mimikat's Profile

在賽馬會藝術中心抖夠後，要發掘石硤尾其他美食，一路散步行去南山邨，而今次食炸雞髀🍗位於冬菇亭熟食中心，旁邊亦有其他小食店大排長龍，而我和T先生揀選炸髀，即叫那炸，而且有地方比我地坐住等和食。堂食的話是用QR code下單，見是下午茶時段，配埋沙律再另加$4 配紙盒茉莉花茶。招牌港式生炸髀 配沙律等侯時間約6-8分鐘，剛剛炸起的雞髀，很脹卜卜，望落去塊雞皮好脆很香口，一口咬下，外脆內嫩，亦有很充分的雞髀肉汁，口感很不錯。跟餐的沙律，很有懷舊感覺，不太甜和多醬，青瓜亦很爽口，能夠減減一點油膩和熱氣。在南山邨比較舊式的公共屋邨嘆一個下午茶，真的別有一番風味呢😇😊…Read More

之前路過銅鑼灣，好奇望望餐牌，覺得午餐價錢尚算合理，所以今天特登和T先生到來食午餐，試新餐廳/館。餐廳裝潢，環境幾適合作商務聚餐，而餐牌菜式亦豐儉由人。我和T先生揀了相宜的午餐。芋頭炒香飯 $88即叫即炒，用瓦煲盛起連蓋送上，打開蓋會聞到炒飯香，亦有淡淡的蝦米香。炒得乾身，有鹹肉和蝦米的味道，不太鹹，最重要夠熱。味道因人而異而加上潮州辣油，即時令到味道提升。值得推介滷水三拼飯 (墨魚、鵝肉、鵝腎）$128份量適中，意外地用滷水豆腐鋪底盛起三餸，即係四餸啦😆😆 旁邊亦配上芽菜和酸菜。 墨魚夠腍亦入味，真是令人有小驚喜；鵝腎份量多，同埋入味和夠腍；至於鵝肉亦都味道適中，味道亦不太鹹，合格的。跟上特製白醋跟飯一齊食，將味道提升同時亦幫助解油膩。我和T先生都很喜歡😊紫菜肉碎雞蛋湯 (跟餐)很夠熱，足料，味道合格，不太鹹⋯返前喝一口，真的很暖胃。白灼時蔬(跟餐) $28最後才上菜，望上去幾碧綠新鮮，而且熟度剛剛好。值得一提是服務員的態度，有禮貌，會推薦食物，亦會倒refill 水，倒茶，收碟，很快手。同時不會催促你離開⋯令食客可以靜靜地舒服地用餐。是次茶位$12/位，相信已包括2小碟的前菜。整體價錢合理呀。而這次體驗，我們感覺都很良好，日後會再訪試試其他菜式。…Read More

到家後食餃子，揀選湯餃，用上粉葛做湯底，配上一條新鮮生菜，味道不錯，幾新鮮，很有家的味道，可惜唔記得忘記影相。開心果芝士蛋糕 $35開心果味濃郁，很creamy，口感適中，非常好味👍🏻。屬於極度推介甜品…Read More

趁周末天氣好，出外行下放空下。是日行程，到深水埗美食一日遊。吃飽過後當然要消化一下落下格，路經美荷樓，於是做過來石硤尾賽馬會藝術中心觀摩一下，扮下文青chill下。有室內和室外座位。用QR code 下單，選擇多，但有每人最低消費一杯飲品或一款食物。梳打綠 (薄荷，檸檬，梳打水) 冰涼感重，薄荷帶來新鮮感，很清爽，有點點為自己消除疲勞64度熱朱古力朱古力味重，濃香而不太甜。Cafe 內抽氣系統麻麻，所以坐在室內會有陣陣油煙味⋯😑…Read More

