mspinky's Profile

最近天氣凍凍哋，食碗熱辣辣嘅越南牛肉河粉暖下胃睇吓點🤯燒豬頸肉外皮微脆、內裡鮮嫩，微微帶有炭香，都有食到層次感，醬汁香甜春卷用嘅米紙都薄，包裹住炒粉絲同豬肉，配合使用咗嘅香草同醬料。此外有越式蒸粉包，配合香辣扎肉，有多重調味—有肉碎、香菇同蒜片香蔥同蝦餅雞翼以生菜同蒜嘅配合，疊加成海星形狀。牛油味都幾香👌🏻至於大蝦菠蘿飯，菠蘿嘅酸甜同大蝦嘅鮮味配搭得唔錯，啲蝦口感爽彈，加上鬆軟鹹香嘅肉鬆同濕潤嘅炒飯。特色吊龍湯粉湯頭鮮香清甜，肉質嫩滑而唔會太多脂肪油花。牛味濃。雖然我唔係特別好越南菜但都可以一戰👌🏻…Read More

突然之間想食韓國嘢，行行吓韓國街，行到最尾就發現咗呢一間餐廳。睇到舖頭嘅電視介紹海鮮蛋漿芝士熔岩炒飯似乎係招牌菜 食落感受到有多重口感 章魚 有咬口 芝士鬆軟 濃稠嘅感覺食到好幸福！食極都唔膩 成個組合都好柔和，都幾夾泡菜煎餅 表皮微焦脆脆地 泡菜辣度適中 小朋友都接受到 每一啖都感受到泡菜嘅爽脆蟹膏蟹肉芝士包飯簡簡單單 味道唔濃 感受到淡淡鹹香味 唯獨紅蘿蔔極爽口感同蟹膏味突出提子味馬格麗酒係入門必飲 配煎餅一流 清甜 飲完會想繼續添 酒味唔會太濃整體嘅用餐體驗都唔錯…Read More

當時到達嘅時候大概係6:30店內都唔算好多人氣氛幾好，店員態度友善有禮觀察發現7點半左右會開始滿座 在座都好多台灣人我揀嘅係爆炒櫻花蝦鮮鍋 個爐傳熱超快 個湯蒸發得好快櫻花蝦 蝦乾加蔥完美配合聞落好香湯底香濃鮮甜 平時唔係點飲湯底嘅我都有refill咗好多次至於爆炒燒酒烏雞鍋意外發現一啲都唔苦 似藥膳醉雞鍋 暖身必食娃娃菜吸晒湯嘅精華 唔錯蔬菜Bar 供食客任添 啖啖肉嘅厚切南瓜可以refill多幾轉 魚唔腥無骨嘅寒天翡翠檸檬係酸甜澀度適中嘅嘢飲 寒天啖啖都有蘋果醋超酸 無溝水 幾開胃安格斯牛小排超級嫩滑炸蛋溏心蛋效果一流 建議快手放落湯等佢吸少少味 再品賞滿口蛋汁嘅味道！另外加嘅小食方面 鴨血好有咬口 炸魷魚最正最後嘅甜品🍨有Haagen-Dazs嘅雜莓同芒果味💁‍♀️真係飽到臨瞓前都仲飽緊 仲勁過食放題火鍋…Read More

之前食過荃灣Peko Peko印象幾好 近排發現佢哋喺元朗新商場都開咗間有關嘅分店餐單有唔少海鮮 整體都幾吸引 店內裝修屬簡潔日系大自然風格嘢飲揀咗幾IGable嘅日出同黃昏日出有大大嘅半個橙 唔只係做裝飾 仲要入面都係滿滿香甜果肉我自己更愛更Summery 以青蘋果做主調嘅黃昏 酸甜度適中 清新感十足主菜揀咗香煎西班牙豬鞍 份量超勁量 一切落就見到粉嫩嘅肉質✅採用藜麥解膩 醬汁開胃 可以中和番啲肉嘅飽和感 （本身仲驚唔夠飽叫咗個脆炸廣島蠔😂）另外仲有海膽三文魚籽竹炭烏冬 佢個樣似意粉多過烏冬 但一食就會知佢原來有烏冬嘅彈牙口感有驚喜嘅 超多醬汁 啖啖creamy海膽鮮甜唔腥 加埋三文魚籽脆卜卜令成件事嘅層次提高 唔會成口好糊咁…Read More

