keik1107's Profile

呢間尖沙咀長龍石燒牛店應該唔駛多介紹啦！之前晚晚黎親都一定要排隊先品嚐到，今晚剛好晚左收工，同老婆一齊去搵食，見唔算多人，一於試下店員先叫我地係門外自助落單機落單等左大約10分鐘就有位店內位置不太多，遇上繁忙時間可能要等耐少少我叫左店員推介既隔膜位置，黎到既時候已閒到香噴噴我同老婆都升級左套餐，包麵豉湯、沙律、飯、飲品燒肉時有個poster建議逐件切出黎燒，因為石板好食，如果一次過切好晒黎燒，肉就好易過熟燒到5-7成熟就剛剛好肉味濃，口感比較爽配埋白飯食一流！…Read More

星期六食乜好呢？上次去尖沙咀lab eat fine dinner實在難忘，今日星期六去開旺角又去試下旺角lab eat，感覺stylish and trendy，坐得好舒服，食物質素高又diversity，讓人好輕鬆好自在，好啱後生仔傾下偈。先來一杯moctail 走飲管粉紅色的玫瑰加荔枝梳打再配以lemon和百里香作伴，玫瑰清香，茘枝甜蜜，香草怡爽，一個好開始呢~前菜點了熱溶芝士莎樂美腸配鮮露筍羅馬生菜沙律配紅酒莎樂美腸配紅酒係絕配芝士配紅酒都係絕配一啖莎樂美，一啖紅酒，美味到文字不能形容，一定自己來試試，先知我講什麼。當然，酒不能獨飲，同朋友一路食一路飲，真係正。再來海鮮濃湯材料有蝦和魚，蜆和帶子，煮得剛剛好。味道真係又鮮又甜，濃厚度剛好，好好味牙。黑松露香草田螺法式多士多士好鬆脆，牛油好香，田螺幼嫩，cheers主菜慢煮八爪魚腳慢煮得好出色，八爪魚腳好淋，一切就開，好鮮味。上面搽咗將軍漢堡汁，好夾。又可以點熱情果芥茉醬，yummy再点了牛肉三重奏寬條麵由免治牛肉，牛柳和牛展加埋lab eat自家製的寬條麵煮成，好味道最後甜品同樣出色，有菠蘿布甸好清新，馬達加斯加雲呢拿雪糕好香，太好味…Read More

平日工作實在太忙，如果吾對自己好D，食好D，生活實在太沒趣了。所以每逢週未一定要happy hour，同朋友傾下計，食下D高質嘅野，享受下美酒佳餚，才叫不枉活過。今晚去了尖沙咀出名的高級日本料理『鮨真』晚餐。由手藝高超、態度認真的師傅，搜羅世界各地最合時的高級食材，精製最美味的刺身壽司和食，對著維港夜景，絕對是視味覺最高享受，實在難忘。先來一個螺作前菜，味道清甜爽脆，好鮮甜。跟著師傅切下幾片合時的蜜柑鯛，他說因為鯛魚吃蜜柑長大，所以魚肉帶有蜜柑甜味，先清吃一片蜜柑鯛，細味柑味，再來一片在岩鹽塊上輕卷一下，少少咸味帶出魚鮮，跟著卷起葱段，再嚐另一風味。之後再來四款刺身深海池魚，魚油十足，好香濃魚味。針魚，肉質結實彈牙，帶有甜味。新鮮鯖魚，配以薑蔥，好特別的味道和吃法。BB 吞拿魚，魚皮用火燒過，使魚油四溢，加吞拿魚味道香濃，正。金目鲷用火燒一燒表面，使魚帶有烧烤味，魚肉爽弹。凹貝，味道好甜，好新鮮。吞拿魚腩，好好味，魚入口即溶，魚香不停在口內徘徊，無得彈。獅魚壽司，帶有特別魚味，十分嫩滑。赤貝壽司，新鮮得在跳舞，味道鮮甜。釜山白蝦壽司，濃烈蝦味，非常黏口，好甜。北海道海膽壽司，好甜好香海膽味，吃後會笑的。三文魚子壽司，用酒醃過，非常甜，魚子非常鮮味。千葉縣鮑魚壽司，鮑魚味好濃，質感軟淋，非常好食。最後還有天婦羅(鲍魚，牛秋魚，茄子)和麵豉湯，非常出色。富良野蜜瓜，好甜牙。柚子雪葩， 解一解膩，好清新。總括，人生得意需盡歡，莫使金樽空對月。今晚非常滿足，好開心。…Read More