揀了平日放假take 個break，順帶去些平日沒機會試的餐廳，而今次T先生就揀了中環的Spiga 食意大利菜，試試他們的semi-lunch buffet。而我地大概11:30am 左右到左，呢個時間得我地呢枱食客😅😆，而坐既位置亦都比較好。呢個時段主要都係食semi-lunch buffet，有各款cold-cut, salad, desserts…另外再加錢食main course。眼見選擇多，而且亦冇時限，齋enjoy salad/food bar $278/ person 都已經好足夠亦非常夠飽了😆😆水係要另外收費，free flow water $38/ person. 我地覺得食物質素幾好，環境又舒服，食左一輪smoked salmon和green salad, 都好滿足，不得不提tiramisu, 有咖啡和少許酒香，唔錯😊事後食評：味道：4.0/5.0價錢：4.0/5.0環境：4.5/5.0服務：4.0/5.0衞生：4.0/5.0…Read More

再和T先生再嚐<盛記>中式小炒，今次揀左平日放工後過來食晚飯，人唔算多，沒有星期五或周末果種熱鬧氣氛，所以坐得比較舒服少少😆😆今次好想試下小菜煲，而且已瑣定目標啦😆😆📍沙薑雞腳上次食過，今次返尋味。雞腳煮得入味配上沙薑醬，會令人停唔到口，但個口會有點攰😆😂 基本上配白飯係幾唔錯的。📍菜莆蠔仔煎蛋返尋味之二。食完都幾飽肚，配上魚露後鮮味會再出啲，又係配白飯既其中之一option。📍紅酒燴牛尾煲見人人都點牛尾煲，我地都點一客。新鮮熱辣，聞到陣陣既鑊氣味!? 令人垂涎三尺🤤 有賣相唔錯，而且份量都幾大份，牛尾肉和骨再有紅蘿蔔作為配菜。至於味道呢，幾惹味有點似燒汁既味道，但不是很咸，反而有少少甜味，我覺得味道幾好，簡直可以撈幾碗白飯食😆😆 📍銀杏鮮竹浸時蔬都想食蔬菜平衡已選食物。清清地就揀了銀杏鮮竹浸時蔬，有上湯浸住濕濕地，內有銀杏，鮮腐竹，菠菜，白菜仔⋯味道發揮正常，而且份量都幾大。📍飯後糖水 - 紅豆沙(免費)免費飯後糖水😇 紅豆煲得都算腍，有少少沙，甜度不太甜，岩我和T先生😊 食完咸或濃味既野，食返甜點叫做中和下😆最後，我地食唔晒牛尾煲，打包留返明天叮熱再撈白飯食😆😆事後食評:-味道：4.0/5.0價錢：4.0/5.0環境：4.0/5.0衞生：3.5/5.0服務：4.0/5.0…Read More

想同T先生chill下，於是揀左天后既隱世餐廳一嚐西班牙菜。餐廳既位置比較僻，但都搵得到，入內confirm booking後就坐。目測都有80%滿座，目測都是by booking，當然也有些walk-in 客，不過就要坐高枱了。餐牌上所見，選擇都算多⋯📍Tapas combo 揀左呢個優惠。有一支lemon beer 再加一款指定小食。lemon beer 清新但有點甜，T先生就麻麻呢款，我都仲ok；至於小食，就有洋蔥圈和炸野(忘記左係什麼), 味道可以，用來送啤酒係ok的。📍House wine唔要甜酒就揀飲白酒啦，都有點點酒後餘韻。📍西班牙薯仔軟臘肉腸蛋餅見多人揀，我地都試下。蛋餅即叫即整，所以都幾熱辣辣，食到陣陣軟臘肉腸味道，配在軟綿綿的蛋餅中，都幾特別，我覺得味道都可以，但唔算好令人驚喜。📍西班牙海鮮飯內有虎蝦、蜆、青口、魷魚⋯但未見到有豬腩肉🤔 先講講海鮮，食唔到海鮮既鮮味，海鮮似急凍款；至於飯，煮得有點乾，味道有點淡口。整體上，普普通通，我個人就有點失望🙁餐廳氣氛唔錯，播放著有節拍的，令人放鬆 些，適合大班朋友傾下計，但食物質素上就普通左啲。而職員都幾有禮貌。事後食評：-味道：3.0/5.0價錢：3.0/5.0環境：4.0/5.0服務：4.0/5.0衞生：3.5/5.0…Read More

