ashleyemail103's Profile

呢排睇到好多IG post 介紹呢間咖啡店，碰巧工作緣故經過，有機會拜訪一下。一踏入門口我就已經比店鋪貴氣逼人既裝修震懾，心捻：價錢一定唔平。但出乎意料，當我行左一圈，發現比我想象中平，同埋可以接受。其實Bacha主要係賣挂耳咖啡，另外會有茶具，同埋外賣咖啡同糕點。當時就冇幫襯挂耳咖啡，我外賣左杯店員推介既I love Paris， 一個牛角包，兩快磅蛋糕。佢地既咖啡係手冲咖啡，旁邊會配上一盒雲尼拿Cream，同一支糖棒。甘精緻既包裝都只係$50，我覺得物超所值，因爲外面隨便飲一杯咖啡價錢其實都差唔多。但係佢包裝已經係超出左一般外賣包裝既standard, 簡直係咖啡中奢侈品既級別，你係會唔捨得掉左佢！我揀既個杯咖啡，係偏向果香，帶一d酸味，比較清新。由於係手冲咖啡既關係，味道一定同意式咖啡個種濃郁既口感係有分別，加埋cream都唔會覺得膩，如果嗜甜既朋友，不妨攪拌埋糖棒。另外糕點方面，的確就唔算驚艷，味道比較平實，不過就幾符合百年老店既口味，都係比較老式。不過外表包裝就一定唔會令人失望。打打卡係必須的。…Read More

其實Poker我已經食過好幾次，但時不時都會想再度拜訪。餐廳menu其實很簡單，選項唔但我認爲甘樣係最好，因爲可以專注係食物品質上，唔會因爲產品太多，兼顧唔到。就算一個人用餐都好，佢地都會盡量安排舒適空間比客人，不會同其他人搭枱。我幾欣賞呢一點，就算空間有限，都會以客人既感受為先，有佢地自己一套堅持。一座低就會送上一杯透心涼既麥茶招呼你，係香港濕熱既夏天真係好加分。我揀左AGED PORK RIB EYE SET嘆下，豬扒一如以往甘酥脆，豬肉因爲經過熟成處理，帶出一種更加濃郁既肉香。白飯軟糯且香口，確實係絕妙既配搭。旁邊既沙律同薯蓉，我相信好多香港人都會覺得係配菜，覺得普通，甚至有人會唔食。但係如果你比一次機會試下，你就會發現椰菜絲細如髮，加上紫蘇葉絲爽脆豐富既口感的確可以中和炸豬扒既油膩。薯蓉其實都有花功夫，普通既薯蓉我相信你食完塊豬扒之後，都唔會想要，因爲會覺得好滯。但佢地既薯蓉做到好清爽，但口感就好絲滑，帶有一丁點酸味，令你可以好開胃。最後佢既味增湯好特別，係豬肉味增湯，裏面有紅白蘿蔔牛蒡片，好一個首尾呼應！大家一定要試下…Read More

聼同事講柴灣開左間cafe，所以我今日涯著最高氣溫34C都要去試。去到身水身汗都阻唔到我熱情，因爲柴灣真心冇咩好食，大部分都係過得去，未到一定要試既地步。一去我就點左比佢店鋪吸引，係公園裏面既小食亭竟然有間cafe，一般你會覺得係買魚蛋同紙包飲品個類，但又意想不到甘和諧。餐牌我由頭到尾望左一次，麻雀雖小，但五臟俱全，基本急white coffee同black coffee都有唔少選擇，亦有咸食，有甜品。價錢唔會太貴，咖啡大概$30-40，咸食$50-60, 甜點都係$30-40。最令我覺得驚喜既係，唔只有espresso機冲既咖啡，仲有手冲咖啡，真係冇期望過甘小既店有甘多選擇。一般去cafe我都會先叫一杯熱latte, 因爲我覺得甘先試得到功架。所以第一次去，我小試牛刀，叫左杯latte，一件basque。現場你仲可以揀邊隻豆，店員解釋Brazil較nutty濃郁，Ethiopia帶有果香清新。過不然，咖啡很不錯，我選擇左Brazil甘香醇厚。再襯一口basque，入口既溶令人忘卻工作既煩惱。我認爲評判一個basque好食與否有幾方面，芝士味是否夠香濃，口感，蛋糕面夠焦香與否。呢個basque 我認爲至少都有80分，有蛋香同芝士香夠突出，口感軟滑，入口即化，表面亦夠焦香。雖然算唔上世一，但已經冠絕柴灣呢個美食沙漠。絕對推薦附近返工或者街坊一試。不過天氣涼d會比較好，因爲可以坐係公園享受下，今日實在太熱！…Read More

我平時都唔係會寫食評既人，今次系我第一次寫。原本我睇完衝三小對Oscar影響都幾好，覺得佢既食物幾有誠意，應該值得試試，所以大埔開左分店，都好期待一嘗滋味。點知只係叫個外賣，都感受到服務態度極差，對客人說話既態度一d 禮貌都冇，令我有d 失望，老實講食物一般，如果有食過尖沙咀興祥記既朋友一定明白我意思，如果想做街坊生意，最好大家關係融洽d，就算好似附近既一樂冰室，人地米芝連都攞埋，態度都未有甘，希望下次幫襯時有改進。…Read More