出色的西餐廳包含了多個元素：浪漫的氣氛，專業的招待，對食品高質素的追求，細心聆聽客人的意見，有取長補短的精神，正正就是今次我到Lab Eat Restaurant晚餐的經驗。話說有個朋友惠顧過此店後，向我和太太極力推介，但因我們看了網上的一些意見後，都半信半疑，為了看看我朋有沒有推介錯誤，我們就即管試下佢，試過後，非常驚喜，覺得之前網上的意見不中肯，此餐廳非常出色，為了向好餐廳至敬，決定為Lab Eat寫一篇食評，給大家參考參考。店舖位於尖沙咀漆咸圍附近，因為小弟當晚會喝酒，所以沒有揸車，選擇搭的士出入，但門口有待客泊車，而又近柯士甸道，行去佐敦地站或理工大學紅磡火車站都非常方便。店內播着柔和輕鬆的音樂，加上燭光晚餐，令我們吃得相當愉快。:)青蘋果碎鴨肝配芒果醬鴨肝跟鵝肝不同的地方是有彈性而不太油膩，Lab Eat 廚師煮得剛剛好，有鵝肝的軟滑細膩感覺，而又不會油膩，加上少少酸的青蘋果碎作引，和甜甜的芒果漿作結，喝一啖白酒，餘韻十足非常。黑松露什菌忌廉湯松露清香不會過濃，碎什菇菌好香，少少忌廉使湯更滑，出色。芝士碎配墨魚墨魚汁意大利飯意大利飯煮得非常出色，飯粒煙韌，帶有甜味，墨魚汁鮮味難以形容，墨魚有彈性，混合芝士咸香，出色。Lab Eat 此時奉上第二種白酒，帶有果香感覺清新，配搭慢煮黑毛豬都非常合襯。個人而言，不太喜歡慢煮，因為多數中伏。但Lab Eat 今晚煮得十分好，肉質粉紅幼嫩，好多肉汁，出色。甜品係心太軟，好美的花款伴碟，心太軟焗得出色。全晚花費，$1044超值。…Read More

生活情趣就是你氹下我，我又氹下你。因為太太知我平日工作實在太忙碌了，所以昨晚就book了一間在元朗很出名的高質素日餐廳來氹我開心。鮨文我地差唔多一年之前已經食過一次，果種感動，到而家仲回味緊唔好多講，先食前菜，茶碗蒸加入金薄、黑松露、帶子，除左好幼滑之外，仲好矜貴蜜柑鯛用蜜柑餵養，加上岩鹽，皮用熱水煨過，味道好夾，少少咸有層次平政魚爽口滑身，小小甘香，食後有餘韻深海池魚外皮經炭燒過，有炭香味加上池魚油香燒新鮮北寄貝清甜貝味，加上小清香橘子汁，帶出貝的鮮味合時秋刀魚用火燒過，上面加左炸過的大蔥絲、金泊、紫蘇花，魚油豐富野生吞拿魚魚味濃郁，加上wasabi帶出甜味吞拿魚面肉超過100kg的魚，勁香魚油，質軟鮫魚配海膽醬鬆脆，煎得剛剛好，海膽醬味道濃郁壽司：金目鯛炭火網燒過，上面加左藍寶石魚子，味道香濃，入口即溶石垣貝新鮮到上枱時仲會郁，好驚喜味道十分清甜斧山白蝦口感有少少張口，蝦味濃郁，强烈餘韻炸太刀魚，外脆內軟大拖羅魚油十足，魚肚位，有根但用刀界過和燒香，飯吸收魚油，入口即溶三文魚筋子師傅解說，筋子其實也是三文魚子，不過是新鮮從魚腹取出，故此魚子仍被卵膜包裹著，沒有經暖水沖去筋膜的程序，比一般加工處理過的魚子鮮味得多加上師傅用酒醃製過，鮮味中帶有香濃酒味海膽丼唔駛多講，一睇咁膨拜的海膽量，入口溶化，鮮甜的海膽，令人感覺好幸福右口魚手卷魚油多地要滴出黎最後甜品係靜崗蜜瓜，噴上威士忌，帶出甜味，為呢一晚劃上完美的句號…Read More

是晚約左同屋企人做節食飯，中菜當然係首選啦！我地揀左屋企附近既富臨食晚飯:)遇啱酒樓做緊優惠，有$28一隻頭抽走地雞唔係唔叫呀？隻雞比想像中大隻，雞肉肥美嫰滑醬汁亦好入味大澳香蝦骨呢個配搭好新鮮呀！有好香既蝦醬味，炸得好香口泰皇蝦球炒通菜:)又幾有皇國特色喎！有點似泰國餐廳成日食到既飛天通菜惹味我地另外仲叫左個孖寶套餐冬瓜盅夏日炎炎，消暑真係一流清甜可口你睇你睇，入面既料真係多到呢！豉汁蒸白鱔:)蒸得剛剛好魚肉嫰滑，肥美生煎包$38有6個，大大個，勁多肉汁白飯都唔駛叫啦喂4位食飯，埋單5百幾蚊，仲有半隻雞食唔晒要打包走抵食…Read More