呢晚同T先生到中環soho 區食晚飯，而T先生揀了<Brick by Brick>, 試吓馬拉菜。我地一路行到上蘇豪士丹頓街，都行左陣冤枉路，流多左汗🥵 最後要行到巷仔先搵到餐廳入口。位置上唔容易發掘到，頗不起眼呀🧐入到餐廳，同職員確認booking後，已被安排坐於冷氣較強勁的位置用餐。目測這裡的客人都係預先訂位，始終餐廳格局較小，用餐安排上都要編排既，見到店員都忙碌地安排。我地都睇左餐牌好一陣子，於是搵店員介紹一下😇 而店員亦都主動地、積極地介紹，會講比我地知食材和味道大致上係點，加分。📍火熱砂煲香濃肉骨茶即叫即整用砂煲上，配上一客白飯和一小碟油炸鬼。湯係滾住上而且好夠熱，藥材味偏重(但我鍾意的)，內有好將條生茶和豆腐卜，喝一口熱湯配飯都令我好滿足；但肉骨茶內的肉排略嫌有不足，比想像中少和細塊，肉質比較一般但可接受；至於油條的口感較硬身，似經過多重油炸?定放耐左的質感? 都有向店員反映過，但原來是刻意咁做，目的要將油條放入熱湯內浸到腍⋯ohh….呢點就要同食客講解下嘛🤔🤔 而我和T先生都比較鍾意傳統油條脆和薄身 而配飲肉骨茶。但整體黎講，都算ok呀😃📍南蠻炸雞又係即叫即炸😆炸好上碟，會聞到令人流口水的😋炸雞脆口，肉質不錯，而且辣辣地，配啤酒一流；而當沾上跟雞附上的特製辣醬後，層次變得不一樣，辣醬會愈食愈辣，但愈食愈想試，好矛盾😅😅 有肉骨茶餐碗白飯，就會令人扒一口飯再食辣炸雞，正呢款要推介📍日式海藻沙律份量算將多，而蔬菜都幾新鮮，有沙律菜，蕃茄仔，日式海藻，食到菜既鮮甜和口感，但略嫌salad dressing 偏多，少返啲就好喇😇 其實都會食到飽肚架。📍椰絲咖吔薄餅留肚食飯後甜點，見呢款甜點係推介食品，所以我地都點😊 都係即叫即做，所以製作需時。當製作完成後上檯，你會感受到果股熱力和聞到甜品既味道。薄餅用粉漿再加左焦糖煎成，再用椰絲鋪面，另外附上已加熱和溶化的咖吔醬。先食原味，即叫即整好熱好新鮮，脆口而且薄餅帶甜(不是很甜)同沒有甜味的椰絲一齊食，很夾而且有口感；之後再沾咖吔醬一齊食，味道很出亦很滋味，係會停唔到口 呢款甜點一定要趁熱食先嚐到佢既優點，而我和T先生對佢亦讚不絕口，必定要試的整體用餐感覺良好，雖然餐廳位置不多，但都盡量會做返少少空間感比客人，而且餐廳氣氛令人relax, 覺得置身於一個小餐館，和朋友小酌一杯再暢談，這就是我感受到和看到其他食客的眾生相😊😊可以日後encore 😆事後食評：-味道：4.0/5.0價錢：4.0/5.0環境：3.5-4.0/5.0服務：4.0/5.0衛生：4.0/5.0…Read More

