kakiukinki的个人专页

最近聽同事介紹，公司附近有間隱世日本菜，評價都幾好，終於都有機會嚟食吓。特上刺身拼盤刺身份量都幾足，分別有吞拿魚腩，赤貝，大赤蝦，加拿大海膽，三文魚子，吞拿魚赤身，同埋兩款白身魚。相信款式會隨着季節有改變，今日拼盤上嘅刺身都非常新鮮，而且有豐富油脂。海膽見到啲籽粒粒分明，食落唔苦唔係一陣怪味嗰種，撈埋啲三文魚子一齊食爆哂汁~沖繩苦瓜炒蛋一向唔食苦瓜嘅我哋決定試一試呢個店員推介嘅苦瓜炒蛋，真係完全唔苦，加埋木魚嘅炒蛋味道勁夾，估唔到咁有驚喜。白鱔串燒勁厚肉嘅白鱔燒出嚟同坊間嘅鰻魚好大分別，肉質超級彈牙同埋充滿油脂，而且醬汁甜甜地，都幾夾。沖繩豬手豬手烹調時間十分足夠，令到豬手可以好淋，夠晒入味，食得出煮嘅過程有用到酒，令到味道更昇華。日式雜錦烏冬最後上嘅烏冬份量都唔細，有天婦羅蝦、蟹柳、菜、菇、溫泉蛋同雞肉，都幾多嘢食，夠晒滿足。總結餐廳喺同區來講算收費合理，食物質素亦都係高於預期，加上裝潢幾有特色，所以都會推薦比朋友黎試下👍🏻。…查看更多

📍玉子燒個玉子燒大大舊，一份有啲大舊真係好抵食，仲要上枱熱辣辣，加分加分！老細燒啲玉子燒冇燶，火力岩岩好，正！📍焦糖燒菠蘿一份有2串，有6塊，雖然唔係厚切菠蘿，但十分對得住個價錢！燒菠蘿咬落口甜得黎仲要勁juicy，冇overcook！仲要係feel到個菠蘿被厚敷左糖，啖啖都好甜好juicy！食完啲串串食返串菠蘿好解到甜膩💯📍牛舌個牛舌一咬落口係勁軟熟，仲要係juicy架！好少可一咬啖牛舌會流肉汁！個老細真係整得好出色，係我十分大推既菜式！大家去到呢間串燒店真係要人頭1串，最少！！！！！！！📍焗雜菇平時見啲串燒淨係賣蒜茸金菇，呢到既反而係央然粉焗雜菇，幾新鮮，份量多不在話下，但係幾surprise佢菇既種類都唔少，一次過食咁多款菇好開心🥳同埋呢兜菇唔會得個咸字（本身好驚啲菜一落央然粉就勁重手，完全食唔到本身野食既味）所以都推介大家去try雜菇！💯先唔講野食 ，環境黎講真係幾乾淨 又企理 啲抽油煙/通風位又做得幾足，真係要讚讚！港女潔癖寶貝絕對可以幫襯佢🥰成餐mami真係冇睇價咁叫，又海鮮又有飲啤酒，食唔夠又再叫，但埋單2個人$350唔洗，抵到爛，仲要真係食得出師傅有用心整啲野食，全部都above average！係元朗搵野食可以去呢間串燒店幫襯下！試下啲新開張既鋪發掘更多good food都幾開心😋…查看更多

