BACHA COFFEE

Open Now

Now Closed

呢排睇到好多IG post 介紹呢間咖啡店，碰巧工作緣故經過，有機會拜訪一下。一踏入門口我就已經比店鋪貴氣逼人既裝修震懾，心捻：價錢一定唔平。但出乎意料，當我行左一圈，發現比我想象中平，同埋可以接受。其實Bacha主要係賣挂耳咖啡，另外會有茶具，同埋外賣咖啡同糕點。當時就冇幫襯挂耳咖啡，我外賣左杯店員推介既I love Paris， 一個牛角包，兩快磅蛋糕。佢地既咖啡係手冲咖啡，旁邊會配上一盒雲尼拿Cream，同一支糖棒。甘精緻既包裝都只係$50，我覺得物超所值，因爲外面隨便飲一杯咖啡價錢其實都差唔多。但係佢包裝已經係超出左一般外賣包裝既standard, 簡直係咖啡中奢侈品既級別，你係會唔捨得掉左佢！我揀既個杯咖啡，係偏向果香，帶一d酸味，比較清新。由於係手冲咖啡既關係，味道一定同意式咖啡個種濃郁既口感係有分別，加埋cream都唔會覺得膩，如果嗜甜既朋友，不妨攪拌埋糖棒。另外糕點方面，的確就唔算驚艷，味道比較平實，不過就幾符合百年老店既口味，都係比較老式。不過外表包裝就一定唔會令人失望。打打卡係必須的。