garfield_foodie's Profile

今日特登走來試吓呢間米芝蓮推介的上海菜餐廳，未攞米芝蓮之前已經想試，而家更加想試吓，點知食完之後非常失望。餐廳環境是不錯的地方，亦很闊落，食物選擇亦都唔少。我哋叫咗兩個餐，一個係主食+小食+點心，另一個就係主食+小食。詭異嘅事情就開始發生，當我哋落完單之後唔夠2分鐘，就已經可以上咗碗麵，居然仲快過我哋叫嘅冷盤。麵來嘅時間已經不是太熱，先來的這個係酥炸厚切排骨清湯麵。手工麵還可以，但係嗰個排骨就水準太低了。他是一個厚切的豬扒，但咬落去完全冇汁，是乾噌噌一塊無調味的豬扒，很難想像會有這麼低的水準。而擔擔麵的質素好很多，但也平稱不上有什麼特別，只能講是不俗。之後我哋的冷盤小食來了，雞絲粉皮和醉雞。雞絲粉皮中規中矩，但係嗰個醉雞真的是成餐飯嘅焦點。我們考究過他是不是醉雞，因為他的名稱係「我冇醉」雞，但係英文是有的，但一食落去你會發覺完全冇酒味，只有一種淡淡的調味，與酒醉兩個字完全扯不上任何關係。雞肉亦都不是嫩滑那種，整體感覺十分之差。最後來的小籠包還可以，但絕不可以用出色嚟形容，先不說米芝蓮與否，呢個價錢兩個人居然要$240，但質素只和一般普通上海菜小店一樣（有可能還再普通一些），實在不值得一試。…

今日係荃灣西鐵站一出海之戀商場就見到海報，3樓有間新嘅壽司店開張。餐廳門口裝修典雅，私隱度高，唔會一眼望晒入邊餐廳嗰種，入邊嘅氛圍相當唔錯，有壽司吧，亦都有梳化座。餐牌有很多不同選擇，最特別係有廚師發辦，不過今日自己一個食唔想咁隆重，簡簡單單食吓壽司就算。壽司定食都有三款，第一次試就揀「大滿足」試吓。大滿足套餐有11件，壽司唔會一次過黎晒，係會分幾件咁上。我覺得呢個設計幾好，可以慢慢嘆同埋唔使食得咁急。先嚟五件壽司：[赤貝·象拔蚌·深海池魚·中拖羅·大拖羅]赤貝爽彈鮮甜，超肥美的拖羅入口即溶油香四溢，非常高質！四件火炙壽司：[松葉蟹腳·左口魚裙邊·金目鯛·大拖羅]松葉蟹腳做得很細緻，幫你挑好晒入邊啲細骨，可以啖啖肉咁食。左口魚裙邊充滿甘香魚油，非常嫩滑。最愛的是大拖羅，火炙後再加紫菜卷住一齊食，燒過嘅拖羅油脂滿瀉，加上脆脆嘅紫菜，是十分幸福的感覺。本以為大拖羅已經係今晚的亮點，但係驚喜一浪接一浪，到最後兩件壽司又再將心情推向另一個高峰，係手掌咁大嘅巨型牡丹蝦。淨係個蝦頭都已經有大半隻手掌咁大，size係平時食嘅一倍。有兩個食法，分別是手握壽司和將蝦頭蝦膏再做一個軍艦。巨型牡丹蝦除咗鮮，而且十分爽，比平時其他壽司舖嘅好上很多倍。而蝦膏蝦頭嘅濃郁味道會為這個壽司套餐寫個完美句號。正當回味着這個大滿足壽司嘅時間，侍應突然給了我一個丼飯，噢，完全忘記了這個大滿足套餐，還會跟一個迷你三文魚子海膽拖羅蓉飯。亮晶晶的三文魚子鋪滿半個飯，海膽一試便知是靚貨，是鮮甜細滑的那一種。而最有驚喜係拖羅蓉，他和平時我們出邊吃的完全不同，非常有口感，侍應說原來加入了醃蘿蔔碎和師傅會再調味，本來已飽飽地嘅我都要爬光整碗飯。新張期內所有壽司套餐有八折，這個大滿足套餐價錢不是便宜，但係食物質素是在同區絕對找不到的，店員都有介紹話這裏大部份魚生都是飛機直送，唔怪之得質素咁高，應該會再返來試吓其他壽司套餐或者廚師發辦。…