一到夜晚熱死辣辣就好想啤啤佢 又點少得食串燒👅👅👅📍焱燒自家製叉燒串個叉燒串又真係港式叉燒黎 估佢唔到地又幾惹味！唔會太肥/太靭 個汁一啲都唔咸 必叫佢！！！📍椒鹽鮮魷魚鬚好香椒鹽味 食落冇燒到乾爭爭 份量少左啲 但$22黎講已經好值！📍燒焦糖菠蘿一咬落口好脆！果然coat左層焦糖係面 脆扑扑但又唔會太厚太甜 解膩一流！📍鹽燒牛舌心佢將啲牛舌切做一粒粒 再串埋做一串 好方便🙌🏽個人認為有啲重手 偏咸 但燒得一啲都唔老 爽口(⁎⁍̴̛ᴗ⁍̴̛⁎)📍鹽燒安格斯一口牛啲安格斯牛好淋 仲有少少juice 係入面 可以一試！反而呢串牛唔係好咸 會推介安格斯一口牛多過牛舌心啦😛😛📍原燒玉子呢個玉子串係好厚！啖啖都係玉子！同埋應該有落糖 好甜😋😋韮菜📍鹽燒鯖魚條鯖魚size可接受 都夠咸 mami鐘意沾埋佢自家製海鮮汁（明明已經係鯖魚 但mami就係堅持要沾埋佢個自家製汁汁 就是好食啦！但mami冇影兜汁 想試想見就自己去幫襯啦😛📍原條蒜香茄子成條茄子超足料 重蒜係基本 佢都好達到要求！重蒜重椒鹽粉夠曬重口味😘 整體黎講啲串燒都係即燒即上,真係好快啲食 因為冷氣好勁 好快凍！！！！但大熱天時就係要冷氣夠勁 先食得舒服架嘛😋😋 同埋勝價比好高 2個人食叫埋一人一杯大啤酒先每人$200 食到飽 超抵食🙌🏽🙌🏽鋪內裝修以霓虹燈為主 好岩打卡 👅👅…查看更多

🥢泰式拼盤（小）老闆話大拼盤同細拼盤唔同既位只係份量減半 同埋炸皮蛋會變做香茅雞翼一上枱成碟野都熱辣辣 岩岩整好就即刻上菜 啲小食全部都脆扑扑 味道都好有水準 隻雞翼咬落口好juicy 架！！炸蝦餅炸魚餅食落口又夠熱同脆 好興奮👅👅 🥢青咖喱雞+蒜蓉包個青咖喱唔包薄餅/飯 所以叫左蒜蓉包沾咖喱食青咖喱個人會覺得食多幾啖會辣，但fd子話一啲都唔辣啲雞肉可以話係海量 食極都有 反而豆角相對冇咁多 可以話係啖啖肉！蒜蓉包一上枱仲係熱辣辣！好欣賞！唔沾咖喱都勁好食 仲要一兜有5塊 2人份量好足夠 超抵食👅👅🥢馬拉盞炒通菜不過不失 係平時泰國菜既水準 夠油夠鑊氣 重點係份量好夠多！！！！ 讚讚(⁎⁍̴̛ᴗ⁍̴̛⁎)🥢芒果沙冰 / 青檸梳打特別想比credit芒果沙冰 好欣賞佢唔係太甜 係真真正正既芒果整出黎 飲落口都冇咁罪惡感強🤪🤪整體黎講呢間泰國餐廳都好有水準 但最值得讚既位係佢cp值好高 唔貴得黎份量都好足夠 埋單$300唔洗飽到傻仲要有埋野飲🥰…查看更多

🥢蝦仁粟米青瓜薯仔薄餅一張碟係十級大碟！！！！個薄餅真係大到呀媽都唔認得 無聊得滯用左apple ruler 度 成29cm 好crazy!!!!完全係4人份！！！講返味道，蝦仁唔係話特別多 但每塊都一定食到 最impress我既反而係入面啲青瓜！！！咬落口又脆又fresh 好有咬口 扑扑脆爽口到爆炸！超好食 佢薯仔底一啲都唔粉 好彩有青瓜 食落唔會覺得好快濟好快膩😋😋勁控食😋😋😋🥢乾鍋土豆片好夠辣！啲薯仔片又切得夠薄 食起上黎唔會太硬！仲要啲切片索返啲辣味 勁惹味！！！！！撈飯係一流架☺️☺️碟餸仲會連埋個火爐上 一邊食一邊keep到溫度夠高 又好食又好打卡able 煲野長期熱辣辣 冬天食一定更好食😚😚🥢水煮黃牛肉不過不失 但佢好既位係份量好足 又有好多粉絲係底 煮曬啲汁超好食 牛肉冇煮到好老 夠嫩 但冇上面2道菜咁吸引到我 可能出面餐廳都好易食到水煮牛肉🤪🤪 整體黎講我最滿意係個薯仔薄餅同乾鍋土豆片，真係唔係到到都食到呢啲咁正宗既菜 仲要係好食！！！！個價錢都係合理晚市價 所以今餐食得好滿意😋😋😋…查看更多

