Fatty Cony's Profile

又再同朋友到這間刨冰店，上次食完抹茶焦糖忌廉後大家都好回味想再試第二款刨冰。今次係試士多啤梨蜜柑味同點左碗日式熱抹茶。今次呢款刨冰面頭有香甜士多啤梨醬，底層有日本蜜柑。蜜柑超香甜 至於抹茶，離遠已經陣陣飄香，抹茶味甚濃！店員會拎埋熱水到你既位，即場幫你沖泡，別有一番風味！ …Read More

同老公走去大角咀食小菜，呢間店好大下，原來連來發都係佢地既。服務就真係好一般，似足大排檔。要咩冇咩，自己動手啦唯有。點左3樣野，萬發石頭飯、枝竹火煵豆腐煲同海味粉絲雜菜煲。一黎到o 左嘴，好大碟兩個人係冇可能食得哂！石頭飯：好香、好多料，有冬菇、雞肉、蝦。仲有瑤柱碎。不太乾身。幾好食海味粉絲煲：好多粉絲同菜。海味就冇咩，得幾條魷魚蘇、蝦米。份量勁大！枝竹火煵，好夠味同火喉。不過火煵咸左d除左冇services 之外，其他都ok!…Read More

公司係呢區都冇咩邊幾間叫做好食又唔多人既日本料理，　今日有同事生日，　所以黎左呢道慶祝食飯。間店係係ＭＥＧＡ　ＢＯＸ對面, 店舖門面不大,唔係坐到好多人。有一個OUTDOOR 既AREA可以坐，　不過大熱天時，　我就唔會選擇＠＠至於午餐選擇都幾多下，好多ＳＡＳＩＭＩ既ＬＵＮＣＨ　ＳＥＴ，　亦有烏冬　ＳＥＴ。本人就選左個汁燒銀雪魚定食，　份量都唔係少。有兩塊魚，　叫做唔錯。包左漬物，蒸蛋，沙律，麵豉湯。味道方面，　條魚係幾滑。不過始終唔係西京燒而係汁燒，　我覺得個味仲差小小。但其實係唔差既。麵豉湯　－　不太咸，　麵豉味岩岩好，唔會太濃利申：本人係極愛西京燒銀雪魚的仲有甜品（雪糕／橙汁）一杯…Read More

百樂中心有樓上好多餐廳, 間中都有D 驚喜。今日又去試樓上小店, 唯一唔好既係食飯時間等佢部電梯真係等到你傻。間餐廳只有幾張檯，　人不多。坐得都舒適，　好多人係道坐好耐閒聊都幾ＲＥＬＡＸ同朋友點左個ＳＥＴ　ＤＩＮＮＥＲ- 香草芝士焗波士頓龍蝦配血腥瑪莉意粉 加左個雞翼三重奏。前菜包左個沙律，Ｄ　菜係好新鮮，　可惜太多醋，　酸到爆:(:(其實個雞翼三重奏, 只係面頭加左D 汁, 個底係一樣。D 酸, 一個就酸酸地, 一個係少少辣, 一個有DD咸。熱哄哄新鮮炸的，　只不過係不夠特別而已，普普通通。至於主菜香草芝士焗波士頓龍蝦配血腥瑪莉意粉，　原來個汁係有少少辣，　有Ｄ　似蕃茄味。個龍蝦配埋ＣＨＥＥＳＥ，　係一流。份量都幾大。餐飲包花茶－　叫左杯紫露凝香（好大陣ＬＡＶＥＮＤＡＲ味），好清新，唯一唔好既係隻杯同個ＰＯＴ　係用一個，要飲拎起個時好易燙傷。　…Read More

第一次坐最高個層, 個VIEW真係一流。假日去赤柱飲野同HEA必選之地。我地一人叫左一杯ＦＲＵＩＴ　ＳＭＯＯＴＨＩＥＳ。一杯係ＢＡＮＡＮＡ, 另一杯係STRAWBERRY, 不過好似甜左小小, 個味就不錯既。點左個小食- CRAB CAKE, 雖然係細左小小個SIZE, 不過好新鮮, 味道配合得好好。不太SALTY, 好有蟹肉味。佢地仲做緊個LIMITED TIME　OFFER，我見人人都叫左個法式燒春雞，　只係＄８８＋１０％。真係好抵，　成隻雞都幾大，　燒得幾香脆。肉質都幾嫰最後就係肉醬意粉，　份量都幾大。好味！…Read More