煙燻金槍魚 $198用一個玻璃器皿裝着，開蓋前是極度朦朦完全看不到入邊，開蓋之後極具視覺效果，四片魚生就在面前，吃的時間有濃厚的煙燻味，再加上面的魚子，可以不點醬油吃也很好味。金丼-月見海膽三文魚籽拖羅 $198金丼裏面有海膽，拖羅魚蓉，三文魚籽和一隻生雞蛋黃，用匙羹舀上來時大量三文魚子瀉出嚟，吃的時間一定要將雞蛋，拖羅，海膽，飯和三文魚籽一齊吃。金龍珠海膽吞拿魚蓉卷 $158超滿足的龍珠卷，就是另一個味道豐滿的享受。自家製雞皮蝦 $58厚燒牛舌心 $58西班牙豬肋條 $58黑豚五花腩 $58最推介係牛舌心，十分軟腍，非常好味。雞皮蝦就很有趣，外面雞皮燒得很脆包着鮮蝦。…

今日係朗豪坊行街見到開左新分店又心思思想食，雖然係其他分店食過好幾次，但佢既海鮮煎餅實在太好食，每次都必叫！餐廳裝修以一個韓式大排檔嘅形式去做，摺檯摺凳，呢啲我們唔陌生又地道嘅嘢變成這家餐廳的主要氛圍，成個感覺都好接地氣。餐牌和之前都差不多，值得一提嘅係可以試吓他們現在的套餐，全部都是好平。我們今晚就選擇散叫，先來牛肉紫菜飯卷和玫瑰醬燉排骨。飯卷有好多餡料，而牛肉不會太柴，有口感。燉排骨就略嫌骨太大舊，肉冇想像中那麼多，但鋪滿滿滿的芽菜是值得一讚。之後便是海鮮鍋，非常足料，侍應還會幫忙過來拆殼剪魷魚等。由於我們不吃得太辣，所以要求少少辣啦，湯底非常之濃郁嘅海鮮味，沒辦法，那麼多海鮮在鍋中，想唔濃都難。最後當然係最期待嘅海鮮煎餅，一如以往都係那麼的出色，配埋醬汁食，好味指數爆燈。…

今日喺金魚街行咗一轉一無所獲，於是喺附近搵間嘢食吓，見到依間山東小城，之前喺大角咀食過已經覺得唔錯，既然開到過嚟就試吓。餐單比以前更加多選擇，我哋叫咗幾樣嘢。雞絲粉皮較大塊又煙靭，加上滑滑嘅麻醬好好味。超推介的京蔥羊肉餡餅外皮香脆，食落去超爆汁，好似小籠包咁，羊味突出配帶蔥香味餡料是一個很惹味的小食。不過要早啲叫，製作時間較耐。主食叫咗雲吞雞和墨魚餃擔擔面。烏黑的墨魚餃皮較煙靭，餡料足馬蹄爽脆。值得一提擔擔面嘅湯底很濃郁而且做得好滑，用嘅麻醬應該同前菜粉皮一樣，非常建議叫麻醬系列。雲吞雞就係大件夾抵食，有至少五粒雲吞加半隻雞咁，我哋將飯轉咗做麵。食完之後真係飽到一個點，以呢個價錢加上這個水準，絕對係性價比超高之選。…

餐廳好易搵，就係厚福街街尾嗰幢大廈，全幢都差不多是餐廳。店員下單後就送上餐包，麵包上枱的時候是熱的，仲有三種款式，證明餐廳是有用心。不過有趣是麵包跟上牛油外，還有士多啤梨醬，通常只會在早餐見到的，想不到夜晚也會提供。頭盤叫了自家製咸豬手凍伴話梅芥末汁，豬手凍和沙律菜都好味，醬汁係幾特別但就略嫌甜咗啲，頭幾啖還好，食到最尾就覺得有點太甜。主菜是全晚的亮點，西冷扒點了四成熟，本來不抱太大期望，因為太多餐廳整得過熟。我們叫四成來五成也是可以接受。想不到一切開，嘩，是完美的四成，肉味質素好就不在話下，始終係美國USDA…但係煎得剛剛好的水準就不是每一間餐廳可以做到，而他的配菜亦是很有心思，有4-5款而且煎得剛剛好，配牛扒食是一流。蕃茄天使麵又是高水準的表現，因為很多時天使麵都會炒糊，這裏是條條分明，而花甲亦都好鮮甜，非常好味。最後甜品叫了Crêpe Suzette，雖然沒有點火表演，但是味道亦是很不錯，不會太甜。…

