sweetpotato0508的個人專頁

呢排周圍都好多菌，唔係好敢出街食野，今日同朋友出黎談心見呢度裝修幾靚又企理咁咪入黎食囉我地揀左烏龍茶黎飲，幾得意喎係我地自己沖黎飲，勁香睇個餐牌既價錢都諗，嗯～ 黎食裝修既唔緊要啦。叫左個「粒粒帶子炒飯」同埋娃娃菜食我唔係講笑架我做左廿幾年人真係第一次食到成碟好深色但係一啲味都無既炒飯而且帶子真係好粒粒，數過得4粒左右，而且完全無味既！成碟只有臘肉係叫有味好啦，個菜賣相係唔錯既，但係點解會附送左發泡膠既？$75蚊係食滾水發泡膠淥菜？好在只係叫左2樣野食，唔敢再亂試啦，唔想浪費食物分數我係比裝修同埋茶葉既，真係用黎食既就唔好講笑了，有得比負分既話我一定會比…查看更多

講起咖喱, 會諗起印度.講起屯門食咖喱 就一定會諗起置樂呢邊既屯門咖喱屋!😁記得我同男朋友既第一餐飯, 就係黎到呢一間餐廳.入門口有位印度人用流利既廣東話問你幾位再送上餐牌.周圍望, 全部都係印度人!😛😛有時會見到師傅由廚師行出黎為客人拉茶, 未叫野食就已經聞到好香!男朋友見呢度既人都係印度人, 以為要用英文落ORDER, 其實人地既廣東話好好架!我地都係叫左咖哩雞, 我唔食豆, 轉左薯條☺仲有其中一份我地轉左煎餅!份量其實真係好多 ,飯又好多, 煎餅又好多, 又薯條又薯仔咁樣, 係好豐富既澱粉質大餐😂😂佢個咖喱汁真係好好食, 撈餅同埋飯食真係可以完全食曬!而且真係唔貴, 如果我地仲係學生既話仲平D添!…查看更多

今日同舊同事相約左係呢邊食飯, 諗左好耐都唔知食咩好, 我又未病好😫係附近行左好耐最後都係決定黎food combo一試.呢度地方唔大, 所以都要禁張飛仔係門口等下.dinner有好多種揀, 百令到二百令都有.我就叫左肉醬意粉加墨魚串 $108好香, 而且有生果跟, 西瓜 菠羅咁, 好鮮甜架!唔係平時果D求其比人既生果盤, 個意粉咸左少少, 可能我病緊個味覺唔同少少啦.而同事就叫左呢個西冷扒 5成熟 $178扒塊好大, 同事切左少少比我食 好JUICY, 唔會咬唔爛! 如果唔係病緊既話我都想叫扒食呀!:(後面果個應該係自助飲品BAR黎既, 有水有茶咁, D水浸住D橙, 水入面有淡淡既橙味, 好飲!我地食飽左之後仲坐左一陣, D姐姐都唔會話趕我地走, 收好D野之後叫我地慢慢坐…查看更多

住係度好多年，睇住佢由一個鋪位既細鋪做到而家咁大規模。以前就放學仆返黎食雞扒撈丁，而家就放假返黎同人迫🤨今日訓醒落樓下見未係好多人，落左黎食之前成日都叫唔到既雪菜肉絲米。12點正已經好旺，坐左幾分鐘就有人埋黎搭檯，不過對隻蛋有啲失望，可能客人太多，隻蛋無以前咁滑，仲要啡啡地色。多士好大塊，要分開食。 無咩可能一啖擺到入口。雖然對我黎講難食左好多，但係個雪菜肉絲米粉都仲合格既。仲係咁好食，不過我要杯水都叫左一陣先黎，無辦法啦，多人就預左。…查看更多

呢個鋪位成日都轉轉轉, 呢次就變左做一間餐廳, 今晚唔煮飯同老公落左黎試下佢個2人晚餐有個海南雞同埋揀返個小菜, 係幾抵既🌝🌝略略形容下啦咁就有個湯, 就係蓮藕湯, 咸左少少, 都OK既.其實我係為左食海南雞先入黎, 叫左白飯雞就唔係話特別好食, 無去骨, 除左中間既薑蓉之外都唔好點😂😂小菜揀左西蘭花, 因為我地2公婆好中意食, 個汁幾好既, 西蘭花唔會好硬, 好食的.不過以呢邊既餐廳黎講, 呢度都算係乾淨同埋坐得舒服架啦, 食物就有待改進:)希望下次可以令我打個笑評比佢啦…查看更多

