👉🏾椰子雞鍋🥥🐥
一上枱個陣本來係個吉煲加幾舊椰肉 心諗唔係咁hea我啊🤨 過多陣有個靚仔伙記拎咗張枝礦泉水同一碗椰青水 原來個鍋底係完全無落鹽🧂或者其他調味料 就係靠啲椰肉同椰青水仲有啲走地雞 未食過椰子雞嘅朋友都唔洗驚 靚仔伙記會教你點煮 聽佢講就無死架啦 原來要快煮到煲湯水滾 再熄火浸5分鐘 就食得架啦😮 本來仲好驚啲雞好肥 點知完全唔會😋 勁有雞味 又咬口得嚟又唔會鞋颯颯 雖然啲雞好快熟 但真係吸收曬啲椰青水 所以係咁食都唔會好漏🤰🏽👍🏽👍🏽
👉🏾山水豆腐
因為食雞好怕好漏 所以叫咗豆腐解解膩！呢個必嗌 一開始以為係普通豆腐 點知佢係有油炸過 出面個層超級爆吸湯 吸湯程度就好似日本啲油揚咁 一個人隊一份都得
👉🏾雜菜拼盤🥬
呢個就有啲失望啦 雖然都有4款菜 有蕃茄 油麥菜 生菜 同娃娃菜 但份量都偏少 但質素係唔錯架 可能有湯底加持 煮咩都好鮮甜👩🏽🍼
整體嚟講 完全係發現新大陸 椰子雞絕對係一流 鮮甜得嚟唔會漏 可能因為好清甜 無蓋過啲食材原味 最後再次強調！山水豆腐超級巧味啊(⁎⁍̴̛ᴗ⁍̴̛⁎)👍🏽👍🏽👍🏽