呢間餐廳係一位朋友介紹，今次想幫另一位朋友慶生，咁就試試喇。一開始出lift就見到好墟冚，長期處於滿座狀態，好多人排隊。我哋就係坐喺對住𨋢口嘅位置，長期係需要同啲等𨋢同出𨋢嘅人對望⋯而另一邊就有塊玻璃，隔離啲人又食食吓望過嚟，令人覺得勁唔自在。其次就係我哋頭頂有一盞射燈，一開始坐都覺得冇乜嘢，但係坐得耐咗真係覺得熱。加上一開始就食雞煲，已經感覺到啲蒸氣不斷咁蒸上嚟，甚至係去到後尾打邊爐都係覺得越嚟越熱⋯連負責book 位嘅朋友都忍唔住出聲話冬天食嘅話係的確好暖好舒服，夏天就真係熱到頂唔順⋯佢都食到一半就落咗大堂過冷河，吹返凍過人，之後先至繼續一齊食⋯坦白講，個雞煲嘅調味係好惹味嘅。一開始我哋去處理嗰個雞煲嘅女服務員態度有啲差，有啲晦氣，不過都覺得情有可原，因為真係好熱，成個場又好宅好多人，佢哋都好難可以保持住好好嘅態度。不過又客觀啲講，見到有好多其他嘅服務員，其實佢哋都係好多時都會唔該前唔該後，有啲重要搬住好多好重嘅嘢，真係都已經好辛苦佢哋。所以服務方面整體上都可以嘅。至於啲嘢食，個雞煲其實啲肉係唔多，都係偏多骨。每次打開個雞煲去炒嘅時候，都覺得陣味好搶，好攻鼻😂另外值得一提嘅係，點解可以無限添加我覺得最出色都係蒜蓉蒸帆立貝、蝦、蟶子同魚。真係啖啖肉！至於火鍋湯料，其實選擇真係唔算多，質素都係不過不失。至於嘢飲同埋好材料都係要出去拎，而出面條路其實真係好窄，每次兩個人都係要打側個人咁樣行。不過無論幾月都好，都一定要撐到最尾，要享用埋個雪燕先好走啊！終於有冷盤，真係好食嘅呢個🙂‍↔️甜度適中，唯一想encore哈哈總括嚟講呢度嘅環境真係唔太舒服，真係坐位都唔係好夠都會撞到隔離，甚至係後面嗰台嘅人，感覺非常之唔舒適。見到佢張貼出嚟有張搬遷告示⋯經過呢次體驗，我都覺得佢好有需要搵個好啲地方—以顧客嘅需要再好好考量吓啲擺位，令食客有個愉快啲嘅飲食體驗。…Read More

話說媽咪好鍾意睇網上餐廳食評分享誤打誤撞發現呢間好似選擇好豐富嘅餐廳佢默默咁記晒啲攻略同有咩好食 地址唔難搵 上到去地方偏窄 枱比較細 難啲擺嘢話說係店員介紹我哋轉生日plan 因為有海鮮又有小禮物又香檳又多糕咁 諗住每人加$20 一定抵啦？點知即使早成個星期訂枱 一路燒 店員都唔記得係生日plan 無人比過個生日拼盤或者佢喺電話提及嘅任何嘢我哋 店員嘅回覆係：「吓？生日？要打嚟訂枱講架喎。」或者我哋早成個禮拜早得太多？當日聽電話太趕 所以無remark到？Anyway之後有比番拼盤我哋嘅 但其實咩都無⋯蝕到傻。建議大家生日都唔好咁傻去轉呢個「優惠」😵‍💫海鮮包括鮑魚、扇貝、鰻魚、雞泡魚干食物選擇少 係鴨胸 一口牛 蝦片 台式香腸 燒菠蘿同燒賣比較出色。飲品以果汁、茶為多，可以接受。有冷氣嘅環境下，可以好好哋燒無出汗。但遲啲三十度就唔敢想像喇⋯咁燒法燻到對眼好澀好唔舒服⋯結果解決到就好喇⋯由於係燒嘢食 上下前面都比較多油同塵⋯熟食變咗凍冰冰。個唔錯嘅半熟蛋有少少蚊滋喺左近⋯甜品都係比較平民位嘅雪糕同雪條。選擇唔多，但質素尚可晚餐時段 生日優惠 $268 加一服務費無咩特別要求嘅話 都可以一試嘅 …Read More