今晚到了尖沙咀堪富利士道的The Grill Room剧扒，感覺輕鬆舒服，餐廳裝潢設計和氣氛好似附近諾仕佛臺地下的餐廳，但不會太擠擁，而且有種Private room 的感覺，不論二人拍拖或六七好友相聚都非常合適。今天点了三道菜1. 黑松露醬配帕爾瑪火腿温泉蛋鮮露筍沙律用咸香火腿配上清甜露筍，混合蛋漿和松露味道齒頰留香。2. 大蝦鮮茄扁意粉蝦肉爽脆有炭火味道，鮮茄味道濃，扁意粉煮得剛好，軟硬適中。3. 16安士安格斯肉眼扒，肉味濃郁，口感軟滑，好好食，以價錢評分超值。薯蓉加入牛油和黑松露，好香，好好食，十分出色。全晚消費六百多元，極抵食。…Read More

今天去咗建榮特色桑拿菜火鍋店晚餐，地點在屯門建榮街，即屯門工廠區投注站附近。由V-City西鐵站河田出口步行十分鐘就到，地點都算方便。因為店舖後面近球場，亦有公眾停車位，加上位於工廠區，晚上比較靜，所以揸車都ok。今晚點了三個小菜、一罐气水、一個白飯，誠惠$324港元。因為小菜非常大碟，又叫了蒸鱔，所以感覺消費十分便宜。而味道屬超好食舊大排檔味道，炒野有鑊氣，鱔蒸得剛剛好，浸菜清清地，全部都非常堅好食，而份量十足，所以實在值得推介，必加入小弟飯堂之列。豉汁炒鵝腸，好有鑊氣，大大碟，無得頂牙。金銀蛋莧菜，清清地試，有味而不太咸，出色。鱔蒸得剛剛好，豉汁味濃但不太咸，鱔肥而滑，正。…Read More

好開心牙昨天食日式烧肉放題，勁正牙。鳴橋燒肉在旺角砵蘭街，即朗豪坊向油麻地方向直行，地點勁方便，最啱三五知己放工去。有分吾同時段，今次我們是$218/位，再加$40食多六款海鮮或刺身。大路刺身，款雖不多，但好新鮮，放題更係要食好多刺身，吾冼俾面，勁叫牛肉勁多款，最啱我虎蝦新鮮，勁叫，吾冼客氣帆立貝大大隻，勁叫，吾好停一路食，一路同老友吹水，人生一樂也除了要叫大量肉食，日式熟食當然吾少得。有天婦羅、炸日式餃子、蟹子沙律和三文魚湯。還有我最like嘅apple cc是日惠顧$590，平平地，食咗好多款，好抵牙…Read More

十和田太美味了！今天突然想食日本野，就想到尖沙咀的十和田。之前都有去過，覺得D壽司勁好食，今天再去，覺得重好食過之前，好有驚喜。未入去已見人山人海好多人幫襯，等了一陣好快有得入坐。今天點了吞拿魚特盛，有大拖羅、中拖羅、赤身和碎吞拿魚腩卷壽司。大拖羅，好香吞拿魚味，魚油十足，好滑口。拖羅，好味。赤身，好滑身。碎吞拿魚腩卷，好香魚味三色丼，有碎吞拿魚腩、海膽、松葉蟹。碎呑拿魚腩，份量十足。海膽好新鮮，味道好甜。松葉蟹肉和糕，好鮮味。廚師特選，有十四款壽司，全部新鮮好食，特別推介海鰻壽司，牡丹蝦壽司，松葉蟹腳壽司。太美味了。…Read More

其實都唔係第一次幫襯呢間韓國餐廳啦！今日見涼左少少，同老婆執食個部隊鍋先佢地的部隊鍋都有幾款選擇，我地今次揀左海軍司令辛辣八爪魚鮮貝海鮮配料相當豐富有原隻八爪魚、鮑魚、扇貝、青口、蜆、蠔等等。。。仲有大量蔬菜、豆腐、韓式魚蛋、同埋烏冬:)煲滾之後加埋芝士入去食，湯味濃郁真係好正除左八爪魚十分爽口之外，最欣賞係佢個蠔，雖然細細粒，但好鮮味入口juicy呢度既炸雞差唔多係我地每次黎都會必叫的炸得好鬆脆配蜜糖醬簡直係perfect…Read More

