今日終於去試左，間舖原來都幾大，檯與檯之間都有一段距離， 坐得都幾舒服。
1
1
點左個咖哩吉列黑豚滑蛋蓋飯同炭燒雞脾意粉配燒汁 ＋凍咖啡同凍朱古力。
個粟米湯都幾好飲， 好多粟米粒粒同味道夠濃。
至於沙律就夠新鮮配上清新既柚子汁， 不錯。
加左＄８要左呢杯凍朱古力真係唔多ＯＫ， 個味好淡。得個甜字，完全冇朱古力味ＬＡＷ
凍咖啡就比凍朱古力好小小， 不過個咖啡味都係太淡同甜得滯。
咖哩吉列黑豚滑蛋蓋飯 － 個黑豚好好味， 係豬柳整既， 好ＪＵＩＣＹ 又冇咩肥肉。加埋咖哩汁送飯一流！
炭燒雞脾意粉配燒汁－ 個汁太多油， 好怕咁油既野， 個味道都不錯既。Ｄ雞食得出係炭燒, 面頭燒到岩岩好有小小炭燒味道, 肉質都嫩。
1
