Kylewong1011's Profile

入嚟嗰陣已經見到一排一排嘅海蝦，已經好想試吓捉蝦，好想一邊玩一邊食。今日夢想成真等我介紹吓啦！一開始員工好冇耐性同我地講解用乜嘢工具做啲乜嘢，又擔心我哋會有問題。例如教咗我哋鮑魚要先剪走個外殼，先再慢慢燒。一開始有一頭盤係鰻魚，超級好食，大家燒嗰陣記得慢慢燒，留返啲鰻魚汁！之後重點就係捉啲蝦啦，我有一個小秘訣，就係用工具篤吓隻蝦，如果佢嗱嗱聲彈走，就知道佢非常新鮮啦，咁我就用盡方法捉佢上嚟！不過大家小心，因為太生猛，好容易水花四錢，大家有需要帶定雨褸啦；）整體而言，海鮮新鮮，食物味道都唔錯，值得推介一試…Read More

今次係第二次去依間人氣好高既居酒屋，連閒日都爆場，想食既朋友仔記得去之前打個電話去book定先丫睇一睇餐牌先啦，呢間居酒屋除咗有各樣刺身之外，串燒緊加係不能錯過，皆因調味做得十分出色，而且更加主打有食豬內臟，鍾意試新嘢嘅朋友都唔好錯過先來個雞泡魚乾送下酒先，表面燒得有些焦脆，而內裏口感十分軟滑每次都有叫嘅mokumoku沙律，開胃一流，而且火腿片份量十足蘆筍豚肉捲，本人最喜愛嘅蘆筍，口感爽脆，而豚肉嘅肉汁豐滿，兩者好夾豬大腸串，外脆內軟，連埋芥末醬食一流芝士翠肉瓜串，滿滿嘅芝士十分邪惡，今次唔夾落肉到，夾落瓜類到，味道依然出色西班牙黑豚肩肉串，呢度嘅豬肉十分出色，本人覺得係必試，簡單嘅黑胡椒同鹽調味，已經好正厚切白金豚肉，厚切口感更加豐富，豚肉嘅脂肪燒得好香，美食當前，減肥再等聽日先😂當初第一次食，mokumoku仲係得一間舖頭，依家已經有兩間分店，證明質素食客係有目共睹，而我相信好快會再去食第三次👍…Read More

今日收工同同事去銅鑼灣搵間居酒屋食dinner，順便飲返兩杯relax下，甘岩大家都係愛食牛肉之人，經介紹下就去左位於登龍街既牛惣居酒屋餐廳既裝修用心設計，好有日本既風格，坐係吧枱緊加可以望住師傅烹飪美食，視覺一流依間居酒屋既牛串燒好出名，仲有專門食牛內臟，唔係到到有得食，一場黎到當然要試下首先叫返杯燒酒飲下，餐廳會根據季節引入唔同嘅口味，例如無花果，柚子等。而今次呢杯係咖啡口味，隨著入面嘅冰球融化，可以調節味道嘅濃淡刺身盛合，有三文魚帶子同海老，十分新鮮開胃咸牛肉飯團，飯團嘅表面燒得十分香脆，外層好似食煲仔飯啲飯焦咁，而入面嘅飯都經過調味，加埋外層燒香嘅鹹牛肉，味道好夾，正丫叫咗個精選牛三點，造型十分精緻，食法係將圖中間嘅燒牛肉用生菜包住，然後加入撈勻嘅蛋汁，食落味道層次十分豐富個人推介呢個必試嘅燒橫格肌Set，四款口味分別係蒜香，wasabi，蜜糖芥辣同黑燒，橫膈肌口感有啲似牛舌，口感適中，唔會太硬或者太淋，好有咬口，真係忍唔住要試曬四隻味，個人最喜歡嘅係蒜香同埋wasabi😋最後試埋呢個牛骨髓，小弟第一次食，師父嘅調味做得好香，牛骨髓嘅口感咬落去入口即溶，一試難忘😋總括嚟講，一般居酒屋有得食嘅嘢依到都有，而多咗一樣加分嘅係，牛類嘅串燒真係好齊全，而且更係主打食牛內臟，推介鍾意食牛同想試新嘢嘅朋友🐮🍻😋…Read More