屯門市中心既拉面選擇其實就唔多,所以今次同大家講下呢間我認為係市中心最好食既一間拉面店!老婆就一向好中意食拉面(所以食到佢咁肥XD)呢間野都係老婆帶我去食先知咁好食...之前一直以前好食既拉面都要衝出屯門..我個人比較黑,老婆又成日話我似黑鬼,所以嗌左個"黑鬼拉面"首先提下大家既就係,佢有提供好多醬料/調味粉個D比你落,但我認為唔洗落,根據個人口味,想落既都可以落少少,因為佢本身個味先係最好味.料:好食,湯:正到爆,好似個標題咁,因為個湯太好多,食完係會再想食多個.至於老婆,因為佢個人比較油,所以嗌左北海道牛油拉面,佢個湯更加建議唔洗落其他野,我試左啖,牛油味既湯好新奇,配拉面都係令人停唔到口,因為我隻肥婆飲晒個湯...…查看更多

平時LUNCH都係去開附近既荼記食碟頭飯,今日試下D特別D,未試過既.行左黎荔枝角呢間湯加,既然係自己食LUNCH,見有位就入左去了嗌左呢個雞肉片魚腐淮山面,佢仲有得自選湯底,我呢個就係酸辣,話明湯加,佢呢到既湯唔似出面餐廳個D普通湯底,伙十分夠味,其實仲有其他健康D既湯底,下次可以先再試下.因為我係比較中意食辣的!另外,個雞肉片好滑,浸係湯都好有雞味,好食的,魚腐就不過不失,重點來了!就係淮山面!一般餐廳都好少有得食淮山面,淮山面既營養價值高,所含熱量又相對較低,所以有好好既減肥健美既功效,唔想成日食飯食面都肥既人可以多D食下淮山面啦!淮山面又爽口，有嚼勁,有D似餛蝕面既味道.所以健康既野唔一定唔好食架.飲品: 水蜜桃汁普普通通,不過因為主角係淮山面,所以冇乜緊要.…查看更多

生活好匆忙, 節奏勁急, 每日既工作基本上都做到過曬lunch time, 今日去開入境處送文件,臨走比我見到呢間細細間既餐廳, 門口既餐牌上面既價錢就吸引入我入去食下午茶🌝餐廳唔係好大, 所以D位係有少少迫, 不過一個人黎享受tea, 其實又冇咩所謂既😂下午茶佢地都係30-50左右, 係灣仔區黎講 真係算平.我今次就叫左個碎蛋煙三文魚麵包配炸脆薯條$33加杯凍奶茶奶茶好滑😍😍 叫左少冰真係少左冰薯條炸得岩岩好, 又唔會好咸, 有成支茄汁比我自己黎😁😁但呢一份野既主角其實係個麵包, 十分鬆軟! 仲要好大份!! 會食上癮既麵包下次我會想試下佢地既瑞士汁牛河, 睇落真係好吸引, 隔離食得又香…查看更多

今日旺角行完街，老婆話想食清淡D，就行下行下見到有間日本野，就望吓出邊個餐牌見到幾平喎又大份。60幾蚊嗰個拉麵大大碗，仲有三個手卷五件壽司，就同老婆行咗入去。我同老婆都係嗌左個餐。就咁睇落飽就一定夠飽，至於味道，首先試咗一啖面，嘩真係呀，咸到呢，大家都知道拉麵最緊要係個湯，但係呢個湯真係咸到阿媽都唔認得。啲面嘅質地食落我仲以為自己食緊公仔麵。之後到三舊手卷，個手卷如果淨係食上半部份，都未至於難食，但係若果你食埋下面果舊飯？ 定係漿糊？食咗一pat野都唔知自己食緊乜。我諗住個餐最正常嘅應該係舊三文魚壽司啦，起碼佢啲飯小食落一pat嘢都唔係咁明顯。至於嗰舊加洲卷真係成pat野咁，勁大舊。另外，老婆仲勇敢地叫咗呢個「秋天的童話」。食落真係有秋天嘅味道，因為食到我個口好乾，重點來了，全個餐最值得讚嘅地方：就係兩支支裝嘅汽水，係咪居然唔係茶，係咪好出奇呢，因為嗰杯我都唔知係茶定水。真係好想知道點解仲可以咁厚面皮收加一，個阿姐十問九唔應，影咗仲衰過冇應叫佢拎支汽水都話下咩話？我以後食飯前一定會開一開OpenRice 睇有幾多負評㗎啦…查看更多

成日係AEON買完野都見到呢間野條隊好鬼長, 今日收工去到條隊短過平時少少, 都要排15分鐘.同老婆排隊玩住手仔等, 個肥婆話好肚餓終於埋位開餐我叫左個黑蒜油拉麵，老婆食沾麵，老婆試左我湯，話好淡冇味。咁我飲一大啖，哇，同佢個沾麵比梗係無味啦！老婆個沾麵就ok既，飲佢個湯去我真係面容扭曲，不過除左咸左啲，其實都還可以，大家可以試下。老婆佢跟捉餐廳比既指引，沾完再加木魚湯，佢仲話好好味，飲上癮。老實講句，呢度既湯同其他相比下叫唔算咸了，個傻婆出街食野好少飲曬Ｄ湯的。每個人口味唔同架嘛！食完會覺得杯水特別好飲，下次可以嗌下其他。…查看更多