想試<鬼滷>都有一段日子，可惜時間上配合唔到，見有得預先訂座，就book定和T先生放工後來試試😆😆 大概8點鐘來到，餐廳比想像中細間，竟然安排了4人座位不用搭枱果種，我估可能因為餐桌位置，唔方便出入🤔🤔 但這不是重點既😅📍椒鹽普寧豆腐見多人讚，我都想試試😇 豆腐外脆內非常嫩滑，相信要好比心機慢慢地煎到變脆和金黃色，灑上椒鹽會令到味道更突出和惹味。跟豆腐配上一配熱韭菜湯，可以沾下湯汁食，一餸兩味。📍韭菜鴨血 想試下濕潤些既食物，就揀選左鴨血⋯麻辣味，鴨血札實而且算入味，韭菜都都不錯；其實呢款前菜係可以配白飯食，而我和T先生都order 了😆😆📍凍烏頭魚是晚都有限量凍烏頭魚，潮式/打冷都要食返一條凍魚試試味道呀。一整條魚上，算幾大條，比埋刀叉自己開動，隨凍魚附上蔥油，辣椒油和普寧豆醬。魚肉算扎實，配辣椒油好夾，好惹味，係會有點搶了魚的味道的；而普寧豆醬都幾好食，傳統潮州醬料配凍魚食，帶出魚鮮⋯亦都係配白飯一齊食😇😇用饍期間，都見有些walk-in, 但似摸門釘🤷🏻‍♀️ 餐牌上選擇不多，主食都已售罄。只剩返餐廳想推的滷水火鍋或滷味，再唔係就係小食或潮洲蠔仔粥，款式真的幾有限，但佢地即時即煮，係誠意之舉既。事後食評：味道：3.5/5.0價錢：3.5/5.0環境：3.5/5.0服務：3.5/5.0衛生：3.5/5.0…Read More

工作繁忙而且用腦過度，好想慰勞自己，於是同T先生揀選灣仔<家賀屋>食日本野😆😇位置上唔算難搵，只是我冇諗過呢個位置既樓上鋪呀。由於已book位，我地被安排坐旁邊的卡座位，餐枱算大，而小梳化下有櫃桶放袋/個人財物，盡用位置真的很不錯。👍🏻 食物種類多，有刺身，壽司，小食，丼飯，套餐等等，有CP值。📍三文魚魚頭湯夠熱，用味嚐做湯底放入主角三文魚魚頭，仲有其他配菜，蘿蔔，腐皮⋯而味道上還好的，之後愈飲愈咸，應該係味噌多左定未溝好!? 🤔 之後我地都冇再飲了⋯📍九洲 日本雪花蠔 $98 for 2 pcs見做緊$98有2隻，而店員都介紹呢款，於是我地都試下。蠔幾大隻，有海水味，都creamy 而蠔味唔算非常濃厚。可能店員冇附上檸檬，而我地又冇再問啦～～📍北海道海膽 50g - $198北海道空運過來，份量比想像中多，色澤望上去幾新鮮。同時附上紫菜和飯團一同品嚐。至於味道和口感上，如期望一樣，新鮮、creamy、海膽味濃，配上紫菜飯團和少許wasabi 一齊食，味道豐富而且令人滿足📍油甘魚刺身/ 三文魚腩刺身/ 特大赤海蝦刺身油甘魚厚切共4大塊，冇諗過咁大塊架，食得出幾新鮮，魚肉札實有魚味，讚👍🏻三文魚腩都幾肥美，亦都鮮；但當同油甘魚做比較時，雖然係不同魚類，但都略有點失色。特大赤海蝦刺身，大隻亦都鮮甜。📍特上三文魚籽/ 芥辣八爪魚先講三文魚籽，夠大粒亦有爆汁感，很有口感。而芥辣八爪魚亦夠彈牙，配wasabi 完全刺激緊口覺神經😆📍吉列廣島蠔食到中段，點了炸物。先有廣島蠔，新鮮炸起，好熱好脆口，蠔亦好creamy, 食到個口有少少漿住，口感豐富，唔錯唔錯。📍唐揚日本池魚苗比想像中大條，炸得都幾香口，配啤酒一流，邊食邊傾計，可惜我地冇叫到，配熱茶都唔錯丫😇📍關東煮手打烏冬T先生要碗熱食作收尾用，於是叫了碗烏冬😅 我主要飲下湯和食蘿蔔，蘿蔔夠入味和鮮甜，同埋煮得好腍，好好食👍🏻我地食得幾chill和enjoy, 職員們都幾友善，但要不時提他們refill 熱茶。我地對於食物質素都幾滿意 由其係刺身，會是我地日後再encore 的日式居酒屋!?😅😆事後食評：-味道：4.0/5.0價錢：4.0/5.0環境：4.0/5.0服務：4.0/5.0衞生：4.0/5.0…Read More