呢排天氣凍，出親街都想打邊爐咁啱放假同朋友行開銅鑼灣，就去咗位於耀華街3號百樂中心3樓嘅胡爐到恰下恰下餐廳位置寬敞，每一台之間都有隔音板，保障私人空間，食得自在先黎個前菜，酸酸辣辣嘅木耳，十分開胃火鍋配料自行添加店員推介嘅新鍋底，名為金翅瓜蟲草花花膠雞鍋用料十分上盛，有魚翅，蟲草，花膠同雞等，直情成個鍋底都可以當湯飲，滋補養顏打邊爐又點可以冇海鮮食呢，叫咗一份馬刀貝同一份廣島蠔，份量十足，大大粒牛又係打邊爐必備，叫咗個胡爐牛拼盤，入面有我最愛嘅牛頸脊，雪花牛柳粒同肥牛片等，一個拼盤滿足曬食牛嘅慾望仲有個黑松露芝心牛丸，係人手打架，滿口黑松露味之餘仲十分彈牙入味總括而言，食咗咁多嘢兩個人埋單都唔使一千蚊，重點係個湯底睇得出十分用心制作，真材實料去煲，當湯飲完再打邊爐，雙重享受…Read More

疫情壓力下好耐都無出街食飯，今日終於頂唔順要同朋友出去打下邊爐，就去左新開既依間碼頭故事首先餐廳係新開，環境寬敞舒適企理，裝修以懷舊香港特色為設計藍本每枱均會提供花生及火鍋專用清油，依款清油係加入調味醬油當中，圴有提升鮮味之用鍋底叫咗個餐廳招牌牛油紅鍋，有得自選大中小辣，大大舊牛油，令到味道十分香濃，辣得過癮！叫咗個餐廳推介既安格斯肥牛片，牛味十分濃郁金牌牛黃喉，依款食材真係叫麻辣火鍋必備，食落爽口之餘，仲要十分彈牙，加埋麻辣嘅湯底，絕配😋手打墨魚滑十分爽口彈牙羊肉卷亦都係食麻辣火鍋必備之選！紅薯粉同基本上菜都係唔少得最後兩個人埋單一千蚊唔使，仲要食淨咗，有啲唔好意思浪費左食物，總括嚟講呢個價錢食到靚裝修，懷舊香港特色，加埋正宗麻辣火鍋，新鮮嘅食材，推介之選…Read More

上次嚟過呢間Mokumoku食完，一直念念不忘，今次嚟尖沙咀行街見到有間分店，二話不說就想去試吓，位於尖沙咀厚福街，好容易就搵到前菜小食-油漬蕃茄去皮切件嘅新鮮蕃茄，配上秘製醬汁，酸酸甜甜十分開胃刺身盛呢度嘅刺身好新鮮，帶子清甜，海膽味道濃郁，正丫安藝虎。純米吟釀食刺身串燒點可以唔叫返支酒飲下，啖啖蜜瓜既味道，入口嫩滑，配埋串燒簡直一流，而家做緊優惠，大支清酒仲買一送一，抵！煙燻豬腩呢個必點，真係好好味，濃郁嘅火腿味道，油而不膩，食唔停口雞翼串師傅嘅手藝好好，燒到外脆內嫩，鹹鹹甘香，將雞翼兩隻骨切開左，好方便食燒汁白菌第一次食呢隻菇，估唔到又幾好食，白菌好厚肉，爽口鮮甜😋豬生腸串呢度嘅豬內臟串燒都好出名，如果鍾意食內臟嘅朋友一定要點啊，配上少少柚子皮食更加一流豬皮串食落去嘅質感有啲似魷魚，好好咬口，一啲都唔會腥明太子茶漬飯食得太多重口味嘅嘢，點呢個茶漬飯黎食都唔錯，加埋啲明太子好清甜，解膩岩曬燒菠蘿食到最後點返個燒菠蘿都唔錯，又甜又多汁…Read More