放假落街掃街又未開, 又唔想食快餐, 又唔想食茶記做野之後無留意身邊既事物好耐, 估唔到細個果時買文具果間鋪頭變左做餐廳成年幾都唔知!唔怪得成日夜晚都排隊排到出馬路啦~3點幾食LUNCH又唔係, 食晚飯又太早, 所以入左去食少少野先老公叫左滑蛋厚切豬排丼, 豬排好大塊, 肉厚粉不厚~ 一個男人都可以食得飽而我就叫左個犇廚 BRUNCH. $73一樣又係豬扒配黑松露炒蛋, 旁邊仲有D菜做配搭, 上碟係好靚. 炒蛋好滑, 黑松露味道都好香濃, 豬扒仲大塊過老公果一塊仲有個蕃茄鳥冬跟, 食得出唔係平時打邊爐果D烏冬黎, 好彈牙!以呢個價錢黎講, 個份量真係太多了, 我都分左D野食比老公食餐飲方面我地叫左熱朱古力同埋凍英式奶茶首先就係佢地個杯好靚. 熱飲好細心, 有個套包住 唔怕辣手而個奶茶值得一讚, 唔係平時係茶記飲開既果一種. 好滑!…查看更多

住屯門好多年, 成日都諗NEWAY隔離個地盤幾時先起好樓, 會唔會有新商場呢?今日收工行街無啦啦過左去行, 呢個地盤終於起好左, 仲有幾間餐廳添!係對面馬路就望到佢地既POSTER好大張, 入面有得買野食同堂食~男朋友原來自己偷偷地黎食過, 佢話呢度既特色係素豬肉本身想叫樂樂雞(好似麥樂雞咁既野), 但店員話賣曬, 所以叫左肉丸咬落去真係難分真與假, 唔講都未必知係素黎, 有4粒 我食左3粒, 唔比男朋友食男朋友就叫左漢堡扒飯, 其實舊"肉"食落去食好似佢地個素肉丸, 但會比較鬆化, 口感有少少唔同.我的最愛黑松露!! 離遠已經聞到好香既黑松露味, 由於呢碟野係無肉既, 清淡左少少, 但配上超多既黑松露就好香, 唔會冇味.不過我真係好想試下樂樂雞.. 希望下次黎到有得食LA..…查看更多

今日見好耐冇食過譚仔三哥米線,係良景商場就食左個晏,個餐牌都同以前唔同左,可能太耐冇黎了.我以前就成日食麻辣湯底既,不過今次就想試啲未試過既湯底,所以叫左普通酸辣,餸就係雞肉同豆卜.我解釋一下點解我咁中意食呢兩個餸!雞肉浸係呢個湯到係口感正之餘個湯又好味,另外豆卜既特點就係會索晒啲湯,一口咬落去係口感勁正加上湯汁必晒係口,係十分之正,加上呢個普通酸辣湯都真係好正,清清場唔會太辣,少少酸,易入口,食唔到麻辣湯底既可以試下呢個.之後叫野飲既時候,譚仔姐姐叫我可以唔一定飲平時個啲野飲,有特飲的,我見都係加差唔多錢,就試左呢個荔枝特飲,最得意係佢真係有粒荔枝係上面,幾好飲甜度適中,有荔枝肉咬下!…查看更多

由以前佢隔離係長期排長龍既小曼谷果時我已經好好奇點解旁邊既娘惹好似唔洗排隊咁, 係因為唔好食嗎?以前係附近讀中學, 有班同學既lunch非娘惹即咖喱, 食足成個高中 十分誇張.本來想7月時去食, 不過佢裝修緊,今日係利寶行完街, 決定單拖入去試一試呢一間令我朋友著迷左3年既神奇炒飯首先, 我係變態既我抱住好奇既心態, 叫左我同學大力推薦既峇峇炒飯.平時食炒飯好多時都係散曬咁送過黎, 但係呢個炒飯係擺得好靚, 我食前真係幫佢影返輯寫真, 隔離個太太聽到我相機既聲都覺得唔好意思.隻蛋係太陽蛋黎, D豉油應該係甜豉油, 炒飯入面有牛柏葉, 口感十分豐富.成日食東南亞野唔係黃甘甘就係紅卜卜, 再唔係就好多香料.由於娘惹菜係中國人同東南亞人通婚既野, 所以點都會有返D中菜既元素.香港人應該都會喜歡既味道咁好食, 點解都會冇人排隊?…查看更多