今次呢間一睇門口真係以為佢bar嚟 但點知原來又有啲日本野食下👩🏽‍🍼👩🏽‍🍼🙆🏽‍♀️💪🏽串燒🍢🥢日本黑豚五花腩🐷韓國五花腩食得多 呢款日本黑豚五花腩油脂相對重啲 鐘意肥膏人士一定要試下呢款 瘦肥比例大相4:6 食落口 成口豬油香 咁當然啦食得多就會覺得好膩 但串燒嘅好處就係份量細 一個人一串啱啱好👍🏽🥢雞軟骨呢串軟骨好實在 粒粒都係骨 無一粒係肉扮骨 調味都係鹽胡椒為主 🥢大啡菇一咬就bi曬啲汁汁出嚟 唔洗調味都覺得好鮮味🤩🥢翠玉瓜🥒串燒必嗌之一 果然無死 又厚肉又juicy 燒到啱啱好🥰🥢日本甜番薯🫘皮少少煙韌 入邊就軟綿綿 好啱做甜品🍰💪🏽乳豬腩片配欖油蒜蓉辣椒意粉🍝一聽就勁fushion菜 一於嗌嚟try下 意粉份量都幾足 一開始expect係脆卜卜個啲乳豬腩片🐷 但原來唔係 豬腩片口感都唔鞋 但調味就比較單一 意粉唔算辣 正體口味偏溫和 唔洗驚辣到食唔到🌶💪🏽螢光魷魚🦑食落口唔算腥 咸咸地 做前菜就啱曬了👍🏽整體嚟講 食物份量適中 但始終串燒都係比較油膩嘅野 食食下都食到勁飽飽豬🤰🏽 口味唔算重口味 比較照顧到大部分食客🙆🏽‍♀️ 環境都闊落 夜晚同朋友飲住酒 食下串燒🍢 正架都(⁎⁍̴̛ᴗ⁍̴̛⁎)…查看更多

Papadum胡椒薄餅黎講佢都好脆卜卜好埋好夠薄 絕對唔係成舊粉 面胡椒方面都落好重本 但我真係好唔食得辣 啪左2細塊已經比佢啲胡椒攻到自己🥵🥵Samosa (vegetable)佢係一舊好實的的既咖喱角 只係得2舊 同friend share一人一舊都feel到飽腹感🤯 如果一野啪2舊真係收得皮😶‍🌫️ 講返個味先，好濃厚既咖喱味，係濃到有小小太重口味，小咸既😶‍🌫️😶‍🌫️餡係薯仔同豆多 所以食完一舊真係好飽 啲咖喱薯仔塞飽左你😛蒜蓉烤餅真係值得一讚😋個烤餅係又熱辣辣又厚又香 平時啲烤餅我都好滿意 但估唔到有蒜蓉味會更加impress到我🤩個烤餅又唔會太淋但同時又好鬆軟 沾咖喱係一流架😋😋😋印式香料羊肉 / 瑪沙拉燴雞只係識分羊個個咖喱係辣啲 但又相對地香啲 羊肉比較淋唔老 雞就岩岩好 唔係話特別老或者嫩 但最impress既係個黃飯 每一粒都好乾好爽 一啲都唔油 撈埋啲咖喱汗唔會搞到啲米淋曬 very good good😚😚整睇黎講係港島區搵到$248/2位既印度菜包前菜頭盤main加野飲真係好抵 同埋餐廳都係印度人開 十分正宗 都值得推介(⁎⁍̴̛ᴗ⁍̴̛⁎)…查看更多

