今日係朗豪坊行街見到開左新分店又心思思想食，雖然係其他分店食過好幾次，但佢既海鮮煎餅實在太好食，每次都必叫！
餐廳裝修以一個韓式大排檔嘅形式去做，摺檯摺凳，呢啲我們唔陌生又地道嘅嘢變成這家餐廳的主要氛圍，成個感覺都好接地氣。
1
餐牌和之前都差不多，值得一提嘅係可以試吓他們現在的套餐，全部都是好平。
我們今晚就選擇散叫，先來牛肉紫菜飯卷和玫瑰醬燉排骨。飯卷有好多餡料，而牛肉不會太柴，有口感。燉排骨就略嫌骨太大舊，肉冇想像中那麼多，但鋪滿滿滿的芽菜是值得一讚。
之後便是海鮮鍋，非常足料，侍應還會幫忙過來拆殼剪魷魚等。由於我們不吃得太辣，所以要求少少辣啦，湯底非常之濃郁嘅海鮮味，沒辦法，那麼多海鮮在鍋中，想唔濃都難。
最後當然係最期待嘅海鮮煎餅，一如以往都係那麼的出色，配埋醬汁食，好味指數爆燈。