近排喺社交平台見到好多人影依間餐廳既門口，果然係絕佳嘅打卡影相位，不論你飯前飯後都可以任影唔嬲。這裏食物種類都算係多，刺身壽司串燒鍋物樣樣有齊，我哋點了壽司盛合八貫和和牛壽喜燒，再加一個味噌茄子燒。壽司嘅款式好平均，海膽吞拿魚三文魚油甘魚蝦帶子都有，醋飯也做得不錯。值得一提係海膽是帶有鮮甜味的，絕對不會苦。壽喜燒是有湯汁底，最後再放肉的那一種，湯鍋本身有很多配菜，有少少似打邊爐。牛肉方面和牛味濃，但肉質就帶有少少韌，以$298嘅價錢一大盤嚟講都算唔差。一開始我以為茄子是原整半個燒，但係原來師傅已經好細心地幫你切好，靚靚哋咁擺出來，味道很濃郁，值得一試。…

幾次經過見到呢度嘅甜品都好想食，今晚一於黎試吓。睇相見到啲意粉幾好食，我們分別叫咗黑松露螺絲粉同虎蝦意粉。先講虎蝦扁意粉，醬汁方面偏向蕃茄味濃一點，意粉煙靭度處理得唔錯，而大蝦亦都食唔出有雪藏味。如果要比較，我們就喜歡黑松露本菇螺絲粉，螺絲粉的煙韌度比意粉處理得更加好，黑松露味道和忌廉的比例亦都唔錯，唔會整得太水或者太乾。來到甜品就精彩了，先來黑熊芭菲，個人最喜歡是雪糕，咖啡味重而且不太甜，配搭其他啫喱及脆餅一齊食，已經係十分豐富的甜品。再來的香蕉朱古力牛角包窩夫就將今晚的滿意度提升更高層次，窩夫壓得非常之好，唔會太乾亦不會很鬆散，配合香蕉和朱古力一齊食，完全不會有油膩感！最後的espressso tonic 就好像喝了一杯帶果酸味的有汽咖啡，可以中和甜品的甜蜜感。…

今晚心血來潮，好想食餃子，剛剛喺太子金魚街買完魚糧，過嚟豐信排隊，不愧為人氣長龍店， 6:30已經大排長龍，等咗20分鐘終於有位。先叫韭菜拼椰菜鮮肉蒸餃，然後就係咖喱椰菜拼芝士粟米煎餃，再加小食秘汁雞腎。秘汁雞腎是甜甜的，雞腎軟軟的好入味，是一個不錯的開胃小食。煎餃的皮煎得很香脆，個人比較喜歡咖喱味，不會太濃但又很惹味。韭菜和雲耳椰菜肉餃就真係冇得輸，餃子大隻又唔會好厚皮，個人比較喜歡雲耳椰菜，點了一些之前的秘汁一齊食是畫龍點睛的效果。兩個人食完20隻都不夠喉，而且又便宜，所以再點多7隻香菇鮮肉餃酸辣湯底。酸辣湯有大量既蒜同香菜，湯底酸酸地又唔係好辣，但好惹味！而香菇鮮肉餃最特別就係個口感，菇粒帶有彈性配上鮮肉一齊吃，口感一流。…

成個禮拜都冇出街食飯，今日難得收早啲，點都要出嚟放縱一下，放題就是不二之選，呢間嘢之前幫襯過，三個字平靚正，而家仲新出咗個鰻魚鍋，都係$316 ，就試哩個。鰻魚鍋香噴噴，首先鰻魚應該是煎炸過，然後再配上惹味嘅醬汁，鰻魚質地是厚身的，不會薄切切，旁邊還有半隻麵包蟹，索汁一齊食好好味。雖然侍應話可以添食鰻魚，但係我哋想試吓其他火鍋配料，這裏的火鍋配料真的很齊全，肉類海鮮蔬菜樣樣有，仲有啤酒任飲！雖然價錢不是貴，但是必要試這裏的極上牛肉，十分嫩滑而且帶有牛味，絕對不是街市肥牛便宜貨。而且這裏的上菜速度是非常之快，我們用QR code落單，唔夠3分鐘就已經送上嚟，亦唔會因為你瘋狂order極上牛肉而拖埋你的進度，總之就係真真正正任你食到飽。其實我們知道這裏的甜品亦有很多選擇，所以特登留定肚去食，但是他的選擇實在太多了，我們只試了焦糖布甸，綠茶巴菲和窩夫，布甸和窩夫簡直是喜出望外，沒想到甜品放題的質素可以咁好，建議將焦糖布甸放入窩夫入邊的格格一齊食，非常之滋味。由於太好味了，我們忍不住要叫第二次，所以其他甜品就沒有試，如無意外搵日應該要再返嚟食! …

有同事話上個星期歌賦街開咗間新餐廳，食過覺得幾有心思同性價比高，今日走過嚟試吓。餐牌選擇唔多，店員話因為新開，遲啲會多啲，今次就試咗個蝦仁肉碎蛋花粥。野食嚟到嘅時間又真係有啲驚喜，成盤野咁上。視覺上好滿足，除咗主菜，仲有麵豉魚湯，兩款前菜，一碟炒菜和生果。個粥口感好豐富，有好多肉碎同蝦仁，而且好香可能因為加咗蛋，撈埋紫菜碎一齊食仲好味。而其他配菜都唔差，尤其係話梅味蕃茄仔，非常開胃。下次可以再黎試其他野食。…