新魚柳漢堡配塔塔醬本身諗住黎食齋啲野應該都岩岩參參咁 但個bell一上枱又幾見得下人啵 係大大份既 擺盤都唔錯 有個bell加薯條🍟 嚿魚柳同fd食一齊試左幾啖 佢係咁話係魚 我係咁話呢到係食齋 冇可能係魚 但公道啲講 個魚柳又真係幾有口感 真係好似食緊魚 只係冇乜魚味咁解（放心 真係走左去問老細究竟係味魚 佢話係豆類製品黎 絕無肉類！係真心幾好食 份量都唔細 薯條都夠多架(⁎⁍̴̛ᴗ⁍̴̛⁎) 順帶一提 佢包皮係芝麻包 食落好香好脆 素食黎講真係幾成功 又似肉類 又好食 個樣又靚靚仔仔 唔似A貨🤪赤龍拉麵🍜拉麵同普通平時食個啲拉麵差唔多質素 冇伏既！而配菜係煎餃子 個餃子係店主自己人手包 餡係豆同蘿蔔多 實的的 可見老細唔手軟 起勢塞啲料入餃子皮 但食落好脆 好吃啦(⁎⁍̴̛ᴗ⁍̴̛⁎)整體黎講間食素黎講都幾多選擇, 啲野食款式都多元化 樣又靚靚仔仔 賣相都吸引 值得一去試下啦😚😚…查看更多

瑤柱蛋白炒飯個炒飯乾得黎又濕濕地 飯粒好夠乾身同油 粒粒分明又唔係勁乾踭踭 每粒飯都分得開唔會痴埋 一食落口好重鍋氣 都幾推介大家叫呢個飯😚 啲瑤柱好似唔洗錢咁 都幾多我食個陣啖啖都勁多瑤柱入口冇呃我感情🙌🏽🙌🏽 仲要兜野100蚊唔洗 係完全夠2個人食 一人啪左2碗架都😋😋（利申 真係清左成碟富貴黃金蝦🦐首先 佢啲蝦係新鮮蝦黎 因為咬落口唔霉 都幾彈牙爽口😌個黃金蝦好濃咸蛋味 配白飯係一流！如果齋啪會有啲咸啦！重口味既人應該會好like😏…查看更多

一開始俾呢間餐廳嘅外觀吸引住🍽 驟眼望好似一間bar🍻 再望真啲就見到部咖啡機 原來係一間cafe and bar 絕對照顧到唔同顧客嘅需要 靜靜地飲杯靚啡又得☕️ 夜晚想同朋友飲兩杯又得🍹至尊辣肉腸Pizza🍕有無人鐘意餅乾底嘅pizza呢(⁎⁍̴̛ᴗ⁍̴̛⁎) 我對餅乾底嘅pizza一啲抵抗力都無🤰🏽 感覺就好似食緊好多料嘅餅乾咁 口感有層次啲 同時又無咁易飽 呢個pizza用左車厘茄做底🍅 比起蕃茄 鮮味更加出 加埋拉絲芝士🧀夠曬滿足 辣肉腸份量都好足 唔係一片得一啖咁小氣 鐘意薄底pizza嘅必嗌啊👍🏽👍🏽👍🏽酥炸蒜香雞中翼🍗今場mvp 隻隻大大隻 超厚肉🍖 一咬落去超脆超juicy 好夠蒜味 店主話佢地用咗4-5舊完整蒜🧄去醃一份雞翼 重點係本身好怕醃完嘅雞翼痴住啲蒜粒去炸 食個時就會有啲燶咗嘅蒜粒 但呢間完全無呢個問題 實實在在嘅蒜味 舔舔脷👅😋😋黑松露芝士焗薯條🍟鐘意食薯條嘅baby可以一試 份量足 而且仲要係我最愛嘅粗薯 面頭有芝士🧀同黑松露醬 唔夠嘅話 仲可以點側邊嘅黑松露醬 食薯條最怕咩 最怕唔夠醬 但呢間真係良心到料又足醬又足 煙肉蘑菇汁長通粉🍝菇菇又係我最愛之一 雖然menu寫蘑菇汁 但一上都見到有唔少菇菇 一上菜趁佢熱辣辣 即刻撈一撈 每條長通粉都好掛汁 佢嘅汁偏稀少少 所以食個時完全唔會覺得好heavy🙆🏽‍♀️🙆🏽‍♀️美式肉醬意粉🍝經典意粉🍝 唔嗌唔得啦 雖然覺得呢個意粉無長通粉咁出色 但勝在有芝士 啲芝士加蕃茄真係perfect match 就算打卡影耐咗 啲意粉都唔會一patpat 因為呢間芝士落嘅量適中 打完卡 撈撈佢就啱啱好 超欣賞呢間店對配料掌控都好到位 🤰🏽👩🏽‍🍼雖然落多啲豬士睇落去邪惡啲 但無可否認 耐咗就會變一patpat🧏🏽‍♀️🧏🏽‍♀️整體嚟講 呢間絕對會再嚟 啲菜式其實都好常食 但食個陣真係feel到呢間店對食材選用同配料用量好用心🤰🏽👍🏽 加埋環境舒服 真係坐到唔願走 店家話明白大家嚟cafe都係想坐耐啲嘆下咖啡☕️ 下次一於再早啲嚟keke 希望有返晚市 可以再嚟chill過🕺🏾🕺🏾…查看更多

