wow2yummy's Profile

Panipuri - 香料醬酥炸球波波入面係有啲薯蓉, 脆脆, 粟米粒., 石榴籽等配料，再淋上酸酸地嘅湯汁，幾開胃。 Momo - 尼泊爾餃子 (蒸)尼泊爾菜必點Momo ! 呢度最開心係有得揀豬/雞/芝士. 仲可以要蒸/煎。 呢排比較熱氣就揀咗蒸, 料就揀咗豬肉, 肉都幾多, 餃子雖然唔似中式咁會有湯汁, 但都幾好食, 辣椒醬微微辣, 都okFajitas - 墨西哥燒肉 (牛)私心推薦! 燒肉揀咗牛肉, 睇個樣以為比較乾身, 但食落又ok喎, 炒得好香, 所以成件事唔同哂. 呢道菜偏濃少少, 所以夾墨西哥餅食算係啱啱好.幾欣賞佢3款醬: 蕃茄莎莎醬, 牛油果醬同Sour Cream。 最鐘意蕃茄嗰款, 有少少香辣幾正。 牛油果醬應該係加咗少少香蕉同檸檬汁, 所以酸酸地帶有微甜"The Jungle" Curry咖哩都係有幾款選擇, 朋友揀咗雞肉。 咖哩入面主要係雞肉同薯仔, 味道唔錯夾墨西哥粟米薄餅啱哂。 Coco杯野綠色嘅! 一開頭諗係咪會中伏, 但飲落唔錯, 係熟悉嘅味道， 最後睇返menu應該係椰子水+班蘭嘅味。Tropical Smoothie佢係果汁類唔係沙冰類嘅Smoothie. 係由菠蘿, 芒果, 熱情果同雲尼拿雪糕mix埋, 味道唔錯, 想講兩杯飲品甜度都ok, 唔算好甜…Read More

香辣芝士八爪魚$145呢道菜少辣惹味, 芝士味道偏濃而且幾拉絲, 八爪魚食落爽口。韓式牛肉蛋捲 $135味道唔錯, 蛋捲偏鬆軟, 入面嘅牛肉比想像中嘅多, 食完幾飽下。 白切五花腩$298燒五花腩就食得多, 好少食白切, 肉質幾靚. 食得到佢嘅豬香, 而且白切感覺冇咁膩, 兩款醬料都唔錯, 幾提味, 包生菜等配料一齊食幾fresh, (生菜仲可以免費追加一份)魚介湯鍋 $257臨近秋冬開始想食鍋, 除咗幾款魚糕魚餅等, 都幾多配料: 有白蘿蔔, 菇類, 娃娃菜, 蛋等。 食完暖笠笠幾滿足 Yadllie原味手工生啤 $75朋友飲嘅呢款手工啤係以蜂蜜味為主帶有D花香, 幾易入口。香蕉奶米酒 $63出色! 香蕉奶同米酒好夾, 感覺幾溫和, 味道幾自然唔係糖漿/假香蕉味, 呢個組合酒精濃度感覺冇純米酒高 …Read More

醬油蟹醬油蟹勁多膏, 蟹肉鮮甜! 侍應姐姐將一半嘅蟹拎去撈紫菜飯, 另一半就就咁食。紫菜飯本身有麻油好香再加上邪惡嘅蟹膏蟹肉, 再擺上蟹蓋超打卡，連平時少食飯嘅朋友都忍唔住食哂!醬生蝦隻蝦幾彈牙，醬油味啱啱好唔會太重，有少少辣辣地唔錯韓牛生拌牛肉由韓牛，加上雪梨、蛋黃、蒜頭、麻油等撈埋一齊。以前向韓國都食過生拌牛肉，呢度麻油味冇咁重反而更突出牛味，雪梨清甜，加埋一齊幾清新。燒鰻魚(小)鰻魚肉質爽，芝麻葉嘅調味幾開胃，用佢嚟包鰻魚食冇錯牛脷牛脷比平時食到嘅厚身食落啖啖肉調味牛大排牛大排甜甜地，肉質軟嫩，好好食。飲品嗌咗生瑪克麗（Raw Makgeolli) 係新鮮米酒，酒精感冇咁強更突出米味，比一般嘅瑪克麗好飲最後仲有肉桂茶, 肉桂味濃, 入面仲有紅棗, 薑, 松子, 食完蟹驅寒啱哂…Read More

