Fulawlunse Li's Profile

今日晚飯想食大排檔，坐低見到價錢偏貴，本來想走，但我諗住大排檔貴少少都食到啲質素野，點知.. 我叫左一碟炸碎雞半隻$168、排骨煲$98、啤酒$24、飯好似係$8 - 到最後收咗我$320..睇返啲OpenRice評價先知佢可能收咗個茶錢..都唔緊要撇除價錢，啲野細碟..如果好食嘅話都唔緊要，最弊佢好難食😢 雪藏、翻炸、乾..啲嘢食得鹹味冇其他味..我係睇評價先知呢間野係咪拆過伙（唔知有冇睇錯）..應該之前係好啲（？）所以仲有啲熟客會過嚟..但係今日我食到嘅質素係超級差，專登寫呢篇嘢希望大家唔好上當..…Read More

最近我去咗一間氣氛非常好嘅葡國餐廳，享受咗一頓美味嘅晚餐。餐廳裏面仲有現場樂隊演出，音樂悠揚，為用餐增添咗不少氣氛。頭盤我試咗鵪鶉腿，肉質鮮嫩，配上香料醃製，味道層次豐富，令人食指大動。鹹牛脷同樣出色，口感滑順，鹹香適中，搭配酸酸嘅醬汁，令人回味無窮。我仲食咗沙甸魚，魚肉鮮美，烤得恰到好處，搭配少少檸檬汁，味道清新，真係非常開胃。主菜方面，我選擇咗慢煮牛肉，肉質軟嫩，醬汁濃郁，經過長時間慢煮，完全滲透咗牛肉，口感超級豐富。最後，甜品方面我選擇咗疏乎厘，外脆內軟，甜度剛好，口感輕盈，完美地結束咗呢頓美食旅程。整體嚟講，呢間餐廳無論係食物、環境定係服務都表現出色，加上現場樂隊演出，絕對值得再來！…Read More

前日去食lunch同侍應A叫左個巴基斯坦咖喱飯, 等咗半個鐘黎左個焗黑椒牛柳意粉同侍應B講黎錯左，佢話今日冇咖喱飯（？！）同事A喺隔離先如夢初醒話係咩原來冇呀xyz$&#%**跟住同事B問我咁仲要唔要，我話全錯喎我點要（雖然做咗好似好浪費，但我真係唔想食黑椒牛）咁佢問我想改食乜嘢，咁我就同佢講要咗個常餐沙嗲牛麵炒蛋多士。隔咗一陣同事A走過嚟問我你想改食乜嘢啊？我話你同事已經幫我落咗單啦喎好啦咁隔咗一陣啲嘢食嚟咗，我同同事A講話你要俾返個差價我，因為本身咖喱飯係貴啲嘅常餐係平啲。佢話好啦咁就走咗去攞錢俾我返到嚟得個$3 ，我話唔應該咁小錢喎，本身個飯係$78而家呢個$56咋喎！跟住佢攞住張單同我講話那本身嗰個椰香咖喱飯。我話我其實本身我已經唔係嗌椰香咖喱飯？！我話不過唔緊要啦，不過你都係找少咗錢俾我呀，椰香咖喱飯$68⋯⋯同事B喺隔離話係呀你找少錢呀！然之後佢就再找返錢俾我之後我快快食完就走啦以為事件告一段落⋯⋯no三四點食完，五六點開始唔舒服。心跳勁快、頭暈、想作嘔。本身我以為自己今日忙得滯唔舒服啦，過一陣唔對路喎走咗去廁所嘔。然後全晚都心跳勁快，好辛苦，屙咗起碼7、8次。心跳快到係瞓唔到，又係咁肚痛、想屙、頭暈。好辛苦咁捱到第二日九點即刻去睇醫生，醫生話我應該輕微食物中毒！第二日都屙咗3、4次..成身攰奶奶好似感冒咁樣，醫生話應該係食物中毒身體有反應⋯⋯食咗啲藥抖左兩日其實都已經好返啲。明白搵食艱難，都唔係想投訴啲乜嘢。不過我想藉呢件事同餐廳講，可能要重新檢視服務質素同埋食物衛生…Read More