👉🏽日本南瓜芝士龍蝦二食個二食包2碗南瓜湯同埋一兜芝士龍蝦，唔係講笑！個南瓜湯真係幾一流幾好飲😗個湯真係好濃同埋煮到好棉！feel到唔係咪精南瓜湯！每碗仲搭一條芝士棒可以撩嚟食而個兜龍蝦係十級多龍蝦肉同埋佢唔係好重芝士味，反而係好重南瓜味！食落好甜架！除左有南瓜蓉，仲有啲蟹籽做topping！撈埋好好除左有南瓜蓉既棉，仲有龍蝦肉同埋蟹籽既爽口！真係唔錯唔錯🥰🥰同埋啲龍蝦肉都係好彈牙（佢隔離個side dish decoration 係龍蝦尾所以可以想像佢應該係新鮮龍蝦😂😂）呢個南瓜芝士龍蝦二食係有驚喜 同埋好值得食 因為佢咁岩$576半價$288有得叫(⁎⁍̴̛ᴗ⁍̴̛⁎)👉🏽日本產A4和牛海膽卷咁個A4和牛海膽卷一上枱有4件，每件係一口size 啪落口好方便(⁎⁍̴̛ᴗ⁍̴̛⁎) 啲海膽一啲都唔腥，都幾甜添架！同埋嗰啲和牛真係一啲都唔韌仲好嫩口添！果然係A4 和牛😚😚 但有啲美中不足既係佢上枱有啲啲凍 同埋貪心小妹會想海膽同和牛大舊啲囉^ω^👉🏽燒三文魚頭嗱呢個燒三文魚頭就真係夠熱辣辣啦！一上枱超香三文魚味♪(´ε｀ ) 加上個魚頭份量都多，個三文魚頭食極都好多肉，仲要個魚頭燒夠油之餘又唔膩！👉🏽黑松露大拖羅蓉卷今次個拖羅蓉卷有好香既黑松露味，入面既料係牛油果蟹柳同埋青瓜，啲青瓜抵觸左黑松露個種食得多會濟既感覺，所以啪曬1碟6舊都唔會好膩啦😚😚😚👉🏽北海道士多啤梨牛乳乳酸2杯特飲都好少女心 牛乳乳酸真係成杯都粉紅色色，連啲脆脆topping都好粉紅，好適合打卡！飲落口都有小小化學味既 但都可接受 咁靚咁粉紅！點都有小小化學味啦😛😛👉🏽蜜桃烏龍熊茶個熊茶係有出面係街買手搖既水準，都係甜甜的 唔係好濃烏龍味 不過佢舊冰係熊仔造型都幾cutecute 既 都係個句！打卡一流！野飲未去到好劣！入到口既！所以可以叫黎打下卡！😛😛…查看更多

👉🏽特色仙草百配叫左凍熱各一碗，個人黎講係比較鍾意凍！因為好似感覺上多啲紅豆同薏米！同埋凍食仙草比較涼啲同滑啲😙😙 一向康瑞既仙草百配都係鎖店之寶！係必食！而次次食都冇令我失望，薏米好多，芋圓好多粒架！！！真係勁足料(⁎⁍̴̛ᴗ⁍̴̛⁎)但美中不足係仙草唔夠多，可以再多啲🤪🤪🤪🤪👉🏽糖不甩啲糖不甩入面有花生/芝麻涵，唔係去到好流心但都有小小流質既感覺😋😋😋而出面除左有糖同花生，仲有椰絲！！！！所以真係好香架😙😙 覺得20蚊黎講真係算係幾值，但2個人食6粒真係唔夠架！！！！真係要人頭6粒先得架！！！…查看更多