太耐無得返大陸好掛住酸菜魚,見到APM隔離OPC 8/F有得食,仲可以順便打埋邊爐..一於試試佢!坐低就叫左呢個餐,一個價錢可以食咁到多野,仲要係火鍋放題真係好抵食!Order完之後就去拎飲品先,飲品除咗有一般任食邊爐店嘅罐裝飲品之外,仲有自家煲嘅竹蔗茅根,味道唔甜又好足料,食火鍋的同時有得下火，非常有誠意拎完飲品返嚟前菜亦都上左枱,分別有四款仲要一D都唔hea,尤其係個雞腳煮得好淋好入味，鹽酥雞炸得外脆內軟，另外泡椒雞翼尖辣得非常開胃，食曬成碟都唔夠至於刺身拼盤方面亦非常新鮮,三文魚係厚切,蝦同帶子都好鮮甜,好有驚喜係我仲回味緊個刺身嗰陣其中一個主角酸菜魚黎左啦!一上枱已經聞到好香,食落口真係覺得不得了..魚肉好滑同完全唔腥,調味亦做得岩岩好,唔太鹹亦有少少辣辣地好惹味..完全係食唔停口,搞到我仲想叫個白飯撈埋D汁食清晒個酸菜魚之後就到邊爐啦,我地叫咗麻辣湯底..個湯底好香唔會得個辣字!至於配料方面,牛肉唔會切得過薄油花亦好靚;牛肉味好濃..好食!海鮮全部都好大隻同好新鮮,個鮑魚仲識郁嫁添!食到呢度我已經好飽,總括嚟講呢餐非常有驚喜,食材新鮮味道亦都好好..十分推介…Read More

最近聽幾個同事都講開一鍋堂，又話好好味，有個又話食過幾次。果時心諗，火鍋放題都有咁好味？唔係都係嗰啲一般質素嘅咩，於是今日就決定去旺角分店試下，果然去到門口已經好多人排緊隊餐廳使用手機落單，非常方便先進叫咗個鴛鴦鍋底分別係麻辣湯同藥膳湯，麻辣湯辣得嚟又唔辣喉，推介！而藥膳湯底健康得黎又唔會話淡而無味出面有大量火鍋醬料畀你自行調教手機落單嘅時候，每款食物都好貼心咁顯示燙嘅時間，甘就唔會煮到老哂啦除咗有海鮮等貝殼類外，更加有原隻花膠估唔到牛肉方面連好少食到嘅封門柳都有，牛味一流！平時出面食，行行地二百幾蚊碟嘅牛小排都有好出名嘅黑松露墨魚滑出面除咗有啤酒同汽水免費任飲之外，估唔到連涼茶都有幾款係一鍋堂自行調教嘅，食完啲比較熱氣嘅火鍋再飲返杯涼茶即刻平衡番曬總括而言，食完之後終於相信同事所講既一鍋堂，係一間性價比非常高嘅火鍋放題…Read More

依排同女朋友鐘意去中上環尋找隱世美食，因為鍾意嗰邊嘅街道四通八達，每條街都有靚裝修嘅特色餐廳，最後去到孖沙街嘅時候，就畀呢間我愛慢煮嘅門面燈光吸引咗，決定入去一試睇一睇個餐牌，種類選擇多之餘，價錢都十分抵食，平均百零蚊就有一個主菜，連prime grade既靚牛扒都係一百蚊多啲先點個炸蕃薯條配上黑松露醬，外表炸得鬆脆，內裏鮮甜軟熟，非常好食然後叫咗個48小時羊後膝，絕對係心機之作。經過長時間嘅慢煮，入面嘅肉質非常鮮嫩多汁，外表香脆好味叫咗個平時好少食嘅法式豬鞍架，估唔到煮得非常入味，每一下咬落去都有爆汁嘅感覺總括而言，兩個人食埋單三百蚊到，呢個價錢係其他嘅西餐廳未必做到，絕對係好味抵食之選…Read More

依排女朋友返工成日開OT，決定接佢收工食返餐好既，經朋友介紹帶左佢上位於銅鑼灣澳門逸園中心18樓的漁獲浜燒。一出𨋢門見到既餐廳門面入面既布置設施同座位等都充滿日本氣息我地叫左個龍蝦二人前浜燒盛合，店員好細心地拎左隻活大大既大龍蝦比我地過目先，然後仲問我地想點煮，然後推介咗我地食一蝦兩味，下面再講同樣店主推介嘅日本清酒 - 天祿光臨300ml依款酒既果味較重，較少傳統清酒既苦澀味，岩哂女仔同少飲酒既人頭盤黎個沖繩風沙律，入面落足料，有帶子，三文魚，吞拿魚，等嘅不同刺身，加埋苦瓜，海葡萄，等既蔬菜，配上酸甜既醬汁，好味得黎又開胃！頭先我地既一蝦兩味，其中一味就係龍蝦刺身啦！隻龍蝦夠哂新鮮，鮮甜好味係必然既事！餐廳既鎮店三寶，親自調製嘅秘製醬汁，有酸有甜有辣，配上不同既海鮮黎食，正！浜燒盛合有生蠔，鮑魚，帶子同松葉蟹腳生蠔燒到半生半熟，口感一流之外，味道都係無得輸！帶子用上一隻係用清酒燒，另一隻用牛油燒，誓要衝擊你味蕾嘅感覺非常值得推介嘅一度菜，就係一蝦兩味嘅最後一道菜- 龍蝦味噌甲羅燒，充分利用龍蝦頭既肉，加上調味料去配製出另一道美食…Read More