同父母外出食晚飯，揀左稻香 茶居，起碼坐得適服啲同埋有位。職員態度可以，但酒樓衛生真係麻麻⋯餐具有漬，唔止一個😓 要叫職員換過比我⋯餐具真係要用滾水碌過架。茶居用上自動煲水器，既可煲水亦可加水，其實係方便，但要再三問職員點用先知當中一二，我以為係自己蠢和無知先唔明白，但目測其他枱既食客都問緊同一樣野🤔🙄而食物上，普普通通，唔係好好食亦非難口；而價錢上，係幾優惠；而食材上，好明顯係將價就貨⋯📍雙重鮮味價 $128 (推廣)1️⃣ 黑松露豚叉燒用爐盛著上枱，令到啲叉燒熱住食，唔錯。而叉燒鋪上黑松露醬，主要係瘦叉，算腍而且蜜汁豐富呀⋯2️⃣ 金湯明蝦金湯都有豐富蝦味，都幾好飲；內裡有一打12隻上湯蝦，配上魚腐、勝瓜。配菜味道唔錯，但上湯蝦既口感認真麻麻，雪藏蝦而且肉質較霉!?🤔 我阿爸食了2隻就冇再食了📍荷香古法龍躉件 $108用蒸籠鋪上大荷葉上，一籠大概有8件龍躉肉，用上蒜蓉蒸，幾惹味；龍躉肉質尚算ok, 而且啖啖肉，要撈白飯食既。📍鍋燒黑椒牛仔骨 $108即叫即整用鍋上，老遠都聞到穫氣味。其實都幾多汁和濃味，用上大量配菜，例如洋蔥，青紅椒，亦有薑片⋯至於牛肉骨呢，肉質唔算腍身，亦有筋，我尚算ok, 但長者食就未必太韌了。不過佢多汁，用來撈飯係幾唔錯既⋯我都讚下傳菜部既職員，都好禮貌，會同你講: 講慢用！’ 次次都有講整體用餐體驗幾一般，從地面上一樓用餐，可以搭扶手電梯上；至於飯後要走回地面，要落樓梯，有冇升降機呢，職員唔會同你講，只叫你落樓梯⋯😑試問要長者一步一步咁行，係幾唔方便；味道上亦很普通⋯基本上要令人回頭再光顧，我個人而言係會卻步事後食評：味道：3.0/5.0價錢：3.0/5.0環境：3.0/5.0服務：2.5/5.0衞生：2.0/5.0…Read More

天氣熱辣辣，在室外如乾蒸，又熱又曬又出汗，好想去一間cafe, 涼下冷氣同埋chill 下，和T先生路過<Hogan coffee>, 見到格局幾寫意，幸好有位不用等，咁就入來chill下😇📍Iced Americano / Long black我揀Americano, T先生揀long black。口感上，Long black 味道豐富些，可能係espresso 後再加水啦。📍蟹肉牛油果多士 $128賣相不俗，法包多士鋪上Benedict egg 和蟹肉，伴碟有不少沙律菜。可惜味道上就有點不似預期😒 多士相對硬身，口感非常一般；蟹肉較腥，似是用了罐頭蟹肉，而且食唔出自家調味，再混入Benedict egg後亦沒有什麼驚喜，腥味蓋過了⋯沙律菜新鮮，味道正常。我和T先生覺得環境不錯，而店員亦有禮貌，為客人refill 水，同埋客人亦可靜靜地enjoy 所屬的me time。事後食評：味道：3.0/5.0價錢：3.0/5.0環境：3.5/5.0服務：3.5/5.0衛生：4.0/5.0…Read More