對呢間餐廳嘅印象係相對貴啲 但料靚又選擇多所以一而再 再而三去食 飲品同食物嘅質素都依舊保持到係高嘅 一定比齊嘢食你 上菜上得快坐得舒服 都係值得一讚都依然幾適合同一大班朋友去依Dessert Bar係值得預留時間慢慢試慢慢食因為無咩伏 可惜佢以前好自豪嘅自家製雪條已經無再供應 得啲即成買番嚟嘅不同款式 不過荔枝同Oreo味都的確幾足料同好香重點係佢多咗一部棉花糖機 用嚟打卡係好好嘅話說朋友好興奮咁同我分享 叫我臨走記得去整嚟打卡 因為店員可以幫手將佢包得靚靚哋比你拎走好公平咁講 晚市實忙嘅 所以我默默同朋友企咗五分鐘觀察邊個店員會有時間同經過我嗰邊可以幫幫手 我亦都同佢四目交投講唔該 好喇 我當我太細聲 環境太嘈 但我試咗四次都係咁 認真咩？🙂最後一次 我問咗個戴眼鏡嘅白衫職員 因為得佢停咗喺一邊 企咗喺度未有其他嘢忙緊 同樣地我好客氣 戰戰兢兢咁問佢 可唔可以幫手包一包個棉花糖 點知佢好晦氣咁話：「小 姐，你等等啦。」 😅最後佢無講咩，淨係比咗個膠袋我，而唔係幫我包。其實會唔會可以講句：「唔好意思丫，我哋宜家比較忙。可能要你哋自己處理番」？仲有其實放咗落佢比嘅袋真係好難搞，黏到不得了，唔知點拎番出嚟同隻手都會污糟晒。呢個位可以再諗得thoughtful啲⋯究竟建唔建議啲客拎走？拎走驚有塵會唔會有好啲嘅方法包裝？有呢部機唔係想啲客開心啲，自己鋪頭聲譽好啲？宜家咁真係令人好失望好諷刺。To be fair 其他時間服務態度真係無咩嘢，但呢件事被幾個店員刻意無視同呢個處理方法似乎唔太OK…Read More

本身去科學園聽講座好擔心喺附近無啖好食迷迷糊糊嘅情況吓決定試吓呢間「農」肉骨茶真係好少接觸 好耐未飲過嘅嘢所以果斷叫咗😂特別在佢以茶壺送上胡椒味濃 喚醒味覺 之後到乳鴿！肉質食得出應有嘅嫩感 但對食肉獸嘅我嚟講都係無夠喉咁🙈差唔多食埋隻雞翼尖就上咗慢煮鮑魚！大小大概有大人手掌嘅一半，上菜時用冰鎮住。食落有咬勁而唔韌至於花雕雞卷 明顯聞到有花雕酒味 食落有種甜甜香香嘅味道 唔太接受到太濃烈嘅我都覺得幾易入口 有陣清幽嘅酒味 啲汁淋上去杞子度吸收得幾好再嚟農場燒鵝⋯友人係咁讚不絕口，離開咗都仲話回味緊😂簡單嚟講就係齒頰留香，鵝皮脆，肉質滑又多肉食。每次一咬落去就湧出燒鵝嘅香油沾滿口腔。烈焰菠蘿炒飯睇住店員幫手點火燒著 菠蘿嘅外皮有啲變咗桃紅色嘅感覺。菠蘿入面的確多果肉—一食就知真材實料，唔係人造糖味。盤滿砵滿 估唔到啲外型設計幾有心思。有個好似海參咗。蝦餃賣相吸引 好香蝦味！爽身！蟹粉小籠包 唔易穿底 一咬啲汁就湧出嚟再加上蟹粉另一口感嘅層次調劑一下有個幻彩帶子餃 帶子加魚子嘅點心都頗有驚喜鹽焗聖子重海水味掩蓋腥味 絕對條條長過手指唔會一煮就縮水。蔬菜方面有田園炒花青苗（XO醬）少少辣味無咁寡🆗最後仲有甜品—BB雞同牛榛仔賣相可愛又熱辣辣 雞仔係流心奶黃 牛仔係流心朱古力 兩者做嘅流心效果都好出色！真係要小心唔好彈到自己或者人哋件衫。甜度適中。飲品：白桃烏龍、桂花烏龍後者比較濃，我鍾意前者更清新嘅感覺。尤其用嚟中和吓比較濃郁嘅味道，令我更清楚品賞到之後嘅項目味道如何。…Read More