Money Rush (愛 責任 窮) 呢杯夾住錢造型嘅cocktail幾打卡, 事實上味道都唔錯, 幾易入口, 主要係偏蜜糖味, 但唔算甜Fein (欲) 飲落去一開頭係Cranberry味, 但唔藥水feel, 飲多幾啖就飲到血橙味, 加埋個造型幾有趣 welcome dishwelcome dish呢道前菜炸魚好香口, 連D骨都卜卜脆, 紫蘇mayonnaise幾特別，配cocktail送酒幾啱西班牙蒜油蝦蝦都幾爽口, 蒜味重咸咸地幾香, 加上應該係蝦片之類嘅脆片食係唔錯嘅龍蝦汁虎蝦忌廉意粉又一打卡之作! 最後一份好彩俾我嗌到。 龍蝦汁好濃好掛麵, 雖然濃味但唔膩。 虎蝦新鮮爽口, 朋友表示滿意原隻德國咸豬手外皮燒得好脆, 邊切開邊聽到外皮有幾脆, 都幾易起骨, 肉質都ok, 點埋mustard更開心。 薯條係粗條, 幾有薯仔味嗰種…Read More

香草醬烤焗羊膝配法式燉菜及乳酪 羊膝香草味濃, 食落啖啖肉唔會羶。兩個人好夠。 法式燉菜有意瓜同茄子, 都幾入味。 佢有兩款乳酪可以點嚟食, 一款應該係蘑菇嘅, 一款係青瓜薄荷嘅幾fresh自家製蒜香四川醬大蝦意大利粉 幾有特色! 四川醬有佢嘅醬香但唔算好辣, 大概係微辣程度, 個意粉幾掛汁, 好惹味!好好食!蝦都幾新鮮, 食落彈牙。咖啡拖肥榛子朱古力千層酥配香草雪糕 千層酥上有原粒榛子,咖啡同朱古力mousse, 朱古力mousse就咁食就偏濃, 加埋榛子一齊食幾香, 咖啡mousse幾濃厚突出, 加埋雲呢拿雪糕一齊食, 個味道就更溫和! Pina Colada Parfait 造型好精緻! 上層係法式千層酥, 有吉士醬, 菠蘿同青蘋果! 杯入面嘅檸檬啫喱酸酸地幾開胃幾fresh, 茶啫喱淡味D但味道又唔錯bo, 加埋雲呢拿雪糕, Rum酒菠蘿同青蘋果, 另外仲有D椰子碎碎同蛋糕, 整體味道幾好, 好適合夏天嘅甜品。 …Read More

Thai Suki 海鮮媽媽麵 ($178)泰式火鍋嚟. 湯底可以揀Thai Suki/冬蔭功, 今次試新野就揀咗Thai Suki! 呢個湯底係甜, 酸, 辣都有齊, 食落幾過癮, 配金邊粉好滋味。配料嘅海鮮好豐富, 有蝦, 魚片, 墨魚同泰式燒腩肉, 冇諗到燒腩肉同湯底幾夾。 浸完湯都仲幾香! 火山排骨 ($228)火山打卡造型係冇得輸, 肉質幾嫩, 用手都好易撕得開。 可以揀甜辣/酸辣口味, 揀咗酸辣, 算係小辣程度咁, 係幾開胃。餐廳好貼心地有提供手套同濕紙巾。泰式黃咖哩炒蜆($178) +香煎薄餅 ($48)蜆同黃咖哩味道唔錯, 好多隻蜆, 感覺食極都仲有咁。黃咖哩點薄餅真係一流, 想講啲薄餅熱定凍都一樣咁脆。飲品方面, 我就嗌咗椰青($52), 幾清甜, 椰肉都好易刮。 朋友就叫咗同埋泰啤Singha Beer ($42), 佢話食泰菜配埋泰啤先有feel 甜品當然要叫份芒果糯米飯($88), 芒果夠甜仲要厚切, 糯米飯熱熱地質感軟糯。 …Read More

Khaja Set即係尼泊爾小食併盤，分別有四款小食：Momo必食，呢間嘅Momo真心出色，調味同蒸餃濕度都做得幾好烤肉串好香嘅雞肉，唔知乜香料嚟但好好食Chatpate 尼泊爾版嘅媽咪麵🤣入面有啲青瓜、洋蔥粒配料，食落酸酸地，麵身夠脆，朋友食唔停口薯波薯仔波波幾易入口，調味都幾好Funky Money Signature Pizza呢度嘅Pizza都幾多款，因為懶得揀而揀咗Signature Pizza，但又唔錯啵。Pizza批底係正常厚度，料就有辣肉腸、墨西哥辣椒同牛肉，唔算辣但就好惹味😋加上厚厚芝士，推介Flaming Monkey為咗打卡而嗌！ 火焰夠勁，好有儀式感。呢杯Cocktail係以Rum酒做base，飲落西柚同Lime味重，幾Fresh。Passionate Love朋友嗌嘅呢杯係Mocktail，係由熱情果、芒果汁、檸檬同薄荷加梳打水，飲落清爽小甜，好解暑。.…Read More