今日本身相約朋友到尖沙咀飲酒傾計，點知臨時畀人甩底，結果自己去搵個優美寧靜嘅地方食下嘢，飲杯酒relax下， 上openrice睇過介紹之下決定去位於棉登徑嘅Time Park Lounge有傳統嘅餐牌同ipad餐牌，餐廳及飲品嘅款式非常之多重定期會有不同嘅推廣，今次係只要逢星期日24喺某社交平台上打卡就可以享有所有小食半價，十分之抵餐廳環境十分優美，每個角落都有不同嘅設計， 天氣熱熱地，先嚟叫一杯冰凍嘅啤酒降下溫， 放鬆下個人食物方面我叫咗本餐廳嘅招牌菜，自家製蟹肉脆燒賣，菜式嘅設計同擺款睇得出十分用心，打卡影相一流之餘，味道亦十分之好。咬落去滿滿嘅蟹肉填滿成粒燒賣，形成外脆內軟嘅口感，加埋三文魚籽同黑松露醬，原來燒賣都可以做到咁高貴嘅境界！Time Park 燴海鮮扁意粉菜式一嚟到嘅時候我以為去咗法國餐廳度食飯，擺設同樣十分用心精美，意粉上有大大粒嘅帶子海蝦同蜆肉等，配上特製醬汁，令人食指大動十分回味總括而言，雖然今次畀朋友甩底，要自己一個食飯飲酒。但餐廳絕對值得一班人或者小情侶去拍拖談心，皆因環境十分優美，坐得舒適寬敞…Read More

行開銅鑼灣搵食，見到有間餐廳裝修幾特別，畀佢吸引咗停一停，睇一睇餐牌係食日本嘢，就入去食個晚餐睇一睇餐牌，款式好多睇到目不暇給依到既和牛好似幾出名，揀左個即燒A4宮崎和牛肉眼扒，A4和牛果然名不虛傳配，除左牛肉味濃之餘，油脂比例分佈非常好，入口即溶好正！配上蒜片同岩鹽一齊食，味道提升！叫咗個特上手握壽司盛合，特別之處係，某幾款嘅壽司用上特長切片，口感提升大滿足！另外值得一提嘅係Firebird既鰻魚真係好好味最愛嘅厚切牛舌串燒，由於厚切關係，口感非常好，配上檸檬汁簡直係一流美食日本產雞肉辛辣烏冬湯底好正，辣得黎夠濃雜果水果茶清新健康好味兩個人埋單七百幾蚊，呢個價錢食到A4宮崎和牛同特上壽司盛合等，已經係絕對超值，值得推介…Read More

今日相約好友去旺角食飯，傾下男人經，揀左間居酒屋食日本野，結果又發掘到正野，要介紹介紹～餐廳安排咗個四人座位畀我哋兩個麻甩佬，坐得寬敞。有種一到享受美食一邊暢所欲言嘅感覺餐牌做得非常精美，圖片美觀之餘，簡單易睇日式涼拌汁煮茄子食個前菜開下胃先，呢碟茄子屬於凍食，配上酸酸甜甜嘅汁，醒神燒北海道魷魚筒我最愛嘅魷魚～隻魷魚真係好大隻夠曬兩個男人食～超值大蔥雞串村上居酒屋嘅食物非常多元化，除咗刺身，生蠔，壽司等等，仲有唔同款式嘅串燒燒羊扒啱啱燒完熱辣辣配上黃色芥末醬，每一啖食落都juicy到爆池魚刺身 店員悉心介紹我地點食，唔需要點豉油wasabi，取而代之係配上獨有嘅酸汁加蔥花去食，勁fresh！日本蠔味道有別於平時食開嘅歐美生蠔等，咬落非常creamy，有一種屬於日本蠔獨有既味道天婦羅蝦反卷自家製魚湯烏冬依個堅正，重點係個湯底魚味重得黎係好鮮，完全唔腥，好想飲哂啲湯佢清酒煮蜆總括而， 村上居酒屋環境寬敞坐得舒服，食物種類非常之多～可以話只要係日本嘢，你想食咩都有。非常適合一班人或者兩個嚟撐枱腳，值得推介…Read More

