由V-City西鐵站河田出口步行十分鐘就到，地點都算方便。
因為店舖後面近球場，亦有公眾停車位，加上位於工廠區，晚上比較靜，所以揸車都ok。
今晚點了三個小菜、一罐气水、一個白飯，誠惠$324港元。
因為小菜非常大碟，又叫了蒸鱔，所以感覺消費十分便宜。
而味道屬超好食舊大排檔味道，炒野有鑊氣，鱔蒸得剛剛好，浸菜清清地，全部都非常堅好食，而份量十足，所以實在值得推介，必加入小弟飯堂之列。
豉汁炒鵝腸，好有鑊氣，大大碟，無得頂牙。
金銀蛋莧菜，清清地試，有味而不太咸，出色。
鱔蒸得剛剛好，豉汁味濃但不太咸，鱔肥而滑，正。