呢度最開心係可以自選，$88可以揀1款肉 + 主食 + Sauce 同Topping。同朋友嗌咗份熟成牛同豚肉，兩款都出色。 慢煮熟成牛肉(並盛)+蛋白炒飯(+$6)+蘭王/夢王生雞蛋黃(+$6)+紅酒照燒汁 牛肉食落有陣陣烤過嘅香味，肉質軟嫩易入口，加埋日本蘭王/夢王生蛋黃同cream有加分。紅酒照燒汁濃度適中唔會蓋過肉味，幾欣賞佢嘅醬汁係溫熱嘅蛋白炒飯口味偏清淡，食落唔油，食得出炒底同蛋白香。 想講兩款飯都揀咗並盛(即係Regular Size)，個人唔算細食都覺得夠。慢煮極上熊本豚(並盛)+蒜香醬油炒飯(+$6)+蘭王/夢王生雞蛋黃(+$6)+芥末籽肉汁豚肉質感嫩同芥末籽肉汁好襯。 醬汁濃度都係適中，芥末籽味唔會好勁，有畫龍點晴嘅效果。 蒜香醬油炒飯係淡淡嘅醬油味同蒜香，推介!飲品有冷熱飲/啤酒/果汁酒等, 叫咗可樂同忌廉 (+$12/罐), 估唔到會俾冰杯, 幾誠意! …Read More

全港最平牛舌 $8/碟每人限叫一碟! 每碟有成十幾塊抵到爛😱牛舌好爽口。 忍唔住同個朋友一人一碟！蟹黃海膽月見飯 $148啖啖都係蟹黃蟹肉，海膽係北海道產嘅幾鮮，加埋蛋黃一齊撈飯食，極邪惡😋推薦🌟上·九宮格 $388每次嚟都會叫，乜都有啲, 有齊牛、豬、雞、魚，啱哂乜都想試嘅朋友和牛五花：油脂分佈好靚，入口即溶和牛三角腩：肉質軟嫩，牛味重加上油脂豐富，雙重滿足栗子豬五花： 燒完都好靚，兩面金黃、肥而不膩，豬味幾出活白鱔：肉質爽脆，朋友大讚手切牛頸脊： 肉味重有咬口鮮雞爽肉：雞味濃, 肉質爽口厚切牛舌芯： 都幾厚食落啖啖肉封門柳： 肉質軟滑, 牛味濃一口牛： 煙韌有咬口和牛三角腩 $188九宮格試咗呢款好好食，於是再散嗌多碟。 油脂分佈更靚，入口即溶！係是日MVP，超超超推薦🔥日式薯仔沙律（卡樂B) $38薯仔沙律幼滑，加埋青瓜洋蔥一齊食，幾清爽解膩！ 但重點都係on top嘅卡樂B同蟹籽😍 Sapporo 生啤 $48燒肉必須配啤酒，生啤做緊買一送一，圍返廿幾蚊咁大杯抵飲👍…Read More

去開hku嗰頭，向地鐵站附近搵食，見間呢間泰菜門口幾有feel咪試下，餐廳裝飾都幾有心思，由門口到餐廳內都唔少打卡位。椰汁雞湯（細）椰汁味濃入口溫和，配料有雞肉、秀珍菇、香茅、小蕃茄等。雞胸肉嫩同個湯好夾。鹹蛋雞翼邪惡嘅一味，雞翼沾上滿滿咸蛋黃好惹味！加上佢係單骨雞翼，食落方便，推薦😋茄子肉碎魷魚沙律第一次食泰式嘅暖沙律，肉碎幾香係生菜包嗰種，魷魚細細件但幾爽，加上茄子幾夾南瓜咖哩海鮮炒飯南瓜細細粒易入口，海鮮有蝦、青口、魷魚等，份量都唔少。炒飯嘅咖哩味幾香，味道適中唔會太濃，忍唔住食咗好幾碗…Read More