今晚同朋友去左間樓上中菜館食晚飯我地叫左個6人餐揀左老火湯，今晚係冬瓜煲豬骨，幾清甜本身想點豉椒炒花甲，但今晚無花甲，就轉左炒蜆，蜆比較細粒，但味道不錯，不太咸，炒得幾惹味椒鹽九肚魚，外脆內軟，炸皮不會太厚雜果咕嚕肉，不會太肥，啖啖肉，酸甜度剛剛好勝瓜浸魚肚薑蔥霸王雞，雞肉幼滑，入味XO醬黑豚肉，黑豚肉肉質好林，好惹味如果多幾片肉就更好啦！另外我地加$50改左白飯做瑤柱蛋白炒飯:)花竹蝦係我地另外叫既，估唔到得6隻不過就好彈牙好鮮味…Read More

Oppaaaa~終於找到間好食嘅韓燒小弟好鐘意食韓燒，但自從賣飛佛尖咀新村BB蕉光榮結業後...唉~試咗好多間都找吾番一間好食嘅韓燒。昨晚好友食開年飯，就帶我試下旺角的「Oppa Korean Restaurant」，我們一行五人飯後都覺得好開心，好滿足牙。牛肉拼盤$458拼盤超抵食好大份，好多不同種類、不同國家的牛肉；有齊美國上肩胛肉、下肩胛肉和牛小排；再加日本A4背峰肉、上腦肉、牛肉眼、韓牛肉眼；還有澳洲和牛頸脊、和牛舌等。而且重好好味，燒起上來好香，食起上來好滑。和牛油脂滿溢，燒起上來香氣四溢，肉質細腻，味道濃而不散，我哋食得勁開心牙。跟着又点了豬肉拼盤豬排肉又淋又香，豬腩肉QQ地，我最鐘意夾埋D泡菜海苔生菜一齊食，yammy。店員服務態度好好，幫我地燒好D腩肉，又好細心禁剪開；再幫我地加泡菜蛋漿，好好味牙。另外，重叫咗一碟肉眼、一碗牛肉湯、一條尤魚、一泡菜餅。…Read More

哈哈，天寒地凍，最好就在家休息，一邊煲劇，一邊打邊爐。但在家打邊爐其在太、太、太麻煩喇。又要週圍逛，行來行去，返屋企又要洗，D水凍冰冰，不如出街食好過。出街打邊爐，我會去旺角上海街「喜煱亅貪嗰到旺中帶静，可以車泊門口。暖笠笠禁落街，揸架車仔，就泊門口，鎖匙fing fing下，輕輕鬆鬆禁去打邊邊。「喜煱」除咗方便，佢哋D海鮮同牛肉重好正添。價錢又抵，洗得又乾淨。真係食得高慶又放心。好，今晚幫襯叫咗本地手切牛一碟(細)其實一D都吾細。D牛肉又滑又嫩，LOOK AT THIS牛油平均分佈在滑滑的牛肉上，太美味啦。海鮮拼盤一個有海蟹、花竹蝦、大連鮑、扇貝、大蜆、大蟶子，份量十足，新鮮，正。什錦丸子一碟花枝丸，墨魚丸，魚丸，貢丸，牛丸。全部師父精心炮製，彈牙美味，真係無得輸。生菜一籃洗得乾乾淨淨，切到靚靚仔仔。總括，位置方便，食物質素高，價錢合理，會常幫襯。…Read More

噢，我的十和田太美味！小弟常常幫襯十和田，因為十和田嘅壽司實在太好食喇。餐廳位置又方便，係正尖沙咀金馬倫道。食飽飽之後，同老婆拍下拖，行下尖沙咀，好溫馨。今晚點了兩個餐廚師特選壽司和吞拿魚壽司拼盤還有三件散叫，海胆、深海池魚和油甘。yummy太太選了廚師特選，有十四件壽司加蒸蛋和麵豉湯心血來潮，突然好想食拖羅，所以小弟就選了吞拿魚拼盤，裡面有赤身、中拖羅、大拖羅和吞拿魚腩火卷。赤身，微微氨基酸，柔軟滑口；中拖羅，同樣軟滑帶小小油脂，好味；大拖羅，充滿吞拿魚魚油香味，歷久不散。火卷，魚油滿溢，好好食；壽司飯，帶有微温，提升了魚的香味，正。小弟好滿意再來油甘魚，帶有獨有的魚香，今天嘗到的未係太肥，等待冬天時再試。深海池魚，又係帶有獨特魚香，味道濃，今天試的都未係太肥，又等天氣凍D再試。海胆，味道甜和新鮮總括，小弟飯堂之一，必常來。…Read More