終於可以唔使排隊食呢間拉麵，佢嘅貝汁拉麵的而且確有一手。餐廳比起一般日本拉麵店坐得舒服，叫左招牌鹽味同醬油兩款，再加炸雞和小棠菜。鹽味貝汁拉麵湯底有濃香之餘會慢慢滲出蜆肉鮮味和白松露油香，是少有海鮮味湯底拉麵，而且麵質細如天使麵，整個配合都和一般的拉麵完全不同，所以特別顯得與別不同。醬油貝味拉麵就是多了一層醬油和牛肝菌香，另外不得不提這裏的叉燒有兩款，一塊是慢煮叉燒，另一塊是三層的豬腩肉，和湯底一齊吃啱啱好，不會增加湯的油膩感。配菜的小棠菜亦很重要，將清新的小棠菜和濃湯一齊吃是很不錯的平衡。最後的唐揚炸雞是中規中矩，穩陣之作品，所以整個晚餐都是拉麵最精彩。絕對合乎預期。…

之前睇相都已經覺得哩間過江龍拉麵店主打大件夾抵食，你都試過先發覺簡直可以用黐咗線黎形容。蕃茄芫荽冷伴麵，雖然係中盛，不過份量絕對夠一個成年男人食，而伴有大量蔥蒜的冷麵，再加上芫荽同蕃茄，絕對係一個醒胃惹味的冷拌麵。半熟玉子拉麵（大盛）叫咗4倍蔬菜，為嘅就係想見下個像山一樣的芽菜。呢度完全不負所望，但係佢真正最恐怖嘅係麵底，我只能夠講一個成年男人都未必可以吃得下。講返麵質地是十分之有咬口，確實一流。連帶叉燒都是大大嚿，又淋又好味。早知就唔要叫關東煮啦，不過難得見到有，好懷念日本七仔嘅關東煮。睇嚟又要快啲返鄉下。…

今日難得黎到北角做野，放工就同同事係附近食嘢，見到哩間三代目餐廳大，冷氣充足，餐牌多選擇，唔理即刻入(天氣太熱喇)！由於時間早，我哋可以坐到卡位，不過就算唔係卡位，餐廳座位都較寬躺。餐牌就夠多選擇，拉麵，丼飯，剌身，壽司，天婦羅乜都有。炙牛拉麵，湯底係豬骨湯，上面塊牛肉煎得香，很惹味，麵質有彈性。牛舌丼亦都係對辦，醬汁係甜甜地帶燒烤肉味，牛舌薄切帶彈性，有咬口，配上珍珠米很是美味。黑松露帶子天婦羅有三粒，每一隻都鮮甜美味，吃得出是刺身級的那一種，黑松露是夾在中間，和帶子很夾。最後的喜知次也燒得很好，魚身不會乾，魚味重，配個酸汁加蘿蔔蓉一齊食就最完美。來居酒屋食嘢，最緊要配上一杯冰凍嘅啤酒，在炎熱夏日之下飲番杯是對在辛勤工作過後的人最大的報酬。…

哩間拉麵舖和平時喺香港食既好唔同，佢哋主打海鮮湯底拉麵，以蠔姐係牡蠣做主打，近排仲有蟹拉麵，今次可以一次過食兩款唔同嘅口味。鹽味牡蠣拉麵呢個拉麵最緊要將上面自家蠔醬和湯攪勻，湯底味道先會突出，湯底很鮮，蠔味非常濃。麵是幼幼的，煙靭帶咬勁，唔錯。螃蟹湯拉麵呢個餐牌有說明，係雞湯做底，再配以三星蟹去焗出嚟嘅湯。最特別係湯上面的蟹油，和麵湯一齊食，很香。湯入邊會有塊檸檬，作用是中和湯的油膩感，我就建議唔好好似凍檸茶咁篤吓個檸檬，唔係會酸得滯，影響食味。牡蠣野菜天婦羅這裏的小食非常出色，牡蠣天婦羅和蟹肉餃子是必食。天婦羅炸得非常之好，漿粉很薄。蠔新鮮嫩多汁，旁邊的蔬菜天婦羅也很美味。黃金蟹肉餃子蟹肉餃子非常有蟹嘅味道，如果不是餡料質地有豬肉，差點認為全隻餃子餡都是用蟹肉做的。另外來自日本既巨峰梳打汽水和白桃焙茶都是必叫飲品，唔會好甜，好好飲!…