料嘅，冇諗過火龍果同Yogurt 咁㚒，我諗以後經過都會買來飲，朋友就order 咗蘋果鮮綠，店員話大杯是用三個富士蘋果用低轉慢榨汁再加入綠茶，唔加糖都飲到好鮮甜的蘋果味，店內的櫥窗可以直接睇到製造過程，果然真材實料物有所值。…Read More