頤東酒家

Open Now

Now Closed

應同行老人家要求，話要去舊鳳城飲茶，聽講唔錯，所以一行5人就去左試食。時間：下午茶時段。大概13:45搵飛，可能假期關係，都幾多人，但都唔算等得耐14:15入得。食物：蝦餃、燒賣、牛柏葉、牛肉球、鴨腳札、雞札、叉燒飽、黑色流沙包、菊花卷、春卷、鳳爪。第一次見大過雞蛋咁大粒點心，不過冇影相，大家自己去睇“相片”，我估點都有人影掛😹咁大粒真係食兩粒都飽。最好食係牛柏葉，係出面2倍以上份量，而且有莞茜香味，好正！不過個菊花卷係有啲伏，馬拉卷的外型，但好實淨，冇咩味，冇咩真係唔好試。環境：一般舊式茶樓啦，都係咁。服務：正正常常。價錢：食得好飽，每人$106。