karennn13's Profile

工作關係，要喺觀塘食個快lunch。適逢落雨天，又要搵個落到車嘅街口，就是旦喺成業街揀左間茶餐廳食飯。入門口，d姐姐好盡職，要確保每個人嘟左或者寫左，可能呢兩日捉得緊？坐得幾闊落，唔使聽隔離枱講故事，衛生環境就一般茶仔level。叫左個海南雞白飯，飯量好足，雞都ok 嘅。同行人叫左叉燒蛋包飯，都幾大堆頭，一定飽。不過同事話呢個係蛋”蓋”飯囉🤣正正常常，男士一定夠食，完！…Read More

想食日本野，登龍街呢棟大廈基本上八九成都係日本餐廳，樓下有三個姐姐派傳單招客，我地揀呢間係由於呢間個姐姐特別落力咁推介，當然仲係因為有8折啦😂店內坐左七八成客左右，我地一行四人有三個揀左七味牛肉豆腐定食，主要係因為其實唔太吸引，呢個好似特別啲咁。都等左我諗十至十五分鐘，先嚟個前菜沙律，再等多兩分鐘就上埋菜，個汁少少辣幾惹味，豆腐好滑煎得唔錯，牛肉就正正常常咁，但個味噌湯真係非常淡味。環境都幾好，服務態度就一般般。但呢個收費嚟講，性價比係有嘅。完！…Read More

放假想落樓買個lunch，因為唔想等太耐，揀左間冇人排隊嘅台灣餐廳買外賣。（之前每次行過都見到店外勁多人排隊，但明明好多吉位，今日先知原來係排對面荳子🤣）選擇揀講，唔算好多，未係好餓情況下叫左大滷肉飯同雞翼便當。唔使排隊就落到單，店面又冇乜客，以為好快攞得，但都企左差不多20分鐘先攞得。外賣紙袋幾簡約幾靚，可以重用😆份量都足，味道都係預想中差不多，正正常常。完…Read More

每次去愉城，都會想食呢間，雖然有啲貴，但跟餐嘅蕨餅真係一試難忘...今日中午12點左右嚟到愉城，先發現原來都幾多人呢個時間放lunch。去到餐廳，都有好幾個人堆左喺門口，仲以為要等位，好在佢地都係等外賣，望左見外賣menu，6、70蚊就食到鳥山名，又真係抵嘅。堂食就唔使等，即入！環境：燈光少少昏暗，幾有mood，而且啲食客都唔會太嘈，可以舒服食個飯，唔使被迫聽人地嘅故事。不過今次被安排坐扶手梯下的位，唔知點解好驚有人扔垃圾落嚟。之前坐過白色𨋢口正下方，就冇咁驚。門口有口罩攞，方便。味道：叫左個壽司餐跟牛肉烏冬，壽司都ok，但唔算特別好，牛肉烏冬都正正常常咁，蒸蛋就太甜，個人嚟講麻麻，最like嘅就係跟餐嘅蕨餅，超好味，彈彈地又滑口，唔會太乾太硬，今次係為左佢先再嚟幫襯😜跟餐可以揀3件刺身或者野飲，今次揀左蘋果紅茶，有啲似洗手液果種感覺，我諗大家明係咩味嘅😂同行友人揀左雞扒定食，雞扒用左日式剪餃果種方法，脆脆地，幾好食。後記：本人覺得少貴，每個餐都好似$120蚊以上，但都幾多日本人嚟食，可能食環境？不過，我反正就係嚟食蕨餅的！完😁…Read More

算係同事的口碑推介啦，見今日晏晝有啲時間，行左去灣仔呢間樓上鋪覓食，未上樓就加分，見佢個招牌就知係打卡餐廳😃行樓梯本身係缺點，但佢又加左張路向指示仲寫埋「食飯前做下運動可以方便腸道蠕動」之類字句，算係增加左啲玩味感。上兩層左右就到，因為冇訂枱，話要等20分左右，本身唔想等，但同事想等就陪佢等一下，裡面有六七張櫈坐下，環境都幾舒服，之後應該等少過10分鐘就有位。裝修行懷舊風格，我諗用嚟拍野或者打卡，效果會幾好。叫左個醉雞冷麵，嚟到個個都話靚，而且酒味都好濃，好正，不過雞肉鞋鞋地，但冷盤嚟講就冇咁覺。雖然落左唔少杞子紅棗，但冇乜藥材味，因為加左糖。整體上是ok的，因為酒味濃同凍凍地感覺幾light。同事叫左排骨飯，佢話碗飯份量都算多，不過應該唔算太好食，見佢都食淨幾多。最後一個抵讚位，就係紙枱布，每次都會更換。可以話唔環保嘅，不過疫情下確係好安心。完！…Read More

[準備好食下午茶的人可以來了！］第一次食呢間，午市時間唔算多人，唔使等位就入得。環境：幾靚，播埋日文歌，未食已經加左分。價錢：午市嚟講唔算平，平均$120起，叫左個最抵食的火炙壽司+烏冬餐，配味曾湯，$88加一。味道：個湯有少少咸，可接受；壽司每件都唔錯；烏冬個流心蛋硬左少少。份量：我果份其實都ok,同事叫親子丼飯、吞拿魚蓉飯就少得可憐，d飯仲少過平時下午茶份量，想減肥的就剛好，魚生份量都ok。服務：正常。目測當時大概20個客，都未full,侍應本身有2個，但已經忙到落單都要等好幾分鐘，叫埋樓下扮傳單的上來招呼先勉強夠。上菜速度慢，趕住返office的要諗諗。…Read More

應同行老人家要求，話要去舊鳳城飲茶，聽講唔錯，所以一行5人就去左試食。時間：下午茶時段。大概13:45搵飛，可能假期關係，都幾多人，但都唔算等得耐14:15入得。食物：蝦餃、燒賣、牛柏葉、牛肉球、鴨腳札、雞札、叉燒飽、黑色流沙包、菊花卷、春卷、鳳爪。第一次見大過雞蛋咁大粒點心，不過冇影相，大家自己去睇“相片”，我估點都有人影掛😹咁大粒真係食兩粒都飽。最好食係牛柏葉，係出面2倍以上份量，而且有莞茜香味，好正！不過個菊花卷係有啲伏，馬拉卷的外型，但好實淨，冇咩味，冇咩真係唔好試。環境：一般舊式茶樓啦，都係咁。服務：正正常常。價錢：食得好飽，每人$106。…Read More

買左清湯半筋半腩麵、水餃、炸蕃薯、甜不辣，先$166，份量夠兩個人食，性價比都算高。甜不辣有驚喜，個皮炸得好好食，好有咬口，其他就不過不失咁。唯一扣分位係原本order 20:00攞，但最後要20:15先有，如果晚市多單，建議唔好set［15分鐘取］。…Read More