朋友帶路去咗間唔錯嘅中菜館，仲諗點解咁熟面口，原來前身就係中環三小漁嚟。 好彩朋友醒目有book檯, 加上我地都早食, 去到7點幾餐廳都差唔多full.呢度有幾款茶揀（桂花烏龍/碧螺春/陳年普洱），飲咗陳年普洱係唔錯嘅，有呢啲茶種嚟講$15/位算幾抵。竹炭黑金脆豆腐+百香冰心丹霞蕃茄仔撈埋百香果粒粒幾清甜開胃，豆黑金腐外脆內嫩, 呢個造型幾打卡。養生燉湯是日係烏雞湯，配料都幾多:有瑤柱、響螺、雞腳等，清清地幾夠味😋十年陳皮魚茸羹陳皮味幾香，食落啖啖都係魚茸同配料。 睇落唔大盅, 實質都幾多。六如潮香滷水鵝（例牌）滷水肥美, 肉質好嫩。滷水入味，唔點醋都好食。墊底嘅芽菜索埋滷水汁, 唔錯。千絲芥末蝦球（4只）蝦球好大舊, 食落爽口，表面嘅係芋頭脆脆，芥末汁唔會好勁加上有淡淡榛子味, 幾香幾特別！ 小河蝦油渣野菜粉絲煲粉絲炒到條條分明，有埋豬油渣更香，小河蝦味道都幾濃，幾惹味。桂糖香芒爆珠涼粉爆珠有驚喜！ 係用馬蹄做嘅，同出面食到嘅唔同。 芒果甜，涼粉係偏軟類似仙草嗰種。 餐廳幾貼心將桂花糖另上。本身個涼粉底係微甜， 加上桂花糖係多咗份清甜清香。…Read More

串燒間唔時都會食，菜式好多時都大同小異, 估唔到今次菜式有驚喜wo! 價錢又幾抵, $10-$20/串嘅選擇都幾多, 質素都唔錯。叫咗超多野食, 埋單先人均3舊水ja。🔸咖哩牛舌油炸鬼必試! 咖哩幾正宗, 少少辣咁幾惹味, 牛舌夠淋, 油炸鬼點咖哩汁真係冇得輸。🔸蟹粉日式豆腐豆腐味濃, 內裡夠juicy, 蟹粉味好濃郁, 每一啖都食到蟹粉同櫻花蝦, 滿足 🔸芫茜雞絲手抓餅手抓餅熱辣辣, 食落酥脆, 雞絲帶少少辣味, 加上新鮮芫茜refresh下, 幾有風味, 推介! 🔸黑松露燒雞肝 (上面嗰兩串）雞肝creamy, 味道濃郁再加上黑松露風味, 先$15, 抵食 🔸椒鹽+紫菜味 +泰式辣醬+九肚魚九肚魚炸得輕身配上小辣嘅泰式辣醬, , 幾過癮🔸白酒忌廉煮蜆清油煮蜆就食得多, 換咗做西式煮法有新鮮感, 蜆肉夠大隻鮮甜!🔸鹽燒芥蘭頭第一次食芥蘭頭, 食落係淡淡嘅清甜。🔸雞油炒雞毛菜香港好少可有得食, 用雞油炒完嘅雞毛菜幾香, 唔覺肥膩🔸鹽燒鮮雞皮超脆雞皮, 必點🔸紫菜鵪鶉蛋卷鵪鶉蛋味好出, 個人幾鐘意🔸港式蜜糖多士夾雪糕多士甜甜脆脆咁, 夾埋雪糕會一試愛上! 大推! 🔸汁燒雞隔膜 肉質緊實帶有少少咬口，都幾特別!🔸日式淮山 (配世一蛋黃醬)淮山粉感十足，輕輕煎炸完表面再點佢個蛋黃醬,當真係世一。 個醬點咩都好食!🔸桔仔薄荷梳打飲品都試咗好幾款梳打, 呢款比較特別, 薄荷好夠, 桔仔清甜幾fresh…Read More

本身幾鐘意蒲cafe， 今次嚟到合和中心附近嘅cafe，環境清雅，以粉藍色為主題幾夢幻。 但講到最特別嘅位都係佢嘅梯級座位，幾有feel。港式奶茶焦糖燉蛋 奶茶同Cream Brulee呢個組合幾夾，用埋黑白淡奶杯幾有風味。 奶同茶嘅味平均，口感嫩滑creamy，加上脆脆焦糖面幾好食。豆腐雪糕清甜有加分。港式菠蘿酸種包配鵝肝牛油 鵝肝牛油大大舊，食落鵝肝味重，口感細滑唔膩，配上菠蘿酸種包係豪華版嘅港式菠蘿油! 杏桃食到淡淡嘅rosemary清香，甜甜地幾開胃。手工日本山藥雞肉丸焗意粉山藥雞肉丸味道唔錯，口感軟硬適中，食得出係手工丸。芝士好足料，一叉起都超牽絲！椰子水咖啡 天氣開始熱，飲佢幾解暑。 味道清甜，黑咖啡唔會太濃，推薦!澳白咖啡 咖啡底味道唔錯，個人鐘意呢個濃度。靚靚拉花加上粉藍色茶杯同底碟更有feel…Read More