放假同女朋友去尖沙咀行街食飯買野，經開諾士佛臺即刻上openrice睇下食咩醫肚。見到有麻辣海鮮大咖，就即刻踩上位於諾士佛臺1號1樓嘅辣吧一打開𨋢門已經見到大大個招牌，櫃檯前面更貼滿明星光顧嘅合照，相信質素有保證睇睇餐牌，呢排做緊七點前同九點半後入座都有85折，可惜我地係8點半入座XD餐廳設計偏中國風，而食海鮮必備嘅濕紙巾同紙巾都有提供，而且經過精心設計，一睇就知係咩夠曬鬼馬haha重點來了，同女朋友叫咗個六款海鮮嘅海鮮大咖， 湯底揀咗小麻辣。海鮮會因應當日嘅時令海鮮作出調整，今日我地有蟹～魷魚～帶子～鮑魚～蜆～蝦同蟹柳，海鮮配上麻辣湯底，食出鮮味之餘，辣得夠開胃！海鮮都非常之新鮮，蜆肉同帶子大大粒，而蟹就爆哂膏～而我哋嘅套餐除咗有六款海鮮之外，重配上自選四款配菜，我哋揀咗薯條～蘿蔔～油麥菜同金菇最後兩個人埋單六百蚊鬆啲～呢個價錢食到六款海鮮加四款配菜，仲有色香味俱全既麻辣湯底絕對超值…Read More

今日同朋友一行六人去鯉魚門食海鮮，平時黎親都係夜晚，下就黎真係第一次。聽人講位於鯉魚門海鮮區嘅南大門個景係獨一無二，就決定試下依間！南大門位於黎鯉魚門牌坊較入嘅地方，想望住無邊際海景食海鮮就要畀多少少耐性行入嚟餐廳裝修有別於一般鯉魚門餐廳，用上大型落地玻璃設計，坐擁180度無邊際海景！望住呢個景食海鮮，無論一班人定兩個拍拖黎都冇得輸海鮮需要到隔離嘅海鮮舖自行選購，揀咗個蟶子用上豉椒炒既煮法，味道濃而不膩，正！椒鹽炒鮑魚冇得頂！平時食鮑魚通常都係蒸多，椒鹽炒第一次，鮑魚咬落外脆內軟，好想食多隻！呢度嘅椒鹽鮮魷用上條狀型嘅切法，唔會一大嚿咁放入口到，味道一流，店員推介佢係呢度嘅招牌菜之一～上湯龍蝦伊麵，真正新鮮嘅龍蝦係唔需要用芝士去掩飾佢嘅鮮味，就好似呢度菜咁， 龍蝦肉大大舊食落夠彈牙夠鮮味，簡直係人間極品個人最喜歡一定係呢個鹽焗奄仔蟹，因為本人係螃蟹怪魔，最鍾意食蟹。呢度嘅奄仔蟹大隻就不在話下，用上中分嘅切法，一打開隻蟹打側睇，成個巨無霸漢堡包咁！爆曬膏！！同平時食開細細隻自己蒸嘅奄仔蟹完全係兩個級數！再黎個一魚兩味，班頭腩同班肉炒西蘭花， 大大碟六個人都食唔曬，魚味極鮮令人一再回味最後店員送上木瓜芒果等水果總括而言，鯉魚門海鮮食得多，一般食既裝修就係冇咩裝修，而南大門主打無敵落地玻璃，同海洋無邊際咁接觸住食海鮮，實屬難忘享受另外海鮮新鮮就不在話下，煮法因應海鮮而作出調整，好味道極之餘又唔會遮蓋食材原有嘅鮮味，值得推介！…Read More