日本痴又出動去試日本野, 今次係位於銅鑼灣既新開日本刨冰店。間店雖然細一共得四五張檯, 所以上次黎排隊排到痴左,所以冇試到。今次星期四晚相對少D 人, 即刻有位。同朋友叫佢一個抹茶忌廉焦糖刨冰, 真係好大個。面頭有好RICH既日本抹茶，　中間係焦糖刨冰夾左Ｄ粒粒焦糖。味道超一流!小店係由日本人主理, 雖然得兩個人, 服務不錯,對於我黎講加哂分。下次要試埋佢既梳乎厘!…Read More

又去試天后既野食，呢間應該都開左好耐下。今日做人地第一檯客，未開舖就入左黎。環境一流，配襯住舊式收音機、流聲機等擺設，別一番風味。叫左兩個set lunch , 咖哩蝦球飯、慢煮三文魚個魚好普通，冇咩特別，蝦球飯都ok，不太辣、蝦都新鮮。野飲就真係麻麻地，特別係凍橙茶，似檸茶多d。沙律反而好好味，超鮮甜！ …Read More

之前睇Facebook 有人話佢係十大，我就覺得普通。個米線好粗，質感怪怪地，份量唔多。羅白唔夠入味、有根。個酸辣都做得不錯既，但油左d。墨丸唔夠爽口，水餃都係普通。成件事係普通米線一碗，唔係太明點解係10大。加上衛生環境都有點差。唔會再黎。試過就算。價錢又唔平，三送都$43包野飲。…Read More

天后附近新開既餐廳- ASAP，　次次都係經過，冇入過去試。今日終於去試左，間舖原來都幾大，檯與檯之間都有一段距離，　坐得都幾舒服。點左個咖哩吉列黑豚滑蛋蓋飯同炭燒雞脾意粉配燒汁　＋凍咖啡同凍朱古力。個粟米湯都幾好飲，　好多粟米粒粒同味道夠濃。至於沙律就夠新鮮配上清新既柚子汁，　不錯。加左＄８要左呢杯凍朱古力真係唔多ＯＫ，　個味好淡。得個甜字，完全冇朱古力味ＬＡＷ凍咖啡就比凍朱古力好小小，　不過個咖啡味都係太淡同甜得滯。咖哩吉列黑豚滑蛋蓋飯　－　個黑豚好好味，　係豬柳整既，　好ＪＵＩＣＹ　又冇咩肥肉。加埋咖哩汁送飯一流！炭燒雞脾意粉配燒汁－　個汁太多油，　好怕咁油既野，　個味道都不錯既。Ｄ雞食得出係炭燒, 面頭燒到岩岩好有小小炭燒味道, 肉質都嫩。…Read More

搜索一輪，決定試下上樓的pasta 店。樓下排隊搭lift上去都幾麻煩，排長龍，得兩部電梯，因為上面全部都係食肆。間店都唔係大，一眼睇哂，同埋d位都幾迫下。可能人手不足，所以叫人落單都等左好耐。同朋友點左兩個意粉，一個焗菠菜煙三文魚闊麵、一個黑松露醬鮮帶子意粉。味道真得不錯，特別係鮮帶子意粉，帶子好新鮮，不會over cook 配合黑松露醬，值得推介 至於三文魚意粉，係乾左少少，夠creamy 同有好多cheese但可惜既係出餐時間太耐，等左差不多40mins價錢就真係唔貴既、如果唔趕時間既都ok…Read More

人地開左兩日，我就去足兩日為左去試每日限定的日本桃芭菲今次仲要叫埋lunch set ,九州蕃茄汁海鮮意粉同抹茶忌廉latte個set包埋salad同粟米湯。粟米湯超濃同杰，沙拉都ok。個意粉其實味就唔差，不過怪怪地既係個意粉好似湯煮咁，勁多汁但唔似人地出面個種。係水汪汪的。海鮮都ok新鮮唔係梅既。而抹茶cream latte,就真係勁cream,差唔多大半以上都係忌廉，茶味夠濃。係肥d 最後就係我引頸以待既日本ももパフェ個桃堅係日本桃仲要應該有一個份量，超甜同juicy 。上面有一球雲拿拿雪糕同桃味雪芭，中間夾左米通、忌廉同最底層既雜果。係就係貴d，$120個。但有日本直送桃，值回票價順帶一提，今日服務好過尋日好多，staff開始熟練點運作，唔會俾錯野，或者埋完單簽卡唔記得俾張卡你。同埋開始多人等位了可能遲d想食要大排長龍…Read More