講起想食燒肉，就諗起呢度, 見佢呢排有台灣幾hit嘅威士忌烤肉醬幾特別。 今次食M5和牛套餐 (120mins)，每人會送一客(兩件)牛舌芯，有啲厚度但食落爽口鮮嫩! ! M5和牛都好高質，肉質嫩，油脂分佈均勻，肉香同油脂香好balance.另外仲食咗美國SRF極黑牛、安格斯牛小排、三角牛肩肉等，質素都唔錯。蘭王蛋月見牛隻蛋黃好靚好吸引! 不得不提威士忌烤芝麻牛舌片，食落爽口加上有芝麻一齊好香! 威士忌烤肉醬聽店員介紹呢個醬係由威士忌+糖+香料+其他調味料製成嘅。 威士忌香氣濃郁且帶有微微甜酸味，感覺清新又唔會蓋過食材味道，幾有風味，令到食材味道昇華。威士忌烤鳳梨內群柳 : 長過把間尺! (至少有18cm) 肉質軟熟~ 加上有鳳梨一齊甜甜地，推介!威士忌烤九層塔雞軟骨: 威士忌醬+九層塔味道濃郁，幾有台式風味威士忌烤辣味雞肉片: 少辣，雞肉嫩滑威士忌烤黑椒豬頸肉: 燒完冇咁油膩，食落香脆，黑椒味濃厚! 海鮮整體質素唔錯，食咗鹽蒜燒生蠔、帆立貝、虎蝦同威士忌醬烤鮑魚。 鮑魚鮮嫩爽口，虎蝦好大隻食落啖啖肉。另外仲食咗屏東燒魚腹，超嫩! 安平櫻花蝦飯 本身冇諗住食飯，但見有櫻花蝦、海苔同蔥幾吸引咁，而且可以自由搭配想要嘅口味，試下冇壞，點知真係好正。櫻花蝦油好香，櫻花蝦甜甜地再加上海苔同秘製滷水汁，不得了。 最後同朋友每人都食咗成大碗飯! 飲品除咗自助區嘅飲品，貪得意order咗杯威士忌冬瓜茶，濃濃威士忌味配上清淡少甜嘅冬瓜茶，小清新feel, 幾獨特。台式小吃嘅鴨舌都唔錯，幾入味甜品M5套餐送一人一杯哈根大師，仲要係大杯裝! 值回票價安平仙草芋圓: 仙草幾滑，芋圓好多仲要大大粒，口感軟糯薑汁芋圓豆腐布丁杯: 薑汁味濃，配上清淡少甜嘅豆腐布丁啱啱好…Read More

去開九龍灣，朋友話想食日本嘢，見到呢間日本過江龍感覺唔錯，有鍋物、天婦羅、丼飯等，加上價錢合理fit晒，今次試佢哋新出嘅冬季限定松葉蟹系列同一人前鍋物。松葉蟹丼定食 $98冇諗到呢個價錢可以食到松葉蟹鉗、蟹腳、蟹肉、蟹膏同三文魚籽😱 仲要份量都唔少㗎。松葉蟹肉鮮甜，蟹腳蟹鉗唔同部位試到晒唔同口感，蟹膏味濃配飯食好滋味❤️。定食嘅漬物都唔錯，同日本食到嘅一樣！陸空三拼鍋物 $92三拼有齊晒雞腿肉、牛五花同豬五花，滿足晒乜都想試嘅朋友。鍋底可以揀壽喜燒/鰹魚湯/胡麻擔擔湯底，配白飯/烏冬，醬汁可以揀柚子醋/胡麻醬。近排想食清少少就揀咗鰹魚湯，又幾入味，蔬菜、菇同豆腐唔洗沾醬都好夠味。雞腿嫩滑、牛五花嘅牛味重，豬五花爽口，幾好食。最後再用胡麻醬撈烏冬食，食完個人暖笠笠。天婦羅五點 $48分別有北海道產帆立貝、海老、春菊、茄子同南瓜。炸衣幾脆，海老本身都幾大隻多肉、南瓜好甜😋 。 第一次食帆立貝天婦羅覺得幾特別👍 點埋天婦羅醬汁唔錯唔錯！帆立貝茶碗蒸 $28蒸蛋滑就不在話下，除咗表面有兩粒帆立貝同冬菇，入面仲有帶子肉，幾有誠意。…Read More