The Drunken Pot (Observatory Road) (Closed)

裝修夠時尚有特色地方寬敞，仲有大落地玻璃露台，入到去已經被環境吸引值得加分。
點咗個招牌五式鍋一次過試晒五個不同湯底，蕃茄湯底有半隻龍蝦，中間個木瓜海鮮好清甜可以當湯飲😋，本人特別鐘意響鈴漢堡、黑松露雲吞、手切牛頸脊肥瘦適中，掛架小牛排比其他餐廳切厚口感更正，整體食物有驚喜。最重要坐到12點都唔趕你走，今時今日每間餐廳都10:00 閂門真係好掃興。
原來餐廳有好多間大房最多可坐廿幾人仲有卡拉ok，佢哋張枱喺特制適合一大班人齊打邊爐，下次可以一家人試下。