同T先生又要諗食咩，明知天氣炎熱，亦知道要排隊，都過來灣仔試試<新景園>既馳名咖喱豬扒😋😆來到灣仔時已經11:40am，門外已經排左10組食客，我地照排照等，期間都見唔少人落單買外賣，可見深受食客歡迎。等了30分鐘後，到我地喇😄😄 原以為要搭枱，但我地被安排坐在一張4人枱，不需搭枱，有點意外😆😆 令我覺得此店以客人為本，不會只顧賺錢，我和T先生都很欣賞。📍乾炒牛河 $86貴為人氣名物，人人都點，我地都要點黎試下。可能因為價錢稍高，所以份量上都幾多同埋幾大碟。食乾炒牛河，要配辣椒醬食呀牛河賣相皆，聞到穫氣味，河粉炒得乾身，條條分明，亦唔會有一堆油沉底；牛肉份量不少，而且又大塊，但食得出用了醃粉醃製而令肉質相對地腍身。味道上，略為咸了少少但接受到，牛河配上辣椒醬後，更為惹味，亦刺激到味蕾，令人食指大動📍咖喱豬扒飯 $94基本上，每枱食客都點咖喱豬扒飯，所以豬扒賣得快，因此要時間再炸，製作需時，請耐心等候啦😆😆 我地都係邊食牛河邊等😇炸好上碟，嘩了一聲，好大塊，仲要係打孖上，兩大塊豬扒賣相上，豬扒炸到啡黃色，感覺好脆而且香口，肉質望落唔錯，起碼唔覺得鞋和柴啦。而味道上如我所想一樣我覺得豬扒係juicy架，原味食唔錯，配上咖喱後會減低少少熱氣感，同時咖喱汁又香口，唔算辣但會令人要撈汁扒飯食，非常惹味。理於咖喱汁內既薯仔，略為普通，唔係粉但又唔係生水，而且冇咩味道，但它不是重點呢😅📍(凍)熱檸茶 $20/ $18食啲咁香口和濃味既食物，要飲返啲檸檬茶走生，去油膩感和令到自己食得感覺良好些目測人人都食唔晒，要打包牛河或豬扒飯，我地都要既😅當然大多數男士們都清碟既～ 同時，要讚店員和老闆娘，很有禮貌，唔會因為忙或人多或其他狀況而態度唔好，反而佢地照顧客人需要，亦唔會催客人食完離開，試問有幾多食店會這樣呢？更何況<新景園>有咁多人慕名而來，人人都門外排隊等食⋯所以我和T先生好欣賞佢地待客之道，真心讚事後食評：味道：4.5/5.0價錢：4.0/5.0環境：4.0/5.0服務：4.5/5.0 👍🏻衛生：4.0/5.0…Read More