天氣咁凍 最啱就係打邊爐 一班人恰下恰下就最開心架啦😍 今日食呢間就主打食椰子雞嘅 算係新嘗試🤰🏽 平時食開清湯麻辣 開頭仲有啲擔心食唔慣 點知有驚喜啊🙆🏽‍♀️👉🏾椰子雞鍋🥥🐥一上枱個陣本來係個吉煲加幾舊椰肉 心諗唔係咁hea我啊🤨 過多陣有個靚仔伙記拎咗張枝礦泉水同一碗椰青水 原來個鍋底係完全無落鹽🧂或者其他調味料 就係靠啲椰肉同椰青水仲有啲走地雞 未食過椰子雞嘅朋友都唔洗驚 靚仔伙記會教你點煮 聽佢講就無死架啦 原來要快煮到煲湯水滾 再熄火浸5分鐘 就食得架啦😮 本來仲好驚啲雞好肥 點知完全唔會😋 勁有雞味 又咬口得嚟又唔會鞋颯颯 雖然啲雞好快熟 但真係吸收曬啲椰青水 所以係咁食都唔會好漏🤰🏽👍🏽👍🏽👉🏾山水豆腐因為食雞好怕好漏 所以叫咗豆腐解解膩！呢個必嗌 一開始以為係普通豆腐 點知佢係有油炸過 出面個層超級爆吸湯 吸湯程度就好似日本啲油揚咁 一個人隊一份都得👉🏾雜菜拼盤🥬呢個就有啲失望啦 雖然都有4款菜 有蕃茄 油麥菜 生菜 同娃娃菜 但份量都偏少 但質素係唔錯架 可能有湯底加持 煮咩都好鮮甜👩🏽‍🍼整體嚟講 完全係發現新大陸 椰子雞絕對係一流 鮮甜得嚟唔會漏 可能因為好清甜 無蓋過啲食材原味 最後再次強調！山水豆腐超級巧味啊(⁎⁍̴̛ᴗ⁍̴̛⁎)👍🏽👍🏽👍🏽…查看更多

