醬油蟹
醬油蟹勁多膏, 蟹肉鮮甜! 侍應姐姐將一半嘅蟹拎去撈紫菜飯, 另一半就就咁食。
紫菜飯本身有麻油好香再加上邪惡嘅蟹膏蟹肉, 再擺上蟹蓋超打卡，連平時少食飯嘅朋友都忍唔住食哂!
醬生蝦
隻蝦幾彈牙，醬油味啱啱好唔會太重，有少少辣辣地唔錯
韓牛生拌牛肉
由韓牛，加上雪梨、蛋黃、蒜頭、麻油等撈埋一齊。以前向韓國都食過生拌牛肉，呢度麻油味冇咁重反而更突出牛味，雪梨清甜，加埋一齊幾清新。
燒鰻魚(小)
鰻魚肉質爽，芝麻葉嘅調味幾開胃，用佢嚟包鰻魚食冇錯
牛脷
牛脷比平時食到嘅厚身食落啖啖肉
調味牛大排
牛大排甜甜地，肉質軟嫩，好好食。
飲品嗌咗生瑪克麗（Raw Makgeolli) 係新鮮米酒，酒精感冇咁強更突出米味，比一般嘅瑪克麗好飲
最後仲有肉桂茶, 肉桂味濃, 入面仲有紅棗, 薑, 松子, 食完蟹驅寒啱哂