見張VIP 月底到期，就去試下佢間餅店既tea set。話說今期話係做日本主題，我呢個日本痴諗住冇死啦，應該會幾好食。加上次次幾日前打去訂都話冇位:(今次早兩星期打去訂位，去到reception 三個staff企哂係道，成兩分鐘都冇理我地，叫佢又唔應。跟住先帶我地入去，坐係yamm 入面。個staff叫我地係menu 入面選飲品。其中有frothy matcha latte同 iced matcha latte。我地問其中一位男staff 個frothy matcha latte 係咪熱飲，佢話係沙冰。心諗有點怪，佢話係就照叫啦。黎到竟然係熱綠茶咖啡。拎黎個staff被問點解係熱飲，係天然呆。話杯野係熱既。當堂覺得無奈，五星級酒店的staff竟然唔知自己公司賣緊咩:(個set送左個宇治綠茶，但完全飲唔出綠茶味，好似飲水咁。個set個樣係靚既，但每層既野食，真係差到冇朋友。個鬆餅，淡而冇味，食唔出綠茶味，而且食到成舊麵粉咁，乾到爆。朱古力蛋糕加上綠茶醬，口感奇怪，硬掘掘。最好食既只係咸點（相對地），即係最底個層，但都唔係太特別。而中間個層既甜品，太普通。完全食唔出綠茶神祽。整體真係堅差，要食tea set不會再黎。價錢仲要唔係平$415如果正價。…Read More

星期六晚約左幾個fd係呢道食飯閒聊，7:30就到左。間店唔太大，一眼望哂，但都算坐得舒服。點左個香草忌廉煙三文魚闊麵同bbq rib set dinner 加個焗雞翼。跟餐包埋湯、沙律同野飲。先講個雞翼，係幾香，不過嫌佢冇咩味。所以都只係一般。餐湯呢就係意式雜菜湯，味道岩岩好，不太酸。主菜方面，兩個份量都相當大。闊麵好creamy,有好多煙三文魚。麵質好咬口到個rib， 真係勁大份，又唔算太辣，好入味，估佢唔到。三個女仔兩個set夠哂飽！但估唔到既係間野8:30pm 已經last order, 10:00 收工，我地都好surprise ! 好少係銅鑼灣收咁早。不過店主都好好，我地傾到十一點半先走，都冇趕我地。埋單都只係$150 個人，性價比好高，一定會再黎！…Read More

我呢個日本痴，係人地第一日正式開張就黎朝聖一番。店內環境舒適，食物種類繁多。我諗只係芭菲都有起碼幾十款！仲有set lunch 選擇，價錢亦不貴，大約$78-100左右已經有湯，salad 湯同主菜。由於今日上黎前已經食左午餐，所以就和老公點左兩杯芭菲。士多啤梨菠蘿同芒果菠蘿雪糕芭菲。首先講呢個士多啤梨菠蘿，面頭有好多新鮮士多啤梨菠蘿，加上雲呢拿同士多啤梨雪糕。味道配搭超好！雲呢拿雪糕中仲食得出係用雲呢拿籽做，比起香油味道濃好多。而士多啤梨雪糕就有果肉係中間，中間就係米通加士多啤梨果醬夾住cream同哈蜜瓜、蜜瓜。所有生果都勁新鮮好味！而芒果菠蘿味個底層士多啤梨個個一樣，但上面個層就係芒果雪芭加雲呢拿雪糕。面頭生果就係菠蘿加芒果，一樣係新鮮同甜！可惜既係可能岩岩開未有每日限定既日本蜜桃直送芭菲，唯有下次試！…Read More

新開左一排既韓國TOM N TOMS CAFÉ，想去試一排，　終於試到ＬＡ。但間店都幾細同迫，ＣＡＦＥ黎講坐就唔多舒服。叫左個吐司ＳＥＴ　－　蜂蜜奶油吐司（皇牌）加杯野飲（冰柚子茶）蜂蜜奶油吐司－　焗得幾脆同香，配合埋蜜糖同ＣＲＥＡＭ的確幾好味，不過就細份左小小。冰柚子茶　－　雖然係ＳＴＡＮＤＡＲＤ野,但佢沖得幾好飲但價錢黎講就幾貴下, 要成$ 70 呢個SET。係就係韓國過江龍, 但貴過韓國好多。性價比差D…Read More