已經係第2刷金坊啦啦啦(⁎⁍̴̛ᴗ⁍̴̛⁎) 今次係食紅磡分店👅👅 見2人set 咁多野食又送湯又送飯 就叫左（$328 2人晚餐）👉🏽香茅雞翼呢碟雞翼真係今晚mvp，雖然佢叫香茅雞翼，但覺得似香酥雞翼多啲😛 食落無乜茅味，不過就咬落去幾多肉汁，炸粉唔會落得太多，食落去粉同肉嘅比例係做得唔錯，再配埋泰式辣醬真係perfect😚 而且份量仲好夠，有成八隻咁多，絕對抵食😋👉🏽碎肉生菜包（豬）估唔到泰國菜嘅碎肉生菜包都可以揀豬定係雞😲😲 生菜部係夠2個人分量；肉碎部分多到可以撈飯，好多洋蔥好多肉，幾好咬口，辣椒部分係夠既，友人話啲辣刺激到味蕾好爽，好好食😳 料多包起黎唔洗就住就住，啖啖肉都仲得呀！🤓🤓👉🏽沙嗲串燒（牛；雞；豬各2）上次係荃灣分店都叫左串燒，泰菜黎講串燒都係必點😚 個牛串比較韌，但友人食個串又話唔係，咁比中等評級個牛啦😌😌 而個雞同豬都好juicy, 唔會燒到過乾/過實，水準都保持到🤤🤤 每一串既肉都好足料，完全冇特別瘦or細粒！👉🏽冬瓜雞腳湯一開始都冇預個湯有咩特別，話曬2人set主打都係啲餸菜嘛🤓 一上枱每碗湯都有一隻雞腳，都覺得佢幾有心意既😏一飲落口，真係好好味呀！！！！！！！！！！唔係講笑，真心覺得兜湯好甜，係冇落味精既老火湯，仲要飲完好暖胃，宜家12月咁凍係好岩養生！🤪🤪 👉🏽炒鮮蝦金邊粉水準同荃灣分店差唔多！同樣都係超級大份超級足料，粒粒大蝦都好爽好彈牙😛食起黎都夠油，唔會淋曬一pat pat🤤🤤 但其他菜式出式啲，呢碟野略欠特色🤨👉🏽龍眼冰呢杯龍眼冰望落就知足料啦，本身都預咗會甜，但一飲落去無平時街邊嗰種糖水味，反而真係飲到龍眼嘅果香☺️ 龍眼又唔會話浸到已經淋哂，食落去都係爽嘅有咬口，好啱夏天小清新嘅感覺👍🏻👉🏽椰汁斑斕沙冰望落去成杯嘢綠色，啱哂斑蘭控😛 一飲落去椰奶味好重，斑蘭反而係少少滲咗入啲椰奶嘅味，個人覺得好match👍🏻 沙冰都係夠味，唔似平時啲廉價沙冰咁，嘢飲還嘢飲，沙冰還沙冰，兩者係有fuse埋一齊，呢種飲法幾新穎，絕對值得一試😋😋👉🏽斑斕糕點原來最尾會有斑斕糕點送，又幾surprise😚 食落口感比較實，唔係一pat pat, 我係幾like呢個爽口既texture😌 而個味都真係好重椰奶同斑斕味，同杯斑斕沙冰同味🤭🤭Overall 黎講雞翼真係排第一，真心誠意推介！因為真係好香酥夠juicy同熱辣辣🥳🥳 冬瓜湯比到驚喜我🤩🤩🤩 仲有大份夾抵食生菜包係值得一提🥸🥸 呢$328 2人set絕對唔係比2個人食，比3個人食都食到飽！真心抵食😘…查看更多

👉🏽西班牙辣椒仔見到隔離枱有叫呢個食 就跟！ 睇下咩辣椒仔咁把閉！當Tapas咁食🥸之前係西班牙食啲tapas 都好似空氣咁 一舊起2舊止 味都未試真就吞左落肚😮‍💨😮‍💨但呢間個tapas 估唔到係一碟既，都幾多既😗 話明辣椒仔都怕佢辣（重申多次我譚仔10少都怕辣個啲廢廢來🤭）但講真食落口一啲都唔辣，仲幾甜添！佢似係青椒但唔同既係 佢真係一啲都唔辣 又好淋好甜 明明有籽係啲辣椒仔入面 但真係一啲辣都食唔出 好appriciate😙😙 小菜黎講都幾好食 會明點解其他客會叫，我估係佢地啲signature?! 🤪🥰👉🏽西班牙墨汁飯食西班牙菜點可以唔叫Paella食！Paella係西班牙炒飯 都當係代表西班牙既野食😗 講真，兜野比我想像中細碟，因為西班牙一向2人份量既paella 大大碟但啲飯就鋪到好淺🥱🥱 但呢到既paella 反而係細細碟 厚底！所以我估份量都係咁上下架啦不過要2個人share就真係唔夠😗 個墨汁飯好得意，好甜好甜，陣味又好飲精華雞湯咁，好好味！再加上啲洋蔥煮淋曬，好甜又唔新辣！好吃啦！而海鮮部分都算多元，又青口又鮮蝦又硯肉又魷魚，係幾開心既！但硯略厭有啲腥，其他品質一律讚讚😙😙👉🏽伯爵茶焦香芝士蛋糕呢個對我黎講係一個昇華！呢個basque 到邊食再聞起上黎有好重伯爵茶味，唔錯唔錯😌 而咬落口其實好濃芝士蛋糕未，芝士愛好者可以黎呢到淨係食佢都夠🤪🤪 而個蛋糕真係好綿密，食落口唔會覺得有芝士粒粒未溶好，但又keep到好滑捋捋，真係幾好食架😚😚😚Overall 黎講呢間西班牙菜既食物質素係good good 唔食芝士既我都好滿意個basque 但main course 既分量真係偏少 同friend 黎食就唔好淨係叫一個main 喔😘😘…查看更多