T先生鍾意食小籠包，但要食到正宗而且岩口味的，並不容易😅 我諗起<老上海>在我的To try list上，放工後同T先生過來試新野😆餐廳格局不舊不新，唔算大間，同場都有不少食客，有日本人食客，也有家庭聚餐，亦有放工後的聚餐⋯ menu 比較舊式，一本又大又厚既menu, 用上厚身卡紙印製，分門別類而且圖文並茂，可見食物種類繁多⋯📍小籠包 $70未仔細睇餐牌前，已經諗好要試試小籠包。小籠包即叫即蒸，一籠5隻，望上去幾大隻，配上醋/薑一齊食。小籠包皮薄而且juicy , 我要小心翼翼地食和吸收肉汁，幾鮮甜，處理得幾好👍🏻 而T先生覺得肉質未夠紮實，因為佢鍾意啲紮實多肉既口感。📍酸辣湯 $128突然想飲，於是就點，又係即叫即整。職員幾酸辣湯分發，份量上比想像中多，可以分到4-5碗。另外，食材上都幾足料，有豆腐，荀絲，冬菇絲，肉絲，蝦⋯口感十足；再講講酸辣味道，酸辣度適中，辣度唔會令人覺得好嗆喉，所以飲起上來幾舒服，令人會繼續飲，我和T先生都幾鍾意呀，值得推薦📍韭黃炒鱔糊 $188又係即叫即炒，鱔既份量多，條條分明，而且幾肥厚，正鱔糊既獻汁既稠杰度剛好，唔會水汪汪，同埋唔會好咸，調味真係幾重要架。而且韭黃炒得都唔錯，所以鱔糊最岩配白飯一齊食我地都食得好津津有味，停唔到口。酸辣湯已經咁正，依家仲有個鱔糊📍腐乳方肉 $152由於未食過，坊間都好少見過呢款，同埋見係用腐乳，我地諗應該幾特別既。一上菜呢～～原來用南乳醬炆，所以味道會偏甜⋯嘿🤔有點不似預期呢。用上一舊五花腩炆，皮炆得幾腍，但又未去到東玻肉果種入口會化既口感；而瘦肉部分都吸收晒南乳醬，它不是很柴很鞋，但又不是嫩既口感⋯整體來說，普普通通，不是我杯茶既口味啦:(我食得最多反而係配菜既白菜仔😅📍茶芥/花生都想講講茗茶部份，用上香片，茶味帶甘而且突出，更會聞到陣陣既香片茶香，可以為清洗一下味蕾，我幾鍾意😊水準中上，我地都幾鍾意呢度既味道，而這裡的職員都有返啲年紀，但他們的服務和態度都幾好呀。再隔一陣，我和T先生會再回頭試其他菜式呢😉事後食評：味道：4.0/5.0價錢：4.0/5.0服務：4.0/5.0環境：4.0/5.0衛生：4.0/5.0…Read More

之前同朋友食過lunch set, CP值高，好想同T先生過來試試(我食唔晒佢可以幫忙嘛😆😊) 臨時book 位都仲book到😄，來到餐廳時，目測已經有80% full了。被安排到2人座位，座位，餐桌都幾寬趟。而環境望落暗暗地，有點小高級!?😆 職員已經送來凍麥茶，前菜而且可以refill 的😇📍前菜 (大豆芽菜，菠菜，海帶，泡菜)有3碟，可refill…有我最鍾意既大豆芽菜和菠菜，味道正常，愈食愈想食；而泡菜呢，都入味同埋好爽脆，正👍🏻📍雪梨水冷麵 $88好大碗，而且好冰涼，附送芥末醬和白醋用作調味。麵質都彈牙，煙煙韌韌有口感；麵汁用開水再以韓式醬料調味，酸酸甜甜，好開胃，唔夠味就加白醋或芥末醬，幾好食。但我地要留返一半，當食完韓肉後再食凍野，會即時降火，T先生教既😆😆😇📍柞木特選燒烤定食 $165和牛上肋肉已經是指定肉類，再另選兩項，我地揀選汁燒黑毛豬五花肉和彥陽和牛。再講講肉既味道，五花肉有3塊，肉質可以，味道亦不俗；上肋肉都有牛味，有少少韌，但ok的；而彥陽和牛就是一大塊，要燒得剛剛好，唔好太老咁食才食出味道。T先生燒得唔錯、唔錯☺️😆跟餐都有一盤生菜，亦是可refill 的。我地可以將燒好既肉，放進生菜，再加醬料，一口放入口食，好惹味亦好正。📍(跟餐) 柞木韓牛飯賣相討好。生雞蛋置中，旁邊有碎韓牛，蔥花鋪面，食前要將食材混和，混和後似窩蛋免治牛，質感較濕潤⋯而味道上，有蛋香和牛味，好豐富和飽滿，成個口都漿住左😆 配埋肉一齊食，口感更豐富，好好食午市lunch set, CP值高，有前菜、有燒肉、有飯和水冷麵⋯在炎炎夏日和食熱氣食物後，來一個水冷麵，認真可以cool down..,有透心涼既效果。refill 前菜係可以令人食飽，而且味道又唔錯丫，T先生都很滿意亦滿足😊☺️ 可以再encore 😉事後食評：味道：4.0/5.0價錢：4.0/5.0環境：4.0/5.0服務：3.5-4.0/5.0衞生：3.5-4.0/5.0…Read More