之前去聽演唱會前就打算先去食嘢儲足力量應援 食咗個brunch🌝當中超級推薦炸蠔 鬆脆 熱辣辣 爆汁 配搭薄荷 芒果蛋黃醬(共8粒） Encore多一客都絕對唔過分 炸白魚蛋大大粒 彈牙 配甜甜嘅辣椒醬唔會寡音樂超正 Charlie Puth Playlist 好chill好配合餐廳氣氛 主菜一號係Parma Ham with Balsamic Dressing 沙律以黑醋調味 令人胃口大開 Parma ham唔乾身食極都仲想食🥹菜唔會有草青味 Overall正常發揮主菜二號係All Day Breakfast (Sourdough, Scrambled Egg, Pork Sausage, Mushrooms, Smoked Salmon, Hash Brown, Cherry Tomato and Salad) 煙三文魚夠厚 啖啖肉！配上滑蛋 麵包香脆 係難得All Day Breakfast會想食晒全舊嘅麵包 仲有薯餅 但個炸蛋可以再鹹番少少🤏至於飲品，我叫咗杯Cocktail - Virgo 個杯好特別 充滿曲線嘅設計 一聞就好濃茉莉花花香 泡泡都沾有花瓣 甜甜地 好易入口 而唔會覆蓋Gin本身嘅味道 入口唔會苦澀另外仲有杯mocktail - Phoenix酸甜度手捏得剛好 幾清新 係蘋果汁檸檬汁嘅梳打 價錢都合理…Read More

啲座位夠寬敞 裝修幾有風格上菜快 侍應方面 你叫到佢都會幫你 無咩特別helpful /幫你推薦介紹啲咩 比較cool啲🫡賣相吸引嘅金邊粉唔難搵好食嘅真係寥寥可數呢間Sawadee Chef用好靚嘅蛋絲包住金邊粉望落靚之餘，大蝦好爽口，金邊粉味亦唔會太寡，酸酸哋加上微辣—幾惹味～ 值得一試。另外仲叫咗芒果糯米飯啲飯的確粒粒分明，溫度適中—暖笠笠，但椰汁汁量唔夠，稍嫌唔夠香🥹芒果量剛好，尚可。友人再叫咗個正常質素嘅海南雞飯最出色係啲飯—因為夠香～醬汁選擇唔錯，有酸酸甜甜，有辣，有薑蓉但無咩衝勁想再去🥲…Read More

週日約咗朋友去傾下偈食飯Catch Up探索吓啲rooftop bar 點知落雨😱不過入面望出去啲景都依然好靚😛前菜我哋叫咗個Sharing Platter (2-3 persons)Cocktail shrimp大大隻清清哋香茅串燒、雞翼好惹味 平時食雞翼最驚食到嘴邊污糟🫣蒜蓉包香脆 一層滿滿嘅蒜蓉碎 好香口單骨雞翼 沾汁好方便 配兩隻汁 千島醬同沙爹 方便我呢啲唔識𦧲骨嘅人雞串燒 燒個火喉啱啱好 唔燶🦀避風塘炒蟹意粉炒蟹足料大隻又香口 完全唔腥🥹足夠兩個人食 意粉🍝啱晒鍾意微辣嘅朋友🐤Go Big Go Kaboom 烤春雞春雞超大隻 好厚肉 啖啖肉😛煙燻味香 香脆內嫩 香草味濃💘Damn. Pissed off薑味菠蘿汁 熱情果果泥 唔會完全掩蓋Vodka嘅味 酸酸甜甜 飲住嚟同朋友傾偈極Chill💬飲品以浴缸🛁送上 加埋可愛嘅B Duck 外觀相當IGable💁🏻‍♀️⚜️Kaboom平時覺得Whiskey 比較濃 但加入Brulee liqueur 大吉嶺奶茶變得好易入口！面層好香由香草味煉奶打成嘅泡泡底部係甜酒做層遞 唔會重酒味 好適合鍾意甜味嘅妹豬 飲極都唔夠喉🫣希望下次天氣好啲可以出去再試吓outdoor dining 💁🏻‍♀️…Read More

呢度嘅裝修主要色調係Tiffany blue同卡其色為主 清新簡樸 地點易搵泰式。荔枝紅咖喱燒鴨舌尖上更辣更刺激 味道先甜後辣 用料包括荔枝肉香甜、青檸、蕃茄仔、薑、香草、秋葵、紅蘿蔔、茄子 另外配有烘過嘅麵包增加飽和度 醬汁多 每啖都足以沾滿麵包 完滿覆蓋鴨肉廚師推介嘅泰式炭火鹽燒魚 份量超多 相對少骨易食 即使有亦非常容易發現 另有沙律菜 包住米粉 麵質幼身 配合熱辣辣又滑嫩嘅魚➕大量生菜包裹上述材料 再沾上甜酸醬/ 花生醬 粒粒花生令食落嘅每一啖層次再豐富咗幾鍾意呢度嘅Coconut Smoothie🥥表面滿佈椰絲 好滑口 超香椰汁味Pina Colada 菠蘿味清新 微帶椰汁味 + Rum味濃 酒精味比較突出…Read More

去開九龍灣搵朋友食飯 第一時間都係搵日本餐廳🥹見門口望落入面都多位 較為闊落店內仲有架擬地鐵車廂 造型特別小食：必選嘅章魚丸🐙滿滿濃稠嘅醬汁加分刺身則件件超新鮮 爽口又厚切🔪被我幸運揀中嘅係北寄貝 帶子 吞拿魚同三文魚腩 啲三文魚腩嘅脂肪同條紋令人超驚豔 垂涎欲滴！帶子以檸檬汁帶出鮮味之餘 更令人胃口大開😂戰鬥力🆙到🍣登場喇！我哋挑選咗總共12款壽司小朋友大愛嘅粟米沙律同七味鱈場蟹棒壽司加咗七味粉果然香啲惹味啲😍6吋三文魚壽司超誇張 一啖係食唔晒架🥹！至於店員極力推薦火炙items 我哋揀咗火炙三文魚腩 火炙左口魚邊壽司 魚油嘅香味一食就湧現🔥花之戀同親子花之戀 多層厚厚嘅三文魚包疊住 加上超邪惡超多沙律醬 超多蟹籽同三文魚籽舖面 完全覆蓋白飯🤓香蔥吞拿魚腩碎軍艦 帆立貝壽司飽美 啖啖都係鮮貝鰻魚 + 蟹籽軍艦 + 三文魚籽軍艦 啖啖脆卜卜 口感好得意☺️飲品：蘋果綠茶及白桃乳酸特飲…Read More

每隔三四個鐘就餓嘅我 加上有無限encore能力嘅👩🏻揀咗可以無限refill嘅燒肉放題👅呢間餐廳以鬼怪為主題 裝修主色都係採用黑色 係比較少見嘅暗黑風格 啱晒平時鍾意型格嘅朋友 亦有唔少卡位 座位頗為寬敞侍應都好友善 一早準備定多隻碟比我哋備用上菜速度都好快 我哋兩個牛魔王都揀咗牛海姫の套餐 $398 per one最愛狂encore 嘅美國頂級牛板鍵香蔥薄燒 超香 超多汁 嫩滑黑椒頂級美國牛舌 爽口薄身A4和牛牛胸腹 肉有一定厚度 彈牙 口感唔錯除咗照顧牛魔王嘅需要外 都有其他肉類 亦即魚、雞肉及豬肉等任君選擇（例如鹿兒島薩摩赤雞、日本黑豚）刺身包括甜蝦 八爪魚 馬刀貝 三文魚 赤貝 帆立貝，加上海鮮（塩鹽日本青花魚同埋大大隻帶子）當中特別推薦非常爽甜嘅甜蝦同埋厚切三文魚🍣就連壽司飯都唔會太大舊又軟身 唔會影響你繼續試其他食物嘅胃口最後炸天婦羅🍤亦做得十分鬆脆呢！ …Read More

見到餐廳新開業而座位寬敞 就入咗去試吓呢度可以放題任食120分鐘 可以慢慢品賞食物質素 同朋友慢慢傾吓偈餐廳有分燒肉新幹線嘅枱，會經由電車運輸帶將食物高速傳送到食客枱上；亦有分普通枱，由店員將食物送上，送上時亦會簡單介紹牛肉嘅部位、食法而且當天所食用嘅和牛都會有「和牛番號」 可以追查到牛肉嘅來源，保證所用嘅係真。日本和牛🐮初次送上各種肉類拼盤 總有乾冰營造IGable嘅效果 🧊其中有一塊巨型特級和牛仲用一個寶盒for 打卡專用👀牛肋肉有嚼勁 牛肋骨脂肪口中溶化 肉質豐厚帶子超爽 鮮味滿滿豬 滲出香油 表面煎到脆香西冷和牛 脂肪湧出 超搶火 唔膩 自帶甜味蝦超爽口 大大隻牛里脊肉分佈平均甘荀蘋果美人水係我飲過最清甜 同具備下火美顏嘅飲品 兩小時內不斷encore 熟食方面我幾鍾意佢嘅蒜茸蝦、扇貝、炸雞➕韓式醃蘿蔔同泡菜！仲有我最鍾意嘅甜品放題甜品種類繁多 例如芝士蛋糕、石板街（即係朱古力、棉花糖，上邊佈滿可可粉）、蘋果肉桂布甸、牛奶布甸、波子汽水雪條等等 質素對得住價錢…Read More